დღე: თებერვალი 17, 2023

ევროკომისიის ვიცე-პრეზიდენტი, საგარეო და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი საქართველოს პრემიერ-მინისტრთან ირაკლი ღარიბაშვილთან შეხვედრას სოციალურ ქსელ “ტვიტერში” ეხმაურება. როგორც ჯოზეფ ბორელი აღნიშნავს, შეხვედრაზე საუბარი შეეხო საქართველოს რეფორმების დღის წესრიგით გათვალისწინებული ამოცანების განხორციელებისა და ევროკავშირის გზაზე წინსვლის მიღწევის საჭიროებას. “მიუნხენის უსაფრთხოების კონფერენციის ფარგლებში კარგი საუბარი მქონდა საქართველოს პრემიერ-მინისტრ ირაკლი ღარიბაშვილსა და საგარეო საქმეთა მინისტრ ილია დარჩიაშვილთან. საუბარი შეეხო საქართველოს რეფორმების დღის წესრიგით გათვალისწინებული ამოცანების განხორციელებისა და ევროკავშირის გზაზე წინსვლის მიღწევის საჭიროებას. ვაგრძელებთ ურთიერთობების განმტკიცებას და ერთად დგომას საქართველოს მედეგობისა და ევროპული უსაფრთხოების დაცვის განსამტკიცებლად”,-აღნიშნავს ჯოზეფ ბორელი.

გერმანიის კანცლერის შეფასებით,  უკრაინა თავისუფლებისთვის დიდ საფასურს იხდის, ევროპის ქვეყნები კი მის მხარდაჭერას აქტიურად გააგრძელებენ. აღნიშნული განცხადება შოლცმა მიუნხენის უსაფრთხოების კონფერენციაზე გააკეთა. „პუტინის რევანშიზმი ვერ გაიმარჯვებს. ყველაფერი პირიქით მოხდება. უკრაინა იმაზე ერთიანია, ვიდრე ოდესმე ყოფილა. ევროკავშირი ერთიანია და ის მხარს უჭერს უკრაინის მომავალ წევრობას ევროკავშირში. ნატო ფართოვდება, ალიანსს ახალი წევრები ემატება. ამავე დროს ათასობით ახალგაზრდა რუსმა საკუთარი სიცოცხლის ფასი გადაიხადა პუტინის ომისთვის და უამრავმა სხვამ ზურგი აქცია საკუთარ ქვეყანას“ – განაცხადა ოლაფ შოლცმა. ოლაფ შოლცის შეფასებით, პუტინმა უნდა გააცნობიეროს, რომ მას არ შეუძლია იმპერიალისტური ამოცანის შესრულება. „ომს არ აჭიანურებს ჩვენ…

საფრანგეთის პრეზიდენტის განცხადებით, რუსეთმა ამ ომის წამოწყებისას დასახულ ვერცერთ მიზანს მიაღწია. როგორც  მაკრონმა მიუნხენის უსაფრთხოების კონფერენციაზე განაცხადა, უკრაინელების შემართებამ და სიმამაცემ აჩვენა, რომ რუსეთმა ვერ შეძლო ჩანაფიქრის შესრულება. „რუსეთს სურდა, გავლენის სფეროები შეექმნა და ისე გამოეყვანა, თითქოს უკრაინაში წამოწყებულ ომს ლეგიტიმური საბაბი ჰქონდა. მაგრამ ამან ვერ იმუშავა. ეს ერთი წლის შემდეგაც ეს არ მუშაობს. რუსეთის მიმართ დიდი უნდობლობა არსებობს და თავდაცვა მეტად მნიშვნელოვანი გახდა. მაგალითად, როგორ უნდა ვივარაუდოთ, რომ კავკასიაში გამოწვევის გადაჭრა რუსეთს შეუძლია? რუსეთს, რომელიც წარმოადგენს ახალ კოლონიალისტურ სახელმწიფოს“, – განაცხადა მაკრონმა. საფრანგეთის პრეზიდენტის შეფასებით, ევროპაში გრძელვადიანი უსაფრთხოება და სტაბილურობა რუსეთის პრობლემის…

მიუნხენის უსაფრთხოების კონფერენციაზე  საფრანგეთის  პრეზიდენტმა უკრაინაში მიმდინარე ომზე ისაუბრა და აღნიშნა, რომ ეს ომი მხოლოდ ევროპელების ომი არ არის, ის მთელ მსოფლიოს ეხება. „ეს არა მხოლოდ ევროპელების ომია, ეს ომი მთელ მსოფლიოს ეხება, რადგანაც აგრესიას არანაირი გამართლება არ აქვს. ეს არის ახალი იმპერიალისტური მიდგომა, რასაც რუსეთის მხრიდან ვხედავთ, რაც გამოიხატება მეზობლის წინააღმდეგ აგრესიაში და მისი ტერიტორიული მთლიანობისადმი უპატივცემულობაში. ამ ომის აგრესიის დროს ყველა ტაბუ დაირღვა. გაერო-ს უშიშროების საბჭოს წევრმა დაარღვია გაერო-ს ქარტია. ვიხილეთ კრიტიკული მნიშვნელობის სამოქალაქო ინფრასტრუქტურის განადგურება, დანაშაულებები, რომლებიც უკრაინის მოსახლეობის წინააღმდეგ ჩაიდინეს და ასევე არსებობს ბირთვული საფრთხეც“, –…

„ვიდრე ჩვენ ვცდილობთ, დაგარწმუნოთ, რომ უკრაინას სჭირდება თანამედროვე მოიერიშე თვითმფრინავები, კრემლმა უკვე დაარწმუნა ირანის რეჟიმი. ამის შედეგი არის არა მხოლოდ ლეტალური, ირანული დრონები უკრაინის ცაზე, არამედ რაღაც, რაც რუსეთმა ამ დრონების მისაღებად გადაიხადა“ – მიმართა ვოლოდიმირ ზელენსკიმ მსოფლიოს მიუნხენის უსაფრთხოების კონფერენციიდან. პრეზიდენტის შეფასებით,  რუსეთს ახალ-ახალი სანქციები უნდა დაუწესონ. „დარწმუნებული ხართ რომ ეს მხოლოდ ფულია? თუ შეიძლება, მსოფლიომ მიიღოს გამდიდრებული ურანის მქონე ირანის რეჟიმი. დარწმუნებული ვარ, არც ერთ ჩვენგანს არ სურს, ახლო აღმოსავლეთის რეგიონსა და სპარსეთის ყურეში ეს გამოცადონ. ვიდრე ჩვენ ვკარგავთ კვირებს, რათა რუსეთის წინააღმდეგ ახალი სანქციები შევათანხმოთ, ტერორისტი სახელმწიფო…

„ვიდრე ჩვენ ვცდილობთ, დაგარწმუნოთ, რომ უკრაინას სჭირდება თანამედროვე მოიერიშე თვითმფრინავები, კრემლმა უკვე დაარწმუნა ირანის რეჟიმი“ – აღნიშნა პრეზიდენტმა ზელენსკიმ მიუნხენის უსაფრთხოების კონფერენციაზე სიტყვით გამოსვლისას. მან რუსეთიდან მომავალ საფრთხეებზე ისაუბრა და აღნიშნა, რომ სიჩქარეა საჭირო. „რუსეთი ცდილობს, მსოფლიოსთან ვაჭრობით დამატებითი დრო მოიგონ აგრესიისთვის. რუსეთს ჯერ კიდევ შეუძლია უამრავი სიცოცხლის განადგურება. სწორედ ამიტომ, უნდა ვიჩქაროთ“ – აღნიშნა პრეზიდენტმა. ზელენსკიმ, რომელმაც უსაფრთხოების კონფერენცია გახსნა, მსოფლიოს გადაწყვეტილებების დაჩქარებისკენ მოუწოდა. „უნდა დავაჩქაროთ შეთანხმებები, დავაჩქაროთ მიწოდება, დავაჩქაროთ ჩვენი გადაწყვეტილებები, რათა შევზღუდოთ რუსეთის პოტენციალი. დაჩქარების გარდა, ჩვენ სხვა ალტერნატივა არ გვაქვს. ეს არის სიჩქარე, რომელზეც დამოკიდებულია სიცოცხლე. გაჭიანურება…

გერმანიის ქალაქ მიუნხენში მსოფლიო ლიდერების მონაწილეობით  უსაფრთხოების კონფერენცია მიმდინარეობს, რომელიც უკრაინის პრეზიდენტმა ვოლოდიმირ ზელენსკიმ გახსნა. ზელენსკი კონფერენციას დისტანციურად ჩაერთო. „კონფერენციის ამ ნაწილს „დავითი დნეპროზე“ უკრაინის პატივსაცემად, უკრაინელი ხალხის პატივსაცემად შეურჩიეს, რომელიც არამარტო საკუთარი ქვეყნის, არამედ მთელი მსოფლიოს დაცვას ცდილობს გოლიათისგან. დღეს დავითი არის ყველა, ვინც ფიქრობს, რომ უნდა დამარცხდეს გოლიათი, რომელსაც ჩვენი ცხოვრების განადგურება სურს. თითოეულ მოკავშირეს მადლობას ვუხდი დახმარებისთვის. რუსეთი  აუცილებლად დამარცხდება. ჩვენს გამარჯვებას ალტერნატივა არ აქვს. გოლიათს გამარჯვების შანსი არ აქვს, თუმცა სამწუხაროდ აქვს შესაძლებლობა, ბევრი სიცოცხლე შეიწიროს”, – განაცხადა პრეზიდენტმა ზელენსკიმ კონფერენციაზე გამოსვლისას.

,,გავაგრძელებთ დაახლოებას ისეთ პარტნიორებთან, როგორიც საქართველოა და ეს არის ერთ-ერთი გზავნილი უკრაინაში ომიდან ერთი წლის თავზე,” – ამის შესახებ ნატო-ს გენერალურმა მდივანმა, იენს სტოლტენბერგმა მიუნხენის კონფერენციის დაწყებამდე განაცხადა. მისი თქმით, ომი უკრაინაში არის იმის ნიმუში, რაც რეალურად  საქართველოში შეჭრით დაიწყო. „ომი უკრაინაში არის იმის ნიმუში, რაც რეალურად დაიწყო საქართველოში შეჭრით, შემდეგ ვნახეთ სასტიკი ომი სირიაში, შემდეგ ვიხილეთ ყირიმის უკანონო ანექსია და ახლა ვხედავთ სრულმასშტაბიან შეჭრას უკრაინაში. გავაგრძელებთ დაახლოებას ისეთ პარტნიორებთან, როგორიც საქართველოა და ეს არის ერთ-ერთი გზავნილი ომიდან ერთი წლის თავზე“, – განაცხადა სტოლტენბერგამ.

უკრაინული მედიის ინფორმაციით, ქვეყნის რეგიონებში საჰაერო განგაშის სიგნალის ხმა ისმის. მოქალაქეებს თავშესაფარში ჩასვლისკენ მოუწოდებენ. განგაშის შესახებ ინფორმაციას  უკრაინის შინაგან საქმეთა მინსიტრის მრჩეველი ანტონ გერაშენკოც ადასტურებს.

,,ნატო-ს ქვეყნები უცოდველი მზერით ცდილობენ მსოფლიო საზოგადოებას დაუმტკიცონ, რომ კონფლიქტის მხარე არ არიან,”- ამის შესახებ რუსეთის საგარეო საქმეთა სამინისტროს ოფიციალურმა წარმომადგენლმა, მარია ზახაროვამ განაცხადა. „შეერთებული შტატები, ნატო-ს წევრი სახელმწიფოები გულგრილები არიან იმის მიმართ, რომ სამიზნეები არის საცხოვრებელი ზონები, სკოლები, საავადმყოფოები, საბავშვო ბაღები. ნატო-ს ქვეყნები უცოდველი მზერით ცდილობენ მსოფლიო საზოგადოებას დაუმტკიცონ, რომ კონფლიქტის მხარე არ არიან, რაც მთავარია, გაუგებარია რატომ“, – განაცხადა ზახაროვამ. მისი თქმით, აშშ-ს და ნატო-ს წევრი სხვა ქვეყნების მიერ იმის არ აღიარება, რომ უკრაინაში კონფლიქტის მხარეს წარმოადგენენ, ცინიზმი და სიმხდალეა. „ჩართულობა მაქსიმალურია: მრავალი წლის განმავლობაში პროვოკაციული ქმედებები, ახლა…