დღე: ივნისი 3, 2023

2 ივნისს, პარლამენტის შენობასთან, ლაზარე გრიგორიადისის მხარდამჭერ აქციაზე დაკავებულებთან დაკავშირებით აშშ-ის საელჩო განცხადებას ავრცელებს. როგორც საელჩოში განმარტავენ, ყურადღებით აკვირდებიან მშვიდობიანი აქციისას დაკავებულებთან დაკავშირებით განვითარებულ პროცესებს. „მშვიდობიანი შეკრების უფლება და გამოხატვის თავისუფლება ადამიანის ძირითადი უფლებებია და დემოკრატიის საფუძველს წარმოადგენს. განსხვავებული აზრის მიმართ ტოლერანტობის ნაკლებობა შეუსაბამოა ევროატლანტიკურ ერთა ოჯახის ღირებულებებთან, რომელსაც საქართველოს მოსახლეობის უმრავლესობას სურს, რომ შეუერთდეს“, – აღნიშნულია საელჩოს განცხადებაში.  

კლინიკა „ვივამედთან“ სადაც მესამე პრეზიდენტი მიხეილ სააკაშვილია  მოთავსებული, თანაგუნდელებმა, ოჯახის წევრებმა და ახლობლებმა საპროტესტო აქცია გამართეს. აქციის მონაწილეებმა პატიმრობაში მყოფი პრეზიდენტის უცხოეთში გადაყვანა კიდევ ერთხელ მოითხოვეს. „აღუდგეს უფლება პარლამენტის წევრებს და მოგვცენ მიხეილ სააკაშვილის ნახვის შესაძლებლობა. პრეზიდენტი სააკაშვილი უნდა იყოს თავისუფალი, რადგან მას შეუძლია პოზიტიური როლის შესრულება საქართველოს დეოკუპაციაში,”- აღნიშნა აქციაზე „ნაციონალური მოძრაობის” თავმჯდომარე ლევან ხაბეიშვილმა.

„ნაციონალური მოძრაობის“ თავმჯდომარის, ლევან ხაბეიშვილის განცხადებით, ქვეყნის მესამე პრეზიდენტი დამნაშავე არ არის და მას სამაჯური არ უნდა მიუმაგრონ. „საქართველოს დამნაშავე პრეზიდენტი არ ჰყოლია. თურმე, რაღაც სამაჯური უნდა ჰქონდეს. სამაჯური და ალიკაპი გაუკეთონ ირაკლი კობახიძეს და ირაკლი ღარიბაშვილს“ – აცხადებს ხაბეიშვილი მიხეილ სააკაშვილთან დაკავშირებით. შეგახსენებთ, რომ აღნიშნული პოზიცია აქართველოს მოქმედმა პრეზიდენტმა გამოხატა, რომ შესაძლებელია სააკაშვილისთვის ე.წ. სამაჯურის დამაგრება. „სააკაშვილი უნდა იყოს თავისუფალი. სალომე ზურაბიშვილს ეს ინსტრუმენტი აქვს, პრეზიდენტ სააკაშვილს შესაწყალებელი კი არ აქვს რამე, სალომემ მისი უფლებამოსილება უნდა გამოიყენოს და გაათავისუფლოს პუტინის საამებლად დაკავებული პრეზიდენტი. არ ვეთანხმები,  რომ თურმე, ვიღაცას რაღაცა სამაჯური უნდა ეკეთოს. პრეზიდენტ სააკაშვილს ამ…

არასამთავრობო სექტორი პარლამენტთან დაკავებული უფლებადამცველების გათავისუფლებას ითხოვს. საერთაშორისო გამჭვირვალობა – საქართველო“ და „სამართლიანი არჩევნებისა და დემოკრატიის საერთაშორისო საზოგადოება” მოუწოდებს შსს-ს, დაუყოვნებლივ გაათავისუფლოს ყველა დაკავებული. „მედიით გავრცელებული ინფორმაციის თანახმად, პარლამენტის მიმდებარე ტერიტორიაზე ადვოკატი შოთა თუთბერიძე, ასევე სამოქალაქო საზოგადოების წარმომადგენლები – ედუარდ მარიკაშვილი, საბა ბრაჭველი და ნიკა რომანაძე მშვიდობიან აქციაზე ბანერის გაშლის გამო დააკავეს. ვრცელდება ინფორმაცია სხვა დაკავებულების შესახებაც. მიგვაჩნია, რომ შინაგან საქმეთა სამინისტროს (შსს) ქმედება გამოხატვის თავისუფლებაში უხეში ჩარევაა და ეწინააღმდეგება როგორც საქართველოს კონსტიტუციას, ისე საერთაშორისოდ აღიარებულ სტანდარტებს. აღსანიშნავია, რომ გუშინ, 1 ივნისს, პოლიციამ ბექა გრიგორიადისს, ლაზარე გრიგორიადისის მამას, პარლამენტის წინ…

რუსთაველის გამზირზე, პარლამენტის შენობასთან აქციის მონაწილეთა დაკავებასთან დაკავშირებით სახალხო დამცველი განცხადებას ავრცელებს. ომბუდსმენის აპარატი შსს-ს მოუწოდებს, იმოქმედოს კანონის შესაბამისად. „საქართველოს სახალხო დამცველი ეხმიანება რუსთაველზე მიმდინარე საპროტესტო აქციაზე განვითარებულ მოვლენებს და უფლებადამცველთა დაკავების ფაქტებს და კიდევ ერთხელ მოუწოდებს საქართველოს შინაგან საქმეთა სამინისტროს,  იმოქმედოს კანონის მოთხოვნათა შესაბამისად და უზრუნველყოს სრულიად მშვიდობიანი აქციის მონაწილეთა შეკრებისა და გამოხატვის თავისუფლების დაცვა…გამოხატვის თავისუფლებით დაცულია არა მხოლოდ პოზიტიური ზოგადი ინფორმაცია და იდეები, როგორც უწყინარი ანდა ინდიფერენტული, არამედ ისეთებიც, რომლებიც შეურაცხმყოფელი, გამაოგნებელი ან შემაწუხებელია. აღნიშნული სტანდარტის დაცვის გარეშე წარმოუდგენელია დემოკრატიული საზოგადოების არსებობა. ამდენად, დაუშვებელია სრულიად გაუგებარი მიზეზით და…