დღე: ოქტომბერი 9, 2023

სპეციალური საგამოძიებო სამსახურის მიერ ჩატარებული გამოძიების შედეგად, მოქალაქის მიმართ ჯგუფურად ფიზიკური ძალადობის ჩადენის ფაქტზე საქართველოს შინაგან საქმეთა სამინისტროს საპატრულო პოლიციის დეპარტამენტის პატრულ-ინსპექტორი გ.ი. იქნა მხილებული. ამის შესახებ ინფორმაციას სპეციალური საგამოძიებო სამსახური ავრცელებს. „გამოძიებით დადგინდა, რომ სამართალდამცავმა, თანმხლებ პირთან ერთად, 2023 წლის 28 სექტემბერს ახალციხეში, ბენზინგასამართი სადგურის ტერიტორიაზე ყოფით ნიადაგზე მომხდარი შელაპარაკებისას ფიზიკურად იძალადა მოქალაქეზე, რის შედეგადაც მიაყენა ჯანმრთელობის მსუბუქი დაზიანება. სპეციალური საგამოძიებო სამსახურის მიერ მოპოვებული მტკიცებულებების საფუძველზე საქართველოს პროკურატურამ საპატრულო პოლიციის თანამშრომელს ბრალდება ჯგუფურად ჩადენილი ჯანმრთელობის მსუბუქი დაზიანებისთვის, საქართველოს სისხლის სამართლის კოდექსის 120-ე მუხლის მე-2 ნაწილით წარუდგინა. დანაშაული 5 წლამდე თავისუფლების აღკვეთას ითვალისწინებს.…

ინფექციური საავადმყოფოს აღმასრულებელი დირექტორი შოთა გოგიჩაიშვილი გარდაიცვალა. ინფექციური საავადმყოფო თანაგრძნობას უცხადებს გარდაცვლილის ოჯახს, თანამშრომლებსა და სამედიცინო საზოგადოებას. „გულით ელოდა ახალ შენობაში გადასვლას მაგრამ, აღარ დასცალა – გულმა უმტყუნა, ვეღარ გაიხარებს ჩვენი საავადმყოფოს ახალსახლობით… ჩვენს შორის აღარ არის ღირსეული და კარგი ადამიანი… თითოეული ჩვენგანის დიდი იმედი… სამსახურში საქმიანი, მომთხოვნი და სამართლიანი, სამსახურს მიღმა კარგი პიროვნება და გვერდში მდგომი მეგობარი… ძნელია და წარმოუდგენელი შოთა გოგიჩაიშვილზე წარსულ დროში ისაუბრო… ინფექციური პათოლოგიისა და შიდსის ცენტრის მოამაგე, თანამშრომელთა და კლინიკის ღირსების დამცველი ქომაგი… კაცი ენციკლოპედიური განათლებითა და დიდი სამედიცინო გამოცდილებით… ღირსეული კვალი დატოვეთ ბატონო შოთა…

ბელგიაში მომღერალი ინგა ფერაძე გარდაიცვალა. „გაფრინდა ჩემი ლამაზი გოგო… აიარა ოქროყანის აღმართი…  დატოვა მხოლოდ ბოლო სურვილი-საქართველოში დაბრუნება თუნდაც სიკვდილის შემდეგ…“,- წერს ჟურნალისტი მაკა რაზმაძე.

ავტოსაგზაო შემთხვევის შედეგად, ქართველი მოდელი  მარიშა გვიდანი გარდაიცვალა. ავტოსაგზაო შემთხვევა დაახლოებით ერთი კვირის წინ მოხდა. მოდელი კლინიკაში, მართვით სუნთქვაზე იმყოფებოდა. მარიშა გვიდანი გუშინ გარდაიცვალა. „მარიშა ვიღაცის გაუმაძღარ და ხარბ მუცელს შეეწირა. ალკოჰოლის ზემოქმედების ქვეშ მყოფმა, გადათხრეშილმა, ველოსიპედით მიმავალ ბავშვს ისე დაარტყა მანქანა, რომ ჰაერში აისროლა, მენჯი, არტერია, თირკმელი, ელენთა, ფილტვი მოაგლიჯა და ასფალტზე დანარცხებით ტვინი დაუზიანა“,- ნათქვამია „სოლიდარობის სახლის“ გავრცელებულ ინფორმაციაში. ფოტო: Geomodels Agency  

მეტეხის გვირაბში ინფრასტრუქტურული სამუშაოები იწყება. კერძოდ, გვირაბში არსებული დაზიანებული ფრაგმენტების გაწმენდითი სამუშაოები განხორციელდება. აღნიშნული სამუშაოები გვირაბის ორივე მხარეს მონაცვლეობით ჩატარდება. პირველ ეტაპზე დაგეგმილი სამუშაოების გამო, 10 ოქტომბრიდან 10 ნოემბრის ჩათვლით, 00:00-დან 06:00 საათამდე ავტომობილების გადაადგილება შეიზღუდება მტკვრის მარცხენა სანაპიროსა და იალბუზის ქუჩების კვეთიდან მეტეხის გვირაბის მიმართულებით. ,,მტკვრის მარცხენა სანაპიროსა და იალბუზის ქუჩების კვეთიდან ავტომობილები გადაადგილებას შეძლებენ მხოლოდ მარჯვნივ მოხვევით, იალბუზის ქუჩის მიმართულებით, ხოლო იალბუზის ქუჩიდან სატრანსპორტო საშუალებები მტკვრის მარცხენა სანაპიროსა და 300 არაგველის ხიდის მიმართულებით მოძრაობას მარცხნივ მოხვევით შეძლებენ. თბილისის მერია შექმნილი დისკომფორტისთვის ბოდიშს გიხდით!”,- ნათქვამია მერიის განცხადებაში.

ავტოსაგზაო შემთხვევის შედეგად, ქართველი მოდელი  მარიშა გვიდანი გარდაიცვალა. ავტოსაგზაო შემთხვევა დაახლოებით ერთი კვირის წინ მოხდა. მოდელი კლინიკაში, მართვით სუნთქვაზე იმყოფებოდა. მარიშა გვიდანი გუშინ გარდაიცვალა. „9 დღე იბრძოლა დედისერთა, ნანატრმა შვილმა და გაფრინდა იქ, სადაც ანგელოზები ელოდნენ. მძღოლის უპასუხისმგებლობამ გაამწარა არამარტო მარიშას ოჯახი, სულიერად დაანგრია ბავშვის ყველა ახლობელი, ნათესავი, კლასელი, მეგობარი“,- წერს გარდაცვლილის ახლობელი.~   ფოტო: Geomodels Agency

საქართველოს გარემოს დაცვისა და სოფლის მეურნეობის სამინისტროს სსიპ ეროვნული სატყეო სააგენტოს რეგიონული სატყეო სამსახურების თანამშრომლებმა, მიმდინარე წლის სექტემბრის თვეში, ქვეყნის მასშტაბით, ხე-ტყის უკანონო მოპოვებისა და ტრანსპორტირების 85 ფაქტი გამოავლინეს. ხე-ტყის უკანონოდ მოპოვების ფაქტებიდან, 29 დარღვევა გამოვლენილია კახეთის სატყეო სამსახურის თანამშრომლების მიერ, 1 – მცხეთა-მთიანეთის, 9 გამოვლენილია ქვემო ქართლის, 7 – შიდა ქართლის, 11 – სამცხე-ჯავახეთის, 3 – გურიის, 21 – იმერეთის, ხოლო 4 – გამოვლენილია სამეგრელო -ზემო სვანეთის სატყეო სამსახურის თანამშრომლების მიერ. სამართალდამრღვევების მიმართ შედგენილია შესაბამისი დოკუმენტაცია, ავტოსატრანსპორტო საშუალებები დალუქულია და გადაყვანილია სააგენტოს „საქმიან ეზოებში“. საქმის მასალები, შემდგომი რეაგირებისთვის, გადაიგზავნა…