დღე: მარტი 8, 2024

ქალთა საერთაშორისო დღესთან დაკავშირებით პრეზიდენტმა ხუთი უფლებადამცველი ქალი ღირსების მედლით დააჯილდოვა. დაჯილდოვდნენ: ორგანიზაცია “საფარის” თანადამფუძნებელი ბაია პატარაია; უფლებადამცველი ანა არგანაშვილი; “ძალადობისაგან დაცვის ეროვნული ქსელის” დამფუძნებლები: ელისო ამირეჯიბი და ნატო შავლაყაძე; ორგანიზაცია “ვეძებ” დამფუძნებელი თამარ მუსერიძე. ,,საქართველოს პრეზიდენტმა ადვოკატი, ორგანიზაცია “საფარის” თანადამფუძნებელი ბაბუცა პატარაია დააჯილდოვა ქალთა უფლებების დაცვისა ქალთა გაძლიერების, გენდერის ნიშნი ძალადობის წინააღმდეგ ბრძოლის საქმეში შეტანილი განსაკუთრებული პირადი წვლილისთვის, არაძალადობრივი გარემოს ჩამოყალიბების ხელშეწყობისათვის. ანა არგანაშვილი დაჯილდოვდა ბავშვთა და შეზღუდული შესაძლებლობების მქონე ქალთა უფლებების დაცვის, ძალადობისა და დისკრიმინაციის წინააღმდეგ ბრძოლის საქმეში შეტანილი განსაკუთრებული პირადი წვლილისათვის. “ძალადობისაგან დაცვის ეროვნული ქსელის” დამფუძნებლებს: ელისო…

,,კობახიძის გადაწყვეტილებაა… ვეთანხმები”, – ასე გამოეხმაურა “ქართული ოცნების” წევრი მამუკა მდინარაძე კანცელარიასთან ღარიბაშვილის მიერ დამონტაჟებული ღობის მოხსნას. ,,არ ინერვიულოთ. ნახეთ, ნაცების ტელევიზიები ნერვიულობენ ღობეში დახარჯულ ფულზე. გამოიყენება ეს ღობე, არ გადააგდებენ, ჯართში არ ჩააბარებენ, არ ინერვიულოთ. …ნუ ნერვიულობთ, ჯართში არ ჩააბარებენ და დანიშნულებისამებრ, სადმე, სადაც საჭიროა ის და ამის აუცილებლობაა, იქ იქნება. მეორე, ძალიან მოკლედ გეტყვით, ეს არის ირაკლი კობახიძის დამოკიდებულება, მისი გადაწყვეტილება, რომელსაც აბსოლუტურად ვეთანხმები. თავიდან ბოლომდე ვეთანხმები. და თქვენ, ძალიან გთხოვთ, ნუ მონათლავთ დაპირისპირებად თითოეულ გადადგმულ ნაბიჯს, იმ შემთხვევაში, ეს თითოეული გადადგმული ნაბიჯი თუ არ დაემთხვევა წინა პრემიერის…

პრემიერმინისტრ ირაკლი კობახიძის გადაწყვეტილებით, მთავრობის ადმინისტრაციის წინ არსებულ ღობესა და ჯებირებს ხსნიან. ცნობისთვის, რკინის ღობე კანცელარიასთან ექსპრემიერ ირაკლი ღარიბაშვილის გადაწყვეტილებით დადგეს. 2023 წელს ცნობილი გახდა, რომ ადმინისტრაციის წინ, სადაც ხშირად საპროტესტო აქციები იმართება, სკვერის მოწყობა იგეგმებოდა.

საქართველო გამორჩეულია ძლიერი და შთამაგონებელი ქალების მდიდარი ისტორიით, – წერს ამერიკის საელჩო საქართველოში. ,,გილოცავთ ქალთა საერთაშორისო დღეს! ჩვენ სიამაყით ვუჭერთ მხარს გენდერულ თანასწორობასა და ქალთა გაძლიერებას მთელ მსოფლიოში. მათ შორის საქართველოში, რომელიც გამორჩეულია ძლიერი და შთამაგონებელი ქალების მდიდარი ისტორიით”.

ქალთა საერთაშორისო დღესთან დაკავშირებით, გაეროს ქალთა ორგანიზაციები ერთობლივ განცხადებას ავრცელებენ. განცხადებაში ნათქვამია, რომ საქართველოში, აუნაზღაურებელი ზრუნვის საქმეს ქალები 5-ჯერ მეტ დროს უთმობენ, ვიდრე კაცები. ორგანიზაციები წერენ, რომ ეს ქალებს პროფესიული წარმატების მიღწევისა და საჯარო თუ პოლიტიკურ ცხოვრებაში ჩართვისთვის ნაკლებ დროს უტოვებს. ,,ახლა, როდესაც მსოფლიო არაერთი კრიზისის წინაშე დგას, გენდერული თანასწორობის მიღწევა კიდევ უფრო გადამწყვეტ მნიშვნელობას იძენს. მიუხედავად ბოლო ათწლეულების პროგრესისა, სრული თანასწორობის მიღწევა ისევ შორეული პერსპექტივაა. თუ პროგრესი ამჟამინდელი ტემპით გაგრძელდება, შეიძლება, გლობალურ დონეზე სრული სამართლებრივი თანასწორობის მიღწევას 300 წელი დასჭირდეს. […] ეკონომიკური აქტივობის მიხედვით, ქალთა მაჩვენებელი (41.5%) კაცებისას (64%)…

საქართველოს საგარეო საქმეთა სამინისტროს, ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს ეროვნულ არქივს შორის ურთიერთგაგების მემორანდუმი გაფორმდა. დოკუმენტი საქართვლოს პირველი დემოკრატიული რესპუბლიკის საგარეო საქმეთა მინისტრის, ეროვნული საბჭოსა და დამფუძნებელი კრების წევრის, საფრანგეთში საქართველოს ელჩის აკაკი ჩხენკელის საქმიანობის წარმოჩენას ითვალისწინებს. ამ მიზნით, და ქართველი მოღვაწის 150-ე საიუბილეო წლისთავის აღსანიშნავად, მემორანდუმის ფარგლებში დაგეგმილია მთელი რიგი ღონისძიებები, მათ შორის, აკაკი ჩხენკელის ეპისტოლური მემკვიდრეობის ამსახველი წიგნი–ალბომის გამოცემა; მოეწყობა მისი საარქივო და ფოტო-დოკუმენტების გამოფენა. მემორანდუმის თანახმად, ასევე ჩატარდება საერთაშორისო სამეცნიერო კონფერენცია, რომლის მიზანია ქართველი დიპლომატის საქმიანობის გაცნობა, ასევე საქართველოს წინაშე მისი დამსახურების წარმოჩენა. ამასთანავე,…

თბილისის შემოვლით გზაზე სატვირთო ავტომობილი სავალი გზიდან გადავარდა და ხრამში გადაიჩეხა, შედეგად კი სატვირთოს მძღოლი დაიღუპა. შსს-მ მომხდარზე გამოძიება საქართველოს სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

,,ლაზარე უდანაშაულოა… ვფიქრობ, პრეზიდენტი, როგორც დედა, ისე შეხედავს ამ საკითხს… ვთხოვ, შეიწყალოს”. ამის შესახებ მარტის აქციებზე დაკავებული ლაზარე გრიგორიადისის დედამ თამთა კალანდაძემ განაცხადა. ,,ლაზარეს ველაპარაკე 3 მარტს, დამირეკა, დედის დღე მომილოცა. არის მხნედ. როცა ველაპარაკები არასდროს არ გამოთქვამს პრეტენზიას, არ გვაგრძნობინებს, რომ რამე უჭირს, ყოველთვის გვამხნევებს იქიდან. პრეზიდენტს ვეტყოდი, რომ ლაზარეს ვერ უმტკიცებენ იმას, რასაც აბრალებენ. ლაზარე არის აბსოლუტურად უდანაშაულო. ის იქ იდგა იმდენი ხალხის გვერდით, საჭირო დროს, საჭირო ადგილას და ვფიქრობ, რომ ქალბატონი პრეზიდენტი, როგორც დედა, ისე შეხედავს ამ საკითხს. ლაზარე არის სულ ახალგაზრდა, 21 წლის, რომელსაც წინ აქვს…

ჩატარებული გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია. გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით. მისაბმელიანი, ნახევრადმისაბმელიანი ავტოტრანსპორტის და M3 კატეგორიის 22-ზე მეტი დასაჯდომი ადგილის (მძღოლის ადგილის გარდა) მქონე მგზავრთა გადასაყვანად განკუთვნილი ავტოსატრანსპორტო საშუალებების მოძრაობა, გვირაბებში განხორციელდება ცალმხრივად.

მარნეულში სატვირთო მანქანა ქვეითს, ახალგაზრდა ბიჭს, დაეჯახა. როგორც თვითმხილველები ყვებიან, შეჯახების შემდეგ მძღოლმა საჭე ვერ დაიმორჩილა და სხვა სამ მანქანას დაეჯახა. დაშავებული ქვეითი საავადმყოფოში გადაიყვანეს. ამ დროისთვის მისი მდგომარეობა უცნობია. შემთხვევის ადგილას საპატრულო პოლიციის თანამშრომლები იმყოფებიან.

შიდა ქართლის გუბერნატორი მიხეილ შაყულაშვილი გადადგომის შესახებ გავრცელებულ ინფორმაციას ადასტურებს. შაყულაშვილი აცხადებს, მან ამ გადაწყვეტილების შესახებ ხელმძღვანელობას უკვე აცნობა, თუმცა ოფიციალური განცხადება ჯერ არ დაუწერია. როგორც ის ამბობს, თანამდებობის დატოვება პოლიტიკურ პროცესებს არ უკავშირდება. ,,ველაპარაკე, რომ მინდა წასვლა-მეთქი და უახლოეს მომავალში დავწერ, ალბათ, განცხადებას. დავიღალე რა, 26 წელია საჯარო მოხელე ვარ და მინდა კერძო სექტორში გადავიდე და გავაგრძელო იქ მოღვაწეობა ჩემი თავისთვის, ჩემთვის. ცნობისთვის, მიხეილ შაყულაშვილი შიდა ქართლის სახელმწიფო რწმუნებულის თანამდებობას 2022 წლის აგვისტოდან იკავებდა”, – ამბობს შაყულაშვილი.