ოჯახი დაკარგულ ახალგაზრდას ეძებს. ინფორმაციას ამის შესახებ, სოციალურ ქსელში, ახალგაზრდა ბიჭის დედა ავრცელებს.
“სახლიდან გავიდა და დაიკარგა ჩემი შვილი თორნიკე აბალაკი. გთხოვთ, თუ ვინმემ ნახეთ დამიკავშირდით ნომერზე 568676587”, – წერს მაია ოთიაშვილი.
დედის ინფორმაციით, თორნიკე სახლიდან გუშინ გავიდა და წერილი დატოვა.
“წუხელის გავიდა, პატარა პრობლემა ჰქონდა ამ ბოლო დროს. თან არაფერი წაიღო ტელეფონიც კი და წერილი დატოვა”, – წერს მაია ოთიაშვილი.
მისივე ცნობით, სამძებრო სამუშაოებში ჩართულია პოლიცია.
