თვე: თებერვალი 2023

იტალიის სამხრეთ სანაპიროებთან მიგრანტების ნავის ჩაძირვის შედეგად, 100-ზე მეტი ადამიანი დაიღუპა. დაღუპულთა შორის მცირეწლოვნებიც არიან. გავრცელებული ინფორმაციით, ნავზე 200-მდე ადამიანი იყო. 80 მათგანი მაშველებმა გადაარჩინეს. კალაბრიის რეგიონის სანაპიროსთან წყალმა ცხედრების დიდი ნაწილი სანაპიროზე გამორიყა.

აშშ-ის სახელმწიფო დეპარტამენტი ჩინეთს აფრთხილებს, რომ რუსეთისთვის ლეტალური იარაღის მიწოდებას ტრაგიკული შედეგები მოჰყვება, პირველ რიგში კი, უკრაინელი ხალხისთვის. აშშ-ის სახელმწიფო დეპარტამენტის პრესსპიკერის, ნედ პრაისის განცხადებით, არსებობს კითხვები ჩინეთის მიერ რუსეთისთვის გაწეული სხვა ტიპის დახმარებებთან დაკავშირებით. „ეს არის კითხვები, რომელზეც პასუხი უნდა გასცეს ქვეყანამ, რომელიც თავის ნეიტრალიტეტის შესახებ აცხადებს ამ სასტიკ, აგრესიულ ომში“, – განაცხადა პრაისმა.

დიდი ბრიტანეთის ლორდთა პალატაში მიხეილ სააკაშვილისა და ბიძინა  ივანიშვილის შესახებ ისაუბრეს. ლორდ ზაქ გოლდსმითის განცხადებით, სააკაშვილის საკითხს ნეგატიური გავლენა ექნება საქართველოს რეპუტაციაზე და მის განაცხადზე ევროკავშირის წევრობასთან დაკავშირებით. როგორც ბრიტანელმა კანონმდებელმა აღნიშნა, ინფორმირებულები არიან რუსეთთან მის კავშირზე გავრცელებული ცნობების შესახებ. „რაც შეეხება ბიძინა ივანიშვილის გავლენას, ჩვენ გვესმის, რომ ის კერძო მოქალაქეა. მას არ აქვს რაიმე ფორმალური ან იურიდიული როლი საქართველოს მთავრობაში, მაგრამ ჩვენ ინფორმირებულები ვართ რუსეთთან მის კავშირზე გავრცელებული ცნობების შესახებ. ჩვენ ეს საკითხი საქართველოს მთავრობასთან დავაყენეთ, რომელმაც დაგვარწმუნა, რომ მტკიცედ იცავენ რუსეთის წინააღმდეგ დაწესებულ საერთაშორისო სანქციებს“, – განაცხადა ლორდმა გოლდსმითმა.

შეერთებული შტატების ყოფილი სახელმწიფო მდივნის, კონდოლიზა რაისის განცხადებით, საქართველო ახლა სწორი მიმართულებით არ მიდის. მისი თქმით, ირღვევა ადამიანის უფლებები და ასევე პრობლემებია დამოუკიდებელი მედიის მხრივ. ,,2008 წელს  სწორედ მიხეილ სააკაშვილის დამსახურებით რუსეთმა ვერ მოახერხა თბილისში შეჭრა  – ეს ძალიან დიდი მიღწევა იყო. ვნანობთ,  რომ შეერთებულმა შტატებმა და ევროპამ  რუსეთს თავისი უკანონო ქმდემებების გამო  მაშინ არ დავუწესეთ სანქციები.  ახლა კი დავკარდეთ ფოკუსი საქართველოზე, სადაც უკვე სხვა ვითარებაა, ადამიანის უფლებები ირღვევა, ასვე პრობმელაა  დამოუკიდებელი მედიის მხრივ. საქართველო ახლა სწორი მიმართულებით არ მიდის”, – განაცხადა კონდოლიზა რაისმა.

უკრაინის პრეზიდენტის, ვოლოდიმირ ზელენსკის განცხადებით, ბახმუტის მიმართულებით სიტუაცია სულ უფრო რთულდება. მისი თქმით, ოკუპანტები ანადგურებენ ყველაფერს, რაც უკრაინულ მხარეს შეუძლია გამოიყენონ თავიანთი პოზიციების დასაცავად. “ბახმუტის მიმართულება – სიტუაცია სულ უფრო რთულდება. მტერი მუდმივად ანადგურებს ყველაფერს, რაც შეიძლება გამოვიყენოთ ჩვენი პოზიციების დასაცავად, კონსოლიდაციისა და თავდაცვის უზრუნველსაყოფად. ჩვენი მეომრები, რომლებიც იცავენ ბახმუტის სექტორს, ნამდვილი გმირები არიან”, – განაცხადა ზელენსკიმ.

გუშინ, იუსტიციის მინისტრმა, რატი ბრეგაძემ, ევროკავშირის ელჩისგან სააკაშვილთან დაკავშირებით ოფიციალური დემარაშის დოკუმენტი მიიღო. დოკუმენტს ევროკავშირის წევრი ყველა ქვეყანა აწერს ხელს. საერთაშორისო მედიის ინფორმაციით, თავდაპირველად, უნგრეთი წინააღმდეგი იყო დემარშისთვის ხელი მოეწერა, თუმცა, სხვა ქვეყნებმა ის დაარწმუნეს და უნგრეთის ხელმოწერაც გაჩნდა. დოკუმენტი პოლონეთის მიერ იყო ინიცირებული. ეს არის პროტესტის ფორმა, რომელიც დიპლომატიურ ენაზე დემარშად ითარგმნება. სწორედ აღნიშნული დოკუმენტი გადასცა ევროკავშირის ელჩმა პაველ ჰერჩინსკიმ იუსტიციის მინისტრს რატი ბრეგაძეს. პოლონური მხარე კი ისევ ითხოვს მიხეილ სააკაშვილის გადაცემას მკურნალობის მიზნით. ევროკავშირის ელჩმა იუსტიციის მინისტრს მიხეილ სააკაშვილთან დაკავშირებული დემარში გადასცა

უკრაინის პრეზიდენტის განცხადებით, ცის დაცვა უკრაინისთვის ისევ და ისევ მთავარ პრიორიტეტად რჩება. როგორც ვოლოდიმირ ზელენსკიმ ვიდეომიმართვაში აღნიშნა, გასულ ღამეს, უკრაინაზე შეტევა ირანული დროებით განხორციელდა. „დღე დაიწყო ირანული დრონებიდან თავდასხმით.  უმეტესობის ჩამოგდება მოვახერხეთ – 14-დან 11. სამწუხაროდ, იყო დარტყმებიც.  ხმელნიცკში საგანგებო სიტუაციების სახელმწიფო სამსახურის სამი თანამშრომელი დაშავდა, ორი კი დაიღუპა. ჩემი სამძიმარი ოჯახებს. გვჭირდება საჰაერო თავდაცვის საავიაციო კომპონენტი – თანამედროვე საბრძოლო თვითმფრინავები, რათა შევძლოთ რუსული ტერორისგან ჩვენი სახელმწიფოს ტერიტორიის უსაფრთხოების უზრუნველყოფა. საჰაერო თავდაცვა სრულფასოვანია მაშინ, როდესაც მას უზრუნველყოფს თანამედროვე ავიაციაც. ცის მთლიანად დაცვას მხოლოდ მაშინ შევძლებთ, როდესაც ჩვენს პარტნიორებთან ურთიერთობებში საავიაციო ტაბუ გაუქმდება“, – აღნიშნა პრეზიდენტმა ვიდეომიმართვაში.

აშშ-ის სახელმწიფო დეპარტამენტის წარმომადგენელი ნედ პრაისი საქართველოს პარლამენტში „ხალხის ძალის“ ინიცირებულ კანონპროექტზე დასმულ კითხვას პასუხობს და ამბობს, რომ თეთრი სახლი შეშფოთებულია. „კანონპროექტი სტიგმატიზებას მოახდენს და გააჩუმებს საქართველოს მოქალაქეების დამოუკიდებელ ხმებს, რომლებიც მოწოდებულნი არიან, შექმნან უკეთესი მომავალი მათი საზოგადოებისთვის“ – ასეთია ნედ პრაისის შეფასება „უცხოელი აგენტების რეგისტრაციის შესახებ“ კანონპროექტთან დაკავშირებით. მისივე თქმით, თეთრ სახლში აღნიშულ კანონპროექტთან დაკავშირებით პოზიცია არაერთხელ დაფიქსირდა და ეს პოზიცია უცვლელია. „არაერთხელ გამოვხატეთ  შეშფოთება საქართველოს მთავრობასთან.  გვჯერა, რომ მსგავსმა კანონმა შესაძლოა, პოტენციურად ძირი გამოუთხაროს საქართველოს ევროატლანტიკურ ინტეგრაციასა და ევროატლანტიკურ მისწრაფებებს, რომლებიც საქართველოს მოსახლეობამ ასე ნათლად გამოხატა ბოლო ათწლეულების განმავლობაში. განცხადებები,…