დღე: ოქტომბერი 28, 2023

საქართველოს პრემიერ-მინისტრი ირაკლი ღარიბაშვილი ქართველი მსახიობის თენგიზ არჩვაძის გარდაცვალების გამო მწუხარებას გამოთქვამს. როგორც მთავრობის მეთაური ,,ფსისბუქზე” აღნიშნავს, თენგიზ არჩვაძე ქართული კინემატოგრაფიის ნამდვილი ვარსკვლავი იყო. ,,ღრმა მწუხარებას გამოვთქვამ გამოჩენილი ქართველი მსახიობის, ხელოვნების უბადლო ოსტატის – თენგიზ არჩვაძის გარდაცვალების გამო. თენგიზ არჩვაძე ქართული კინემატოგრაფიის ნამდვილი ვარსკვლავი იყო. იგი ხასიათდებოდა ღირსეული პიროვნული თვისებებით, რის გამოც მაყურებელი მას ყოველთვის დიდი სიყვარულითა და სითბოთი გაიხსენებს. თენგიზ არჩვაძე იმ პლეადის ერთ-ერთი გამორჩეული სახეა, რომელმაც უდიდესი კვალი დატოვა ქართულ კინემატოგრაფიაში. ვიზიარებ თენგიზ არჩვაძის ოჯახისა და ახლობლების მწუხარებას, თანაგრძნობას ვუცხადებ მთელ საქართველოს”, – აღნიშნავს პრემიერი.

ჯანდაცვის მინისტრის მოადგილემ, თამილა ბარკალაიამ, გაეროს ქალთა ორგანიზაციის წარმომადგენელმა საქართველოში, კაორი იშიკავამ და საქართველოში ევროკავშირის წარმომადგენლობის განვითარების და თანამშრომლობის განყოფილების ხელმძღვანელმა, ნიკოლას სენდეროვიჩმა თბილისში, ძალადობის მსხვერპლთა თავშესაფარი გახსნეს. „ადამიანით ვაჭრობის (ტრეფიკინგის) და ძალადობის მსხვერპლთა თავშესაფარი“ სახელმწიფო ზრუნვის სააგენტოს დაქვემდებარებაში ფუნქციონირებს. თავშესაფარი ადაპტირებულია შეზღუდული შესაძლებლობის მქონე პირთათვის და მოემსახურება ძალადობის მსხვერპლ ქალებს და მათზე დამოკიდებულ პირებს. თავშესაფარში ძალადობის მსხვერპლები/დაზარალებულები უზრუნველყოფილი იქნებიან დროებითი სადღეღამისო საცხოვრისით, ფსიქოლოგიურ-სოციალური რეაბილიტაციით, სამართლებრივი მომსახურებით და სამედიცინო მომსახურების მიღების ორგანიზებით. თავშესაფარი გაიხსნა ევროკავშირის მიერ დაფინანსებული პროექტის „ქალებისა და გოგოების მიმართ ძალადობის წინააღმდეგ საქართველოში“ ფარგლებში, რომელიც გაეროს ქალთა ორგანიზაციისა…

ქარ­თვე­ლი მსა­ხი­ო­ბი, სა­ქარ­თვე­ლოს დამ­სა­ხუ­რე­ბუ­ლი არ­ტის­ტი თენ­გიზ არჩვა­ძე გარ­და­იც­ვა­ლა. ინ­ფორ­მა­ცი­ას ნო­დარ დუმ­ბა­ძის სა­ხე­ლო­ბის მო­ზარდ მა­ყუ­რე­ბელ­თა თე­ატ­რის პრო­დი­უ­სე­რი, დი­მიტ­რი ღვთი­სი­აშ­ვი­ლი სო­ცი­ა­ლურ ქსელ­ში ავ­რცე­ლებს. „წა­ვი­და დიდი ქარ­თვე­ლი არ­ტის­ტი! დიდი ქარ­თვე­ლი! ძა­ლი­ან დიდი! ჩემი უფ­რო­სი მე­გო­ბა­რი!!!”, – წერს დი­მიტ­რი ღვთი­სი­აშ­ვი­ლი. თენ­გიზ არჩვა­ძე 1932 წლის 3 აგ­ვის­ტოს თბი­ლის­ში და­ი­ბა­და. 1955 წელს და­ამ­თავ­რა თბი­ლი­სის სა­ხელ­მწი­ფო თე­ატ­რა­ლუ­რი ინ­სტი­ტუ­ტის სამ­სა­ხი­ო­ბო ფა­კულ­ტე­ტი. 1954 წლი­დან კოტე მარ­ჯა­ნიშ­ვი­ლის სა­ხე­ლო­ბის სა­ხელ­მწი­ფო თე­ატ­რის მსა­ხი­ო­ბია; 1960 წლი­დან კი­ნოს­ტუ­დია “ქარ­თუ­ლი ფილ­მის” მსა­ხი­ო­ბი; 1967-1972 წწ. რუს­თა­ვის თე­ატ­რის მსა­ხი­ო­ბი; მის მიერ შეს­რუ­ლე­ბუ­ლი რო­ლე­ბი­დან აღ­სა­ნიშ­ნა­ვია: “მოკ­ვე­თი­ლი”, “დედა”, “ღა­ლა­ტი”, “თვა­ლი პა­ტი­ო­სა­ნი”, “როცა ქა­ლაქს სძი­ნავს” “მე ვხე­დავ მზეს”, “დღის წეს­რიგ­შია…

დღეს გიორგი ანწუხელიძის ხსოვნის დღეა. ცოტა ხნის წინ, მის მშობლიურ სოფელ ქვემო ალვანში ეროვნული გმირის ბიუსტი დაიდგა. ცერემონიას მისი შვილები, ოჯახის წევრები და მეგობრები ესწრებოდნენ. დღის განმავლობაში კულტურის სახლის ეზოში დაგეგმილია სხვადასხვა ღონისძიებები. ,,მე დღეს ძალიან გამიხარდა, რომ ძალიან ბევრი ხალხი მოვიდა და ეს ჩემთვის სტიმულია, იმიტომ, რომ ამდენი ხანი გავიდა და კიდევ ახსოვს ხალხს მამაჩემის სახელი და ვამაყობ”, – ამბობს გმირის შვილი. ,,ძალიან დიდ სიამაყესთან ერთად, ძალიან დიდი ტკივილია” – თქვა გიორგი ანწუხელიძის ცოლმა და მადლობა გადაუხადა ქართველ ხალხსა და ორგანიზატორებს, ვინც ამ დღის დაგეგმვაში მიიღო მონაწილეობა.

პრემიერმინისტრმა, ირაკლი ღარიბაშვილმა რიკოთის მაგისტრალის 27-კილომეტრიანი მონაკვეთი გახსნა. აღნიშნული მონაკვეთი ხარაგაულის მუნიციპალიტეტის სოფელ ხევთან იწყება და ზესტაფონის მუნიციპალიტეტის დაბა შორაპანთან მთავრდება. ,,ყველაზე რთული, გამოწვევებით აღსავსე, მე ასე ვიტყოდი მონაკვეთი იყო რიკოთის მონაკვეთი, რომელიც მიჩნეული იყო და არის ჯერ კიდევ როგორც ერთ-ერთი ყველაზე რთული და გამომწვევი მონაკვეთი, მაგრამ თქვენ უყურებთ, რომ აშენდა 4-ზოლიანი ჩქაროსნული მაგისტრალი და რა თქმა უნდა, გრძელდება ეს პროცესი. ჩვენ დღეს საზეიმოდ გავხსენით 27 კილომეტრი”, – თქვა ღარიბაშვილმა. მისი თქმით, ეს გზა მოიცავს 65 ხიდს და 38 გვირაბს. არსებული ინფორმაციით, ახალი მონაკვეთი რიკოთზე გადაადგილების მანძილს 8 კმ-ით, ხოლო…

,,მთავარი არხის” დამფუძნებელი, ნიკა გვარამია უკრაინის პრეზიდენტის მიერ ბრიუსელში გაკეთებულ განცხადებას ეხმაურება და ამბობს, რომ ანტიზელენსკური და ლამის ანტიუკრაინული განწყობები, რაც ამ გამონათქვამმა ზოგიერთებში გამოიწვია, არც ადეკვატური ჰგონია და არც მორალურად გამართული. ,,ზელენსკის ბრიუსელში გაკეთებულ განცხადებაზე მეც ვიტყვი, იმ დათქმით, რომ ანტიზელენსკური და ლამის ანტიუკრაინული განწყობები, რაც ამ გამონათქვამმა ზოგიერთებში გამოიწვია, არც ადეკვატური მგონია და არც მორალურად გამართული. 1. საქართველოს ბელორუსიზაცია სწრაფი ტემპით მიმდინარეობს, მაგრამ საქართველო ჯერ ბელორუსი ნამდვილად არ არის (ჯერ) 2. ბელორუსი აუცილებლად უნდა შეუერთდეს ევროპულ ოჯახს და ამას ბელორუსი ხალხი ცალსახად იმსახურებს, და ბელორუსი ევროკავშირის სტრატეგიულ ინტერესში…

2023 წლის 27 ოქტომბერს, ნიუ იორკში, საქართველოს საგარეო საქმეთა მინისტრის მოადგილემ, ხათუნა თოთლაძემ, ხელი მოაწერა შეთანხმებას საქართველოს მთავრობასა და დომინიკის თანამეგობრობის მთავრობას შორის „დიპლომატიური, სამსახურებრივი და ორდინალური პასპორტების მფლობელთა ვიზის მიღების ვალდებულებისგან გათავისუფლების შესახებ“. დომინიკის თანამეგობრობის მხრიდან შეთანხმებას ხელი მოაწერა გაეროსთან დომინიკის თანამეგობრობის მუდმივმა წარმომადგენლმა – ფილბერტ აარონმა. დოკუმენტი ძალაში შევა ორივე მხარის მიერ შიდაპროცედურების დასრულებიდან ერთ თვეში. შეთანხმება ხელს შეუწყობს ტურისტული, კულტურული და ეკონომიკური კავშირების გაღრმავებას და განაპირობებს ორივე ქვეყნის ცნობადობის გაზრდას შესაბამის რეგიონებში.

დროებით ოკუპირებული აფხაზეთის ე.წ პრეზიდენტის ასლან ბჟანიას მონაწილეობით ხელი მოეწერა სოხუმის აეროპორტის ყოვლისმომცველი რეკონსტრუქციის შეთანხმებას. როგორც ekhokavkaza წერს, ხელშეკრულება გაფორმდა ე.წ. მთავრობასა და შპს ,,ინფრასტრუქტურის დეველოპმენტს” შორის. კომპანიის ხელმძღვანელი და მფლობელი რუსეთის უშიშროების საბჭოს მდივნის მოადგილის შვილი, რაშიდ ნურგალიევია. ასევე როგორც საინფორმაციო სააგენტო Apsnypress წერს, შეთანხმების განხორციელების ფარგლებში, აღდგება აეროდრომის ოპერატიული ვარგისიანობა. ინვესტორმა უნდა განაახლოს ასაფრენი ბილიკი, რაც შესაძლებელს გახდის თანამედროვე რუსული და უცხოური წარმოების თვითმფრინავების მიღებას. აშენდება ახალი სამგზავრო ტერმინალი და გარემონტდება ისტორიული აეროპორტის შენობა. ისტორიული ტერმინალის შენობაში ოფიციალური პირებისა და დელეგაციების მომსახურება იგეგმება. ე.წ. მთავრობის პრესსამსახურის განცხადებაში ნათქვამია,…

სამეგრელოში, სოფელ ჭალადიდში, ნავთობისა და გაზის მოპოვებას იწყებენ. ამის შესახებ ნავთობისა და გაზის სახელმწიფო სააგენტოს ხელმძღვანელმა, გიორგი ტატიშვილმა გამოცემა BMG-სთან განაცხადა. ,,მაქსიმუმ წლის ბოლომდე ჭალადიდის ფართობზე, სამეგრელოში დაიწყება პირველი ღრმა ჭაბურღილის ბურღვა, რომელიც სადღაც 4 000 მეტრამდე იქნება. ,,ვესტ გალფ პეტროლიუმი” პარალელურად სეისმურ სამუშაოებს ატარებს. დაახლოებით 200 გრძივ კილომეტრამდე უკვე მონაცემები ჩაწერილია. საკმაოდ ოპტიმისტური სურათი გვაქვს, რომ ამ ერთ ღრმა ჭაბურღილის დასრულებისთანავე მეორე ჭაბურღილიც გაიჭრება”, – ამბობს გიორგი ტატიშვილი. გარდა ამისა, როგორც ტატიშვილი ამბობს ნავთობისა და გაზის სააგენტო ინვესტორის შემოყვანას აპირებს კახეთში მდებარე ერთ-ერთ სალიცენზიო ბლოკზეც, სადაც როგორც ნავთობის, ისე…

საქართველოს პროკურატურამ ჯგუფურად ჩადენილი ძალადობის ფაქტზე 6 პირს ბრალდება წარუდგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ თბილისში, გლდანის I მიკრო-რაიონში, ერთ-ერთი კორპუსის მიმდებარე ტერიტორიაზე, ბრალდებულები, ამ ეტაპზე დაუდგენელ სხვა პირებთან ერთად, თავს დაესხნენ ოთხ პირს და მათ მიმართ ფიზიკური ძალადობა განახორციელეს. სამართალდამცველებმა ბრალდებულები 23 სექტემბერს დააკავეს. მათ ბრალდება სისხლის სამართლის კოდექსის 126-ე მუხლის 1-ლი პრიმა ნაწილის „ბ“ და „გ“ ქვეპუნქტებით (ძალადობა ჩადენილი ჯგუფურად და ორი ან მეტი პირის მიმართ) წარედგინათ, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს. პროკურატურა ბრალდებულებისთვის აღკვეთის ღონისძიების სახით პატიმრობის შეფარდების შუამდგომლობით…

ქუთაისში, თაბუკაშვილის ქუჩაზე, ყავის სახლში ხანძარი გაჩნდა. დამწვარია ობიექტის ნაწილი. აალება კარტოფილი ,,ფრის” შეწვის დროს მოხდა. არსებული ინფორმაციით, დაშავებული თანამშრომელი კლინიკაში გადაიყვანეს. ადგილზე მობილიზებული იყო სასწრაფო სამედიცინო დახმარების ჯგუფი, საპატრულო და კრიმინალური პოლიციის ეკიპაჟები და საგანგებო სიტუაციების მართვის სამსახური.