დღე: ივნისი 5, 2023

საქართველოში ვიზიტად მყოფი ჩეხეთის პარლამენტის თავმჯდომარე აცხადებს, რომ საქართველოს პოლარიზებული პოლიტიკის პრობლემები გააჩნია. მან მიხეილ სააკაშვილის თემაც ახსენა და ხელისუფლებას მისი დახმარებისკენ მოუწოდა. “მოვუწოდებ საქართველოს ამჟამინდელ ხელმძღვანელობას, იმოქმედოს პასუხისმგებლობით და მიიღოს გარკვეული ზომები ნდობის აღდგენის მხრივ. ბატონი სააკაშვილისთვის საჭირო სამედიცინო დახმარებაზე წვდომის მიცემა არა მხოლოდ ვალდებულებაა, ეს ასევე დადებითი სიგნალი იქნება ოპოზიციისთვის“, – განაცხადა მარკეტა პეკაროვა-ადამოვამ. მან ასევე აღნიშნა, რომ ჩეხეთი და “სლავკოვის ქვეყნები” ყველაფერს გააკეთებენ საქართველოს მხარდასაჭერად.

შალვა პაპუაშვილი გარკვეული დიპლომატებს, ელჩებს, უცხოურ მედიას მიხეილ სააკაშვილის მხრიდან გაცემულ მილიონებთან აკავშირებს და აცხადებს, რომ ეს პოლიტიკური გარიგებების ნაწილია. პარლამენტის თავმჯდომარის თქმით, ვისაც ეჭვი ეპარება, აიღოს მიხეილ სააკაშვილთან და დავით კეზერაშვილთან დაკავშირებით უცხოელების მხრიდან გაკეთებული მხარდამჭერი განცხადებები, გვერდით ხელშეკრულება დადონ, შემდეგ კი ივარაუდონ, რა თანხა მოხვდა ამ ადამიანების ჯიბეში. „ეს არის კიდევ ერთი დასტური პოლიტიკური კორუფციისა, რომელიც საქართველოსთან მიმართებით ქვეყნის გარეთაა ჩამოყალიბებული. ჩვენ ვნახეთ მსგავსი სახის გარიგებები მიხეილ სააკაშვილის სახელთან დაკავშირებით, ახლა ვხედავთ დავით კეზერაშვილთან დაკავშირებით. იყო ნაყიდი სტატიები, ნაყიდი რეპორტაჟები, ნაყიდი ექსპერტები და ნაყიდი განცხადებები. ეს არის ჩვეულებრივი დასტური პოლიტიკური კორუფციისა. გავიხსენოთ…

საქართველოს პარლამენტის თავმჯდომარე აშშ-ის მხრიდან ქართველი მოსამართლეების დასანქცირების უკანონობაზე საუბრობს და სახელმწფო დეპარტამენტს მიმართავს. როგორც შალვა პაპუაშვილი აცხადებს, ეს სანქციები უსაფუძვლო და უსამართლოა და ის უნდა გაუქმდეს. „თითქმის უკვე 2 თვე გავიდა, ვითხოვდით მტკიცებულებებს და ნული მტკიცებულებაა წარმოდგენილი. მტკიცებულებების გარეშე მიღებული გადაწყვეტილება არის პოლიტიკური გადაწყვეტილება, აქედან გამომდინარე ამას რაიმე დატვირთვა ჩვენთვის არ აქვს. მოვუწოდებ, ეს სანქციები რაც შეიძლება მალე მოიხსნას, ვინაიდან არ შეიძლება მტკიცებულების გარეშე ადამიანზე შეტევა, თავდასხმა. განსაკუთრებით, როდესაც საქმე ეხება მოსამართლეს“, – განაცხადა შალვა პაპუაშვილმა მედიასთან. შეგახსენებთ, რომ ამერიკის სახელმწიფო დეპარტამენტმა ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე…

საქართველოს პარლამენტის თავმჯდომარის, შალვა პაპუაშვილის განცხადებით, რუსეთთან სავიზო რეჟიმის შემოღება, სანქციის შემოღებას ნიშნავს. მისივე თქმით, ხელისუფლება რუსეთთან სავიზო რეჟიმის საკითხის გადახედვას არ აპირებს. ,,რაც შეეხება სავიზო რეჟიმს, ამასთან დაკავშირებით ჩვენ არაერთხელ განვაცხადეთ, რომ არ ვაპირებთ ამ საკითხის გადახედვას, იქიდან გამომდინარე, რომ სავიზო რეჟიმის შემოღება ნიშნავს სანქციის შემოღებას და საქართველო არ აპირებს ორმხრივი სანქციის შემოღებას,” – განაცხადა შალვა პაპუაშვილმა.  

პარლამენტის თავმჯდომარის, შალვა პაპუაშვილის განცხადებით, მიხეილ სააკაშვილს ყველა სათანადო სამედიცინო სერვისი თუ მომსახურება მიეწოდება, რაც მას სჭირდება. მისივე თქმით, ყველამ, მათ შორის საერთაშორისო პარტნიორებმა უნდა მოუწოდონ სააკაშვილის, შეეუგუოს სასჯელაღსრულების დაწესებულების პირობებს და მოიხადოს სასჯელი. „მას მიეწოდება ყველა სათანადო სამედიცინო სერვისი თუ მომსახურება, რაც სჭირდება. დადასტურებულია ასევე, რომ ის მდგომარეობა, რომელზეც საუბრობენ ის და მისი ახლობლები, გამოწვეულია მისივე ქცევით. ამიტომ, აქ ერთადერთი რაც მნიშვნელოვანია, არის, რომ ნაცვლად იმისა, რომ მოხდეს წახალისება, რომ მან გააგრძელოს თვითდაზიანება, ამისთვის მნიშვნელოვანია ყველა მხრიდან, მათ შორის საერთაშორისო პარტნიორების მხრიდან, ყველამ მოუწოდოს მიხეილ სააკაშვილს, რომ იმ პირობებში,…

 იუსტიციის მინისტრის, რატი ბრეგაძის განცხადებით, შესაბამისი სამედიცინო პირობები როგორც კი იქნება, სააკაშვილს გადაიყვანენ პენიტენციურ დაწესებულებაში. მისივე თქმით, რეგულარული კონტაქტი აქვთ „ვივამედის“ სამედიცინო პერსონალთან. „ზოგადად პენიტენციურ დაწესებულებაში გადაყვანა არ არის საფრთხე, როდესაც ადამიანი არის მსჯავრდებული პატიმარი. შესაბამისი პირობები როდესაც დადგება, ის გადაყვანილი იქნება. ეს საფრთხე არ არის პატიმრის შემთხვევაში. ჩვენ გვაქვს რეგულარული კონტაქტი „ვივამედის“ სამედიცინო პერსონალთან. ბუნებრივია, ყოველდღიურ რეჟიმში ვიგებთ სააკაშვილის ჯანმრთელობის მდგომარეობას და როგორც მოგახსენეთ, როგორც კი იქნება შესაბამისი პირობები, ვგულისხმობ სამედიცინო პირობებს, რა თქმა უნდა, გადაყვანილი იქნება შესაბამის დაწესებულებაში ისევე, როგორც ნებისმიერი სხვა პატიმარი“, – განაცხადა რატი ბრეგაძემ.

უმრავლესობის წევრი, ბექა დავითულიანი  ჩეჩნეთიდან ჩამოსული პირების საქართველოში შემოსვლას ეხმიანება. მისი თქმით, აღნიშნულმა პირებმა უკვე დატოვეს ქვეყნის ტერიტორია. ,,რა თქმა უნდა, არავის არ გვინდა აქ კადიროველი ბიზნესმენების სათარეშოდ იქცეს ეს ქვეყანა. ნამდვილად არ გვინდა. მით უმეტეს, რაღაც ძალოვანი აქცენტების მქონე ვიღაც ადამიანების, გაუგებარის, რომელთაც თავიანთ ქვეყანაში და არა საქართველოში, როგორც ბევრი წერდა სოციალურ მედიაში, იარაღებით აქვთ ფოტოები გადაღებული და ა.შ. მიუხედავად ამისა, მე რამდენადაც მოვიკითხე, მათ არც ოკუპაციის კანონი ჰქონდათ დარღვეული და არც ისეთი ქმედება ჰქონდათ ჩადენილი, რომელიც მესაზღვრეს მიანიშნებდა ცალსახად, რომ მათი ქვეყანაში შემოშვება არ შეიძლება. მიუხედავად ამისა, სურვილს…

საქართველოს პრემიერ-მინისტრის, ირაკლი ღარიბაშვილის განცხადებით, ქვეყანას საკმაოდ  მაღალი ეკონომიკური ზრდა აქვს. მისივე თქმით, იანვარ-აპრილში ეკონომიკური ზრდა 7.3%-ია, რაც ერთ-ერთი სამაგალითოა მთელ მსოფლიოში. ,,ეკონომიკური ზრდა გვაქვს საკმაოდ მაღალი. ჩვენ აპრილში გვქონდა 7.5% ეკონომიკური ზრდა, რაც მიმდინარე ძალიან რთული გეოპოლიტიკური ვითარების ფონზე არის ძალიან დამაიმედებელი, ძალიან კარგი და ძალიან პოზიტიური. იანვარ-აპრილში ჩვენი ეკონომიკური ზრდა გამოდის, 7.3% რაც ერთ-ერთი სამაგალითოა მთელ მსოფლიოში. ასევე მინდა გითხრათ, რომ აპრილში 20% არის გაზრდილი ექსპორტის მოცულობა და წლის პირველ კვარტალში ტურიზმიდან მიღებულმა შემოსულმა ზრდამ 100%-ს გადააჭარბა”,- ირაკლი ღარიბაშვილი.