დღე: მარტი 30, 2024

31 მარტს ბულგარეთი და რუმინეთი შენგენის ზონას შეუერთდებიან. ინფორმაციას ამის შესახებ ევროკომისიის პრესსამსახური ავრცელებს. „ხვალ მნიშვნელოვანი დღე იქნება: ბულგარეთი და რუმინეთი შენგენის ოჯახს შეუერთდებიან. მივესალმები შიდა საჰაერო და საზღვაო სასაზღვრო შემოწმებების გაუქმებას. ეს ორივე ქვეყნისთვის მნიშვნელოვანი წარმატებაა და ისტორიული მომენტია შენგენის ზონისთვის, რომელიც თავისუფალი გადაადგილების მსოფლიოში ყველაზე დიდ ზონას წარმოადგენს. ერთად ჩვენ ვაშენებთ უფრო ძლიერ და ერთიან ევროპას ჩვენი მოქალაქეებისთვის“, – განაცხადა ევროკომისიის პრეზიდენტმა, ურსულა ფონ დერ ლაიენმა. Euronews-ის ცნობით, ავსტრიის მოთხოვნით ძალაში რჩება სასაზღვრო შემოწმება სახმელეთო გამშვებ პუნქტებზე. ოფიციალური ვენა შიშობს, რომ რუმინეთი და ბულგარეთი უკანონო მიგრანტების ნაკადებს ვერ უმკლავდებიან.

უკრაინის გენერალური პროკურატურის ცნობით, 2022 წლის 24 თებერვლიდან დღემდე, რუსეთის ომს, სულ მცირე, 537 ბავშვი ემსხვერპლა. უწყების ინფორმაციით, დაშავებულია 1273-ზე მეტი ბავშვი. “დონეცკში – 524, ხარკივში – 343, ხერსონში – 149, კიევში – 130, დნეპროპეტროვსკში – 125, ნიკოლაევში – 103, ზაპოროჟიეში – 100, ჩერნიჰივში – 72, ლუჰანსკში – 67”, – აღნიშნულია პროკურატურის მიერ გავრცელებულ განცხადებაში. რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.

ნიდერლანდების ქალაქ ედეში შეიარაღებულმა პირმა ადგილობრივ ბარში მძევლები აიყვანა, – ამის შესახებ ინფორმაციას გამოცემა De Telegraaf-ი ავრცელებს. ედეს პოლიციამ განაცხადა, რომ შემთხვევის ადგილზე სპეცდანიშნულების რაზმია მობილიზებული და ბართან ახლოს მდებარე 150 სახლიდან მოსახლეობის ევაკუაცია განხორციელდა. პოლიციის თქმით, ტერორისტულ აქტზე ეჭვის მიტანის არანაირი საფუძველი არ არსებობს. ხელისუფლებამ მოსახლეობას მოუწოდა, თავი აარიდონ ქალაქის ცენტრში გადაადგილებას.

დედამისს შავები არ ჩაუცვამს და არც აპირებს ჩაცმას – რადგან არ სჯერა, რომ ის მკვდარია… ნიკა ყალაბეგიშვილი ომში რომ წავიდა, 18 წლის იყო. ნოემბერში 19-ის უნდა გამხდარიყო. დეენემის პასუხის თანახმად, მის ცხედარს ზემო ნიქოზში მიაკვლიეს, სადაც 8 აგვისტოს დაბომბვისას დაიღუპნენ ბიჭები. გმირობამდე სულ ერთი მტკაველი სიცოცხლე განვლო. 18 წელი. მის თავგადასავალში, გმირობამდე, არაფერია უჩვეულო, გამორჩეული. წყნარი, ჩუმი ბიჭი ყოფილა. უყვარდა კომპიუტერი, კითხულობდა წიგნებსაც. ბოლოს კარატეთი დაინტერესებულა, ყიდულობდა წიგნებს, კითხულობდა, მერე ერთი წელი ვარჯიშობდა კიდეც კარატეში. ეს იყო ჯარში წასვლამდე. დოლი ყალაბეგიშვილი, დედა: „ძალიან ჩვეულებრივი ბავშვი იყო, წყნარი. ჯარში არავის გაუწვევია,…

რუსეთში, საკონცერტო დარბაზ “კროკუს სითიზე” თავდასხმის საქმეზე დაკავებულ კიდევ ერთ პირს – 24 წლის ნაზრიმად ლუტფულოის, რომელიც ტაჯიკეთის მოქალაქეა, აღკვეთის ღონისძიებად პატიმრობა შეეფარდა. მოსკოვის სასამართლოში მას ტერაქტის მუხლით წაუყენეს ბრალი. სხდომა დახურულ რეჟიმში გაიმართა. აზრიმად ლუტფულოი მეცხრე დაკავებულია, რომელსაც აღკვეთის ღონისძიებად პატიმრობა შეეფარდა. ცნობისთვის, დანარჩენი რვაც წარმოშობით ტაჯიკეთიდანაა. მოსკოვის ოლქის ქალაქ კრასნოგორსკში მდებარე საკონცერტო დარბაზში შეიარაღებულმა პირებმა ცეცხლი 22 მარტს გახსნეს. შემთხვევა ჯგუფ “პიკნიკის” კონცერტის დაწყებამდე მოხდა – დარბაზის პარტერში, სულ მცირე, სამი შეიარაღებული პირი შეიჭრა და ცეცხლი გახსნა. თავდასხმაზე პასუხისმგებლობა “ისლამურმა სახელმწიფომ” აიღო. რუსეთის უსაფრთხოების ფედერალური სამსახურის ინფორმაციით, ტერაქტის საქმეზე…

„ფეხბურთი მხოლოდ სპორტი არაა“, – ეს ფრაზა კიდევ ერთხელ გამყარდა 26 მარტს, როდესაც საქართველოს ნაკრებმა სანუკვარი გამარჯვება მოიპოვა, იმ ღამეს, როცა მთელი საქართველო ამ ისტორიულ დღეს ზეიმობდა, ნაკრების ფეხბურთელებმა მსოფლიოს მესიჯი გაუგზავნეს  – “აფხაზეთი საქართველოა! სამაჩაბლო საქართველოა”ეს სიტყვები ნიკა კვეკვესკირს ეკუთვნის, რასაც მთელი ნაკრები აყვა. ნიკა კვეკვესკირი, რომელმაც გამარჯვების გოლი გაიტანა, აფხაზეთიდანაა, გალიდან იძულებით წამოსვლის შემდეგ კი ოჯახთან ერთად ზუგდიდში ცხოვრობდა, კვეკვესკირის მშობლები ახლაც ზუგდიდში ცხოვრობენ. ევრო 2024-ის ფლეი ოფის ფინალში საბერძნეთისა და საქართველოს ეროვნულმა გუნდებმა მატჩის ძირითადი დრო ფრედ 0:0 დაასრულეს. შეგახსენებთ, შეხვედრის ბედი 11-მეტრიანების სერიაში გადაწყდა. ამ გამარჯვებით,…