დღე: მარტი 11, 2024

,,ახალის” ლიდერი, ნიკა მელია აცხადებს, რომ დავით კეზერაშვილის კვალი მის და ნიკა გვარამიას პარტიაში არ და ვერ იქნება და ამაზე მთელი გუნდი შეთანხმებულია. ,,თუ რამეზე ნაკლებად გვისაუბრია, ამაზე ვისაუბრეთ, ჩემთვის ეს ადამიანი რჩება ისეთად, როგორიც არის, მე ვფიქრობ, არაფერი არასოდეს არ შეიცვლება მასთან დაკავშირებით, ეს მისი არჩევანი იყო, რა ნაბიჯებიც გადადგა მის ცხოვრებაში, მე მას არაერთხელ ვურჩიე რომ თუ ის დისტანცირდებოდა ქართული პოლიტიკისგან, უკეთესი იქნებოდა ქართული ოპოზიციური მოძრაობისთვის, დანარჩენი ყველაფერი მასზეა დამოკიდებული, მაგრამ მისი კვალი ამ პარტიაში, არ და ვერ იქნება, ამაზე არის სრული კონსენსუსი და შეთანხმება მთელ ჩვენ გუნდში”,…

ახალი პოლიტიკური პარტია “ახალის” დაფინანსებასთან დაკავშირებით, ნიკა გვარამია ამბობს, რომ ყველაფერი იქნება ღია. ,,დაფინანსების წყაროებს ნახავთ ყველანი. გარწმუნებთ, რომ ამ ქვეყანაში მხოლოდ ორი დაფინანსების წყარო ნამდვილად არ არის, არსებობენ სხვა ადამიანები, ვისაც უნდა ცვლილება, ვისაც აინტერესებს შინაარსი და ვისაც უნდა დახმარება იმ პოლიტიკური ძალების, ვის აზრებსაც ისინი ემთხვევიან. დაფინანსება ვერ იქნება ვერაფრის სანაცვლოდ, დაფინანსება შეიძლება იყოს მხოლოდ მხარდაჭერის ფორმით”, – აღნიშნა ნიკა გვარამიამ. შეგახსენებთ, რომ ნიკა გვარამიამ და ნიკა მელიამ დღეს ახალი პოლიტიკური გაერთიანების პრეზენტაცია გამართეს, რომლის საარჩევნო ნომერი იქნება 4, პარტიის სადამფუძნებლო ყრილობა კი სავარაუდოდ მომავალ თვეში გაიმართება.

,,შედგა ერთობა ადამიანებისა, რომლებსაც პირველ რიგში, გვაერთიანებს მომავალი”. ამის შესახებ, ნიკა მელიამ პოლიტიკური გაერთიანება “ახალის” პრეზენტაციაზე განაცხადა, რომელიც ამ წუთებში მიმდინარეობს. ნიკა გვარამიამ და ნიკა მელიამ ახალი ოპოზიციური პოლიტიკური გაერთიანება დააფუძნეს. ,,დღეს ჩვენ ვამბობთ და ვადასტურებთ, რომ შედგა ერთობა, შედგა ერთობა ადამიანებისა, რომლებსაც პირველ რიგში, გვაერთიანებს მომავალი და მომავალია ჩვენი საერთო მიზანი, გამარჯვებაა ჩვენი საერთო მიზანი და არა შურისძიება. სიახლე არის ჩვენი მიზანი, ახლის მოპოვებაა ჩვენი მიზანი და არა წარსულთან ანგარიშსწორება… რთულ იყო ეს გზა, სამი თვის განმავლობაში გრძელდებოდა ეს პროცესი ვყოფილიყავით ერთი საარჩევნო სუბიექტი, ერთი გუნდი გარდა მეგობრებისა, ვყოფილიყავით…

ნიკა გვარამიამ და ნიკა მელიამ გაერთიანების შესახებ განაცხადეს. ,,მთავარი არხის” დამფუძნებელმა თქვა, რომ ნებისაებრ რამის დათმობისთვის თანახმაა გამარჯვების სანაცვლოდ, მაგრამ ეს ვერ იქნება მხოლოდ მისი და ნიკა მელიას ინიციატივა. ნიკა გვარამიამ თქვა, რომ მომხრეა დიდი გაერთიანებების და სხვებს არა შემოერთებას, არამედ გაერთიანებას სთავაზობს. ,,ჩვენი პარტია არის ახალი, ჩვენ ვართ ერთად, ჩვენ ვიბრძვით საქართველოში ახალი გზებით ცვლილებებისთვის, ჩვენ შევცვლით, იმიტომ რომ ჩვენ ვიცით ბრძოლა, ვიცით რა ფასი აქვს მოუსყიდაობას, ვიცით რა ფასი აქვს სამშობლოს მსახურობას, ვიცით როგორ დავძლიოთ სირთულეები და როგორ ვუპასუხოთ გამოწვევებს, ჩვენ ეს ვიცით, ჩვენ შევცვლით, მაგრამ ჩვენ ასევე…

რუსეთის ფედერაციაში შვეიცარიის საელჩოს საქართველოს ინტერესების განყოფილების ახალ ხელმძღვანელად მამუკა მერკვილაძე დაინიშნა. მედიის ინფორმაციით, მერკვილაძე მოსკოვში უკვე ჩავიდა. მერკვილაძემ ამ თანამდებობაზე გიორგი ქაჯაია შეცვალა, რომელიც პრემიერმა კობახიძემ დღეს ახალ თანამდებობაზე დანიშნა. ქაჯაია ზურაბ აბაშიძეს შეცვლის და რუსეთთან ურთიერთობის საკითხებში პრემიერის მრჩეველი იქნება. ცნობისთვის, მერკვილაძე არის კომპანია ფოთი-ტრანსტერმინალის თანადამფუძნებელი, მუშაობდა სატრანსპორტო ლოჯისტიკის სფეროში.

ზურაბ აბაშიძის ინფორმაციით, რუსეთთან ურთიერთობის საკითხებში პრემიერის წარმომადგენლის თანამდებობის დატოვების ინიციატივით მან თავად მიმართა რამდენიმე თვის წინ მაშინდელ პრემიერს ირაკლი ღარიბაშვილს: ,,მე რამდენიმე თვის წინ მივმართე ბატონ ირაკლი ღარიბაშვილს, მისგან ყოველთვის ვგრძნობდი მხარდაჭერას, მივმართე წინადადებით რომ გვეფიქრა ახალ პიროვნებაზე ამ თანამდებობაზე. ლოგიკა მარტივი იყო-2012 წლის შემდეგ გავიდა 12 წელი, ყველაფერს აქვს დასაწყისი და დასასრული, მან პრინციპში, დადებითად მიიღო ჩემი წინადადება და აღებინებია ასეთ შემთხვევაში ჩნდება კითხვა- ვინ იქნება შემცვლელი? იმთავითვე დასახელდა გიორგი ქაჯაიას კანდიდატურა, რომელიც ჩვენი სექციის ხელმძღვანელი გახლდათ მოსკოვში 4 წლით. ის უნდა დაბრუნებულიყო. გიორგი დაბრუნდა, იანვარში დაუსრულდა იქ…

საქართველოს მესამე პრეზიდენტი, მიხეილ სააკაშვილი საკუთარ სასამართლო სხდომას დისტანციურად ჩაერთო. ,,მინდა ვთქვა, რომ რუსული რეჟიმი აქტიურად ემზადება საქართველოს არჩევნებისთვის. რაც ვიცი, რომ ისინი უახლოეს ხანებში ამზადებენ საბოლოოდ გადატრიალებას საქართველოს ეკლესიაში და საბოლოოდ დაპატრონებას ჩვენი ეკლესიის, რათა არჩევნებისთვის იდეოლოგიურ მზადყოფნაში იყვნენ. ისევე, როგორც აპირებენ მთელი რიგი სხვა პროვოკაციების მოწყობას”, – თქვა სააკაშვილმა.

საქართველოს საგარეო საქმეთა სამინისტრო აცხადებს, რომ მინისტრი ილია დარჩიაშვილი ევროკავშირისა და გერმანიის ელჩებს შეხვდა და ოფიციალურად გადასცა ქართული მხარის შეშფოთება უკრაინის დელეგაციაში მყოფი ზურაბ ადეიშვილის მონაწილეობით გამართულ შეხვედრებთან დაკავშირებით. განცხადებას გთავაზობთ უცვლელად: ,,საქართველოს საგარეო საქმეთა სამინისტროში საქართველოში ევროკავშირის ელჩთან პაველ ჰერჩინსკისთან და საქართველოში გერმანიის ფედერაციული რესპუბლიკის ელჩთან პეტერ ფიშერთან შეხვედრა გაიმართა, რა დროსაც ელჩებს ოფიციალურად გადაეცათ ქართული მხარის შეშფოთება ევროკავშირსა და გერმანიის ფედერაციულ რესპუბლიკაში გამართულ ვიზიტებსა და შეხვედრებში საქართველოს სასამართლოს მიერ სისხლის სამართლის დამნაშავედ აღიარებული და ძებნილი პირის, ზურაბ ადეიშვილის მონაწილეობის გამო. როგორც ელჩებს განემარტათ ზურაბ ადეიშვილი დამნაშავედ არის ცნობილი…

უარყოფითად აისახება საზოგადოების განწყობაზე ევროპული ბიუროკრატიის მიმართ, – თქვა პრემიერმინისტრმა, ირაკლი კობახიძემ ევროკავშირსა და გერმანიაში გამართულ ვიზიტებთან დაკავშირებით, რომლებშიც, უკრაინის დელეგაციაში მყოფი ყოფილი იუსტიციის მინისტრი – ზურაბ ადეიშვილიც მონაწილეობდა. ,,ჩვენთვის მიუღებელია ის რომ, დამნაშავეები სარგებლობენ თავისუფალი მიმოსვლის შესაძლებლობით ევროპის მასშტაბით და დამნაშავეებს, ისეთ ადამიანებს, რომლებიც არიან მხილებული უმძიმეს დანაშაულებში ხვდებიან ბრიუსელსა და ბერლინში, ამაზე რეაგირება იყო აუცილებელი. ასეთი ფაქტები უარყოფითად აისახება საზოგადოების განწყობაზე ევროპული ბიუროკრატიის მიმართ, ქართულ საზოგადოებას უნდა ჰქონდეს იმის რწმენა, რომ ევროპული ბიუროკრატია არის ისეთი პრინციპებისა და იდეალების ერთგული როგორიც არის სამართლებრივი სახელმწიფო, სამართლის უზენაესობა და ასე შემდეგ”, – განაცხადა პრემიერმა.

საქართველოს პრემიერმინისტრის, ირაკლი კობახიძის განცხადებით, მთავრობის მეთაურის მრჩეველი რუსეთთან ურთიერთობის საკითხებში გიორგი ქაჯაია იქნება. კობახიძემ ბრიფინგზე თქვა, რომ ზურაბ აბაშიძე პრემიერმინისტრის მრჩევლის პოსტს დაიკავებს. ასევე, მთავრობის ადმინისტრაციის უფროსად ლევან ჟორჟოლიანი დაინიშნა. ჯანდაცვის მინისტრად კი მიხეილ სარჯველაძე.

გასული ერთი კვირის განმავლობაში გვქონდა კონსულტაციები საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის კანდიდატურის შესარჩევად. ამ ერთი კვირის განმავლობაში გვქონდა ინდივიდუალური კონსულტაციები, როგორც ჩვენი პოლიტიკური გუნდის წევრებთან, ასევე სამედიცინო საზოგადოების წარმომადგენლებთან, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა. მთავრობის მეთაურის თქმით, კონსულტაციების ერთ-ერთი მთავარი საკითხი იყო ის, თუ რამდენად უნდა ყოფილიყო ახალი მინისტრი სამედიცინო წრეების წარმომადგენელი. „ამ საკითხთან დაკავშირებით, როგორც პოლიტიკურ გუნდში, ისე სამედიცინო საზოგადოების წარმომადგენლებს შორის აზრი იყო ზუსტად ორად გაყოფილი. ერთი ნაწილი მიიჩნევდა, რომ ახალი მინისტრი უნდა ყოფილიყო აუცილებლად სამედიცინო…

მთავრობის ადმინისტრაციის უფროსად ლევან ჟორჟოლიანი დაინიშნა. ამის შესახებ პრემიერმინისტრმა ირაკლი კობახიძემ ბრიფინგზე განაცხადა. ამ დრომდე ლევან ჟორჟოლიანი თბილისის საკრებულოს წევრი იყო. მთავრობის ადმინისტრაციის რეგიონებთან ურთიერთობის დეპარტამენტის უფროსად დაინიშნა ნიკოლოზ ტყემალაძე. რუსეთთან ურთიერთობის საკითხებში პრემიერმინისტრის მრჩეველი კი გიორგი ქაჯაია იქნება. პრემიერმინისტრის მრჩეველი – ზურაბ აბაშიძე. ცნობისთვის, მთავრობის ადმინისტრაციის ყოფილი უფროსი რევაზ ჯაველიძე 1 მარტს გაათავისუფლეს.

დღეს, 11 მარტს, ნიკა გვარამიას და ნიკა მელიას პოლიტიკური გუნდების შემაჯამებელი შეხვედრა გაიმართება, სადაც საბოლოო გადაწყვეტილებაც გამოცხადდება. ნიკა მელიამ განაცხადა, რომ არჩევნებზე 4 ნომრით იასპარეზებდა. მაშინ მის გუნდში ადასტურებდნენ, რომ ნიკა გვარამიასთან მოლაპარაკებები დასკვნით ფაზაში იყო, თუმცა, თანამშრომლობასთან დაკავშირებით საბოლოო გადაწყვეტილება მიღებული არ ყოფილა. ნიკა გვარამიამ კი საკუთარ პოლიტიკურ გეგმებთან დაკავშირებით პოლიტიკური პატიმრობის დასრულების შემდეგ ისაუბრა.