დღე: ივნისი 26, 2023

სალომე ზურაბიშვილმა ,,საარჩევნო კოდექსში“ მიღებულ ცვლილებებს ვეტო დაადო. საუბარია იმ ცვლილებებზე,  რომლითაც  ცესკოს თავმჯდომარის და წევრების არჩევის პროცედურა იცვლება. პრეზიდენტი პარლამენტს სთავაზობს, ცესკოს თავმჯდომარე და წევრები არჩეული იქნენ არანაკლებ 90 ხმით, როგორც ეს სახალხო დამცველის შემთხვევაში მოხდა. „მოქმედი რედაქციით, დამოუკიდებელი და ზეპარტიული თანამდებობის პირი, საქართველოს პრეზიდენტი აცხადებს კონკურსს და ქმნის კანდიდატთა შესარჩევ კომისიას. შერჩეულ კანდიდატებს პრეზიდენტი წარუდგენს პარლამენტს. ცვლილებების მიხედვით კი, კომისიის შექმნა, კანდიდატთა შერჩევა და წარდგენა მოხდება პარლამენტის თავმჯდომარის მიერ, არჩევა კი, პარლამენტის უბრალო უმრავლესობით, რაც ერთპარტიული გადაწყვეტილების მიღებას ნიშნავს. 100 ხმის ნაცვლად, თავმჯდომარისა და წევრების 76 ხმით არჩევა…

გარდაცვლილი პროგრამისტის, თამარ ბაჩალიაშვილის გახმაურებული საქმის გამომძიებელს –  სერგო შუბითიძეს პატიმრობა შეეფარდეს. სასამართლო პროცესი ახლახან დასრულდა. სასამართლო პროცესზე სიტყვის უფლებით ბრალდებულმაც ისარგებლა. მისი თქმით არც ბრალდებას აღიარებს და არც მიმალვას აპირებს. შუბითიძე ცრუ ჩვენებისთვის დააკავეს, რომელიც მან ერთ-ერთ ტელეკომპანიას მისცა. ინტერვიუში სერგო შუბითიძემ განაცხადა, რომ ბაჩალიაშვილის თვითმკვლელობის ვერსიის არ სჯერა, რადგან, საქმესთან დაკავშირებით ბევრი საეჭვო გარემოება არსებობს. პროკურატურამ გამოძიება  თამარ ბაჩალიაშვილის გარდაცვალების სისხლის სამართლის საქმეზე მტკიცებულებათა შესაძლო ფალსიფიკაციის ფაქტზე დაიწყო.      

„ქართული ოცნების“ თავმჯდომარის, ირაკლი კობახძის განცხადებით, ვინც სალომე ზურაბიშვილს გვარამიას შეწყალებაზე მიანიშნა, მას პოლარიზაცია სურს. „სალომე ზურაბიშვილს ვინც მიანიშნა, რომ გვარამია შესაწყალებელი იყო, მას სურს საქართველოში პოლარიზაციის გაღვივება და ჩვენთვის ეს არის ძალიან ცუდი ნიშანი. რატომ სურთ ამ ძალებს საქართველოში პოლარიზაციის გაღვივება, ამაზე საზოგადოებამ უნდა იმსჯელოს, თუმცა, თავისთავად, ეს არის ძალიან სამწუხარო ნიშანი“, – განაცხადა ირაკლი კობახიძემ ჟურნალისტებთან. მისივე თქმით, გვარამიას დიდი რესურსი არ გააჩია. უბრალოდ, პოლარიზაციას დამატებით შეუწყობს ხელს.  

მიხეილ სააკაშვილი მორიგ განცხადებას ავრცელებს, რომლითაც ჩრდილოეთ კავკასიის ერებს მიმართავს. ექსპრეზიდენტი გამოდის ინიციატივით, შეიქმნას თავისუფალი კავკასიის ორგანიზაციის მუდმივმოქმედი სამდივნო კიევში. მისი თქმით, დარწმუნებულია უკრაინის ხელისუფლება მხარს დაუჭერს აღნიშნულ წამოწყებას. „დრო მოვიდა. ჩემი მიმართვა ჩრდილოეთ კავკასიის ერებს მივმართავ ყველა თავისუფლებისმოყვარე ერს და მოქალაქეს რუსეთის იმპერიისა, რომელმაც საუკუნეების განმავლობაში დაიმონა კავკასია, რომელმაც გაანადგურა მთელი ერები და აგრძელებს კავკასიელების გენოციდს და რუსიფიკაციას და რომელიც საკუთარი არსებობის ბოლო თვეებს ითვლის. ახლა, როგორც არასდროს, ჩვენ გვჭირდება, გავაცოცხლოთ და ავაღორძინოთ იმამ შამილის, ბაისანგურის, ჯოხარ დუდაევის და წინააღმდეგობის იმ მილიონობით გმირის სულისკვეთება, რომელთათვისაც თავისუფლება წარმოადგენდა უმაღლეს ღირებულებას და…

პარლამენტის კულტურის კომიტეტის სხდომაზე, ოპოზიციონერ დეპუტატები იაგო ხვიჩია და გრიგოლ ვაშაძე ერთმანეთს  სიტყვიერად დაუპირისპირდნენ. სხდომაზე „საავტორო და მომიჯნავე უფლებების შესახებ“ კანონში შესატანი ცვლილებების განხილვა მიმდინარეობს. იაგო ხვიჩიამ ვაშაძეს „სულელი“ უწოდა. ,,თქვენს ბოდვას ვუსმენდით გრიგოლ – რა გვარი ხართ? რა გვარია ეს სულელი? ამ სულელის ბოდვას ვუსმენდით. თქვენ შეურაცხყოფილი ხართ დაბადებიდან. სულელია, ვინც ამას ვერ ხვდება, აქ საერთოდ როგორ ზიხარ? ათასი სულელური აზრი მოვისმინე, მაგრამ არავისთვის შემიწყვეტინებია. ერთ-ერთი სანიმუშო ამორალური ადამიანი მაძლევს შენიშვნას, რატომ? არ არის ამორალური?სინამდვილეში ახლა კამათი რაზე გვაქვს- ერთი მხარე იძახის, ამ ხალხს ცოტა ფული უნდა მივცეთო, მეორე…

გარდაცვლილი პროგარამისტის, თამარ ბაჩალიაშვილის საქმის ყოფილი გამომძიებელი, სერგო შუბითიძე ბრალს აღიარებს. ის გუშინ, ცრუ ჩვენების მიცემის ბრალდებით დააკავეს. ადვოკატის განცხადებით, სერგო შუბითიძეს ტელეფონი შეეშალა. ,,ჩემი დაცვის ქვეშ მყოფს შევხვდი. აღიარებს და ინანიებს ჩადენილ დანაშაულს და ამბობს, რომ მინდა ვამცნო საზოგადოებას, რომ მას შეეშალა სხვა ტელეფონი და არა პირადად ბაჩალიაშვილის ტელეფონზე არ იყო  საუბარი,”- განაცხადა დაკავებული გამომძიებელის ადვოკატმა. ცნობისთვის, გარდაცვლილი პროგრამისტის, თამარ ბაჩალიაშვილის საქმის ყოფილი გამომძიებელი სერგო შუბითიძე გუშინ დააკავეს.  

თბილისის მერის, კახა კალაძის განცხადებით, საქართველო სანქციების გვერდით ავლის ადგილი არ ყოფილა და ამის დამადასტურებელი არც ერთი ფაქტი არ არსებობს. როგორც მან მედიასთან შესაბამისი კითხვის საპასუხოდ განაცხადა, აღნიშნულ საკითხთან ეჭვების გამოთქმა არ კმარა, მთავარია კონკრეტული ფაქტების წარმოდგენა. „ჩვენ გამჭვირვალედ ვიქცევით. არ არსებობს ფაქტი, რომ სანქციების გვერდით ავლისთვის გამოყენებული იყო ჩვენი ქვეყანა. ყველას პატივს ვცემ. ვიცით მეგობრობა, პარტნიორობა, მაგრამ ეჭვების დონეზე ვერ შემოვიფარგლებით, თუ რაიმე კონკრეტული ფაქტებია, წარმოადგინონ“, – განაცხადა კახა კალაძემ. მისი თქმით, ქვეყნის ეკონომიკური განვითარების მიზნით საქართველო სანქციებს არ უერთდება. „არა ერთხელ განვაცხადეთ, რომ სანქციებს არ ვუერთდებით. ამას აქვს…

თბილისის მერი კახა კალაძე მიიჩნევს, რომ ის ადამიანები, ვინც დღეს ქვეყანაში რუსი ტურისტების შემოსვლით აღშფოთებულია, ორმაგი სტანდარტებით მოქმედებენ, რადგან მათი წარსული გამოცდილება სულ სხვა რამეზე მეტყველებს. „ჩვენ მივესალმებით რუსი ტურისტების შემოსვლას. ამაში ცუდი არაფერია. გაიხსენეთ 2008 წლის ომის შემდგომი პერიოდი – ომის, რომელიც დამანგრეველი იყო ჩვენი ქვეყნისთვის, ხალხისთვის, საქართველოს ეკონომიკისთვის; დავკარგეთ ტერიტორიები; საუბედუროდ, დღესაც ოკუპირებულია ჩვენი ტერიტორიის ძალიან დიდი ნაწილი. გვყავს უამრავი გარდაცვლილი – მშვიდობიანი მოსახლეობა, გმირი ჯარისკაცები; დანგრეული და განადგურებული სოფლები, ქალაქები; ვიცით, რამდენად მძიმე იყო ეს ომი. მესამე-მეოთხე დღეს კი, ხელისუფლების წარმომადგენლები წერილებს აგზავნიდნენ რუსეთის ფედერაციაში, რომ სახალხო…

,,საქართველოში 500-კაციანი კარგად შეიარაღებული ტერორისტული ჯგუფი რომ შემოიჭრას, არავინ დაიცავს ბიძინა ივანიშვილს და „ოცნების“ ირაკლებს,”- ამის შესახებ პარტია „პროგრესი და თავისუფლებას“ ლიდერი კახა ოქრიაშვილი  სოციალურ ქსელში წერს. მისი თქმით, ამ შემთხვევაში, ჩვენი სამშობლო ისევ უბრალო ხალხის დასაცავი იქნება. „პრიგოჟინის ამბოხმა დაგვანახა, რომ დაახლოებით 10 000-კაციან არმიას როსტოვიდან მოსკოვამდე შეუძლია თითქმის 500 კილომეტრი ისე გაიაროს, არცერთმა სახელმწიფო სტრუქტურამ წინააღმდეგობა არ გაუწიოს. ეს ნიშნავს, რომ პირადად პუტინის, რომელიც რუსეთს 23 წელიწადია შიშითა და ტყუილით მართავს და მისი რეჟიმის დაცვა არავინ სცადა. ეს ბუნებრივია – კორუფციაზე, ტყუილსა და შიშზე აგებულ ხელისუფლებას დამცველი არ…

საქართველოს პარლამენტის თავმჯდომარის, შალვა პაპუაშვილის განცხადებით, ვინც საქართველოს მოუწოდებს, დააწესოს ორმხრივი სანქცია რუსეთის წინააღმდეგ, მოუწოდებს, რომ გარისკოს ესკალაცია, ომი რუსეთთან. მისი თქმით, საქართველოს გამოყენებით საერთაშორისო სანქციების გვერდის ავლის არც ერთი ფაქტი ეჭვის დონეზეც კი არ დადასტურებულა. ,,საქართველო თავად არ აწესებს ორმხრივ სანქციებს რუსეთის წინაამღდეგ. ამასთან დაკავშირებით ჩვენს პარტნიორებთანაც ხშირად გვქონდა საუბარი და პარტნიორებისგან აბსოლუტურად არის გაგება ამ მიმართულებით. ის, ვინც მოუწოდებს საქართველოს, დააწესოს ორმხრივი სანქცია რუსეთის წინააღმდეგ, მოუწოდებს საქართველოს, გარისკოს ესკალაცია რუსეთის წინააღმდეგ, ანუ გარისკოს ომი რუსეთთან. ეს არის ორჯერ ორი ოთხი. ამიტომ, ნებისმიერი ადამიანი, ვინც მოუწოდებს საქართველოს, რომ დააწესოს…