დღე: თებერვალი 25, 2023

ევროკავშირის მხრიდან რუსეთისთვის ამოქმედებულ სანქციების მე-10 პაკეტთან დაკავშირებით, ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჟოზეფ ბორელი სოციალურ ქსელში წერს. „მიღებულია სანქციების მე-10 პაკეტი: ჩამოთვლილი 121 ფიზიკური პირი და სუბიექტი, მნიშვნელოვანი ახალი იმპორტი/ექსპორტი შეზღუდვები, რუსული პროპაგანდისტული საშუალებების აკრძალვა. ჩვენ ვრჩებით ერთიანნი ჩვენს გადაწყვეტილებაში, დავარღვიოთ რუსეთის ომის მანქანა. როგორც ჩვენი ჩამონათვალის ნაწილი, სანქციების სამიზნე ის ადამიანები არიან, რომლებიც პასუხისმგებელნი არიან მინიმუმ 6 000 უკრაინელი ბავშვის დეპორტაციასა და იძულებით შვილად აყვანაზე. ეს არის საერთაშორისო სამართლის აშკარა დარღვევა, მათ შორის ჟენევის კონვენციის, რაც მე გუშინ გაეროს უშიშროების საბჭოზე განვაცხადე” – აცხადებს ბორელი. შეგახსენებთ, რომ…

კიევის „სოციოლოგიის საერთაშორისო ინსტიტუტმა“ უკრაინელები გამოკითხა. კვლევა უკრაინის მხრიდან რუსეთზე შესაძლო დარტყმას ეხებოდა. გამოკითხულთა 90% თვლის, რომ რუსეთი იმსახურებს დარტყმას. რაც შეეხება დარტყმის ფორმებს, გამოკითხულთა  38%-ს მიაჩნია, რომ ეს მხოლოდ და მხოლოდ სამხედრო ობიექტებზე უნდა განხორციელდეს; 39% თვლის, რომ სამხედრო ობიექტებთან ერთად, დარტყმა შესაძლებელია  ენერგეტიკულ ობიექტებზეც; 13% ამბობს, რომ უკრაინამ რუსეთის ერთიანად უნდა შეუტიოს, ანალოგიურად, რასაც ოკუპანტი ქვეყანა უკრაინაში აკეთებს; 7% ფიქრობს, რომ თავდასხმა არ უნდა მოხდეს, 3%-ს კი არ აქვს ჩამოყალიბებული პოზიცია.

ევროკვშირის პარალელურად, უკრაინაში რუსეთის შეჭრის წლისთავზე, ოკუპანტი ქვეყანა კანადამაც „დააჯილროვა“. კანადამ რუსეთს მორიგი სანქციები დაუწესა. კანადის პრემიერის, ჯასტინ ტრუდოს ინფორმაციით, სანქციებში რუსეთში მოღვაწე 129 ფიზიკური და 63 იურიდიული პირი მოხვდა. სანქციები შეეხო ცნობილ ჰოკეისტ ვლადისლავ ტრეტიაკის; ყოფილი პრეზიდენტის და მოქმედი რუსეთის უშიშროების საბჭოს თავმჯდომარის მოადგილის, დიმიტრი მედვედევის ყოფილი ცოლ-შვილი. სანქციები რუსული პროდუქტების ექსპორტ-იმპორტსაც ეხება.  

ჩინეთის მიერ წარდგენილ ე.წ. სამშვიდობო გეგმასთან დაკავშირებით, პრეზიდენტის ზელენსკის შემდეგ, კომენტარს აშშ-ის პრეზიდენტიც აკეთებს. როგორც ჯო ბაიდენი აცხადებს, ეს გეგმა მოსწონს პუტინს, ეს კი იმას ნიშნავს, რომ ის კარგი ვერ იქნება. „თუ მას პუტინი ტაშს უკრავს,  როგორ შეიძლება, ეს კარგი გეგმა  იყოს? მე ვერ დავინახე გეგმაში ვერაფერი, რაც მიმანიშნებელია, რომ ამ გეგმის განხორციელება სასარგებლო იქნებოდა ვინმესთვის, რუსეთის გარდა“, – აცხადებს ჯო ბაიდენი. მისივე შეფასებით, შეუძლებელია, ჩინეთმა ოდესმე რუსეთ-უკრაინის მოლაპარაკების შუამავლობა იკისროს. შეგახსენებთ, რომ ჩინეთის ე.წ. სამშვიდობო გეგმასთან დაკავშირებით პოზიცია პრეზიენტმა ზელენსკიმაც დააფიქსირა და აღნიშნა, რომ კარგი ის არის, რომ ჩინეთი…

უკრაინის პრეზიდენტის თხოვნა, რომ ევროკავშირს ოკუპანტი ქვეყნისთვის სანქციების მეათე პაკეტი აემოქვედებინა, გათვალისწინებულია. ევროკავშირმა რუსეთის წინააღდეგ ახალი პაკეტი დაამტკიცა. პაკეტი ითვალისწინებს მეტ წნეხს ოკუპანტი ქვეყნისთვის. მასში ასევე გათვალისწინებულია  ექსპორტის შეზღუდვა; სანქციები ომის პროპაგანდისა და მხარდაჭერისთვის და სხვა არაერთი შეზღუდვა. აღნიშნული გზავნილით ევროკავშირი ადასტურებს სოლიდარობას და ურყევ მხარდაჭერას უკრაინის მიმართ. საერთო მიზანი კი ომში გამარჯვებაა.

უკრაინას სოლიდარობა გერმანიაშიც მრავალათასიანი აქციით გამოუცხადეს. აქციის ერთ-ერთი მონაწილე და მხარდამჭერი იყო წარმატებული ქართველი, მსოფლიო და საერთაშორისო სისხლის სამართლის, გერმანიის მაქს/პლანკის ინსტიტუტში პოსტსაბჭოური ქვეყნების კოორდინატორ/ექსპერტი, კონფლიქტოლოგი, კრიმინოლოგი და საერთაშორისო მედიატორი ელიკო წიკლაური-ლამიხი. როგორც ელიკო წიკლაური აცხადებს, დღევანდელმა დღემ 2008 წელი გაახსენა და ღირსება და სამშობლოს სიყვარული არც იზომება და არც იყიდება. „დღეს ფრეიბურგში მრავალათასიანი დემონსტრაცია გაიმართა გმირი უკრაინელი ხალხის მხარდასაჭერად. რა თქმა უნდა ჩვენც მხარი დავუჭირეთ, არაჩვეულებრივი სიტყვით გამოვიდნენ და მიესალმნენ დემონსტრაციაზე თავშეყრილ საზოგადოებას ქართველი ნანა ვოსნერი და თორნიკე სვანიძე და სხვა სტუდენტები. კარგად მახსოვს, როცა მე ვაწყობდი საქართველოს წინააღმდეგ რუსეთის…

პრეზიდენტმა ზელენსკიმ, უკრაინაში ომის წლისთავთან დაკავშირებით საერთაშორისო მედიას უმასპინძლა და მათ ყველა კითხვას უპასუხა. როგორც ვოლოდიმირ ზელენსკიმ აღნიშნა, მისთვის ყველაზე რთული კითხვა, რაც ჟურნალისტმა დაუსვა, სწორედ მის ოჯახსა და შვილებს ეხებათ. „კითხვა ყველაზე რთულია. მე ისინი (ოჯახი), რა თქმა უნდა, მიყვარს, მე მიყვარს ჩემი ცოლი, ჩემი შვილები, ისინი ჩემთვის მთავარი ადამიანები არიან. მე მათ ხშირად ვერ ვხედავ. ჩემი მშობლები – მე მათ საერთოდ ვერ ვხედავ. მნიშვნელოვანია, ჩემმა შვილებმა იამაყონ ჩემით. მიხარია, რომ ისინი უკრაინაში არიან. როდესაც ომის დროს ხარ პრეზიდენტი, მნიშვნელოვანია შენი შვილები აქ გყავდეს, რადგან ქვეყანა აქ არის, რადგან…

ევროკავშირის უმაღლესი წარმომადგენლის საგარეო საქმეთა და უსაფრთხოების პოლიტიკის საკითხებში ჯოზეფ ბორელის პრეს-სპიკერი „ხალხის ძალის“ მიერ პარლამენტში ინიცირებულ  „უცხოური გავლენის გამჭვირვალობის შესახებ“ კანონპროექტთან დაკავშირებით განცხადებას ავრცელებს. „შემოთავაზებული კანონპროექტი „უცხოური გავლენის გამჭვირვალობის შესახებ“ სერიოზულ შეშფოთებას იწვევს. სამოქალაქო საზოგადოების ორგანიზაციებისთვის ხელსაყრელი გარემოს შექმნა და შენარჩუნება და ასევე მედიის თავისუფლების უზრუნველყოფა დემოკრატიის საფუძველს წარმოადგენს.  ის ასევე არსებითია ევროკავშირში გაწევრიანების პროცესისთვის და არის 12 პრიორიტეტის ნაწილი, კერძოდ #7 პრიორიტეტისა, მედიის თავისუფლებასთან დაკავშირებით და #10 პრიორიტეტისა, რომელიც  სამოქალაქო საზოგადოების ჩართულობას ეხება. ევროკავშირი მხარს უჭერს საქართველოს ძალისხმევას რეფორმების განხორციელების კუთხით, რაც ეხმაურება ქვეყნის მისწრაფებებს განვითარებასა და ევროკავშირში…