დღე: ნოემბერი 29, 2023

,,რუსეთის დაუსჯელობა და წარმატება აუცილებლად წაახალისებს ახალ აგრესორებს და ეს შეიძლება მსოფლიოს ნებისმიერ წერტილში მოხდეს”,- ამის შესახებ აშშ-ის სახელმწიფო მდივანმა, ენტონი ბლინკენმა განაცხადა. მისი თქმით, მოკავშირეებში არ არსებობს კითხვის ნიშანი იმასთან დაკავშირებით, უნდა გაგრძელდეს თუ არა უკრაინის მხარდაჭერა. „უნდა გითხრათ: როცა მაგიდის ირგვლივ ყველა ჩვენს კოლეგას ვუსმენდი, ყველა ლაპარაკობდა უკრაინის ძლიერი და გრძელვადიანი მხარდაჭერის საჭიროებაზე. ზოგიერთმა დასვა კითხვა, უნდა გააგრძელონ თუ არა შეერთებულმა შტატებმა და ნატოს სხვა მოკავშირეებმა უკრაინის მხარდაჭერა… პასუხი დღეს ნატოში არის ძალიან მკაფიო და ურყევი: ჩვენ უნდა და დავუჭიროთ მხარი უკრაინას. იმის უზრუნველყოფა, რომ რუსეთის აგრესიული ომი…

კრემლის განცადებით, ფინეთ-რუსეთის საზღვარზე პოლონური ჯარის განთავსება დაძაბულობას გამოიწვევს. პოლონეთის ეროვნული უსაფრთხოების ბიუროს ხელმძღვანელის იაცეკ სიევიერის განცადებით,  “მოკავშირეთა მხარდაჭერის ოფიციალური მოთხოვნის საპასუხოდ ჰიბრიდული თავდასხმის ფონზე” ფინეთში სამხედრო მრჩეველთა გუნდს გაგზავნის. ,,ეს არის აბსოლუტურად ზედმეტი ღონისძიება საზღვრის უსაფრთხოების უზრუნველსაყოფად, რადგან იქ არანაირი საფრთხე არ არსებობს. ფინელებმა ნათლად უნდა იცოდნენ, რომ საზღვრებზე სამხედრო ნაწილების კონცენტრაციის გაზრდა ჩვენთვის საფრთხეს შექმნის”, – განაცხადა კრემლის სპიკერმა დიმიტრი პესკოვმა.

გერმანიის საგარეო საქმეთა მინისტრის, ანალენა ბერბოკის განცხადებით, უკრაინაში მიმდინარე ომი საზოგადოების თვალთახედვიდან ქრება და ეს საბედისწერო რამ არის. „ჩვენ ვხედავთ, რომ უკრაინაში მიმდინარე ომი საზოგადოების თვალთახედვიდან ქრება და ეს საბედისწერო რამ არის. უნდა გავაგრძელოთ მუშაობა, რათა უკრაინას ჰქონდეს დამცავი ფარი, რომელიც დაიცავს ქვეყნის სამოქალაქო ინფრასტრუქტურას ზამთრის პერიოდში, ვინაიდან რუსეთის სამიზნეს კვლავ სამოქალაქო ინფრასტრუქტურა წარმოადგენს“, – განაცხადა  ანალენა ბერბოკმა.

უკრაინაში მებრძოლი რუსი გენერალი, სავარაუდოდ, ნაღმზე აფეთქდა. გენერალი ვლადიმერ ზავადსკი ხერსონის ოლქის მარცხენა სანაპიროზე მდებარე კრინოკის ოლქში დაიღუპა. გენერლის სიკვდილის სხვა ვერსიებიც არსებობს.  მეორე ვერსიით, 28 ნოემბერს ზავადსკი ლიკვიდირებული იქნა ხერსონის ოლქის მარცხენა სანაპიროზე მდებარე კრინოკის რაიონში. სავარაუდოდ, მას ცეცხლი გაუხსნეს უკრაინული BTR-82A-დან. არსებობს ალბათობა, რომ რუსეთის შეიარაღებულმა ძალებმა შური იძიეს უმაღლეს სარდლობაზე იმის გამო, ისინი წინასწარ განწირულ შეტევაზე გაუშვეს და მიატოვეს.

აშშ-ის შემდეგ პრეზიდენტად დონალდ ტრამპის არჩევა ევროპისთვის კატასტროფული იქნება, – ამის შესახებ გერმანიის თავდაცვის მინისტრმა, ბორის პისტორიუსმა ბერლინის საგარეო პოლიტიკის ფორუმზე განაცხადა. მისი თქმით, თუ აშშ-ის მოქმედი პრეზიდენტი ჯო ბაიდენი ხელახლა აირჩევა, ეს „ბევრად უკეთესი“ იქნება. „ამას თუ გააკეთებენ, ალბათ ვერ შეძლებენ ევროპაში ჩართულობის იმავე დონის შენარჩუნებას. ეს ნიშნავს, რომ ევროპელებს ნატო-ს ფარგლებში მეტი პასუხისმგებლობის აღება მოუწევთ“, – განაცხადა ბორის პისტორიუსმა.  

რუსეთი მოლდოვას რუსეთის საწინააღმდეგო სანქციებთან შეერთებისთვის, საპასუხო ზომების მიღებით დაემუქრა. ამის შესახებ საგარეო საქმეთა სამინისტროს სპიკერმა მარია ზახაროვამ ბრიფინგზე განაცხადა. „მიგვაჩნია, რომ ეს არის კიდევ ერთი მტრული ნაბიჯი, რომელიც მიზნად ისახავს რუსეთ-მოლდოვური ურთიერთობების განადგურებას. ეჭვგარეშეა, რომ ეს ჩვენი მხრიდან უპასუხოდ არ დარჩება“, – განაცხადა მარია ზახაროვამ. ცნობისთვის, მოლდოვა შეუერთდა რუსეთის წინააღმდეგ სანქციების ოთხ პაკეტს. როგორც მოლდოვის საგარეო საქმეთა და ევროპასთან ინტეგრაციის მინისტრმა ნიკუ პოპესკუმ განაცხადა, ქვეყნის ხელისუფლება იკვლევს სხვა ანტირუსული ღონისძიებების მხარდაჭერის შესაძლებლობას და განიხილავს თუ როგორ იმოქმედებს ეს ეკონომიკაზე.

“უკრაინას გადაწყვეტილი აქვს აღადგინოს კონტროლი საზღვარზე 1991 წლის ფარგლებში და არ წავა რაიმე კომპრომისზე რუსეთთან”, – ამის შესახებ უკრაინის საგარეო საქმეთა მინისტრმა, დმიტრო კულებამ ნატო-უკრაინის საბჭოს სხდომამდე განაცხადა. მან დაადასტურა, რომ ესმის მოსაზრებები “რუსეთთან შეთანხმებასა” და “დათმობებზე”, მაგრამ ამის შესაძლებლობა კატეგორიულად გამორიცხა. ,,ჩვენი სტრატეგიული მიზანი – 1991 წლის საზღვარზე კონტროლის აღდგენა – უცვლელი რჩება და არაფერი შეგვიშლის  ხელს მის განხორციელებაში. ადამიანებმა, ვინც ამას გვთავაზობენ, უპირველეს ყოვლისა, იგივე უნდა შესთავაზონ თავიანთ მთავრობებს – მისცეს ვინმეს თავისი ტერიტორიის ნაწილი, თავისი ხალხი. დაე, გააკეთონ ეს და ვნახოთ, იქნება თუ არა შესაძლებელი ამაზე საუბარი”, –…

ხერსონის ოლქის ოკუპირებულ ნაწილში, იმ შენობაზე დარტყმა, რომელშიც იმ დროისთვის რუსი ოფიციალური პირები თათბირს მართავდნენ, დარტყმა განხორციელდა. ამის შესახებ ინფორმაციას უკრაინის ეროვნული წინააღმდეგობის წარმომადგენელი ავრცელებს. მისივე ცნობით, ადგილობრივებისგან მიიღეს ინფორმაცია, რომ  დროებით ოკუპირებულ სოფელ იუვილეინში სამხედრო მაღალჩინოსნები იკრიბებოდნენ. თავდასხმის დროს ხუთი რუსი სამხედრო მაღალჩინოსანი დაიღუპა.

რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა, რომ არ გამორიცხავს შეიარაღებულ კონფლიქტს რუსეთის ფედერაციასა და ნატოს შორის. მისი თქმით,  ურთიერთობების გაუმჯობესება აღარ იქნება შესაძლებელი. კითხვაზე, მოსალოდნელია თუ არა შეიარაღებული კონფლიქტი მომავალში, რიაბკოვმა განაცხადა: „ჩრდილოატლანტიკურ ალიანსზეა დამოკიდებული. არჩევანი მთლიანად ნატოს მხარეზეა”. “არჩევანი მთლიანად ნატოს მხარეზეა. ჩვენ მზად ვართ, როგორც უკვე ვაჩვენეთ, დავიცვათ ჩვენი ეროვნული ინტერესები ყველანაირი საშუალებით. არ მგონია, რომ რუსეთსა და ნატოს შორის ურთიერთობა ამა თუ იმ ფორმით უახლოეს მომავალში აღდგება. ეს გამორიცხულია როგორც პრინციპული, ისე პრაქტიკული მიზეზების გამო. თუ ვინმე დასავლეთში ფიქრობს, რომ ეს ურთიერთობები ჩვენ გვჭირდება და…