დღე: მარტი 13, 2024

რუსეთის კრასნოდარის ოლქის უსტ-ლაბინსკის სასამართლომ ,,კრიმინალური ავტორიტეტი” შაქრო კალაშოვი, იგივე ,,შაქრო მოლოდოი” პირობით ვადაზე ადრე გაათავისუფლა. გავრცელებული ინფორმაციით, 70 წლის კალაშოვის ვადამდე გათავისუფლების გადაწყვეტილება მისი ჯანმრთელობის მდგომარეობის გამო იქნა მიღებული. ცნობისთვის, ,,შაქრო მოლოდოი” 2006 წლის მაისში დუბაიში დააკავეს და ესპანეთს გადასცეს, სადაც ის დამნაშავედ ცნეს ფულის გათეთრებაში და შვიდნახევარი წლით თავისუფლების აღკვეთა და 20 მილიონი ევროს ოდენობის ჯარიმა მიუსაჯეს. მოგვიანებით კი სასჯელი ცხრა წლიანი პატიმრობით შეიცვალა. განაჩენის გამოტანისთანავე ესპანეთის ხელისუფლებამ კალაშოვის ექსტრადიციის ორი მოთხოვნა მიიღო – რუსეთიდან, რომელიც აცხადებდა, რომ კალაშოვი რუსეთის მოქალაქე იყო და სასჯელი რუსეთში უნდა მოეხდინა, ხოლო…

მებაჟე ოფიცრებმა ბოლო ერთ თვეში, “სარფისა” და “სადახლოს” საბაჟო გამშვებ პუნქტებში საქართველოსა და უცხო ქვეყნის მოქალაქეების ფიზიკური და ბარგის დეტალური დათვალიერების შედეგად, 219,39 გრამის არადეკლარირებული ოქროს საიუველირო ნაკეთობები ამოიღეს. ინფორმაციას ფინანსთა სამინისტროს საგამოძიებო სამსახური ავრცელებს. ,,არადეკლარირებული საქონლის საბაჟო ღირებულებამ 25 873,98 ლარი შეადგინა. საქართველოს საბაჟო კოდექსის 168-ე მუხლის I ნაწილის შესაბამისად, კანონდამრღვევ მოქალაქეებს, სანქციის სახით, ფულადი ჯარიმა, საერთო ჯამში 25 873,98 ლარის ოდენობით განესაზღვრა”, – აცხადებს სამინისტრო.

ქარელის მუნიციპალიტეტის სოფელ დოღლაურში, 50 წლამდე ასაკის მამაკაცს თანასოფლელმა ყური მოაჭრა. დანაშაული რამდენიმე დღის წინ მოხდა. გავრცელებული ინფორმაციით, ინციდენტში მონაწილე პირები შემთხვევის დროს, ალკოჰოლური თრობის ქვეშ იმყოფებოდნენ. დაკავებული 40 წლამდე ასაკის მამაკაცია. შსს-ს ცნობით, მომხდარზე გამოძიება 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

,,მის წინააღმდეგ მიმდინარე დისციპლინური წარმოების გადაფარვის მცდელობაა”, – ომბუდსმენის აპარატი მისივე თანამშრომლის ბრალდებებს პასუხობს: ,,საქართველოს სახალხო დამცველის აპარატის თანამშრომლის ლევან პაპავას მხრიდან მედიაში გავრცელებული ინფორმაცია, სამსახურში დისკრიმინაციული გარემოს შექმნასა და საქმიანობის დაბალი ქულით შეფასებასთან დაკავშირებით, ემსახურება მის წინააღმდეგ მიმდინარე დისციპლინური წარმოების გადაფარვის მცდელობას. სახალხო დამცველის აპარატში ლევან პაპავას წინააღმდეგ მიმდინარეობს დისციპლინური საქმისწარმოება, აპარატის ქალი თანამშრომლის მოხსენებითი ბარათის საფუძველზე, მისი მიზანმიმართული დისკრედიტაციისა და საქმიანი რეპუტაციის შელახვის შესწავლის მიზნით. ამავე მოხსენებით ბარათში, თანამშრომელი ასევე უთითებს პაპავას მხრიდან ზეწოლისა და სტრესული სამუშაო გარემოს შექმნის შესახებ. რაც შეეხება მისი, როგორც საჯარო მოხელის შეფასებას, მოქმედი…

დროებით ოკუპირებული აფხაზეთის ე.წ. პრეზიდენტის ,,კორტეჟი” ავტოსაგზაო შემთხვევაში მოყვა. გავრცელებული ინფორმაციით, შემთხვევის დროს ასლან ბჟანია ერთ-ერთ მანქანაში იმყოფებოდა. სავარაუდოდ, ის არ დაშავებულა. „იმის გათვალისწინებით, რომ კანონი არ არის საპრეზიდენტო ავტოკოლონისთვის და მისი დანახვისთანავე ყველა უნდა გადავიდეს გზიდან, პრეზიდენტის კორტეჟის მანქანა გამვლელ მანქანას შეეჯახა. გასაკვირია, რომ ორი ზოლი თავისუფალი იყო, მაგრამ პრეზიდენტის მანქანამ მოახერხა ერთადერთ მანქანასთან შეჯახება, რომელიც იმ მომენტში გზატკეცილზე იყო“, – ნათქვამია ანგარიშში. ტელეგრამის არხზე გამოქვეყნდა ვიდეო, სადაც ნათქვამია, რომ დაზიანებული მანქანა “აფხაზეთის მინისტრთა საბჭოს” შენობის წინ გვიან საღამომდე იდგა.

დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე A კატეგორიის ტაქსის ნებართვის მფლობელებს კიდევ ერთხელ შეახსენა, რომ გაუაქტიურებელი ნებართვები 1-ელ აპრილამდე გააქტიურონ, წინააღმდეგ შემთხვევაში, ისინი ავტომატურად გაუქმდება. მისი განცხადებით, მესაკუთრეები, ვისაც აღნიშნული ნებართვების შენარჩუნების სურვილი აქვთ, ნებართვების გააქტიურების შესახებ ინფორმაციას ვებგვერდზე – taxi.tbilisi.gov.ge და ასევე, თბილისის მერიის ცხელ ხაზზე მიიღებენ. „ტაქსების რეფორმა ჩვენთვის ძალიან მნიშვნელოვანია. ამ მიმართულებით რამდენიმე ეტაპი უკვე განხორციელდა. მინდა, კიდევ ერთხელ შევახსენო A კატეგორიის ტაქსის ნებართვის მფლობელებს, რომ თუ ჯერ კიდევ არ გაგიაქტიურებიათ ნებართვა, ის 1-ელ აპრილამდე გაააქტიურეთ. გასული წლის პირველი აპრილიდან ეს ნებართვები ტაქსის მფლობელებს საკუთრებაში…

შეერთებულმა შტატებმა დავით კეზერაშვილს ვიზა არ მისცა. ,,რადიო თავისუფლების” ცნობით, უარის მიზეზის დასადგენად საქართველოს თავდაცვის ყოფილმა მინისტრმა სასამართლო დავა დაიწყო და საჩივარი კოლუმბიის ოლქის რაიონულ სასამართლოში შეიტანა. სარჩელიდან ირკვევა, რომ ვიზის გაცემაზე უარის თქმის საფუძველი აშშ-ს საბაჟო და საზღვრის დაცვის ფედერალური სააგენტოს 2023 წლის პირველი მაისით დათარიღებული დადგენილება გახდა, რომელიც იმიგრაციისა და ეროვნულობის აქტის მუხლს დაეყრდნო. მუხლი, რომელზე დაყრდნობითაც, დავით კეზერაშვილს აშშ-ს ვიზა არ მისცეს, ფულის გათეთრებაზე ეჭვს გულისხმობს.

სპეციალური საგამოძიებო სამსახურის განცხადებით, პირადი ცხოვრების საიდუმლოს ხელყოფის ფაქტზე 2000 წელს დაბადებული ქალი ამხილეს. უწყება ამბობს, რომ ის “ინსტაგრამზე”, კაცის სახელით მისი ყოფილი ქმრის დას გაეცნო. დაზარალებულმა ქალმა მას თავისის შიშველი სხეულის ამსახველი ფოტოები და ვიდეო გაუგზავნა, ბრალდებულმა კი ეს ნათესავებთან გაავრცელა. გამოძიებით დადგინდა, რომ 2023 წელს, სოციალურ ქსელ „ინსტაგრამის“ ყალბი პროფილის გამოყენებით, 2000 წელს დაბადებული ქალი, შურისძიების მოტივით მამაკაცის სახელით მისი ყოფილი მეუღლის დას გაეცნო და ნდობა მოიპოვა. დაზარალებულმა მითითებულ ყალბ პროფილზე ყოფილ რძალს, რომელიც მამაკაცის სახელით, ყალბი პროფილით ესაუბრებოდა, თავისი შიშველი სხეულის ამსახველი ფოტოები და ვიდეოები გადაუგზავნა. ბრალდებულმა,…

თბილისის ვანო სარაჯიშვილის სახელობის სახელმწიფო კონსერვატორიის რექტორი გიორგი ვაჩნაძე იქნება. არჩევნები გუშინ, 12 მარტს გაიმართა. ვაჩნაძე ამ თანამდებობას ოთხი წლის განმავლობაში დაიკავებს. ,,რეგისტრირებულმა კანდიდატმა – გიორგი ვაჩნაძემ აკადემიური საბჭოს წინაშე წარადგინა კონსერვატორიის განვითარების გეგმა. შედგა ფარული კენჭისყრა, რის შედეგადაც მისი კანდიდატურა ერთხმად იქნა არჩეული თბილისის სახელმწიფო კონსერვატორიის რექტორის პოზიციაზე”, – ნათქვამია კონსერვატორიის განცხადებაში. შეგახსენებთ, რომ 26 სექტემბერს ცნონილი გახდა, რომ მინისტრ თეა წულუკიანის ბრძანების საფუძველზე თბილისის სახელმწიფო კონსერვატორიაში რექტორის არჩევნები პროცედურები შეწყდა. სამინისტრო აღნიშნულს მიესალმა და თქვა, რომ საარჩევნო პროცესი მნიშვნელოვანი სამართლებრივი ხარვეზით მიმდინარეობდა. მანამდე, 20 სექტემბერს, პარლამენტში სიტყვით გამოსვლის…

დედაქალაქის მოსახლეობას 18-მეტრიანი ავტობუსები 16 მარტიდან უკვე N301 მარშრუტზეც მოემსახურება. როგორც დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე აღნიშნა, 18-მეტრიან ავტობუსებს 12-მეტრიანთან შედარებით, 86%-ით მეტი მგზავრი გადაჰყავს. „16 მარტს უკვე მეოთხე მარშრუტზე გავლენ MAN-ის მარკის 18-მეტრიანი ავტობუსები და შეგვიძლია ვთქვათ, რომ პირველი შედეგი მგზავრებისთვის უკვე შესამჩნევია: 18-მეტრიან ავტობუსებს 12-მეტრიანთან შედარებით, 86%-ით მეტი მგზავრი გადაჰყავს, რაც იმ უბნებისთვის, სადაც ეს მარშრუტები გადის, დიდი შეღავათია. ამ მიმართულებით იყო პრობლემები, გადატვირთული ავტობუსები, რაც მგზავრებისთვის გადაადგილებას ართულებდა. როგორც იცით, პირველ ეტაპზე შემოყვანილი 18-მეტრიანი ავტობუსები უკვე გადანაწილდა N302, N308 და N314 მარშრუტზე და ასევე,…

იანვრიდან მოყოლებული მაქვს ჯანმრთელობის პრობლემები, წესით, მალე საჯაროდაც დავბრუნდები, – წერს ,,დროას” ლიდერი, ელენე ხოშტარია სოციალურ ქსელში. “მეგობრებო, ძალიან არ მიყვარს პირადზე საუბარი საჯაროდ თუმცა ეხლა ჩავთვალე, რომ ჩემი დუმილი რაღაც პერიოდის განმავლობაში არასწორად შეიძლება იყოს აღქმული. იანვრიდან მოყოლებული მაქვს ჯანმრთელობის ისეთი პრობლემები, რომელიც არ მაძლევდა საშუალებას საჯაროდ და აქტიურად ვყოფილიყავი ჩართული პოლიტიკურ პროცესებში. რეალურად, ყველა მნიშვნელოვან პროცესში ჩართული ვარ ზურასთან და ჩვენ ძვირფას გუნდთან ერთად, ყველა გადაწყვეტილებას ერთად ვიღებთ და ერთად ვგეგმავთ, მიუხედავად იმისა, რომ ფიზიკურად აქ არ ვარ. წესით, მალე საჯაროდაც დავბრუნდები. იმაზე ბევრს არ ვილაპარაკებ, როგორ განვიცდი,…

უკრიანში დაღუპულ ქართველ მებრძოლს გიორგი გოგიაშვილს სამშობლოში კვირას, 17 მარტს, გამთენიის ჩამოასვენებენ. მასთან ერთად დაღუპული ნოდარ ნასიროვი კი, კიევში, გუშინ დაკრძალეს. მას უკრაინელი მეუღლე ჰყავს და შვილიც უკრაინაშია. ,,ქართული ლეგიონის” წევრები უკრაინის ფრონტის სამხრეთ მიმართულებაზე პარასკევს, საბრძოლო დავალების შესრულებისას დაიღუპნენ. ისინი ლეგიონის რიგებში უკრაინაში რუსეთის ფართომასშტაბიანი ომის დაწყების შემდეგ ირიცხებოდნენ. გიორგი გოგიაშვილსა და ნოდარ ნასიროვს თანამებრძოლები კიევში ქართული ლეგიონის სამხედრო ბაზაზე გამოემშვიდობნენ.

სახალხო დამცველს, ლევან იოსელიანს მოქმედი თანამშრომელი უჩივის და “განსხვავებული შეხედულებების ნიშნით დისკრიმინაციის დადგენას” ითხოვს. ინფორმაციას “ბათუმელები” ავრცელებს. ლევან პაპავა ამბობს, რომ სამსახურში უშუალო ხელმძღვანელის მხრიდან დისკრიმინაციული მოპყრობის ადრესატი გახდა, რაც სახალხო დამცველმა არ განიხილა. პაპავა სახალხო დამცველის აპარატის რეგიონული სამმართველოს კოორდინატორია. გამოცემას ის უყვება, რომ 2018 წლიდან, როცა საჯარო მოხელეების პროფესიული საქმიანობის შეფასების სისტემა ამოქმედდა, მისი საქმიანობა ფასდებოდა, როგორც “საუკეთესო” ან “კარგი”, აღნიშნული 2023 წელს შეიცვალა: “რეგიონული სამმართველოს უფროსის გიორგი ტალახაძის მიერ ჯამურ ქულად განმესაზღვრა – 2. შეფასებამ ასიგნაცია გაიარა ზემდგომი თანამდებობის პირთან, ასიგნატორი იყო სახალხო დამცველის პირველი მოადგილე”, –…