დღე: მაისი 15, 2023

საქართველოში გახსნილ საარჩევნო უბნებზე თურქეთის ოპოზიციონერმა კანდიდატმა ქემალ ქილიჩდაროღლუ გაიმარჯვა. საინფორმაციო სააგენტო Anadolu-ს ინფორმაციით, პარალელური დათვლით, დათვლილია ხმების 100%, რომლის თანახმადაც, ქემალ ქილიჩდაროღლუს 63.58%, რეჯეფ თაიფ ერდოღანს კი 31.34% აქვს. მათივე ინფორმაციით, საქართველოში მყოფ თურქეთის მოქალაქეთა შორის აქტივობამ, 43.93% შეადგინა. 1013 საპრეზიდენტო ბიულეტენიდან 8 გაბათილდა. წინასწარი მონაცემებით, თურქეთში საპრეზიდენტო არჩევნების მეორე ტური გაიმართება, რადგან 50%-იანი ზღვარი ვერც ერთმა კანდიდატმა ვერ გადალახა. ერდოღანს ამ დროისთვის 49.42% აქვს, ქილიჩდაროღლუს კი 44.95%.

,,კანდიდატის სტატუსთან დაკავშირებით ჩემი ქვეყნის პასუხი იქნება – დიახ. თქვენ მიიღებთ კანდიდატის სტატუსს შემოდგომაზე, როდესაც ვნახავთ რეკომენდაციებს ევროკომისიისგან,”- ამის შესახებ დანიის საგარეო საქმეთა მინისტრმა, ლარს ლოკე რასმუსენმა ქართველ კოლეგასთან, ილია დარჩიაშვილთან ერთად გამართულ ბრიფინგზე განაცხადა. მისი თქმით, საქართველო რეკომენდაციებსა და გადაწყვეტილებებზე დაფუძნებულ  კრიტერიუმებს თუ შეასრულებს, დანია მხარს დაუჭერს კანდიდატის სტატუსის მინიჭებას. ,,საქართველოსთვის მნიშვნელოვანი დროა. მოქალაქეებმა დიდი ხნის წინ ცხადად თქვეს, რომ მათ სურთ ევროპული მომავალი. ისინი ამ მიზანთან უფრო ახლოს არიან, ვიდრე ოდესმე. დანია მხარს უჭერს საქართველოს ევროპულ მისწრაფებებს, რომელიც ეფუძნება ადამიანის უფლებებს, კანონის უზენაესობასა და დამოუკიდებელ დემოკრატიულ ინსტიტუტებს. ასე…

აშშ-ის ომის კვლევის ინსტიტუტის შეფასებით, რუსეთის უკრაინაზე მზარდი და რეგულარული საჰაერო თავდასხმები ბოლო დროს, სავარაუდოდ, არის მცდელობა, შეარყიოს უკრაინის შეიარაღებული ძალების კონტრშეტევაზე უახლოეს მომავალში. მათივე ცნობით, რუსულმა ძალებმა 19 აპრილის შემდეგ უკრაინის მასშტაბით, განსაკუთრებით უკანა რაიონებში, სულ მცირე 10 დარტყმა განახორციელეს. ახალი საჰაერო კამპანიის დროს რუსული ჯარები იყენებდნენ ბევრად ნაკლებ ზუსტად მართვად რაკეტებს, ვიდრე 2022 წლის შემოდგომაზე და 2023 წლის ზამთარში უკრაინის კრიტიკულ ინფრასტრუქტურაზე მასიური დარტყმების დროს.   როგორც ჩანს, რუსულმა ძალებმა დიდწილად ამოწურეს ზუსტი მართვის რაკეტების მარაგი. უწყების ცნობით, რუსული ძალები ბევრად უფრო დამოკიდებულნი გახდნენ ირანული წარმოების შაჰედის დრონებზე. უკრაინის…

უკრაინის პრეზიდენტი, ვოლოდიმირ ზელენსკი გაერთიანებულ სამეფოს ეწვია. ინფორმაციას თავად ზელენსკი ავრცელებს და წერს, რომ ვიზიტის ფარგლებში ქვეყნის პრემიერ-მინისტრს, რიში სუნაკს შეხვდება. ,,დღეს – ლონდონი. დიდი ბრიტანეთი ლიდერია, როცა საქმე ეხება ჩვენი შესაძლებლობების გაფართოებას მიწასა და ჰაერში. ეს თანამშრომლობა დღეს გაგრძელდება, მე შევხვდები ჩემს მეგობარ რიში სუნაკს. ჩვენ გვექნება მნიშვნელოვანი მოლაპარაკებები პირისპირ და დელეგაციასთან ერთად”, – წერს ზელენსკი ტვიტერზე.

სერბეთის მოსახლეობამ დაახლოებით 13 500 იარაღი ჩააბარა მას შემდეგ, რაც ორი მასობრივი სროლის დროს 17 ადამიანი დაიღუპა. ამის შესახებ სერბეთის პრეზიდენტმა, ალექსანდრ ვუჩიჩმა განაცხადა. „მე ვამაყობ ამ ქმედებით და შედეგებით, ეს მნიშვნელოვანია ჩვენი მოქალაქეების უფრო დიდი უსაფრთხოებისთვის“, – განაცხადა ვუჩიჩმა. მან აღნიშნა, რომ 8 ივნისამდე მოქალაქეებს შეუძლიათ დაურეგისტრირებელი იარაღის ჩაბარება და სასჯელის თავიდან აცილება. ვუჩიჩმა კიდევ ერთხელ მოუწოდა ყველა მოქალაქეს, გადასცენ როგორც უკანონო, ისე ლეგალური იარაღი და ხაზგასმით აღნიშნა, რომ 8 ივნისის შემდეგ ხელისუფლება მკაცრ რეაგირებას მოახდენს და ჯარიმები იქნება უზარმაზარი. ამნისტია 8 მაისს მას შემდეგ გამოცხადდა, რაც 13 წლის…

უკრაინის შეიარაღებული ძალების გენერალური შტაბის ინფორმაციით,  რუსეთმა ომის დაწყებიდან დღემდე,  დაახლოებით 199 460 ჯარისკაცი დაკარგა. გენშტაბის ცნობით, რუსების სამხედრო დანაკარგი ასეთია:​ ჯარისკაცი – დაახლოებით 199 460; ​ტანკი -3 759; ჯავშანტექნიკა – 7 336; საარტილერიო სისტემა – 3 137; სარაკეტო სისტემა – 562; საზენიტო საბრძოლო სისტემა – 316; თვითმფრინავები – 308; ვერტმფრენი – 294;ოპერატიულ-ტაქტიკური უპილოტო საფრენი აპარატი – 2 720; საკრუიზო რაკეტები – 973; საავტომობილო ტექნიკა და საწვავის ავზები – 6 034; გემი/ნავი/კატარღა – 18; ​ სპეციალური აღჭურვილობა – 407. მონაცემები მოიცავს 2022 წლის 24 თებერვლიდან ამ წლის 15 მაისამდე პერიოდს.

წინასწარი შედეგებით, თურქეთში, სავარაუდოდ, საპრეზიდენტო არჩევნების მეორე ტური გაიმართება. საპრეზიდენტო არჩევნებში რეჯეფ თაიფ ერდოღანს 49,24% აქვს. მეორე ადგილზეა ექვსი ოპოზიციური პარტიის კანდიდატი ქემალ კილიჩდაროღლუ – 45, 06%-ით.  მესამე ადგილზეა სინან ოღანი – 5,28%-ით. წინასწარი მონაცემის თანახმად, საპრეზიდენტო არჩევნებში არცერთი კანდიდატს 50%-ზე მეტი გადალახული არ აქვს. საპრეზიდენტო და საპარლამენტო არჩევნების საბოლოო შედეგები 19 მაისს გამოქვეყნდება. თურქეთის სახელმწიფო სააგენტო „ანადოლუს“ ინფორმაციით, ამჟამად დათვლილია საარჩევნო უბნების 98%-ზე მეტი. ჩანიშვნის შემთხვევაში მეორე ტური თურქეთში 28 მაისს იქნება და ერთმანეთს მოქმედი პრეზიდენტი რეჯეფ თაიფ ერდოღანი და ქემალ ქილიჩდაროღლუ დაუპირისპირდებიან.

„ერდოღანმა ხალხისგან ნდობის ხმა ვერ მიიღო. საზოგადოებაში ცვლილების სურვილი 50%-ზე მეტია“,- ამის შესახებ თურქეთის საპრეზიდენტო არჩევნებში გაერთიანებული ოპოზიციის კანდიდატმა, ქემალ ქილიჩდაროღლუმ განაცხადა. მისივე თქმით, არჩევნების მეორე ტურშია უცილებლად მოიპოვებს გამარჯვებას. „ჩვენ აუცილებლად გავიმარჯვებთ არჩევნების მეორე ტურში. არავინ უნდა იყოს აღტაცებული შესრულებული საქმით. არჩევნებს აივანზე ვერ მოიგებ“, –  განაცხადა ქილიჩდაროღლუმ. ცნობისთვის, თურქეთში გამართული საპრეზიდენტო და საპარლამენტო არჩევნების საბოლოო შედეგები 19 მაისს გამოქვეყნდება. თურქეთის სახელმწიფო სააგენტო „ანადოლუს“ ინფორმაციით, ამჟამად დათვლილია საარჩევნო უბნების 98%-ზე მეტი.