დღე: ივნისი 4, 2023

ჩინეთის თავდაცვის მინისტრი აშშ-სთან დიალოგს ითხოვს. როგორც ლი შანფუ აცხადებს, საერთო ენის გამონახვა აუცილებელია, რომ  ვითარების დაძაბვა არ მოხდეს. „ჩინეთი ისწრაფვის აშშ-სთან დიალოგი აწარმოოს. ვაშინგტონთან ღია  კონფლიქტი მთელი მსოფლიოსთვის კატასტროფული იქნება.   განსხვავების მიუხედავად, ქვეყნებმა უნდა გამონახონ საერთო ინტერესები“ – აღნიშნა თავდაცვის მინისტრმა. მან ერთი შემთხვევაც გაიხსენა, რომელიც ახლახან მოხდა. კერძოდ, როგორც ლი შანფუმ აღნიშნა, ჩინეთის საბრძოლო ხომალდი კინაღამ შეეჯახა ამერიკულს, რომელიც ტაივანის სრუტეში, კანადასთან ერთად წვრთნებში მონაწილეობა და წყლებში აშშ-ის და კანადის ყოფნას პროვოკაცია უწოდა. მისი შეფასებით, თუ აშშ-ს კონფლიქტის დაძაბვა არ სურს, ჩინეთის ინტერესთა ზონიდან საბრძოლო ხომალდები უნდა გაიყვანოს.…

თურქეთის პრეზიდენტმა ინაუგურაციის შემდეგ, მთავრობის შემადგენლობაც შეცვალა. ახალ მინისტრთა კაბინეტში მოქმედი თავდაცვისა და საგარეო საქმეთა მინისტრები ვერ მიხვდნენ. მინისტრთა კაბინეტში კიდევ რამდენიმე ცვლილება განხორციელდა. მთავრობის ახალ კაბინეტში საგარეო საქმეთა მინისტრის თანამდებობა ქვეყნის დაზვერვის სამსახურის ყოფილმა ხელმძღვანელმა, ჰაკან ფიდანმა დაიკავა. მან  მევლუთ ჩავუშოღლუ ჩანაცვლა. ახალ კაბინეტში ვერ მოხვდა თავდაცვის მინისტრიც. ქვეყნის თავდაცვის უწყებას გენშტაბის ყოფილი ხელმძღვანელი,  გენერალი იასარ გულერი უხელმძღვანელებს. ფინანსთა სამინისტროს კი საერთაშორისო ასპარეზზე ცნობილი ყოფილი ბანკირი, მეჰმეთ სიმსეკი ჩაიბარებს. ვიცე-პრეზიდენტის თანამდებობას განვითარების ყოფილი მინისტრი და ყოფილი ვიცე-პრემიერი, ჯევდეთ ილმაზი დაიკავებს. სხვა მონსტრები ერდოღანმა უცვლელად დატოვა.  

რუსმა სამხედროებმა უკრაინაზე მორიგი იერიში მიიტანეს. დარტყმა დნიპროში, დასახლებულ უბნებზე განხორციელდა, რომელსაც მსხვერპლი მოჰყვა. დაღუპა 2 წლამდე ბავშვი, დაახლოებით 22 ადამიანი კი დაშავდა – ზოგი მსუბიქად, ზოგიც შედარებით მძიმედ. დნიპროპეტროვსკის სამხედრო ადმინისტრაციის ინფორმაციით, ბავშვის ცხედარი შენობიდან ამოყვანილია.  

გერმანელმა აქტივისტები უკრაინისთვის იარაღის მიწოდება გააპროტესტეს და ბერლინში, გერმანიის კანცლერს „ომის წამქეზებელი და გამამაწვავებელი“ უწოდეს. ამ გზით, აქტივისტები შეეცადნენ კანცლერ შოლცისთვის სიტყვით გამოსვლის შესაძლებლობა არ მიეცათ. ოლაფ შოლცი, ბერლინში  ღონისძიებაზე სიტყვით გამოდიოდა, სადაც უკრაინის საკითხზე საუბრობდა. აქტივისტები კი მას „მატყუარას,“ „ომის გამამწვავებელს“, „ომის წამქეზებელს“ უწოდებდნენ. „ომის გამამწვავებელი პუტინია. ის 200 000 ჯარისკაცით შეიჭრა უკრაინაში. პუტინს უკრაინის განადგურება სურს“, – აღნიშნა შოლცმა მათ საპასუხოდ და დასძინა, რომ რუსული აგრესიული ომის დასამარცხებლად უკრაინას დახმარება სჭირდება. ადგილობრივი მედია არ გამორიცხავს, რომ აქტივისტები, რომლებიც პროტესტს გამოხატავდნენ, რუსი ეროვნების მოქალაქეები ყოფილიყვნენ.