დღე: ოქტომბერი 14, 2023

,,მსოფლიოს ესმის, რისთვის ემზადება რუსეთი და რა ტერორისტული ნაბიჯების დაგეგმვა შეუძლია”. ამის შესახებ  ვოლოდიმირ ზელენსკიმ საღამოს ვიდეომიმართვაში განაცხადა. ,,ყველა ლიდერი, რომელიც გვეხმარება, სრულად არის ინფორმირებული ბრძოლის ველზე არსებული ვითარების შესახებ. მსოფლიოს ესმის, რისთვის ემზადება რუსეთი და რა ტერორისტული ნაბიჯების დაგეგმვა შეუძლია. ჩვენ ასევე ვიცით როგორ ვუპასუხოთ ოკუპანტს და ვუპასუხებთ მძლავრად. საჰაერო თავდაცვისთვის დამატებითი რაკეტების გარდა, გვექნება ახალი გამშვები. ჩვენ ვმუშაობთ სხვადასხვა ტიპის სისტემებზე. იქნება სათადარიგო ნაწილები იმ სისტემებისთვის, რომლებსაც უკრაინა უკვე იყენებს. ასევე იქნება არტილერია, ჭურვები, დრონები, ჯავშანტექნიკა”, – განაცხადა ზელენსკიმ.

მეტი...

,,ჩვენს მებრძოლებთან ერთად ღაზას სექტორში, ფრონტის ხაზზე. ჩვენ ყველანი მზად ვართ”. ამის შესახებ ისრაელის პრემიერმინისტრი ბენიამინ ნეთანიაჰუ ტვიტერზე წერს. ისრაელის პრემიერმა დაათვალიერა ღაზას საზღვრის ორი რეგიონი – კიბუც ბეერი და კიბუც კფარ აზა, რომლებიც ჰამასის ტერორისტული თავდასხმისგან, ყველაზე მეტად დაზარალდა. ეს იყო პრემიერ ნეთანიაჰუს პირველი ვიზიტი თავდასხმის შედეგად დაზარალებულ ტერიტორიებზე. ისრაელის არმია სავარაუდოდ სახმელეთო ოპერაციისთვის ემზადება. ისრაელმა ღაზას სექტორის ჩრდილოეთიდან პალესტინელებს მასობრივი ევაკუაციისკენ მოუწოდა და ამისთვის ჯერ 24 საათიანი ვადა, მოგვიანებით კი დამატებით კიდევ რამდენიმე საათი მისცა, რომელიც უკვე ამოიწურა.

მეტი...

ისრაელში რუსეთის 16 მოქალაქეა დაღუპული, ტყვეობაშია ერთი. ინფორმაციას ამის შესახებ ისრაელში რუსეთის საელჩო ავრცელებს. „ისრაელის კომპეტენტური ორგანოებიდან მიღებული წინასწარი ინფორმაციის თანახმად, რუსეთის მინიმუმ ერთი მოქალაქე, რომელსაც ასევე აქვს ისრაელის მოქალაქეობა, არის ჰამასის მძევლების სიაში ღაზას სექტორში“, – ნათქვამია განცხადებაში.

მეტი...

კაიროსა და ვაშინგტონის მოლაპარაკებების შედეგად, ღაზის სექტორსა და ეგვიპტეს შორის მდებარე საკონტროლო-გამშვები პუნქტი „რაფა“ გაიხსნა იმ პალესტინებისთვის, ვისაც აშშ-ის პასპორტი აქვს. Washington Post-ის მონაცემებით, ღაზის სექტორში დაახლოებით 600 ადამიანი ცხოვრობს, რომლებსაც ამერიკული პასპორტი აქვთ. დღეს ისრაელის თავდაცვის არმიამ ღაზას მოსახლეობას სექტორის სამხრეთისკენ ევაკუაციისკენ კიდევ ერთხელ მოუწოდა და უსაფრთხო საევაკუაციო მარშრუტების რუკა გამოაქვეყნა.

მეტი...

სომხეთის პრეზიდენტმა, ვაჰაგნ ხაჩატურიანმა, ხელი მოაწერა კანონს, რომლითაც სომხეთი სისხლის სამართლის საერთაშორისო სასამართლოს (ICC) რომის სტატუტს შეუერთდა. რომის სტატუტის რატიფიცირება სომხეთის პარლამენტმა, 3 ოქტომბერს, მოახდინა. კანონპროექტს მხარი 60-მა დეპუტატმა დაუჭირა, წინააღმდეგ 22 წავიდა. შეგახსენებთ, რომ 17 მარტს ICC-მ რუსეთის პრეზიდენტის, ვლადიმირ პუტინის, დაპატიმრების ორდერი გასცა. რომის სტატუტთან შეერთებით პუტინის დაკავების ვალდებულება სომხურ მხარესაც ექნება.

მეტი...

საინფორმაციო სააგენტომ AFP „ჰამასის“ ისრაელზე თავდასხმის შედეგად გარდაცვლილი უცხოელების სია შეადგინა. BBC-ის ინფორმაციით, სიაში ასევე არიან მძევლად აყვანილი ან დაკარგული ადამიანები. სია შესაბამისი სახელმწიფოების მიერ გავრცელებულ ინფორმაციაზე დაყრდნობით არის შედგენილი. აშშ: 27 გარდაცვლილი ტაილანდი: 24 გარდაცვლილი საფრანგეთი: 15 გარდაცვლილი ნეპალი: 10 გარდაცვლილი არგენტინა: 7 გარდაცვლილი უკრაინა: 7 გარდაცვლილი რუსეთი: 4 გარდაცვლილი დიდი ბრიტანეთი: 4 გარდაცვლილი ჩილე: 4 გარდაცვლილი ავსტრია: 3 გარდაცვლილი ბელარუსი: 3 გარდაცვლილი კანადა: 3 გარდაცვლილი ჩინეთი: 3 გარდაცვლილი ფილიპინები: 3 გარდაცვლილი ბრაზილია: 3 გარდაცვლილი პერუ: 2 გარდაცვლილი რუმინეთი: 2 გარდაცვლილი ავსტრალია, აზერბაიჯანი, კამბოჯა, ირლანდია, პორტუგალია, ესპანეთი, შვეიცარია, კოლუმბია,…

მეტი...

ჩვე­ნი მო­ქა­ლა­ქე­ე­ბის 90% სა­კონ­სუ­ლო აღ­რი­ცხვა­ზე რე­გის­ტრი­რე­ბუ­ლი არ არის, ამი­ტომ მო­ვუ­წო­დებთ მათ, გა­მო­ვაქ­ვეყ­ნებთ სპე­ცი­ა­ლურ ბმულს და და­რე­გის­ტრირ­დნენ. ამის შე­სა­ხებ ის­რა­ელ­ში სა­ქარ­თვე­ლოს ელჩმა, ლაშა ჟვა­ნი­ამ განაცხადა. ,,ჩვე­ნი მო­ქა­ლა­ქე­ე­ბი ნაკ­ლებ ყუ­რა­დღე­ბას აქ­ცე­ვენ იმას, რომ სა­კონ­სუ­ლოს აღ­რი­ცხვა­ზე დად­გნენ. ვინც ასეთ აღ­რი­ცხვა­ზე დგას, ჩვენ გვაქვს მათ­თან ტე­ლე­ფო­ნით წვდო­მა. ჩვე­ნი მო­ქა­ლა­ქე­ე­ბის 90% რე­გის­ტრი­რე­ბუ­ლი არ არის სა­კონ­სუ­ლო აღ­რი­ცხვა­ზე, ამი­ტომ მო­ვუ­წო­დებთ მათ, ხვალ გა­მო­ვაქ­ვეყ­ნებთ სპე­ცი­ა­ლურ ბმულს და და­რე­გის­ტრირ­დნენ. ასეთ შემ­თხვე­ვა­ში ჩვენ მარ­ტი­ვი წვდო­მა გვექ­ნე­ბა მათ­თან. რე­გის­ტრა­ცი­ის­თვის სა­ბუ­თის მო­წეს­რი­გე­ბა სა­ჭი­რო არ არის. სა­კონ­სუ­ლო­ში რე­გის­ტრა­ცი­ის­თვის სა­ჭი­როა სა­ქარ­თვე­ლოს პას­პორ­ტი, ფოტო სუ­რა­თი. მისი ლე­გა­ლუ­რი ან არა­ლე­გა­ლუ­რი ყოფ­ნა ის­რა­ე­ლის სა­ხელ­მწი­ფო­ში ჩვენ­თვის სა­ინ­ტე­რე­სო არ…

მეტი...

ისრაელის გაფრთხილების შემდეგ ღაზა 400 000-ზე მეტმა პალესტინელმა დატოვა. ინფორმაციას ადგილობრივი მედია ავრცელებს. პარასკევს ისრაელმა ღაზის სექტორის ჩრდილოეთ ნაწილის მოსახლეობას ტერიტორიის უახლოეს 24 საათში დატოვებისკენ მოუწოდა. ჰამასის ტერორისტებმა მოკლეს 1300 ადამიანი, მათი უმრავლესობა მშვიდობიანი მოქალაქე იყო.

მეტი...

ღაზას მოსახლეობა საევაკუაციო დერეფნების გამოყენებით ჩრდილოეთ ზოლის დატოვებას დღეს, ადგილობრივი დროით 10:00 საათიდან 16:00 საათამდე შეძლებს. ინფორმაციას ისრაელის თავდაცვის ძალები (IDF) ავარცელებს. ,,თუ თქვენ საკუთარ თავსა და თქვენს ახლობლებზე ზრუნავთ, წადით სამხრეთის მიმართულებით, ინსტრუქციის მიხედვით. დარწმუნებულნი იყავით, რომ “ჰამასის” ლიდერებმა უკვე იზრუნეს საკუთარ თავებზე და საჰაერო თავდასხმებს ემალებოდნენ”, – მოუწოდებს IDF ღაზის მოსახლეობას და აღნიშნულ ინფორმაციას არაბულად აქვეყნებს.

მეტი...

სალომე ზურაბიშვილმა ისრაელის პრეზიდენტს, ისააკ ჰერცოგს წერილი გაუგზავნა და მწუხარება გამოთქვა ჰამასის ტერორისტული თავდასხმის შედეგად გამოწვეული მოვლენების გამო. ,,ისრაელის ხალხის გამძლეობა და ერთიანობა ნამდვილად შთამაგონებელია ყველასთვის. თქვენ უდავოდ გაიმარჯვებთ!”, – ნათქვამია პრეზიდენტის წერილში, რომელიც სალომე ზურაბიშვილმა ელჩს,  ჰადას მეიცადს გადასცა.

მეტი...

უკრაინის გენშტაბის ცნობით, ბოლო 24 საათის განმავლობაში ოკუპანტებთან 100-მდე საბრძოლო შეტაკება მოხდა. ,,მთლიანობაში, მტერმა განახორციელა 3 სარაკეტო და 59 საჰაერო დარტყმა, 54 თავდასხმა სარაკეტო სისტემებიდან ჩვენი ჯარების პოზიციებსა და დასახლებულ პუნქტებზე. რუსული ტერაქტების შედეგად მშვიდობიანი მოსახლეობაში არიან დაღუპულები და დაჭრილები. განადგურდა და დაზიანდა კერძო საცხოვრებელი შენობები და სხვა სამოქალაქო ინფრასტრუქტურა. უკრაინის ძალები აგრძელებენ თავდაცვას ქვეყნის აღმოსავლეთითა და სამხრეთით. შეტევითი მოქმედებებია მელიტოპოლისა და ბახმუტის მიმართულებით. უკრაინელები ანადგურებენ მტერს და ეტაპობრივად ათავისუფლებენ დროებით ოკუპირებულ ტერიტორიებს”, – ნათქვამია ანგარიშში.

მეტი...

რუსული აგრესიის შედეგად უკრაინაში უკვე 507 ბავშვი დაიღუპა, დაშავდა 1 134-ზე მეტი არასრულწლოვანი. უკრაინის გენერალური პროკურატურის ცნობით, ყველაზე მეტი ბავშვი დაშავდა: დონეცკის რეგიონში – 490, ხარკოვის ოლქში – 303, კიევის ოლქში – 129, ჩერნიგოვის ოლქში – 71, ლუგანსკის ოლქში – 67, ნიკოლაევის ოლქში – 97, ხერსონის ოლქში – 1284, ზაპოროჟიეს ოლქში – 99, დნეპროპეტროვსკის ოლქი – 97, ლუგანსკის ოლქში – 67. აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

მეტი...

რუსეთის წარმომადგენლობა აპირებს ახლო აღმოსავლეთში ჩასვლას კრიზისის მოგვარების მცდელობის ფარგლებში. ამის შესახებ რუსეთის საგარეო საქმეთა მინისტრის მოადგილემ განაცხადა. მისი თქმით, მოსკოვი ეწინააღმდეგება ღაზას სექტორის ,,ოკუპაციას” ისრაელის შესაძლო სახმელეთო ოპერაციის შემთხვევაში. ,,ჩვენ ოკუპაციის წინააღმდეგი ვართ. არსებობს გაეროს უშიშროების საბჭოს რეზოლუცია, რომლის მიხედვითაც, მშვიდობისა და უსაფრთხოების საფუძველია მიწა მშვიდობის სანაცვლოდ. ნორმალიზება ისრაელის ოკუპირებული არაბული ტერიტორიებიდან გასვლის სანაცვლოდ”, – განაცხადა მიხეილ ბოგდანოვმა.

მეტი...

შეერთებულმა შტატებმა პირველად, პირდაპირ დაადანაშაულა ჩრდილოეთ კორეა რუსეთისთვის იარაღის მიწოდებაში. ერთი თვის განმავლობაში ჩრდილოეთ კორეელებმა რუსებს 1000-ზე მეტი კონტეინერით, სამხედრო ტექნიკა და საბრძოლო მასალა გაუგზავნეს. თეთრმა სახლმა გამოაქვეყნა ვიზუალური მასალა, სატელიტის ფოტოები, რომელიც ფაქტს ადასტურებს. „ჩვენ ვგმობთ სამხედრო აღჭურვილობის რუსეთისთვის მიწოდებას, რომელიც გამოყენებული იქნება უკრაინის ქალაქებზე თავდასხმისთვის, უკრაინელი მშვიდობიანი მოსახლეობის მოსაკლავად და რუსეთის უკანონო ომის გასაგრძელებლად”, – განუცხადა ჟურნალისტებს ეროვნული უსაფრთხოების მრჩეველმა ჯონ კირბიმ.

მეტი...

აშშ-ის სახელმწიფო მდივანი ენტონი ბლინკენი საუდის არაბეთში ჩავიდა. საუდის არაბეთში ის ,,ჰამასის” მიერ ისრაელის წინააღმდეგ განხორციელებულ ტერორისტულ თავდასხმებს განიხილავს. არსებული ვითარების დიპლომატიური გზებით მოგვარების მიზნით, ბლინკენი იმყოფებოდა ისრაელში, იორდანიასა და კატარშიც.

მეტი...