დღე: ოქტომბერი 31, 2023

არასდროს მომეწონება გამოხატვის მსგავსი ფორმა და მნიშვნელობა არ აქვს, რა იყო ამის წინაპირობა, – ასე ეხმაურება „ქართული ოცნების“ წევრი ნინო წილოსანი “ქართული ოცნების” დეპუტატების მიერ პარლამენტში ქალი დეპუტატების მიმართ გაკეთებულ  განცხადებებს. „დღეს, პოლიტიკურ განცხადებებში, ჩემთვის სრულიად მიუღებელი ფორმებით მიმართეს ქალ დეპუტატს. არასდროს მომეწონება გამოხატვის მსგავსი ფორმა და მნიშვნელობა არ აქვს, რა იყო ამის წინაპირობა,“ – წერს სოციალურ ქსელში ნინო წილოსანი.

მოვითხოვთ, რომ უმრავლესობამ მიიღოს გადაწყვეტილება და გადააყენოს ირაკლი ბერაია პარლამენტის თავდაცვის კომიტეტის თავმჯდომარის პოზიციიდან”, – ამის შესახებ ”ნაციონალური მოძრაობის” თავმჯდომარემ, თინა ბოკუჩავამ განაცხადა. ბოკუჩავამ შალვა პაპუაშვილს მიმართა, დააყენონ ბერაიას თანამდებობრივი პასუხისმგებლობის საკითხი. ,,ყველაზე მინიმალური რაც შეგიძლიათ გააკეთოთ მისი ამ ამორალური თავდასხმის გამო, რომელიც სუს-ისგანაა ორგანიზებული, დაატოვებინოთ კომიტეტის თავმჯდომარის თანამდებობა”,- განაცხადა ბოკუჩავამ.  

მამუკა მდინარაძე “ქართული ოცნების” დეპუტატების მიერ პარლამენტში ქალი დეპუტატების მიმართ გაკეთებულ  განცხადებებს  ეხმაურება. მისი თქმით, ”არ იყო მოსაწონი გარკვეული ფრაზები ჩვენი მეგობრების, ჩვენი თანაგუნდელების მხრიდან, მიუხედავად იმისა, რასაც მოჰყვა ეს ყველაფერი.” ,,მოდით, ვთქვათ სიმართლე და სიმართლეს ჩავხედოთ თვალებში, ნამდვილად არ იყო მოსაწონი ის რეაქციები, რაც მეორე მხრიდან სერიოზულ პროვოკაციებს მოჰყვა, თუმცა ეს შედარებით მეორეხარისხოვანი ხდება, როდესაც მართლაც შეიძლება რაღაც ნორმები ირღვევა ეთიკის და ცოტა ზედმეტი მოგვდის ხოლმე თითოეულ ჩვენგანს და ეს უნდა ვაღიაროთ კიდევაც. მე მგონია, რომ ჩვენი თანაგუნდელები ემოციური ფონი როცა ჩაცხრება, ამას გააკეთებენ, დარწმუნებული ვარ ამაში. ამიტომ, ძალიან…

მზად ვარ ფიზიკურადაც დავუპირისპირდე ასეთ ნაძირლებს ‼️ ქალის პატივისცემა ქართველი კაცის ღირსება იყო, ამათ არანაირი კავშირი არ აქვთ არც კაცობასთან, არც ღირსებასთან არავის არ გაპატიებთ ჩემი თანაპარტიელის თუ თანამებძოლის შეურაცხყოფას ‼️ – ამის შესახებ მიხეილ სააკაშვილის სპეციალური წარმომადგენელი სოფო ჯაფარიძე წერს. ,,არავის არ აქვს უფლება ქალს, ჩემს თანამებრძოლს ასე უღირსად ელაპარაკოს‼️ ღუდუშაური, მისი კოლეგების მსგავსად გასცდა ყველანაირ ზღვარს და ნორმას. რომელი ქალი უნდა დაიცვას სახელმწიფომ აგრესიისგან და ძალადობისგან? როცა მოძალადეები  უმრავლესობის რიგებში ყავთ. მზად ვარ ფიზიკურადაც დავუპირისპირდე ასეთ ნაძირლებს ‼️ ქალის პატივისცემა ქართველი კაცის ღირსება იყო, ამათ არანაირი კავშირი არ…

ქალბატონი აქუბარდია არის არათუ დეზინფორმაციის გამავრცელებელი, არამედ თავად არის დეზინფორმაციის წყარო – ჩვეულებრივ მარია ზახაროვას ანალოგი – ამ სიტყვებით თავდაცვის კომიტეტის თავმჯდომარემ, ირაკლი ბერაიამ თეონა აქუბარდია მოიხსენია. მისი თქმით, თეონა აქუბარდია არაერთხელ არის ნამყოფი ნატო-ს საპარლამენტო ასამბლეაზე და როდესაც საქართველოს საკითხი გადიოდა, არც ერთხელ დარბაზში არ მჯდარა. ,,ჯერ იყო და ის თქვა, რომ თურმე ნატოს საპარლამენტო ასამბლეაზე მე და ჩემმა კოლეგებმა მხარი არ დავუჭირეთ საქართველოს მხარდამჭერ შესწორებას დარბაზში არ ვიყავით და ამით პუტინის დავალება შევასრულეთ, რაც იყო ტყუილი და მიზანმიმართული დეზინფორმაცია. ქალბატონი აქუბარდია არაერთხელ არის ნამყოფი ნატო-ს საპარლამენტო ასამბლეაზე და…

,,ის რაც ოცნების კაცუნამ ირაკლი ბერაიამ იკადრა ჩემს წინააღმდეგ, პატარა კაცობაც აღარ ჰქვია,”- ასე ეხმაურება  დეპუტატ ირაკლი ბერაიას მხრიდან შეურაცხყოფას ოპოზიციონერი დეპუტატი, თეონა აქუბარდია. ,,ის რაც ოცნების კაცუნამ ირაკლი ბერაიამ იკადრა ჩემს წინააღმდეგ, პატარა კაცობაც აღარ ჰქვია. სუს-ის მეთოდები არ გამაჩუმებს, მაშინ როცა მათი მთავრობის წევრი პუტინთან ერთად სადილობს და დარბაზში მის გამოსვლას ესწრება, მაშინ როცა პარლამენტის თავმჯდომარე დასავლეთის წინააღმდეგ დეზინფორმაციის ფლაგმანი ხდება და მაშინ, როცა რუსული ოკუპაცია ოცნებას წინა ხელისუფლების მემკვიდრეობა ჰგონია და პასუხისმგებლობას ამით იცილებს თავიდან. ამას ალბათ გაგრძელებაც მოყვება, მაგრამ სუსს და ოცნებას ვეტყვი, რომ მათი არ მეშინია…

საპარლამენტო პოლიტიკური ჯგუფი „გირჩის“ წევრის იაგო ხვიჩიას განცხადებით, მისი, როგორც პარლამენტის წევრის უფლებები ირღვევა, რადგან მას მიხეილ სააკაშვილთან შეხვედრის უფლება არ ეძლევა. „საშუალება არ გვეძლევა პოლიტიკურ წელს, როდესაც არჩვენები უნდა ჩატარდეს, შევხვდეთ მიხეილ სააკაშვილს და რამე გავიგოთ რა უნდა „ნაცმოძრაობას“, იმიტომ, რომ თუ მასთან ამას არ გაარკვევ, სხვანაირად შეუძლებელია სრულყოფილად იცოდე და ადამიანებს გადასცე რა უნდა მიხეილ სააკაშვილს და „ნაცმოძრაობას“, – განაცხადა იაგო ხვიჩიამ და დასძინა, რომ  პოლიტიკური პროცესების დაბლოკვა ხდება, რადგან შეუძლებელი ხდება იმის გაგება რა უნდა მას და რა უნდა „ნაცმოძრაობას“. „მსურდა გადამეცა მისთვის, რომ თქვენ მას წაართვით მედიასაშუალებები,…

მოლდოვამ რუსული პროპაგანდისტული მედიის 20-მდე საიტზე წვდომა შეზღუდა. სიაში მოხვდნენ: Interfax, Komsomolskaya Pravda, Lenta.ru, TASS და ა.შ. მაუწყებლობის ლიცენზია შეუჩერდა 6 სატელევიზიო სადგურსაც, რომლებიც მხილებული არიან არჩევნებზე ზემოქმედების მცდელობაში. მოლდოვის პრეზიდენტის მაია სანდუს განცხადებით, აღნიშნული გადაწყვეტილების მიზანი სახელმწიფოს და დემოკრატიის დაცვაა, რუსეთის ფედერაციის მიერ საარჩევნო პროცესში ჩარევის მცდელობებისგან. ,,რუსეთს, ორგანიზებული კრიმინალური ჯგუფების მეშვეობით, სურს გავლენა მოახდინოს ადგილობრივ არჩევნებზე 5 ნოემბერს და ძირი გამოუთხაროს დემოკრატიულ პროცესს,” –  განაცხადა მოლდოვის პრემიერ-მინისტრმა, დორინ რეჩანმა.

„საქართველოს ისტორიული არჩევანი არის ევროპა და ჩვენი ისტორიული თვითმიზანი არის გავხდეთ ევროპული ოჯახის წევრი,  მივიღოთ კანდიდატის სტატუსი, რომელიც იქნება გარანტი საქართველოს უსაფრთხოების, ტერიტორიული მთლიანობის თავისუფლების და საქართველოს მოქალაქეების ეკონომიკური კეთილდღეობის“, – ამის შესახებ ფრაქცია  „ერთიანი ნაციონალური მოძრაობა“ – გაერთიანებული ოპოზიცია „ძალა ერთობაშიას“ წევრმა ანა წითლიძემ პარლამენტის პლენარულ სხდომაზე განაცხადა. მისი თქმით, საქართველოს მოსახლეობის 90% მხარს უჭერს ქვეყნის ევროკავშირში გაწევრიანებას. „კანდიდატის სტატუსის მიღება არის სასიცოცხლოდ მნიშვნელოვანი ქვეყნისთვის და ჩვენ არაერთხელ გვითქვამს, როგორი ცუდი ხელისუფლებაც არ უნდა ჰყავდეს ამ ქვეყანას, როგორიც არ უნდა იყოს რუსული ოცნების მცდელობა, რომ ეს გეოპოლიტიკური შესაძლებლობა, რომელიც  უკრაინელების თავგანწირულმა ბრძოლამ…

რუსთავის მერიამ რუსთავის საკრებულოს სასამართლოში უჩივლა.  ქალაქის მერის ნინო ლაცაბიძის განცხადებით, საკრებულო, რომლის უმრავლესობაც ოპოზიციაა, მერიის იდეებსა და ინიციატივებს არ განიხილავს. ,,რუსთავის საკრებულოს უმრავლესობაში მყოფი ნაციონალური მოძრაობისა და პარტია საქართველოსთვის კოალიცია, საკრებულოს რეგლამენტის უხეში დარღვევით აფერხებს, თვეობით აჩერებს, კომისიებიდან სხდომაზე არ გააქვს, არ იხილავს და დაუსაბუთებლად უკან აბრუნებს მერიიდან გადაგზავნილ, ქალაქის განვითარებისთვის მნიშვნელოვან საკითხებს. არაერთი წერილობითი თხოვნის, ოფიციალური მიმართვის, თუ საჯარო განცხადების მიუხედავად, რუსთავის საკრებულოს უმრავლესობა, მავნებლური უმოქმედობის პოლიტიკას დღემდე აგრძელებს”, – განაცხადა ლაცაბიძემ.