დღე: მარტი 21, 2024

„ძალიან ბევრი ადამიანია გულდაწყვეტილი, საქართველო-ლუქსემბურგის თამაშზე დასასწრებად ბილეთის ყიდვა რომ ვერ შეძლო, ბევრი გულდაწყვეტილი პატარა გულშემატკივარი დაგვრჩა. ამიტომ, ფეხბურთის ფედერაციასთან ერთად მივიღეთ გადაწყვეტილება, რესპუბლიკის მოედანზე, ღია ცის ქვეშ დიდი ეკრანები მოვაწყოთ“. ამის შესახებ თბილისის მერმა დედაქალაქის მთავრობის დღევანდელ სხდომაზე განაცხადა. „არ დავიწყებ იმის ახსნას, რამდენად მნიშვნელოვანი შეხვედრა არის. მინდა, ინფორმაცია მოგაწოდოთ და კიდევ ერთხელ, დეტალურად გეტყვით, იმას, რომ ვიცი, ძალიან ბევრი ადამიანია გულდაწყვეტილი იმით, რომ ვერ შეძლო თამაშზე დასასწრებად ბილეთის ყიდვა ტევადობიდან და რაოდენობიდან გამომდინარე, მხოლოდ რაღაც კატეგორიას, რაოდენობას შეუძლია დაესწროს თამაშს სტადიონის ტევადობიდან გამომდინარე. ამიტომ მივიღეთ ეს გადაწყვეტილება, დღეს…

თბილისის საქალაქო სასამართლომ თაღლითობაში ბრალდებულ ზოია ლუპაშენკოს 5-წლიანი პირობითი სასჯელი შეუფარდა. ლუპაშენკოს ადვოკატი ამბობს, რომ საქმეში დანაშაულის ნიშნები არ იკვეთებოდა და რეალურად, საუბარია ორ პირს შორის ნებაყოფლობით გარიგებაზე. საქმეში დაზარალებული შუახნის ქალია, რომელიც ამტკიცებს, რომ მკითხავმა თაღლითური გზით დიდი ოდენობით თანხა გამოსძალა. დაზარალებულმა ჯადოს მოხსნის მოტივით მკითხავს 12 500 დოლარი და ოქროს სამკაულები გადასცა, რომელიც მისი თქმით, შესაბამისი პროცედურის დასრულების შემდეგ მკითხავს უკან უნდა დაებრუნებინა. ზიანი ჯამში 17 500 დოლარს შეადგენდა.

საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე კრემლთან დაახლოებულ ოლიგარქს, დავით ხიდაშელს იცავს და განცხადებას ავრცელებს: ,,წარმოგიდგენთ საქართველოს საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებას დავითგარეჯის საკითხის შესახებ ბოლო დღეებში კვლავ დაიწყო მორიგი დეზინფორმაციული შეტევა დავითგარეჯისა და მის მიმდებარე სასაზღვრო ზოლის საქმის შესახებ. სამწუხაროდ, პერიოდულად სახელმწიფოსა და სამშობლოს ინტერესების დაცვისგან შორს მყოფი ხალხი თავს ესხმის ამ ეროვნულ და საკრალურ საკითხს და ცდილობს, დეზინფორმაციითა და ღვარძლით ჩირქი მოსცხოს იმ სიმართლეს, რაც საზოგადოებისა და ქართველი ერისთვის თავზარდამცემი გახდა. ალბათ, ასეთი რამ მსოფლიოს არცერთ ქვეყანაში არ მომხდარა, როდესაც ქვეყანა, რომელიც…

ახმეტის მუნიციპალიტეტის სოფელ ზემო ალვანში, ქმრის მიერ დაჭრილი ქალი მკურნალობას თელავის რეფერალურ ჰოსპიტალში აგრძელებს. პაციენტი ამ ეტაპზე ქირურგიულ განყოფილებაში იმყოფება და მის სიცოცხლეს საფრთხე არ ემუქრება. „40-დან 45 წლამდე ასაკის ქალი კლინიკაში გუშინ, გამთენიისას შემოიყვანეს. პაციენტს აღენიშნებოდა, სავარაუდოდ, ცივი იარაღით მიყენებული რამდენიმე, მრავალჯერადი ჭრილობა ზურგის არეში, მათ შორის, ერთი ჭრილობა იყო შემავალი პლევრის ღრუში. პაციენტს შესაბამისი გამოკვლევები და პროცედურები ჩაუტარდა. ამ ეტაპზე ის კონტაქტურია, იმყოფება ქირურგიულ განყოფილებაში ექიმების მეთვალყურეობის ქვეშ და მის სიცოცხლეს არანაირი საფრთხე არ ემუქრება“, – განუცხადეს ,,ფორტუნას“ კლინიკაში.

ბათუმში ერთმანეთს 7 ავტომობილი შეეჯახა. შემთხვევა პუშკინისა და ასათიანის ქუჩების გზაჯვარედინზე მოხდა. ინფორმაციას და ფოტო მასალას რეგიონული გამოცემა AJARATIMES ავრცელებს. გავრცელებული ინფორმაციით, მანქანები დაზიანდა, თუმცა შემთხვევის შედეგად არავინ დაშავებულა.

თბილისის მერმა, კახა კალაძემ UFC-ის პირველ ქართველ ჩემპიონს, ილია თოფურიას თბილისის მერიაში უმასპინძლა. კახა კალაძემ მას პირადად მიულოცა მოპოვებული გამარჯვება და მომავალში კიდევ უფრო მეტი წარმატება უსურვა. „გულწრფელად მინდა მოგილოცო მიღწეული გამარჯვება. საამაყო ადამიანი ხარ და შრომის ფასი იცი. შენი გამარჯვება სრულიად საქართველოს გამარჯვებაა. მიხარია, რომ ასეთი წარმატებული ხარ და მჯერა, შენს გულშემატკივრებს წინ მეტი სიხარული გველოდება. მინდა იცოდე, რომ უამრავ ქართველს უყვარხარ. ასევე, გილოცავ ღირსების ორდენს, რომელსაც დღეს გადმოგცემენ. კაცურად და ღირსეულად გეტარებინოს ეს ჯილდო,“ – აღნიშნა კახა კალაძემ შეხვედრაზე. მან ასევე ხაზი გაუსვა ევროპის ჩემპიონატის პლეი ოფის ნახევარფინალში…

ახმეტის მუნიციპალიტეტის სოფელ ალვანში, კაცმა ცოლის გარდა,15 წლის ნათესავიც დაჭრა. ინფორმაციას შსს ავრცელებს. ,,შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1978 წელს დაბადებული თ.თ. ოჯახის წევრის მიმართ განსაკუთრებული სისასტიკით ჩადენილი განზრახ მკვლელობის მცდელობის ბრალდებით დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა, ახმეტის მუნიციპალიტეტის სოფელ ზემო ალვანში, ურთიერთშელაპარაკების ნიადაგზე წარმოშობილი კონფლიქტის დროს, მეუღლე – 1981 წელს დაბადებული თ.ო. და მეუღლის ნათესავი – 2009 წელს დაბადებული გ.მ. ცივი იარაღით დაჭრა, რის შემდეგაც შემთხვევის ადგილიდან მიიმალა. სამართალდამცველებმა…

დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე მედიის წარმომადგენლებს ქართული ჟურნალისტიკის დღე მიულოცა. კახა კალაძემ ყურადღება საზოგადოების ინფორმირების პროცესში ჟურნალისტების როლზეც გაამახვილა. „დღეს, ქართული ჟურნალისტიკის დღეა. მინდა, პირველ რიგში აქ დამსწრე მედიის წარმომადგენლებს და ყველას, ვინც ამ პროფესიას კეთილსინდისიერად, პროფესიონალურად ემსახურება, მივულოცო დღევანდელი დღე. ვისურვებდი, რომ ქართული ჟურნალისტიკა ემსახურებოდეს საქართველოს მოსახლეობის და ქვეყნის ინტერესებს და პირნათლად ასრულებდეს იმ უდიდეს როლს, რასაც საზოგადოების სწორად ინფორმირება ჰქვია. გილოცავთ და გისურვებთ წარმატებებს“, – აღნიშნა კახა კალაძემ.