დღე: თებერვალი 11, 2023

ტელეკომპანია “სიენენ-მა” მიხეილ სააკაშვილის პალატაში გადაღებული ვიდეოკადრები გაასაჯაროვა. ვიდეოში ჩანს, როგორ გამოდის პატიმრობაში მყოფი სააკაშვილი ოთახიდან, მიდის საწოლის მიმართულებით და საწოლზე ეცემა. ეს არის პალატაში დამონტაჟებული  სათვალთვალო კამერის მიერ გადაღებული კადრები. რაც შეეხება ვიდეო მასალის მეორე ეპიზოდს, ჩანს, რომ სააკაშვილი საწოლიდან ვარდება, პალატაში ჯერ სამედიცინო პერსონალი შედის, რომელიც ცდილობს მის დაჭერას, შემდეგ კი სავარაუდოდ დაცვას ეძახიან დასახმარებლად, რომლებიც პალატაში შერბიან.

ცენტრ „ემპათიის” დირექტორი მარიამ ჯიშკარიანის განცხადებით, პატიმრობაში მყოფი მიხეილ სააკაშვილის მდგომარეობა დამძიმდა. მისი შეფასებით, ეს პროგნოზირებული იყო კიდეც. „მისი მდგომარეობა დამძიმდა და ეს იყო პროგნოზირებული არაერთი ექსპერტის მიერ, 17 ექსპერტი და სახალხო დამცველის ექსპერტები პროგნოზირებდნენ სავალალო მდგომარეობას. პასუხისმგებელი მის ჯანმრთელობის მდგომარეობაზე ახლა არის მოსამართლე არევაძე, იუსტიციის მინისტრი რატი ბრეგაძე და ასევე კლინიკა ,,ვივამედი“, ვინაიდან მათ გაწიეს წინააღმდეგობა და სამართლიანი სასამართლოს უფლებაც ჩამოერთვა ამ ადამიანს. მე კლინიკა ,,ვივამედის” ტყუილი ცრემლების არ მჯერა. რაც შეეხება მისი ჯანმრთელობის მდგომარეობას, ჩვენ დეტალური ინფორმაცია არ გვაქვს, მასთან შესვლა შეზღუდულია“ – აცხადებს მარიამ ჯიშკარიანი.  

ნაციონალური მოძრაობის წარმომადგენლები ამ წუთებში შეკვეთილში, ბიძინა ივანიშვილის რეზიდენციასთან არიან შეკრებილები და საპროტესტო აქციას მართავენ. ენმ-ს თავმჯდომარე ლევან ხაბეიშვილმა ოპოზიციას გაერთიანებისკენ მოუწოდა და ყველას მიმართა, წყენა დაივიწყონ. „მიხეილ სააკაშვილის თავისუფლება უდრის ჩვენი ქვეყნის ევროპულ მომავალს. რატომ გვინდა ევროკავშირი? ევროკავშირი ნიშნავს ჩვენი პენსიონერების ღირსეულ სიბერეს; ევროკავშირი ნიშნავს ჩვენი სტუდენტების უკეთეს განათლებას; ევროკავშირის ნიშნავს ჩვენი ხალხის ნორმალურ დასაქმებას და ნორმალურ ხელფასს. დღეს გროშებზე ამუშავებენ ქართველ ხალხს. 300-400 ლარად ახალგაზრდებს ღამეების თენება უწევთ. მინდა მივმართო იმ ადამიანებს, რომლებიც საკუთარ თავებს ოპოზიციონერებს ეძახიან, დაასრულეთ ერთმანეთთან დაპირისპირება და ლაქლაქი ტელევიზიაში. ენერგია დახარჯეთ ხალხთან ურთიერთობაში. ენერგიას ნუ…

პრემიერ-მინისტრის განცხადებით, ხალხი ყოველდღე ხედავს, რომ ეს რადიკალურ-ექსტრემისტული პარტია რეალურად რაღაც კომიკურ ორგანიზაციად გარდაიქმნა. ირაკლი ღარიბაშვილის თქმით, ეს არის გაკოტრებული, დისკრედიტებული და მარგინალიზებული რადიკალური ძალა. „ჩემთვის არ არის საინტერესო არც მათი აქციები, არც მათი ეს უაზრო განცხადებები. ჩვენ მთავარი უნდა ვაკეთოთ, საქმე და ვემსახუროთ ქვეყანას, ჩვენს ხალხს. რაც ჩვენს ხალხს სჭირდება, მხოლოდ ის უნდა ვაკეთოთ. ჩემთვის საინტერესო ნამდვილად არ არის, რას გეგმავენ. ჩემთვის მთავარია, რომ ყველა გამოწვევა, რომელიც ქვეყნის წინაშე დგას, ჯერ კიდევ ბევრი საკითხია მოუგვარებელი, ეს ყველა საკითხი მოვაგვაროთ და კიდევ უფრო ძლიერი და მაგარი ქვეყანა გვქონდეს, ვიდრე არის…

პრემიერ-მინისტრ ირაკლი ღარიბაშვილის განცხადებით, უკრაინაში ომის დასასრულს პირი არ უჩანს. მისი თქმით, მხარეები არ აპირებენ, მოლაპარაკების მაგიდას დაუბრუნდნენ. „ომის დაწყების დღიდან უკვე 20% არის უკრაინის ტერიტორიის ოკუპირებული. ათი ათასობით ადამიანი არის დაღუპული, ასეულობით მილიარდი დოლარის ზარალი მიადგა უკრაინას. გარდა სამხედროებისა, ძალიან მძიმე დანაკარგი აქვს ორივე მხარეს სამოქალაქო ინფრასტრუქტურა, მოქალაქეები, ბავშვები. ამ ზარალს და დანაკლისს, ამ ტკივილს ვერაფერი აღადგენს. ჩვენ ვუყურებთ, რომ ომი არ ჩერდება, მცდელობაც არ ჩანს, რომ ეს ომი გაჩერდეს და მხარეები დაუბრუნდნენ მოლაპარაკების მაგიდას. ეს რა თქმა უნდა, შემაშფოთებელია.  ჩვენი მთავარი ამოცანა იყო, არის და იქნება ჩვენი ხალხის…

პრემიერ ირაკლი ღარიბაშვილის განცხადებით, საქართველოში მიხეილ სააკაშვილის შემოგზავნა იყო ნაწილი, რომელიც საქართველოში მეორე ფრონტის გახსნას გულისხმობს. მისივე შეფასებით, უკრაინის მხრიდან  მსგავსი შემოტევები დღემდე არ წყდება. „ჩვენმა მთავრობამ მოვახერხეთ ყველაზე დიდი განსაცდელის არიდება ჩვენი ქვეყნისთვის და ეს არის ომი. ეს არის მცდელობა, რომელიც არ ჩერდება, რომ რამენაირად გადმოსულიყო ეს კონფლიქტი ჩვენს ქვეყანაში. ამის თაობაზე ჩვენ პირდაპირ მოვისმინეთ განცხადებები უკრაინის ხელისუფლების წარმომადგენლებისგან, რომ მათი მიზანი იყო მეორე ფრონტის გახსნა. ამ მიზანს ემსახურებოდა პრეზიდენტ სააკაშვილის შემოგზავნა საქართველოში და ძალიან ბევრი პროვოკაცია, რომელიც მათ მიერ არ წყდება“ – განაცხადა ირაკლი ღარიბაშვილმა ჟურნალისტებთან.

პატიმრობაში მყოფი  მესამე პრეზიდენტის, მიხეილ სააკაშვილის დედის, გიული ალასანიას განცხადებით, საქართველოს ხელისუფლებამ უნდა გაითვალისწინოს 27 ქვეყნის მიმართვა და გაათავისუფლოს მიხეილ სააკაშილი. როგორც გიული ალასანია აცხადებს, მისი შვილი სამკურნალოდ პოლონეთში უნდა გაუშვან. „ყოველდღე სუსტდება და ადგომა ძალიან უჭირს. ჭამაც, ლაპარაკიც და უკვე ყველაფერი უჭირს. 27 ქვეყნის ხელისუფლებები შუამდგომლობით მიმართავენ ჩვენ ხელისუფლებას, რომ გაათავისუფლოს სააკაშვილი და მას შესაძლებლობა მიეცეს მკურნალობა გაიაროს პოლონეთში“, – განაცხადა გიული ალასანიამ კლინიკიდან გამოსვლის შემდეგ.

კითხვაზე რამდენ მაგნიტუდაზეა თბილისი გათვლილი, პასუხის გაცემა სეისმოლოგებს უჭირთ. როგორც  ილიას სახელმწიფო უნივერსიტეტის პროფესორი, სეისმოლოგი ზურაბ ჯავახიშვილი „მედიაცენტრ მთავართან“ აცხადებს, ერთიდაიგივე მაგნიტუდის მიწისძვრას სხვადასხვა დასახლებებში სხვადასხვა ზიანის მოტანა შეუძლია. „მიწისძვრით გამოწვეული ზიანი  სხვადასხვა ადგილზე, სხვადასხვაა. თბილისში სხვაა, ჯავახეთში სხვა. მაგალითად, თუ მაგნიტუდა 5 თბილისთან ახლოს მოხდა, შეუძლია გამოიწვიოს ზარალი, ეს შეუძლია მაგნიტუდა 7-საც, რომელის შესაძლოა თბილისიდან  50 კილომეტრში მოხდეს. უნდა ითქვას, რომ საშუალო დონის მიწისძვრაც კი ჩვენთვის პრობლემაა, რადგან, ჩვენთან ძალიან ბევრია ძველი შენობები. ადრე თბილისი 7 „ბალიან“ ზონაში იყო მოქცეული, შემდეგ 8 „ბალიანზე“. თბილისის დღევანდელი სეისმური საფრთხე 8 ბალს…