დღე: თებერვალი 7, 2023

საქართველოს კულტურის, სპორტისა და ახალგაზრდობის მინისტრის, თეა წულუკიანის განცხადებით, „ნაციონალურ მოძრაობას“ ბოიკოტის რეჟიმი და პროტესტი სასიკეთო შედეგს ვერ მოუტანს. მისი თქმით, პროტესტმა რომ შედეგი მოიტანოს, საჭიროა ხალხის მხარდაჭერა. „ბევრი ბოიკოტი, ბევრი პროტესტი გვინახავს, მათ შორის, საპარლამენტო მიმართულებით მომდინარე დესტრუქციული ოპოზიისგან და რა თქმა უნდა, ჩვენ ვვარაუდობთ, რომ არც ეს ბოიკოტი მოიტანს მათთვის სასიკეთო შედეგს. ქვეყნისთვის კი დასანანია. არ დადგა ის დრო ჩვენს ცხოვრებაში, რომ პარლამენტში სახელისუფლებო უმრავლესობას და მთავრობაში ხელისუფლებას გაგვიჩნდეს კომპეტენტური, ძლიერი ოპოზიციური შემადგენლობა იმისთვის, რომ ქვეყანა კიდევ უფრო სწრაფად წავიდეს წინ. რაც შეეხება რევოლუციების დაპირებას, მუქარებს, ესეც უკვე…

“ნაციონალური მოძრაობის” თავმჯდომარე ლევან ხაბეიშვილმა  საგანგებო ბრიფინგზე საპროტესტო აქციები დააანონსა. ხაბეიშვილი მოსახლეობას აქციებში მონაწილეობისკენ მოუწოდებს და ამბობს, რომ ”ნაციონალური მოძრაობა” აქციებით უახლოეს მომავალში მთელ საქართველოს მოიცავს. „გთავაზობთ გეგმას: ხვალ, 17:00 საათზე, იუსტიციის სამინისტროსთან იქნება პროტესტი. დედაქალაქში მცხოვრებ ჩვენს მოქალაქეებს მოგიწოდებთ, დააფიქსიროთ პროტესტი. ასევე, 9 თებერვლიდან, ხელვაჩაურში, სიღნაღში, მარნეულში, ზესტაფონში და ბორჯომში – 13:00 საათზე, პარალელურ რეჟიმში, ადგილობრივ მუნიციპალიტეტებთან, ვგულისხმობ მერიას და გამგეობას, გაიმართება სოლიდარობის აქციები. ადგილზე ვიქნებით პოლიტიკური ლიდერებიც, მოემზადონ ადგილობრივი კორუმპირებულები და იცოდნენ კარგად, რომ მათ მოსვენება არ ექნებათ. ასევე, 10 თებერვალს, ქობულეთში, მარტვილში, სამტრედიაში, საგარეჯოში და ხაშურში –…

,,პრეზიდენტისკენ ხელის გამოშვერა არაფრის მომტანია, ვითომ არ იცოდეს ყველამ, ან ერთმა ან მეორემ, რომ პრეზიდენტის შეწყალებით მიხეილ სააკაშვილი ვერ გათავისუფლდება,” – ამის შესახებ  საქართველოს პრეზიდენტის, სალომე ზურაბიშვილის განცხადებაშია ნათქვამი. როგორც პრეზიდენტი აცხადებს, „ერთხელ და სამუდამოდ სააკაშვილმა აღიაროს დანაშაული და პოლიტიკიდან წასვლის პირობით მძევლობიდან გაათავისუფლოს ქვეყანა და თვით ოპოზიცია“. „პრეზიდენტისკენ ხელის გამოშვერა არაფრის მომტანია, თუ არა კიდევ ერთხელ საზოგადოების მოტყუების მცდელობა და რაც მთავარია, ვითომც ამ ხელმოწერით ქვეყანა თავის სახეს და რეპუტაციას ვერ დაიბრუნებს და ვერც გადამწყვეტ შედეგს მიაღწევს ევროპულ გზაზე. ყველამ უნდა დაამთავროს ამ ქვეყნის მომავლით სპეკულირება და თამაში, აიღოს…

,,თბილისის საქალაქო სასამართლომ, მიხეილ სააკაშვილს სასჯელი არ გადაუვადა. ამ გადაწყვეტილებით, ქართველ ხალხს მიესაჯა ჩაკეტილ წრეზე ტრიალი და ამ ვითარების მძევლად დარჩენა,” – ამის შესახებ საქართველოს პრეზიდენტ სალომე ზურაბიშვილის განცხადებაშია ნათქვამი. მისივე თქმით, ყველამ უნდა დაამთავროს ქვეყნის მომავლით სპეკულირება და თამაში, აიღოს პასუხისმგებლობა და შეწყვიტოს ქვეყნის სახის დაზიანება. „გრძელდება ქვეყნის არნახული დისკრედიტაცია, ხელი ეშლება პარტნიორებთან ჩვენი ურთიერთობების სწორი გზით განვითარებას, ხელი ეშლება, ამ უმძიმესი განსაცდელის დროს, უკრაინელი ხალხისა და ქვეყნის მიმართ ჩვენი სოლიდარობის გამოხატვას, რაც ლახავს ქართულ ტრადიციას, ხელი ეშლება ჩვენს აღიარებულ ევროპულ პერსპექტივას, ხელი ეშლება 12 რეკომენდაციაზე მუშაობას და მის შესრულებას, მაშასადამე…

საქართველოს მთავრობის მიერ პრეზიდენტის წინააღმდეგ შეტანილ სარჩელებზე საქმის წარმოება საკონსტიტუციო სასამართლოში შეწყდა. აღნიშნულის შესახებ საკონსტიტუციოს მიერ 6 თებერვალს გამოქვეყნებულ განცხადებებშია საუბარი. როგორც ირკვევა, მთავრობამ პრეზიდენტის წინააღმდეგ შეტანილი სარჩელები, უკან 2023 წლის 11 იანვარს გაიტანა. ცნობისთვის, მთავრობამ საქართველოს საკონსტიტუციო სასამართლოს გასული წლის 10 ივნისს მიმართა. მთავრობის თქმით,  პრეზიდენტმა არაერთხელ დატოვა რეაგირების გარეშე მთავრობის მიერ დასანიშნად წარდგენილი ელჩების კანდიდატები და ითხოვდა განმარტებას, დიპლომატების დანიშვნასა და გათავისუფლებასთან დაკავშირებით.

,,ნიშნისმოგებით საუბარი, დაბოღმილი საუბარი უნდა მორჩეს. დაბოღმილად, წაგებულის პოზიციიდან საუბარი, მერე ტალახის სროლა, არ არის ამის დრო,”- ამის შესახებ ”ნაციონალური მოძრაობის” თავმჯდომარემ, ლევან ხაბეიშვილმა მთავრობის ადმინისტრაციასთან განაცხადა, სადაც მიხეილ სააკაშვილის მხარდამჭერი აქცია მიმდინარეობს. ,,ჩვენ გვაქვს ბრძოლა და მე მოვუწოდებ ყველას, დაასრულონ ოპოზიციონერებმა ერთმანეთის მიმართ ტალახის სროლა. ახლა ძალა ერთობაშია, ჩემს წინამორბედზე განცხადების გაკეთებას არ ვაპირებ, მთავარი ბრძოლა გვაქვს წინ და ეს უკავშირდება არა ნაციონალურ მოძრობას, ან ვიწროპარტიულ ინტერესებს, უკავშირდება თქვენს ინტერესებს, თქვენ ოჯახებს, ჩვენი ქვეყნის მომავალს. ნიშნისმოგებით საუბარი, დაბოღმილი საუბარი უნდა მორჩეს. ეს ჩემი სუბიექტური აზრია და ვაფიქსირებ. დაბოღმილად, წაგებულის…

,,მგონი, უბრალოდ მუშაობა ეზარებათ,” – ასე აფასებს ფრაქცია „ქართული ოცნების“ თავმჯდომარე, მამუკა მდინარაძე „ნაციონალური მოძრაობის“ გადაწყვეტილებას, საპარლამენტო საქმიანობის შეწყვეტის შესახებ. მისივე თქმით, ”კომიკური ფიგურები აღმოცენდნენ „ნაცმოძრაობის“ ხელმძღვანელობაში და წარმოდგენა არ აქვთ, რას აკეთებენ.” „მგონი, უბრალოდ მუშაობა ეზარებათ, მაგრამ უფრო სერიოზულად თუ ვიტყვით, მათ შორის ევრორეკომენდაციების შესრულების პროცესში, როცა ბოლო პუნქტები დარჩა შესასრულებელი და უმეტესად მათზეა დამოკიდებული, შესრულდება თუ არა, ახლა ბოიკოტირება რამდენად რელევანტურია ჩვენი ქვეყნის გამოწვევებთან, ეს საზოგადოებამ განსაჯოს. თუმცა, გუშინ მათი კომიკური თავმჯდომარის პირველი განცხადებით მე საერთოდ არ დამრჩა შთაბეჭდილება, რომ ისინი მანდატებს არ ტოვებდნენ, დღეს დაიხიეს უკან და…

„ნაციონალური მოძრაობის“ წევრის ხატია დეკანოიძის განცხადებით,  საპარლამენტო ბოიკოტსა და მანდატების დატოვებას არ ემხრობა. მისი თქმით, თუ პროცესის რადიკალიზაცია არასწორად წავიდა, ეს იქნება უმძიმესი პრობლემა პარტიისთვის და მიხეილ სააკაშვილისთვის. „მე არ ვემხრობი უშედეგოდ არც საპარლამენტო, საკრებულოების ბოიკოტს, არც მანდატების დატოვებას. ახლა ყველაზე მნიშვნელოვანია, რაციონალურად შევხედოთ მოვლენებს და ჩვენი პარტნიორების ნდობა არ დავკარგოთ. ჩვენ ვიცით ჩვენი პარტნიორების განწყობები. თუ პროცესის რადიკალიზაცია არასწორად წავიდა (მასიურ პროტესტს არ ვგულისხმობ), ეს იქნება უმძიმესი პრობლემა პარტიისთვის და მიშასთვის. რაც უფრო მარგინალური პროცესებისკენ მიდის გზა, უფრო არ გაუშვებენ მიშას. მიშას საკითხის გადაწყვეტა არის საერთაშორისო მნიშვნელოვან ზეწოლაზე მუშაობა.…

,,გლობალური ომის პარტიას ერთადერთი ინტერესი აქვს საქართველოში, სააკაშვილის გამოშვება, ისინი ხედავენ, რომ ხაბეიშვილები, მელიები და ა.შ. აქ, საქართველოში ვერაფერს მოაწყობენ,” – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხდა. კობახიძის თქმით,  გიორგი მარგველაშვილის მიერ მიხეილ სააკაშვილის საზღვარგარეთ სამკურნალოდ გადაყვანასთან დაკავშირებით შექმნილი პეტიცია, რომელსაც შეუერთდნენ ევროპული ქვეყნებიდან ყოფილი მაღალჩინოსნები, არ იქნება რაიმე გადაწყვეტილების მიღების საფუძველი. „რაც შეეხება საჯარო მოსამსახურეებს, ჯერ ერთი, ისინი არიან პოლიტიკური თანამდებობის ყოფილი პირები, მათი პოზიცია საერთოდ არ არის საინტერესო, ესენი არიან კოლექტიური „ნაცმოძრაობა“, რომლებიც „ნაცმოძრაობის“ მმართველობის ქვეშ იკავებდნენ საკუთარ თანამდებობებს, 90 პროცენტზე მეტი არის სწორედ ასეთი თანამდებობის პირი.…

“ქართული ოცნების” თავმჯდომარის, ირაკლი კობახიძის განცხადბეით, იმ შემთხვევაში, თუ საქართველოს პრეზიდენტი, სალომე ზურაბიშვილი მიხეილ სააკაშვილს შეიწყალებს, საზოგადოებისგან “უმძიმესი რეაქცია ექნება”. “მისი გადასაწყვეტია, სამართლებრივად ეს ასეა. რაც შეეხება პოლიტიკურ მხარეს, მე დარწმუნებული ვარ, საზოგადოებას ექნება უმძიმესი რეაქცია ასეთ აქტზე. მეც მექნებოდა და მექნება ძალიან მძიმე რეაქცია ასეთ რამეზე, რადგან თეორიულად ასეთი რამ რომ მოხდეს, ეს იქნებოდა ქართული სახელმწიფოს წინააღმდეგ გადადგმული ნაბიჯი, ეს იქნებოდა ჩემი რეაქცია და მე დარწმუნებული ვარ, საზოგადოებას ასეთ თეორიულ შემთხვევაზე ექნება ძალიან მძიმე რეაქცია”, – განაცხადა კობახიძემ.

,,ჩვენ დაჟინებით მოვუწოდებთ სააკაშვილის ოჯახის წევრებს, რომ მიაწოდონ სათანადო კალორაჟის საკვები მიხეილ სააკაშვილს, ეს არის ერთადერთი, რაც ჩვენ შეგვიძლია გავაკეთოთ,” – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, სახელმწიფო სწორედ საკუთარი პასუხისმგებლობით მოქმედებს. „რაც შეეხება სახელმწიფოს პასუხისმგებლობას, სახელმწიფო მოქმედებს სწორედ საკუთარი პასუხისმგებლობით, ანუ ყველა შესაბამისი სამედიცინო თუ სხვა მომსახურება არის უზრუნველყოფილი ყველა პატიმრისთვის, მათ შორის პატიმარ სააკაშვილისთვის. ეს არის ჩვენი პასუხისმგებლობა. რაც შეეხება, ოჯახს და საახლობლო წრეს, მათი პასუხისმგებლობაა სათანადო კალორაჟის მიწოდება. გასაგებია, ჩვენ გვესმის, რომ თვითონ სააკაშვილი ითხოვს, პოლიტიკურად ეს მას ასე აინტერესებს, დაბალი კალორაჟის საკვები…

მიხეილ სააკაშვილი კლინიკა”ვივამედიდან” წერილს ავრცელებს, სადაც წერს, რომ ბრძოლა გაგრძელდება. მისი თქმით, ახლა დიდი გეოპოლიტიკური საკითხები წყდება და ქართველები აქტიურად უნდა გამოხატავდნენ თავის პოზიციას. “მადლობა ყველა პატიოსან ექსპერტს, მარიამ ჯიშკარიანის გუნდს, ყველა ადვოკატს, შალვა ხაჭაპურიძეს, ზურაბ ვანიშვილს, ვალერი გელბახიანს, ამ დიდი უსამართლობისთვის წინააღმდეგობის გაწევისთვის. დიდი მადლობა ყველა პოლიტიკოსს სოლიდარობისა და ადამიანურობისთვის. ეს ბრძოლა გაგრძელდება და ბევრად მეტზეა საუბარი, ვიდრე უბრალოდ ჩემი ბედი. დიდი გეოპოლიტიკური საკითხები წყდება და უკრაინასთან ერთად ყველა სწორი ძალა გაიმარჯვებს და ბოროტება დამარცხდება. მაგრამ ქართველები გულხელდაკრეფილები არ უნდა ელოდნენ, არამედ აქტიურად გამოხატავდნენ თავის პოზიციას”, – წერს მიხეილ…