თბილისის საქალაქო სასამართლომ კლინიკიდან გაქცეულ სამივე პატიმარს თავისუფლების აღკვეთა შეუფარდა.
პროცესს სამიდან ორი დაკავებული ესწრებოდა.
კლინიკიდან გაქცეული პატიმრის ძმა, სასამართლოდან გირაოთი გაათავისუფლეს – ავთანდილ თათარაშვილს 3 000 ლარის გადახდა დაეკისრა.
შეგახსენებთ, 1-ელ ნოემბერს თბილისში, ვაჟა-ფშაველას ქუჩაზე „ავერსის“ კლინიკაში გამოკვლევებზე მიყვანილი სამი პატიმარი გაიქცა. სამივე მათგანი გაქცევიდან რამდენიმე საათში, თბილისთან ახლოს დააკავეს.