დღე: თებერვალი 16, 2023

„ამ ქვეყანაში მე არ მინდა, რომ მოქმედებდეს ე.წ. ლინჩის წესი. ამ ლინჩის წესის ტერმინოლოგია ყველასთვის ხელმისაწვდომია, ყველამ შეიძლება ჩაიხედოს და ნახოს, რას ნიშნავს ლინჩის წესით გასამართლება“  -აცხადებს მეუფე ნიკოლოზი. მისი შეფასებით, მიხეილ სააკაშვილის მდგომარეობა იგივეა, რაც ლინჩის წესით გასამართლება. „ლინჩის წესი ნიშნავს სასამართლო პროცესის გარეშე განაჩენის გამოტანას. ყველა შესვლაზე სააკაშვილი უარესად და უარესადაა. რაც ბოლოს ჩემი თვალი ვნახე, ყოველგვარ ფარგლებსაა გადაცდენილი.  გამოდის, რომ ეს ადამიანი სასიკვდილოდ არის გამეტებული. აუცილებლად მოკვდება, თუ ასე გაგრძელდა“ – აღნიშნა მეუფემ ჟურნალისტებთან. კუმურდოსა და კარის მიტროპოლიტის შეფასებით, მიხეილ სააკაშვილის ჯანმრთელობის მდგომარეობა დღითიდღე მძიმდება. „განსაკუთრებით, რაც „ვივამედში“…

პარტია ,,ნაციონალური მოძრაობის“ თავმჯდომარის, ლევან ხაბეიშვილის განცხადებით, მნიშვნელოვანია რომ ევროპარლამენტის რეზოლუცია სასწრაფოდ შესრულდეს. ,,დამოუკიდებელი საქართველოს ისტორიაში ასეთ რეზოლუციაში არ ყოფილა მოხსენიებული ქართველი ადამიანი, რომელზეც საუბარია, როგორც პრობლემაზე ჩვენი ქვეყნის ევროპული მომავლის. პირდაპირ წერენ, რომ ბიძინა ივანიშვილი არის ქვეყნის მოღალატე, შინაარსობრივად ასე გამოიყურება ეს ყველაფერი, ასევე არ ყოფილა ასეთ რეზოლუციაში პირდაპირ სახელი და გვარი ჩაეწეროთ, რომ ადამიანი არის ვენდეტის მსხვერპლი და ეს არის პრეზიდენტ მიხეილ სააკაშვილის მიმართ განხორციელებული ვენდეტა რუსი ოლიგარქის მხრიდან, რომელიც კრემლის დავალებით მოქმედებს. ამიტომ, ამაზე მეტს ამ რეზოლუციებში ვერ დაწერენ. ერთადერთი გამოსავალი აქვს ამ შემთხვევაში რუსულ პარტიას, მნიშვნელოვანია, რომ ეს რეზოლუცია სასწრაფოდ…

„სტრასბურგმა რომ ასეთი სარჩელი დააკმაყოფილოს, გამოდის, რომ მთელი ევროპის მასშტაბით სასჯელაღსრულების სისტემები ბოლომდე უნდა ჩამოშალოს“,- ამის შესახებ „ქართული ოცნების“ თავმჯდომარე ირაკლი კობახიძემ  განაცხადა. მისი თქმით, ”ნებისმიერ პატიმარს შეუძლია იგივე გაიმეოროს – დაიკლოს წონაში ხელოვნურად, რასაც სააკაშვილი აკეთებს”. „ერთხელ მაინც თუ დაუშვებს სასამართლო პრეცედენტს, რომ ადამიანი ხელოვნურად იკლებს წონაში და ეს მისი გათავისუფლების საფუძველი ხდება, ვერცერთი ციხე ვეღარ იმუშავებს. ნებისმიერ პატიმარს შეუძლია იგივე გაიმეოროს – დაიკლოს წონაში ხელოვნურად, რასაც სააკაშვილი აკეთებს და ეს თუ მისი გათავისუფლების გარანტია იქნება, ვერცერთი საპატიმრო დაწესებულება ნორმალურ ფუნქციონირებას ვეღარ გააგრძელებს. ვერ ვხედავ ამ საქმის მათთვის სასიკეთოდ…

„ხალხის ძალის“ წევრის, მიხეილ ყველაშვილის განცხადებით, მიხეილ სააკაშვილის ჯანმრთელობის მდგომარეობასთან დაკავშირებით ევროპარლამენტის რეზოლუცია შეურაცხმყოფელია. მისი თქმით, ჩვენმა უფროსმა თაობამ იმისთვის იბრძოლა, რომ მსგავსი რეალობები საქართველოში აღარ ყოფილიყო. „ევროპარლამენტარები მოგვიწოდებენ, კი გაქვთ მართლმსაჯულება და სასამართლო, მაგრამ მერე რა, „დაიკიდეთ“, კანონის უზენაესობა „დაიკიდეთ“ ყველაფერს, ხაზი გადაუსვით, გინდათ სტატუსი მიიღოთ? მაშინ, კუბილიუსის აპითეტს გამოვიყენებ, „ჩვენი წესებით ითამაშეთ“. ახლა რა ვქნათ ქართულმა საზოგადოებამ, თუ განსხვავებულად ვფიქრობთ და ევროკავშირს განსხვავებულად ვხედავთ და იმ ღირებულებებს, რისთვისაც მთელი ქვეყანა მივილტვით, ეს ევროკავშირი არ არის. ევროპარლამენტის 577 წევრი ევროპული ღირებულებები არ არის. თუ ეს ევროპული ღირებულებებია და ამ…

2022 წელს, 10 თვეში საქართველოს კომერციულ ბანკებში რუსეთის ფედერაციის 109 955 მოქალაქემ გახსნა საბანკო ანგარიში. აღნიშნულის შესახებ საქართველოს ეროვნულ ბანკის მიერ დეპუტატ პაატა მანჯგალაძისთვის  გაგზავნილ ინფორმაციაშია ნათქვამი. ინფორმაციიდან ირკვევა, რომ 2022 წლის 24 თებერვლიდან 31 დეკემბრამდე პერიოდში  საქართველოს კომერციულ ბანკებში რუსეთის ფედერაციის რეზიდენტმა ფიზიკურმა პირებმა 109 949 ანგარიში გახსნეს. ხოლო იურიდიულმა პირებმა – 6 ანგარიში. ოფიციალური ინფორმაციის მიხედვით, ყველაზე მეტი საბანკო ანგარიში რუსეთის ფედერაციის რეზიდენტმა ფიზიკურმა პირებმა ოქტომბრის თვეში გახსნეს. ანგარიშების რაოდენობა 27 784-ს შეადგენს. ყველაზე ცოტა კი აგვისტოში 6409. „გასათვალისწინებელია, რომ შესაძლოა, კონკრეტულ პირს გახსნილი ჰქონდეს ერთზე მეტი ანგარიში…

,,რუსული კანონი არ წამიკითხავს და არ ვიცი. შეიძლება, ნედ პრაისს რუსული კანონი წაკითხული აქვს,”- ამის შესახებ “ქართული ოცნების” თავმჯდომარემ, ირაკლი კობახიძემ “ხალხის ძალის” კანონპროექტზე, აშშ-ის სახელმწიფო დეპარტამენტის სპიკერის განცხადების კომენტირებისას განაცხადა. მისივე თქმით, „ხალხის ძალის“ მიერ ინიცირებული კანონი უცხოური გავლენის გამჭვირვალობის შესახებ, ბევრად უფრო რბილია, ვიდრე ამერიკული ვარიანტი. „ანალოგი ნამდვილად არ არის იქედან გამომდინარე, რომ ბევრად უფრო დარბილებულია – ამერიკული კანონი ევროპულ სივრცეში რომ იყოს გადმოტანილი, ის ადამიანის უფლებების სტანდარტებთან წინააღმდეგობაში იქნებოდა. ევროპული კანონმდებლობისგან განსხვავებით, ამერიკული კანონი ბევრად უფრო უხეშია, ჩვენ დავარბილეთ. საბოლოო ჯამში, რაც შეიძლება იყოს განხილული საქართველოში, ეს…

,,იმის გათვალისწინებით, რომ რეზოლუციაში გაკეთებული ჩანაწერები აბსურდულია, მას ჩვენთვის არავითარი ფასი არ აქვს, ნულოვანი ფასი აქვს,”- ამის შესახებ საპარლამენტო უმრავლესობის ლიდერმა, ირაკლი კობახიძემ განაცხადა. კობახიძის თქმით, ”საქართველოს წინააღმდეგ გლობალური ინტერესია და ვინც ამ ინტერესს აკოორდინირებს, მათ სერიოზული გავლენა აქვთ ევროპულ სტრუქტურებზე.” „წინა შემთხვევაში არც ევროკომისიას და არც ევროპულ საბჭოს არ გაუზიარებია შესაბამისი რეზოლუციები. ეს არის მესამე შემთხვევა. იმის გათვალისწინებით, რომ რეზოლუციაში გაკეთებული ჩანაწერები აბსურდულია, მას ჩვენთვის არავითარი ფასი არ აქვს, ნულოვანი ფასი აქვს. რაც უფრო მეტი დრო გადის, მით უფრო აბსურდული ხდება ეს რეზოლუციები. თურმე სააკაშვილი ციხეში ყოფილა მძიმე მდგომარეობაში ივანიშვილის…

,,ადამიანის ჯანმრთელობა რომ არ შეიძლება, ვაჭრობის საგანი იყოს და სამკურნალოდ უნდა გაუშვან, ეს ელემენტარული ჭეშმარიტებაა,” – ასე ეხმიანება „დროას“ ლიდერი, ელენე ხოშტარია მიხეილ სააკაშვილის ჯანმრთელობის მდგომარეობასთან დაკავშირებით ევროპარლამენტის რეზოლუციას გამოეხმაურა. მისივე თქმით, დასავლეთს ძალიან ბევრი ბერკეტი აქვს, მათ შორის პერსონალური სანქციები. „მსოფლიოში დარჩა რუსეთი, ბელარუსი და საქართველო, რომლებიც უგუნურ და საკუთარი ინტერესების საწინააღმდეგო გადაწყვეტილებებს იღებენ. საქართველო ხან რაზე უპირისპირდება დასავლეთს და ხან რაზე. ადამიანის ჯანმრთელობა რომ არ შეიძლება, ვაჭრობის საგანი იყოს და სამკურნალოდ უნდა გაუშვან, ეს ელემენტარული ჭეშმარიტებაა. ამას ელემენტარული ადამიანობა სჭირდება და შენ რომ დასავლეთს უპირისპირდები, მას ძალიან ბევრი ბერკეტი…

საინფორმაციო სააგენტო Bloomberg-ის ინფორმაციით, შვეიცარიულმა ბანკმა Credit Suisse Group AG-მა ქართველ მილიარდერსა და ყოფილ პრემიერ-მინისტრს, ბიძინა ივანიშვილს 210 მილიონი დოლარი გადაუხადა. გამოცემის ცნობით, ეს თანხა სასამართლო პროცესებისთვის მოსარჩელის ყველა ანგარიშზე გადარიცხულ ჯამურ თანხას წარმოადგენს. განცხადებაში არაფერია ნახსენები სინგაპურში მიმდინარე ახლანდელი დავის შესახებ. როგორც Bloomberg წერს, განცხადება არის დეტალური აღიარება იმისა, თუ რა უჯდება ბანკს იურიდიული დავები გლობალურად. ეს იქნება დასასრული იმ დავისა, რომელიც სექტემბერში დაიწყო. ,,ბიძინა ივანიშვილმა უჩივლა ბანკის ტრასტის ერთეულს 800 მილიონი აშშ დოლარის ზარალის ანაზღაურების მოთხოვნით და თქვა, რომ დაკარგა შემოსავალი, რომელსაც, მისი თქმით, წლების განმავლობაში გამოიმუშავებდა, თუ მისი…

,,კარგია, რომ აფასებენ ამ წვლილს, რომელმაც ჩემმა შვილმა შეიტანა საქართველოს დაახლოებაში ევროპასთან,”- ასე ეხმიანება მიხეილ სააკაშვილის დედა, გიული ალასანია ევროპარლამენტის მიერ მიღებულ რეზოლუციას. მისი თქმით, მადლობელია ყველა იმ ადამიანის, ვინც მონაწილეობა მიიღო რეზოლუციის მიღებაში. ,,ძალიან მადლობელი ვარ გუშინდელის, ყველა იმ ადამიანის, ვინც მიიღო მონაწილეობა რეზოლუციის მიღებაში, ძალიან კარგი ფაქტია, კარგია, რომ აფასებენ ამ წვლილს, რომელმაც ჩემმა შვილმა შეიტანა საქართველოს დაახლოებაში ევროპასთან, ძალიან ბევრი რამეა გაკეთებული მოგეხსენებათ, და კარგია, რომ ეს ადამიანები უფასებენ ამას. ყველაფერი, ნელ-ნელა დალაგდება მე ვფიქრობ, უკრაინა გაიმარჯვებს, შეიქმნება სრულიად ახალი წესრიგი უსაფრთხოების მსოფლიოში, იმედია, ერთადერთი ის არის,…

,,ევროპარლამენტის რეზოლუცია არის კრახი „ქართული ოცნების“ საგარეო პოლიტიკური ძალისხმევის“, – ამის შესახებ „მოქალაქეების“ წევრმა, ალეკო ელისაშვილმა განაცხადა. მისი თქმით, ,,ევროპარლამენტის მიერ მიღებული რეზოლუცია არის აბსოლუტურად დამსახურებული, კარგი ღონიერი სილა და ალიყური „ქართული ოცნებისთვის“. „ხელისუფლება თუ ტენდენციას დააკვირდება, ნახავს, რომ ევროპარლამენტარების რაოდენობა სესიიდან-სესიამდე იზრდება და ეს იმის დამსახურებაა, რომ კალაძე, კობახიძე და სხვები ისე ლაზღანდარობენ ევროპარლამენტზე, ევროპელ ჩინოვნიკებზე, რომ ეს არის ამ ყველაფრის დამსახურება. ეს რეზოლუცია არის კრახი „ქართული ოცნების“ საგარეო პოლიტიკური ძალისხმევის, თუმცა ევროპარლამენტის რეზოლუციაში არის საკითხები, რომელსაც არავითარ შემთხვევაში არ ვეთანხმები. პირველია ის, რომ ეს არის ბიძინა ივანიშვილის ვენდეტა…

ოკუპირებული აფხაზეთის ე.წ. პრეზიდენტი ასლან ბჟანია „სამუშაო ვიზიტით“ მოსკოვში იმყოფება. ამის შესახებ ინფორმაციას რუსული მედია ბჟანიას პრესსამსახურზე დაყრდნობით ავრცელებს. „აფხაზეთის რესპუბლიკის პრეზიდენტი ასლან ბჟანია, 14 თებერვალს მოსკოვში გაემგზავრა“, – ნათქვამია ინფორმაციაში. მათივე ინფორმაციით, ბჟანია რუსეთის პრეზიდენტის ადმინისტრაციაში არაერთ შეხვედრას გამართავს.

,,ზეზვა და მზია უფრო ევროპელები არიან, ვიდრე კობახიძე და თალაკვაძე,”- ამის შესახებ  „სტრატეგია აღმაშენებლის“ წევრმა, პაატა მანჯგალაძემ განაცხადა, რითაც  ევროპარლამენტში მიღებულ რეზოლუციას გამოეხმაურა. მისი თქმით, ევროპარლამენტის რეზოლუციამ კიდევ ერთხელ დაადასტურა, რომ ევროპა მხარს უჭერს საქართველოს. „ევროპარლამენტის რეზოლუციამ კიდევ ერთხელ დაადასტურა, რომ ევროპა მხარს უჭერს საქართველოს. კობახიძემ თქვა უზენაესი საბჭო გაგვახსენა ამან საბჭოთა კავშირისო, მეორე სპიკერი თალაკვაძე საუბრობდა ევროპარლამენტმა ევროპას უღალატაო, ძალიან აჭრილი და არეულია მათი სასაუბრო მესიჯბოქსი. არადა ევროპელებს აქვთ მარტივი გზავნილი – თუ გინდათ ევროპა, ისწავლეთ ევროპულად მოქცევა, აი, ამას ითხოვენ, რომ ადამიანი არ იქნას მოკლული საპატიმროში იმის გამო,…