დღე: მარტი 5, 2024

ფინანსთა მინისტრის მოადგილედ ლერი ბარნაბიშვილი დაინიშნა. ამის შესახებ ინფორმაციას ფინანსთა სამინისტრო ავრცელებს. ,,მას ფინანსთა სამინისტროს სისტემაში მუშაობის 20-წლიანი გამოცდილება აქვს, მათ შორის, 2015-2020 წლებში ეკავა ფინანსთა მინისტრის მოადგილის თანამდებობა,” – ნათქვამია განცხადებაში. მანამდე ბარნაბიშვილი მთავრობის ადმინისტრაციის რეგიონებთან ურთიერთობის დეპარტამენტის უფროსის თანამდებობას იკავებდა. თუმცა, ამ თანამდებობიდან კობახიძემ 1-ელ მარტს გაათავისუფლა. დღეს დილით კი დააანონსა, რომ ბარნაბიშვილი მაღალ თანამდებობაზე დაინიშნებოდა.

პარლამენტის მიერ “საარჩევნო კოდექსში” მიღებულ ცვლილებებს პრეზიდენტმა სალომე ზურაბიშვილმა ვეტო დაადო. ინფორმაციას პრეზიდენტის ადმინისტრაცია ავრცელებს. პრეზიდენტის თქმით, ცესკოს მიმართ ნდობის მაღალი ხარისხის უზრუნველსაყოფად მნიშვნელოვანია, რომ შენარჩუნდეს ოპოზიციური პარტიების მიერ დანიშნული თავმჯდომარის მოადგილე. მან პარლამენტს სხვა მოტივირებული შენიშვნებიც გაუგზავნა. ,,საქართველოს პრეზიდენტმა ვეტო დაადო პარლამენტის მიერ “საარჩევნო კოდექსში” მიღებულ ცვლილებებს, რომლითაც იცვლება ცესკოს თავმჯდომარის და წევრების არჩევის წესი და კვორუმი. მოტივირებული შენიშვნებით საქართველოს პრეზიდენტი სთავაზობს პარლამენტს ცესკოს თავმჯდომარის და ე.წ. პროფესიული წევრების არჩევისათვის განისაზღვროს სამმეხუთედიანი უმრავლესობა, (როგორც ეს განისაზღვრა სახალხო დამცველის არჩევის შემთხვევაში), ხოლო თუ კანდიდატი ვერ მიიღებს 3/5 -ის უმრავლესობის ხმებს,…

წინასაარჩევნოდ მოსახლეობის მოსყიდვად ვერ ჩაითვლება მიმდინარე პროექტები, რაც ქვეყანაში სხვადასხვა გამოწვევის საპასუხოდ ხორციელდება, – ასე უპასუხა თბილისის მერმა კახა კალაძემ მედიასთან კითხვას, კურსდამთავრებულებისთვის საჯარო სტრუქტურებში ანაზღაურებადი სტაჟირების პროგრამის დაწყება გათვლილია თუ არა წინასაარჩევნოდ. მისივე განმარტებით, აღნიშნული პროგრამა ახალგაზრდებს საკუთარი თავის რეალიზებაში დაეხმარება. „დედაქალაქში უამრავი პროექტი ხორციელდება. ადამიანებს დავუკანონეთ საცხოვრებელი სახლები, მშენებლობით დაზარალებულ ოჯახებს საცხოვრებელი ფართები გადავეცით, ეს ხომ არ ნიშნავს, რომ წინასაარჩევნოდ კეთდება. რადგან არჩევნები მოდის გავჩერდეთ და არაფერი გავაკეთოთ? არ არის ეს სწორი მიდგომა. გამოწვევებს შესაბამისი პასუხები სჭირდება. მიხარია, რაც მოვისმინე დღევანდელი პრეზენტაციაზე. ამ პროექტების განხორციელება მოგვცემს შესაძლებლობას, რომ…

„ქვეყანაში და არც ქართულ პოლიტიკაში რადიკალიზმის ადგილი არ არის“, – ამის შესახებ თბილისის მერმა კახა კალაძემ პარტია „ლელო საქართველოსთვის“ დამფუძნებლის, მამუკა ხაზარაძის საარჩევნო კამპანიასთან დაკავშირებული შეკითხვის საპასუხოდ განაცხადა. მისი თქმით, ხაზარაძეც იმავე ქმედებებით გამოირჩევა, როგორითაც წლების განმავლობაში „ნაციონალური მოძრაობის“ წარმომადგენლები იყვნენ ცნობილი. „ხაზარაძის კამპანია, მუქარები აბსოლუტურად სამარცხვინო და გაუგებარია. ადამიანი პოლიტიკაში შემოსულია, აქვს სურვილი, რომ პოლიტიკოსი იყოს და რადიკალიზმით ცდილობს ამის გაკეთებას. იგივე ხაზია, რასაც „ნაციონალური მოძრაობა“ აკეთებდა წლების განმავლობაში – ანუ ადამიანს თუ აქვს განსხვავებული მოსაზრება, შეხედულება, მას ქვეყანაში არ უნდა ეცხოვრებოდეს. დღეს ჩვენ რომ ვართ ხელისუფლებაში, ხაზარაძისეული პოლიტიკიდან…

კახა კალაძე ხელისუფლებაში კლანებს შორის დაპირისპირებას უარყოფს და ამბობს, რომ საკადრო ცვლილებებთან დაკავშირებით მიღებული გადაწყვეტილებები პრემიერმა კობახიძემ არგუმენტირებულად ახსნა. ,,მიღებულ გადაწყვეტილებებთან დაკავშირებით, ძალიან ვრცელი განმარტებები იქნა გაკეთებული თავად პრემიერმინისტრ ირაკლი კობახიძის მხრიდან. მცდელობები, რომ რაღაცა, სპეკულაციები თითქოს დაპირისპირებაა, ჩვენ კარგად გვესმის და ვიცით რას ემსახურება ეს მაგრამ, არ არის ეს ასე მეგობრებო, ყველაფერ არის ისე, რასაც ვსაუბრობთ და როგორც გეუბნებით”, – უთხრა კალაძემ ჟურნალისტებს. ცნობისთვის, ყოფილ და მოქმედ პრემიერებს – ღარიბაშვილსა და კობახიძეს შორის მწვავე დაპირისპირებაზე მას შემდეგ გააქტიურდა საუბარი, რაც კობახიძემ ჯანდაცვის მინისტრი თანამდებობიდან მოხსნა, ზურაბ აზარაშვილმა კი საკმაოდ…

„ქალებს გვაწუხებს ის, რომ ქალებს გვკლავენ, სრული ამ სიტყვის მნიშვნელობით! ქალებს კლავენ და ამაზე არც ერთი კონკრეტული ნორმალური პოლიტიკური დოკუმენტი არ შექმნილა ამ ხნის განმავლობაში და პრინციპში, არც ერთი ხელისუფლების პერიოდში“, – განაცხადა პლენარულ სხდომაზე საპარლამენტო ოპოზიციის წევრმა ხატია დეკანოიძემ. როგორც ოპოზიციონერმა დეპუტატმა აღნიშნა, ფემიციდი სერიოზული გამოწვევაა და ამ პრობლემაზე, სამწუხაროდ, კოლეგა მამაკაცი დეპუტატები ყურადღებას არ ამახვილებენ. „ამ ძალიან მძიმე პრობლემაზე ჩემმა ქალმა კოლეგებმა ისაუბრეს. მინდა ხაზი გავუსვა იმას, რომ არ მახსენდება უმრავლესობის წევრი არც ერთი კაცი და ასევე, გულისტკივილით უნდა ვთქვა, ძალიან იშვიათად მახსენდება ოპოზიციიდან გამოსული კაცი, რომელიც ისაუბრებდა…

„რა ქენი გუდუნა ეს?! რას დაგამსგავსეს ბიჭო?! საკრებულოში გამოგწვრთენით, მერე პარლამენტში გადმოხვედი. შემდეგ, მთავარი ოპოზიციური პარტიის ლიდერი გახდი და რა გიქნა „სტრატეგია აღმაშენებელმა“?! რა გინდა პარტიის თავმჯდომარე კაცს ბაზარზე კიტრის, პომიდვრის და მწნილის ფასებზე რომ დარბიხარ?! – ასე გამოეხმაურა უმრავლესობის წევრი ირაკლი ზარქუა პარლამენტის პლენარულ სხდომაზე ლევან ხაბეიშვილის მიერ გაკეთებულ განცხადებას. მისი თქმით, „ნაციონალურ მოძრაობაში“ ერთი ადამიანიც კი არ დარჩა ისეთი, ვისაც ეკონომიკურ საკითხებზე აზრი მოეკითხება. „ბატონ რომან გოცირიძეს მივმართავ, თქვენი ბრალიც არის რომ მიატოვეთ პარტია და ერთი ჭკუათმყოფელი აღარ ჰყავთ, რომ ეკონომიკური ლექცია ჩაუტაროს. 2012 წლის ფასებს ადრის 2020-2024…

„ხალხი ელოდება ამნისტიას და ეს იმედი გააჩინა პრემიერ-მინისტრის მიერ გაკეთებულმა განცხადებამ, რომ საქართველოში პატიმართა რაოდენობა მისაღებს ორჯერ აღემატება. ცხადია, რომ ეს ადამიანებში მოლოდინს გამოიწვევდა“, – განაცხადა პოლიტიკური ჯგუფის „გირჩის“ თავმჯდომარემ იაგო ხვიჩიამ პარლამენტის პლენარულ სხდომაზე. მისი თქმით, გუშინ, ბიურომ 2 თვით გადადო პოლიტიკური ჯგუფის ინიციატივა ამნისტიასთან დაკავშირებით, რომლის თანაავტორია და ხელს აწერს საპარლამენტო ოპოზიციის თითქმის ყველა წარმომადგენელი. „იმ პირობებში, რომ თავს ვიწონებთ გასულ წელს მიღებული 600 კანონპროექტით, ვერ ვხვდები, რა გახდა ამ მნიშვნელოვანი კანონპროექტის განხილვა, რომელზეც ოპოზიციის კონსენსუსი არსებობს და კიდევ ორი თვით გადაიდო. მინდა, საზოგადოებამ მოახდინოს თქვენზე ზეწოლა ამ…

პრემიერმინისტრმა, ირაკლი კობახიძემ განაცხადა, რომ კვირის ბოლომდე ყველა თანამდებობაზე შესაბამისი პირები დაინიშნებიან. მან არ დაადასტურა, რომ ჯანდაცვის მინისტრის შემდეგ, სხვა მინისტრების შეცვლაც იგეგმება. ,,რაც შეეხება საკადრო გადაწყვეტილებებს, რამდენიმე გადაწყვეტილება არის მისაღები, მათ შორის ეს ეხება ჯანდაცვის მინისტრს, ადმინისტრაციის ხელმძღვანელს, ეს ეხება კონკრეტული დეპარტამენტის ხელმძღვანელს, ლერი ბარნაბიშვილი ინიშნება მაღალ თანამდებობაზე სამინისტროში, შესაბამისი მინისტრი გააკეთებს ამასთან დაკავშირებით განცხადებას. რაც შეეხება ახალ მინისტრებს, ამასთან დაკავშირებით კვირის ბოლომდე იქნება გაკეთებული ჩემ მიერ განცხადება, ყველა ვაკანსია შეივსება კვირის ბოლომდე”, – თქვა კობახიძემ. მისი თქმით, დღემდე არც პირდაპირ და არც ირიბად, არცერთი ადამიანისთვის მინისტრობა არ შეუთავაზებია.…

რაციონალური ხელფასები უნდა არსებობდეს საჯარო სამსახურში, მათ შორის პოლიტიკური თანამდებობის პირებისთვის, მათ შორის იმისთვის, რომ მოხდეს კორუფციის პრევენცია, – ამის შესახებ ჟურნალისტებს პრემიერ-მინისტრმა, ირაკლი კობახიძემ განუცხადა. „მოსალოდნელი იყო სპეკულაციები, მთავარი არის ერთი რამ: ზოგადად, რაციონალური ხელფასები უნდა არსებობდეს საჯარო სამსახურში, მათ შორის პოლიტიკური თანამდებობის პირებისთვის, მათ შორის იმისთვის, რომ მოხდეს კორუფციის პრევენცია. ადამიანი არის მიდრეკილი ცდუნებისკენ, და მაქსიმალურად მცირე რომ იყოს ცდუნება და შემცირებული იყოს კორუფციის რისკები, საჭიროა, რომ რაციონალური ხელფასები იყოს განსაზღვრული, მათ შორის მაღალი თანამდებობის პირებისთვის. სახელმწიფომ უნდა დაადგინოს ის სტანდარტი, რომელიც არის ყველაზე სწორი, მათ შორის პირველ…

ნიკა მელიამ პარტიის შექმნამდე საარჩევნო ნომერი დააანონსა. როგორც მან აღნიშნა, მისი გუნდი არჩევნებზე 4 ნომრით წარდგება. „2024 წლის არჩევნებზე აუცილებლად მოხდება გარდამტეხი ცვლილებები ქვეყნისა და ხალხის ინტერესების შესაბამისად! ყველანი ერთად გადავდგამთ დიდ ნაბიჯს წინ, მომავლისკენ და ამ ნაბიჯს ექნება თავისი სიმბოლო – ნომერი 4. მჯერა, რომ ოთხიანი უახლოეს მომავალში გახდება ბრძოლისა და გამარჯვების, წარმატებისა და პროგრესის სიმბოლო, რომელიც დიდი ხნით დაიმკვიდრებს თავს ქართულ პოლიტიკურ სივრცეში“, – წერს ნიკა მელია.