დღე: ივნისი 6, 2023

საქართველოს პრემიერ-მინისტრმა ირაკლი ღარიბაშვილმა ქუთათელ-გაენათელ მიტროპოლიტ იოანესთან  და საქართველოს საპატრიარქოს წარმომადგენლებთან ერთად გელათის მონასტერი დაათვალიერა. მთავრობის მეთაურმა მონასტერში დაგეგმილი სარეაბილიტაციო სამუშაოების შესახებ ინფორმაცია მოისმინა და ამ კუთხით არსებულ ვითარებას გაეცნო. როგორც პრემიერ-მინისტრმა აღნიშნა, სამონასტრო კომპლექსში აღდგენითი სამუშაოების ჩასატარებლად საჭიროა შემუშავდეს ახალი ერთიანი გენერალური გეგმა, რომლის მიხედვითაც კვლევების საფუძველზე აღდგენითი სამუშაოები ჩატარდება. ირაკლი ღარიბაშვილის თქმით, მთავრობა სამონასტრო კომპლექსის რეაბილიტაციის პროცესში საქართველოს საპატრიარქოს სრულ მხარდაჭერას უცხადებს. გელათის მონასტერში პრემიერ-მინისტრთან ერთად აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.

“მარგინალურ-რადიკალური მოძრაობა, რომელიც დიდი ალბათობით, მათ შორის, ევროპელი პენსიონერების ძარცვის შედეგად მოპოვებული ფულით ფინანსდება, ცდილობს საზოგადოების შეცდომაში შეყვანას და გონივრულ ფარგლებში საქართველოს მოქალაქეობის მიღების პროცედურების გამარტივებისკენ მიმართული, ათიათასობით საზღვარგარეთ მცხოვრები თანამემამულისთვის სასიკეთო ინიციატივის დამახინჯებას და იმგვარად წარმოჩენას, თითქოს ის ჩვენი ქვეყნის ინტერესებს ეწინააღმდეგება” – აცხადებს იუსტიციის მინისტრი რატი ბრეგაძე. მინისტრი საზღვარგარეთ მცხოვრები საქართვეოს მოქალაქეებისთვის  მოქალაქეობის მიღების პროცედურების გამარტივებას ეხმიანება და იმ სიკეთეებზე საუბრობს, რითაც უცხოეთში მცხოვრები ქართველები ისარგებლებენ. „2017 წელს საქართველოს კონსტიტუციაში გაჩნდა ჩანაწერი, რომლის მიხედვითაც, სახელმწიფოს გაუჩნდა ვალდებულება, იზრუნოს საზღვარგარეთ მცხოვრები თანამემამულეების სამშობლოსთან მჭიდრო კავშირის შენარჩუნებასა და განვითარებაზე. კონსტიტუციური დანაწესის…

,,დიახ, “ერთიან ნაციონალურ მოძრაობას” აქვს ივანიშვილის დამარცხების მთავარი გასაღები!”- ამის შესახებ „ნაციონალური მოძრაობის“ თავმჯდომარე, ლევან ხაბეიშვილი სოციალურ ქსელში წერს. მისი თქმით, ” ნაციონალური მოძრაობის გარეშე, რუსული ოცნების დამარცხება შეუძლებელია”. ,,როგორ ისტერიკაში ჩავარდა სრულიად  რუსული პარტია და სახელისუფლებო  მედია …  დიახ, “ერთიან ნაციონალურ მოძრაობას” აქვს ივანიშვილის დამარცხების მთავარი გასაღები! დიახ, ჩვენ პროდასავლურ ოპოზიციას, ვუფრთხილდებით სახელმწიფოს ინტერესებიდან გამომდინარე და დიახ, ნაციონალური მოძრაობის გარეშე, რუსული ოცნების დამარცხება შეუძლებელია. აბსოლუტურად სწორად ნერვიულობს რუსული პარტიის “ბოსობა” … ინერვიულეთ და ზუსტად იცოდეთ, რომ უდიდესი ერთობა იქნება – შედგება სახელმწიფოს მოღალატეების წინააღმდეგ”,- წერს ლევან ხაბეიშვილი.

,,არჩევნების მოგების გასაღები „ნაციონალურ მოძრაობაში“ ნამდვილად არ არის. მოგების გასაღებია „ნაციონალური მოძრაობის“ გარეთ სხვადასხვა პოლიტიკური ძალების კონსოლიდაციაში,”- ამის შესახებ ოპოზიციონერმა დეპუტატმა, ხატია დეკანოიძემ განცხადა. დეკანოიძე ”ნაციონალური მოძრაობის” თავმჯდომარის, ლევან ხაბეიშვილის განცხადებას გამოეხმაურა და აღნიშნა, რომ პარტია საკუთარ ორბიტაზე უნდა იყოს. ,,რწმენა რომ მქონოდა “ნაციონალური მოძრაობის“ თავმჯდომარის ან იმ პროცესების მიმართ, რაც “ნაციონალურ მოძრაობაში“ ხდება, პარტიას არ დავტოვებდი. “ნაციონალური მოძრაობის“ გარშემო მყოფი პარტიები და პოლიტიკოსები, რომლებიც ამ პარტიის სახელით საუბრობენ და მისი ლიდერები არიან, მაგალითად, თამარ ჩარკვიანი, გუბაზ სანიკიძე, “სტრატეგია აღმაშენებელი“ – მათი ერთობა “ნაციონალური მოძრაობისთვის“ დამატებით ხმების მატებას არ გამოიწვევს.…

მშვიდობას ალტერნატივა არ  აქვს. ჩვენ ვერ ვხედავთ რეალურად  და მე მგონი ვერავინ ვერ ხედავთ, რეალურ მცდელობებს, რომ ეს ომი დასრულდეს, ან მოლაპარაკებების შესახებ მოწოდებები გაკეთდეს, პირიქით – ვხედავთ უფრო მეტ ესკალაციას, უფრო მეტ აგრესიას, – ამის შესახებ მთავრობის მეთაურმა ჟურნალისტის კითხვის პასუხად განაცხადა, რომელიც კახოვსკას ჰიდროელექტროსადგურის აფეთქებას შეეხებოდა. მისივე თქმით, ეს არის ბრუტალური ომის ერთ-ერთი შედეგი. „ეს არის ერთ-ერთი შედეგი ამ ბრუტალური ომისა, დამანგრეველი ომისა, რომელსაც რუსეთი აწარმოებს უკრაინაში, ეს ახალი არ არის, კახოვსკას ჰესი გაგიკვირდათ, მაგრამ დღემდე განადგურებულია უკრაინის ტერიტორიის 20%, ქალაქები, სოფლები, მიწასთან არის გასწორებული, კახოვსკას ჰესი ერთ-ერთია და სწორედ ამაზე გვაქვს ჩვენ საუბარი, მაშინ როცა ჩვენ…

რატომ არ მიესალმნენ ირაკლი ღარიბაშვილი და  უკრაინის პრეზიდენტი ვოლოდიმირ ზელენსკი ერთმანეთს მოლდოვაში გამართულ ფორუმზე?  პრემიერის განცხადებით,  კიშინიოვში 45 ლიდერი იმყოფებოდა, საიდანაც შეიძლება ხუთმა ან ექვსმა ნახა ზელენსკი. ,,ძალიან მარტივად იყო საუბარი. თქვენ რომ გიყურებთ, ძალიან სასაცილოა ეს ყველაფერი რაც ხდება მედიაში და დეგრადირებულ ოპოზიციაში. არაფერი არ ხდებოდა იქ განსაკუთრებული, იქ იყო 45 ლიდერი, აქედან შეიძლება 5-მა ან 6-მა ნახა ზელენსკი, 10-მა მაქსიმუმ და ეს იყო, იქ რიგი არ ყოფილა ხელის ჩამოსართმევად,” – განაცხადა ირაკლი ღარიბაშვილმა. კითხვაზე –  საშუალება, რომ ჰქონოდა, რას ეტყოდა ის ზელენსკის, ღარიბაშვილმა განაცხადა, რომ „მიესალმებოდა ჩვეულებრივ”.

,,თითქოს ჩვენ მოვწამლეთ სააკაშვილი, ვაწამებთ, მოვკალით, მაინც გაცოცხლდა და ყველაფერი კარგად აქვს. მთელი ეს სიბინძურე დასრულდა სტრასბურგის ერთი ძალიან ძლიერი გადაწყვეტილებით,“- ამის შესახებ საქართველოს პრემიერ-მინისტრმა ირაკლი ღარიბაშვილმა ქუთაისში, ჟურნალისტის კითხვის პასუხად განაცხადა. პრემიერის თქმით,  მთელი ეს სიბინძურე სტრასბურგის გადაწყვეტილებით დასრულდა, რომ საქართველოს მთავრობა ყველა პატიმარს და მათ შორის პატიმარ სააკაშვილს ეპყრობა ევროპული სტანდარტების შესაბამისად. „თუ არ ვცდები, მანამდეც გავრცელდა ინფორმაცია, რომ სააკაშვილის დროს აშშ-ში ყოფილი ელჩი, ბატონი იაკობაშვილი იყო ჩართული ამ ახალი ლობისტური კომპანიების მოძიებაში. როგორც დაიქირავა სააკაშვილმა, მისმა დედამ, გახსოვთ, ლობისტური კომპანია და გადაიხადეს ოფიციალურად მილიონი დოლარი მხოლოდ ერთ…

საქართველოს პრემიერ-მინისტრმა, ირაკლი ღარიბაშვილმა უპასუხა ჟურნალისტის კითხვას, დაიბარა თუ არა გერმანიის კანცლერმა, ოლაფ შოლცმა ბრატისლავაში გაკეთებული განცხადებების გამო. პრემიერის თქმით, კითხვის დამკვეთები უსუსურ მდგომარეობაში არიან. „არ მინდა ამაზე გიპასუხოთ. მე თვალყურს ვადევნებდი თქვენს პროვოკაციულ ქმედებებს ბოლო ორი დღეა, რამდენად ანტისახელმწიფოებრივია, ანტიეროვნული თქვენი ქმედება, მაგრამ მესმის, რომ დავალებაა. დავალება მოგცეს, რომ ეს კითხვა დაგესვათ. მინდა, ვუთხრა თქვენს დამკვეთებს, რომ ძალიან უსუსურ მდგომარეობაში არიან. სხვა რომ ვერაფერი მოიფიქრეს გარდა იმისა, რომ თურმე ჩვენი და თქვენი ქვეყნის პრემიერ-მინისტრი ვიღაცამ დაიბარა, ეს მიანიშნებს, რომ თქვენ ხართ ძალიან მძიმე მდგომარეობაში, გაუბედურებულები ხართ თქვენ და თქვენი…