დღე: მარტი 20, 2024

მამუკა მდინარაძე ამბობს, რომ ვეტინგის თემა მმართველი პარტიისთვის დახურულია და არასამთავრობო ორგანიზაციების დღევანდელ განცხადებას პასუხობს: ,,უხარიათ ჟურნალისტებს, უხარიათ მოსამართლეებს, უხარიათ ჩვენს ოპონენტებს, უხარიათ პროდიუსერებს და არის საყოველთაო ჟრიამული ვეტინგის დახურვასთან დაკავშირებით. ერი და ბერი შეთანხმდა, რომ თემის დახურვა არის კარგი. გაააქტიურონ და იყონ, ვეტინგის თემა არის დახურული”, – ამბობს მდინარაძე. ,,სასამართლოს გაჯანსაღების თემა ვერ დაიხურება”, ნათქვამია 47 არასამთავრობო ორგანიზაციის ერთობლივ განცხადებაში.

პარლამენტში, ,,მინისტრის საათის” ფორმატში, დეპუტატების კითხვების პასუხად, შს მინისტრმა, ვახტანგ გომელაურმა თამაზ გინტურის მკვლელობას ,,გარდაცვალება” უწოდა: ,,მოგეხსენებათ საოკუპაციო ხაზია, არის დაახლოებით 400კმ-იანი საოკუპაციო ხაზი ცხინვალის მიმართულებით, 100%-ით მისი გადახურვა ფიზიკურად შეუძლებელია რაც არ უნდა ბიუჯეტი მოგვცენ, 100 000 თუ გავხდებით შსს-ში მაშინ კი ბატონო. ჩვენ კი არა აშშ ვერ იცავს ბოლომდე საზღვარს. ეს ჩვეულებრივი მოვლენაა. 100% -იანი დაკეტვა მე გონი მარტო ჩრდილოეთ კორეაშია. მსოფლიოში ერთ ქვეყანას ვერ დამისახელებთ, რომ 100%-იანი დახურული აქვს საზღვრები, მითუმეტეს საოკუპაციო ხაზი, სადაც მოქალაქეები ზოგი გადადის იქით, ნათესავი ჰყავთ, ზოგი სასაფლაოზე გადადის და სამწუხაროდ არ უშვებენ…

ვიზალიბერალიზაციაა, ადვილად გადიან ქვეყნიდან, მარტო ჩვენ ქვეყანაში არ ხდება ეს, – ამბობს შინაგან საქმეთა მინისტრი, ვახტანგ გომალაური მიგრაციასთან დაკავშირებით დასმულ კითხვებზე პასუხად. ,,2023 წლის რომ მოვიკითხეთ, საქსტატმა ივნისში გვექნება დაახლოებით პასუხები, კიდევ ერთხელ ვიმეორებ, შინაგან საქმეთა სამინისტრო მიგრაციის კუთხით არ აკეთებს სტატისტიკას და არ ვითვლით ჩვენ, ეს კი გაქვთ, რაც კი იცით, 2012 წლამდე 247 585-ია გასული, რაც საქსტატმა მოგვაწოდა, ჩვენი დათვლილი არ არის და პირიქით, მატებაა 2 420 ადამიანის შემოსვლა საქართველოში, 2013-დან 2022 წლის ჩათვლით. მიგრაციაში ხალხი მიდის, ხაზი რომ გავუსვათ, იქიდან გამომდინარე, ვიზალიბერალიზაციაა, ადვილად გადიან ქვეყნიდან, მარტო ჩვენ…

მესმის, რატომ ეწვის კუჭი და ერთი ადგილი თქვენი ტელევიზიის პატრონებს, – ასე უპასუხა ,,ოცნების” დეპუტატმა ბექა ოდიშარიამ ,,მთავარ არხს” დავით ხიდაშელის თავდაცვის მინისტრის მრჩევლად მუშაობასთან დაკავშირებით დასმულ შეკითხვას.  ,,დავით ხიდაშელი თუ იყო თავდაცვაში, ეს ალბათ იყო განპირობებული იმით, რომ ჰქონდა სურვილი რაღაცა წვლილი შეეტანა ამ საქმიანობაში. მე მესმის, რატომ ეწვის კუჭი და ერთი ადგილი თქვენი ტელევიზიის პატრონებს, რადგან მათ დაძრეს პროცესი გარეჯთან დაკავშირებით და პრაქტიკულად გარეჯი იყო დაკარგული საქართველოსთვის. ყველ შემთხვევაში, ის ნაწილი, რომელიც არის ასე ვთქვათ სადაო ტერიტორია. შესაბამისად, ამ ადამიანმა თავის აქტივობით ეს პროცესი შეაფერხა, რაღაც- რაღაცები ამოიტანა…

პარლამენტში შინაგან საქმეთა მინისტრმა, ვახტანგ გომელაურმა “მინისტრის საათის” ფორმატში სხვადასხვა საკითხზე, მათ შორის ავტოსაგზაო შემთხვევების სტატისტიკაზეც ისაუბრა. მისი თქმით, 2023 წელს წინა წელთან შედარებით 2%-ზე მეტით გაიზარდა საგზაო-სატრანსპორტო შემთხვევათა რაოდენობა, (2022 წ. – 5469, ხოლო 2023 წ.- 5594). 3%-მდეა შემცირებული საგზაო-სატრანსპორტო შემთხვევების შედეგად დაშავებულთა რაოდენობა, ხოლო, ამავე პროცენტული რაოდენობით გაიზარდა დაღუპულთა რიცხვი. ,,2023 წელს, წინა წელთან შედარებით, 2%-ზე მეტით გაიზარდა სისხლის სამართლის კოდექსით გათვალისწინებულ საგზაო-სატრანსპორტო შემთხვევათა რაოდენობა. 3%-მდეა შემცირებული საგზაო სატრანსპორტო შემთხვევების შედეგად დაშავებულთა რაოდენობა, ხოლო ამავე პროცენტული რაოდენობით გაიზარდა დაღუპულთა რიცხვიც”, – თქვა გომელაურმა. როგორც მან აღნიშნა, გზებზე სიჩქარის…

„ევრონესტის საპარლამენტო ასამბლეაში საქართველოს დელეგაციის წევრებმა „ნაციონალური მოძრაობიდან“ და რადიკალური ოპოზიციიდან საქართველოს, უკრაინის და მოლდოვას ევროკავშირში გაწევრების შესახებ რეზოლუციის პროექტის ინიცირებას ხელი არ მოაწერეს“, – ამის შესახებ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, მამუკა მდინარაძემ დღეს გამართულ ბრიფინგზე განაცხადა. როგორც მამუკა მდინარაძემ აღნიშნა, ევრონესტის საპარლამენტო ასამბლეაში საქართველოს დელეგაციის ხელმძღვანელის, მაკა ბოჭორიშვილის ინიციატივით, შემუშავდა საგანგებო რეზოლუციის პროექტი საქართველოს, მოლდოვასა და უკრაინის ევროკავშირში გაწევრების შესახებ, რაც მიზნად ისახავდა ევრონესტის საპარლამენტო ასამბლეის პლატფორმის გამოყენებას საქართველოს ევროკავშირში გაწევრების საკითხის მხარდასაჭერად ევროპარლამენტის მხრიდან. მისივე ინფორმაციით, პროექტში ხაზგასმულია სამივე ქვეყნის ევროკავშირში გაწევრების მნიშვნელობა და გაწევრების…

„არჩევნები და საარჩევნო სისტემა ძალიან მნიშვნელოვანი საკითხია და კიდევ ერთხელ მინდა ჩვენს თანამოქალაქეებს ვუთხრა, რომ საქართველოს პარლამენტმა, „ქართულმა ოცნებამ“ და ჩვენმა უმრავლესობამ საარჩევნო კანონმდებლობა ისეთი სახით მიიღო, როგორიც ევროპის განვითარებულ დემოკრატიებს აქვს“, – განაცხადა პარლამენტის თავმჯდომარის მოადგილემ არჩილ თალაკვაძემ. მისი შეფასებით, როდესაც საკითხი ეხება საარჩევნო საკითხებს და კანონმდებლობას, ოპოზიცია ამბობს ერთს და მეორეს – აკეთებს. „ჩვენ მივიღეთ ცვლილებები, რომლითაც საქართველოს აქვს და მომავალში ექნება კიდევ უფრო სტაბილური საარჩევნო ადმინისტრაცია, მოქალაქეების მეტი ნდობით აღჭურვილი ადმინისტრაცია და რაც მთავარია – გამოირიცხება ყველა პოლიტიკური სპეკულაცია, რაც მანამდე იყო ხოლმე არჩევნებიდან არჩევნებამდე. მოდი, ვნახოთ…

,,ქალი ხართ და არ გეკადრებათ, ცოტა გაუფრთხილდით მანდილის ღირსებას”, – ასე მიმართა “ოცნების” დეპუტატმა ბექა ოდიშარიამ პარლამენტის სხდომაზე “ლელოს” დეპუტატს, ანა ნაცვლიშვილს, როდესაც ნაცვლიშვილმა პარლამენტის თავმჯდომარეს მიმართა, რომ დარბაზში ხმაური იყო და საკუთარი თანაგუნდელებისთვის მოეწოდებინა, მოესმინათ მათივე კოლეგისთვის – ნინო წილოსანისთვი, რომელიც ტრიბუნასთან საუბრობდა. „გუშინ ვერ მოვასწარი და ქალბატონო ანა, დაანებეთ ამ მასწავლებლობას თავი რა! სხვათა შორის, სანამ ჩვენ ზრდილობაზე დაიწყებთ რაიმე აზრების გამოთქმას, თქვენს ზრდილობას მიხედეთ რა – უსმინეთ თქვენს გამოსვლებს ტრიბუნიდან როგორ, რა ლექსიკით ესაუბრებით კოლეგებს ან პოლიტიკურ „ისტებლიშმენტზე“ როგორ საუბრობთ რა! ქალი ხართ და არ გეკადრებათ –…

შიდა ქართლის სახელმწიფო რწმუნებულად ლევან ხარაბაძე დაინიშნა. პრემიერ-მინისტრი ირაკლი კობახიძე ახალ გუბერნატორს დღეს მთავრობის ადმინისტრაციაში შეხვდა. პრემიერმა ლევან ხარაბაძეს მომავალ საქმიანობაში წარმატება უსურვა და რეგიონში მიმდინარე პროექტებზე ესაუბრა. შეხვედრაზე აგრეთვე განიხილეს შიდა ქართლის განვითარების ხელშეწყობის მიმართულებით დაგეგმილი პროექტები. ახალი გუბერნატორი პროფესიით სამართალმცოდნეა. ის დღემდე იკავებდა შინაგან საქმეთა სამინისტროს გურიის პოლიციის დეპარტამენტის დირექტორის თანამდებობას; აქვს მენეჯერულ პოზიციებზე მუშაობის მრავალწლიანი გამოცდილება.