დღე: ივნისი 25, 2023

აშშ-ის დაზვერვის ცნობით, ვერ იპოვეს პირდაპირი მტკიცებულებები, რომ COVID-19 პანდემია ჩინეთში არსებული ვუჰანის ლაბორატორიიდან დაიწყო. ინფორმაცია 23 ივნისს გამოქვეყნებულ ანგარიშში წერია. ეროვნული დაზვერვის დირექტორის ოფისის (ODNI) მიერ მომზადებული ანგარიშის მიხედვით, აშშ-ის დაზვერვა არ გამორიცხავს, რომ შესაძლოა ვირუსი ამ ლაბორატორიიდან გაჩნდა, თუმცა ამ დრომდე ვერ მიაგნო პანდემიის გავრცელების პირველწყაროს. “ცენტრალური დაზვერვის სააგენტო და სხვა სააგენტოები ამ დრომდე ვერ ახერხებენ დაადგინონ COVID-19-ის ზუსტი წარმოშობა, ვინაიდან ორივე (ბუნებრივი და ლაბორატორიული) ჰიპოთეზები ეყრდნობა მნიშვნელოვან დაშვებებს ან აწყდება წინაღობებს ურთიერთწინააღმდეგობრივი ანგარიშების გამო” – წერია ანგარიშში. დოკუმენტის მიხედვით, მიუხედავად იმისა, რომ ვუჰანის ვირუსოლოგიის ინსტიტუტში კორონავირუსთან დაკავშირებით “მნიშვნელოვანი…

“ვაგნერის” ხელმძღვანელის, ევგენი პრიგოჟინის პრესსამსახურში აცხადებენ, რომ ის ჯერჯერობით კავშირზე არ გამოსულა, – ინფორმაციას „მედუზა“ და RTVI ავრცელებენ. მათივე ინფორმაციით, პრიგოჟინი ბოლოს 24 ივნისს, როსტოვიდან გასვლისას ნახეს და უცნობია, ამჟამად სად იმყოფება ის. “ვაგნერის” ხელმძღვანელის პრესსამსახურში აცხადებენ, რომ პრიგოჟინი უპასუხებს ყველა შეკითხვას, როდესაც “ის ნორმალურ კავშირზე იქნება”. უკრაინის სპეცსამსახურები ეჭვობენ, რომ „ვაგნერელები“ ბელარუსში გადავიდნენ.

რუსეთის საჰაერო თავდასხმას სირიაში 9 მშვიდობიანი მოქალაქე ემსხვერპლა, 30 კი დაშავდა. ინფორმაციას ადგილობრივი მედია ავრცელებს. ე.წ. “თეთრი ჩაფხუტების” სამოქალაქო ჯგუფის განცხადებით, სამი სამხედრო თვითმფრინავით თავდასხმა განხორციელდა ბოსტნეულის ბაზარზე ჯისტ ალ-შუღურის რაიონულ ცენტრში. 2018 წლის სექტემბერში თურქეთი და რუსეთი შეთანხმდნენ იდლიბის დეესკალაციის ზონად გამოცხადებაზე, სადაც აგრესიის აქტები პირდაპირ აკრძალულია. თუმცა, სირიის რეჟიმი და მისი მოკავშირეები მუდმივად არღვევენ ცეცხლის შეწყვეტის შეთანხმებას.

ისრაელის ათეულობით ათასმა მოქალაქემ ქვეყნის მთავრობის სასამართლო რეფორმის წინააღმდეგ მორიგი მასშტაბური აქცია გამართა. დემონსტრანტებმა თელ ავივის მთავარ გზატკეცილზე მსვლელობა მოაწყვეს და საავტომობილო მოძრაობა შეაჩერეს. როგორც ადგილობრივი მედია იუწყება, პოლიციამ აქციის მონაწილეები დაშალა და გზა გახსნა. სასამართლო რეფორმის მონაწილეები ამტკიცებენ, რომ ცვლილებები პოლიტიკოსებს უფრო დიდ ძალაუფლებას მისცემს მოსამართლეთა შერჩევაზე, ასევე შეზღუდავს უზენაესი სასამართლოს უფლებამოსილებას, გააუქმოს კანონმდებლობა. ზეწოლის შედეგად, ისრაელის პრემიერ-მინისტრი ბენიამინ ნეთანიაჰუ დათანხმდა, გადაედო რეფორმა და ოპოზიციასთან მოლაპარაკების პირობა დადო.

რუსეთის პრეზიდენტმა, ვლადიმერ პუტინმა, „ვაგნერის“ რაზმების დისლოკაციის პუნქტში დაბრუნების შემდეგ, სპეციალური დანიშნულების თვითმფრინავი RA-96021 მოსკოვში დააბრუნა, – ინფორმაციას უკრაინული მედია „ტელეგრამ“ არხ ВЧК-ОГПУ-ზე დაყრდნობით ავრცელებს. საუბარია ერთ-ერთ საპრეზიდენტო თვითმფრინავზე, რომელიც, გავრცელებული ინფორმაციით, 24 ივნისს ვნუკოვოს აეროპორტიდან სანკტ-პეტერბურგში სასწრაფოდ ჩაფრინდა მას შემდეგ, რაც „ვაგნერის“ ხელმძღვანელმა, ევგენი პრიგოჟინმა სამხედრო გადატრიალების მცდელობა დაიწყო. ВЧК-ОГПУ-ის ცნობით, თვითმფრინავი ТУ-214ПУ მოსკოვის აეროპორტში 25 ივნისს, ადგილობრივი დროით დილის ოთხ საათზე დაეშვა.

რუსეთის საგარეო საქმეთა მინისტრის, სერგეი ლავროვის განცხადებით, აშშ-ისა და უკრაინის პრეზიდენტების განცხადებებს რუსეთისგან ბირთვული საფრთხის შესახებ ცნობიერების ბობოქარი ნაკადია. “მიჭირს კომენტარის გაკეთება იმაზე, რასაც ბოლო დროს აშშ-ის პრეზიდენტი აცხადებდა. ახლა დიდ მნიშვნელობას არ მივანიჭებდი სიტყვიერ უსაქციელობას, რომელსაც საფუძველი არ აქვს”, – განაცხადა რუსეთის საგარეო მინისტრმა. მან ზელენსკის სიტყვებს “ცნობიერების კიდევ უფრო ბობოქარი ნაკადი” უწოდა და დასძინა, რომ უკრაინის პრეზიდენტის ქმედებების გასაანალიზებლად სამედიცინო განათლებაა საჭირო. “არ მაქვს სამედიცინო განათლება. ურსულა ფონ დერ ლაიენს აქვს სამედიცინო განათლება. ვერ გაგცემთ პასუხს იმ ადამიანების ფსიქოლოგიურ მდგომარეობაზე, რომლებიც არაერთხელ, ყოველდღიურად ამტკიცებენ თავიანთ არაადეკვატურობას”, – აღნიშნა რუსეთის…

“ვაგნერის“ ქვედანაყოფები ვორონეჟის ოლქის ტერიტორიას ნორმალურ რეჟიმში და ექსცესების გარეშე ტოვებენ, – რუსული მედიის ინფორმაციით, ამის შესახებ ოლქის გუბერნატორმა, ალექსანდრე გუსევმა განაცხადა. „ვორონეჟის ოლქის ტერიტორიაზე „ვაგნერის“ ქვედანაყოფების გადაადგილება მთავრდება. ის გადის ნორმალურ რეჟიმში და ექსცესების გარეშე”, – წერს გესევი. გუბერნატორის თქმით, სიტუაციის საბოლოო მოგვარების შემდეგ ყველა შეზღუდვა მოიხსნება.

რუსეთში ევგენი პრიგოჟინის აჯანყებასთან დაკავშირებული მოვლენების გამო, შეერთებული შტატები კერძო სამხედრო კომპანია ვაგნერის წინააღმდეგ სანქციების დაწესებას გადადებს – ინფორმაციას ამის შესახებ The Wall Street Journal ავრცელებს. როგორც გამოცემას საკითხზე ინფორმირებულმა პირმა უთხრა, ვაშინგტონს არ სურს, რომ პრიგოჟინისა და პუტინის დაპირისპირებაში მხარედ გამოჩნდეს. “ვაშინგტონს არ სურს ისე გამოიყურებოდეს, თითქოს მხარეს იჭერს”, – უთხრა გამოცემას წყარომ.

საბერძნეთში საპარლამენტო არჩევნების მეორე ტური მიმდინარეობს. კენჭისყრა ადგილობრივი დროით დილის 7:00 საათზე დაიწყო 19:00 საათზე დასრულდება. არჩევნებში მონაწილეობის მისაღებად დაახლოებით 9.8 მილიონი ამომრჩეველია რეგისტრირებული. საკანონმდებლო ორგანოში ადგილების მოსაპოვებლად არჩევნებში 32 პოლიტიკური პარტია მონაწილეობს. არჩევნებამდე ჩატარებული გამოკითხვების შედეგები აჩვენებს, რომ კონსერვატიულ პარტია „ახალ დემოკრატებს“, რომელსაც პრემიერ-მინისტრი კირიაკოს მიცოტაკისი ხელმძღვანელობს, გამარჯვების დიდი პერსპექტივა აქვს. მიცოტაკისის პარტიამ მაისში გამართულ არჩევნებში გამარჯვება მოიპოვა, მაგრამ ერთპარტიული მთავრობის ჩამოსაყალიბებლად 300-ადგილიან პარლამენტში ხუთი მანდატი დააკლდა. ამის შემდეგ მიცოტიაკისმა არჩევნების მეორე ტურის დანიშვნის გადაწყვეტილება მიიღო. საბერძნეთში მოქმედი საარჩევნო რეგულაციების მიხედვით, მეორე ტურში გამარჯვებული პარლამენტში დამატებით 50 ადგილს მიიღებს.

გერმანია, ამერიკის შეერთებულ შტატებთან პარტნიორობით, უკრაინას წლის ბოლომდე Gepard-ის ტიპის კიდევ 30 თვითმავალ საზენიტო დანადგარს გადასცემს, – ამის შესახებ გერმანიის თავდაცვის სამინისტროსთან არსებული უკრაინის საკითხებზე მომუშავე ცენტრის ხელმძღვანელმა, გენერალმა კრისტიან ფროიდინგმა Welt am Sonntag-თან ინტერვიუში განაცხადა. „გვსურს, რომ უკრაინას, აშშ-სთან თანამშრომლობით, წლის ბოლომდე Gepard-ის კიდევ 30-მდე ერთეული მივაწოდოთ“, – აღნიშნა გენერალმა ფროიდინგმა.

საფრანგეთის პრეზიდენტი, ემანუელ მაკრონი პოლონელ კოლეგას, ანჯეი დუდას რუსეთში არსებულ სიტუაციაზე ესაუბრა, – ამის შესახებ ელისეს სასახლის მიერ გავრცელებულ განცხადებაშია აღნიშნული. „ლიდერებმა განიხილეს რუსეთში მიმდინარე მოვლენების შესაძლო გავლენა უკრაინის ომზე. მათ ასევე დაადასტურეს თავიანთი ერთგულება და სიმტკიცე, მხარი დაუჭირონ უკრაინას, რათა მან შეძლოს სრული სუვერენიტეტის აღდგენა“, – ნათქვამია განცხადებაში. ელისეს სასახლის ინფორმაციით, ამის შემდეგ მაკრონი დაუკავშირდა აშშ-ის პრეზიდენტ ჯო ბაიდენს, გერმანიის კანცლერ ოლაფ შოლცს და ბრიტანეთის პრემიერ-მინისტრ რიში სუნაკს.

რუსეთის საოკუპაციო ძალებმა უკრაინაში ზაპოროჟიეს და დნეპროპეტროვსკის რეგიონები დაბომბა. უკრიანული მედიის ინფორმაციით, ქალაქ ნიკოპოლში საცხოვრებელი ზონის დაბომბვის შედეგად ერთი ადამიანი დაშავდა, ასევე დაზიანდა საცხოვრებელი სახლები და გაზსადენი. მედიის ცნობით, ზაპოროჟიეს რეგიონში დასახლებული პუნქტები რუსმა სამხედროებმა არტილერიით და უპილოტო თვითმფრინავებით დაბომბეს. დაშავდა ორი ადამიანი და დაზიანდა საცხოვრებელი სახლები.

კერძო სამხედრო კომპანია „ვაგნერის“ ხელმძღვანელმა, ევგენი პრიგოჟინმა დადო ფსონი იმაზე, რომ მისი კომპანიის დამოუკიდებელ ძალად შენარჩუნების ერთადერთი გზა რუსეთის თავდაცვის სამინისტროს წინააღმდეგ წასვლა იყო, მაგრამ გადაჭარბებულად შეაფასა საკუთარი პერსპექტივები , – ამის შესახებ ამერიკული „ომის შემსწავლელი ინსტიტუტის“ განცხადებაშია აღნიშნული. ანალიტიკოსების შეფასებით, რუსეთის თავდაცვის სამინისტრომ არარეგულირებად ფორმირებებზე, მათ შორის „ვაგნერზე“ კონტროლის დაწესების ვადად 1-ელი ივლისი გამოაცხადა, რაც პრიგოჟინა მისი პოლიტიკური (და შესაძლოა პირადი) გადარჩენისთვის ეგზისტენციალურ საფრთხედ ჩათვალა. ამიტომ, მან გადაწყვიტა, თავისი ძალების თავდაცვის სამინისტროს ხელმძღვანელობის შესაცვლელად გამოყენება გარისკა. ინსტიტუტის ანალიტიკოსები ვარაუდობენ, რომ პრიგოჟინი გეგმავდა ამ ამბოხს, რასაც მოწმობს „ვაგნერის“ მოძრაობების კოორდინაცია და…

მოსკოვისა და ტულას ოლქებში მთავარ ჩქაროსნულ მაგისტრალ M-4 “დონზე“ მოძრაობის შეზღუდვები კვლავ ძალაშია, – ინფორმაციას მედია საშუალებები რუსეთის ფედერალურ საგზაო სააგენტოზე დაყრდნობით ავრცელებენ. „მიღებული გადაწყვეტილებების თანახმად, ტულასა და მოსკოვის ოლქების M-4 „დონის“ (გზატკეცილის) გასწვრივ მოძრაობის შეზღუდვა ძალაში რჩება“, – აცხადებენ უწყებაში.