რუსულმა ძალებმა პოლტავას ოლქში სამრეწველო ობიექტზე სარაკეტო დარტყმა განახორციელეს, რის შედეგადაც 2 ადამიანი დაიღუპა, 5 კი დაშავდა. ინფორმაციას ამის შესახებ უკრაინული მედია ავრცელებს.
არსებული ინფორმაციით, რუსებმა სარაკეტო შეტევა მირგოროდსკის რაიონის გოგოლევოს დასახლებაზე განახორციელეს. აფეთქების შედეგად მცენარეული ზეთის ქარხანაში ხანძარი გაჩნდა.
თავდსხმის ადგილზე სამძებრო და გაწმენდითი სამუშაოები გრძელდება.