რუსეთის საჰაერო თავდასხმას სირიაში 9 მშვიდობიანი მოქალაქე ემსხვერპლა, 30 კი დაშავდა. ინფორმაციას ადგილობრივი მედია ავრცელებს.
ე.წ. “თეთრი ჩაფხუტების” სამოქალაქო ჯგუფის განცხადებით, სამი სამხედრო თვითმფრინავით თავდასხმა განხორციელდა ბოსტნეულის ბაზარზე ჯისტ ალ-შუღურის რაიონულ ცენტრში.
2018 წლის სექტემბერში თურქეთი და რუსეთი შეთანხმდნენ იდლიბის დეესკალაციის ზონად გამოცხადებაზე, სადაც აგრესიის აქტები პირდაპირ აკრძალულია. თუმცა, სირიის რეჟიმი და მისი მოკავშირეები მუდმივად არღვევენ ცეცხლის შეწყვეტის შეთანხმებას.