დღე: ოქტომბერი 15, 2023

ნიკოლაევში 14 წლის ბიჭი ნაღმზე აფეთქდა. ტრავმირებულია მისი მეგობარი. ინფორმაციას ტელეგრამ არხზე უკრაინის შს მინისტრი ავრცელებს. ,,ნიკოლაევის ოლქის ბაშტანის რაიონში 14 წლის ბიჭი დაიღუპა. მისი 12 წლის მეგობარი ტრავმირებულია. ბავშვები სოფელთან, მინდორში თამაშობდნენ. ადრე ამ ტერიტორიაზე აქტიური საბრძოლო მოქმედებები ხორციელდებოდა”, – დაწერა იგორ კლიმენკომ. მისივე ცნობით, უკრაინაში რუსეთის ფართომასშტაბიანი შეჭრიდან დღემდე ასაფეთქებელ მოწყობილობებზე 248 ადამიანი აფეთქდა, ტრავმირებულია 525.

მეტი...

ისრაელის არმიამ ღაზას სექტორში დაგეგმილი ოპერაცია, რომელიც შაბათ-კვირას უნდა დაწყებულიყო, ღრუბლიანობის გამო რამდენიმე დღით გადაიდო. უცხოური მედიის ცნობით, უამინდობა (ღრუბლიანობა) თვითმფრინავებსა და უპილოტო საფრენ აპარატებს სახმელეთო ძალებისთვის ინტენსიური საცეცხლე მხარდაჭერის გაწევაში ხელს შეუშლის. ოფიცრების თქმით, ისრაელის თავდასხმის ძალები ქვეითების გარდა ტანკებს, მესაზღვრეებს და სპეცრაზმს შეიცავენ. სახმელეთო ჯარები დაცულნი იქნებიან საბრძოლო თვითმფრინავებით, ვერტმფრენებით, დრონებითა და არტილერიით, რომლებიც სროლას ახორციელებენ როგორც ხმელეთიდან, ასევე ზღვიდან.

მეტი...

ირანი არ ჩაერევა ღაზაში ისრაელის სახმელეთო ოპერაციის განხორციელების შემთხვევაში, თუ თელ-ავივი არ დაესხმება თავს ირანის ტერიტორიას. ინფორმაციას უცხოური მედია ავრცელებს. „ირანის შეიარაღებული ძალები არ ჩაერთვებიან იმ პირობით, რომ ისრაელი ვერ გაბედავს ირანზე, მის ინტერესებსა და მოქალაქეებზე თავდასხმას. წინააღმდეგობის ფრონტს შეუძლია დაიცვას საკუთარი თავი“, – აცხადებენ ირანის წარმომადგენლები.

მეტი...

აშშ-ს შეუძლია დაეხმაროს როგორც ისრაელს, ასევე უკრაინას. ამის შესახებ აშშ-ის პრეზიდენტმა CBS News-თან ინტერვიუში განაცხადა. „ჩვენ გვაქვს ამის შესაძლებლობა და ვალდებულება. ჩვენ ამერიკის შეერთებული შტატები ვართ – ყველაზე მძლავრი ქვეყანა ისტორიაში – არა მსოფლიოში, არამედ მსოფლიოს ისტორიაში. შეგვიძლია ორივეს დავეხმაროთ და შევინარჩუნოთ ჩვენი საერთაშორისო თავდაცვისუნარიანობა. ჩვენ რომ არა ვინ იზამს ამას“, – განაცხადა ბაიდენმა.

მეტი...

ისრაელის ინფორმაციით, ,,ჰამასის” თავდასხმის შემდეგ, მათი მხრიდან დაღუპულთა რიცხვი 1 400-მდე გაიზარდა. ისინი ძირითადად მშვიდობიანი მოქალაქეები არიან, რომლებიც ,,ჰამასის” მებრძოლებმა საკუთარ სახლებსა და მუსიკალურ ფესტივალზე მოკლეს. პალესტინის ხელისუფლებამ კი განაცხადა, რომ მათი მხრიდან დაღუპულია 2 300-ზე მეტი ადამიანი.

მეტი...

ჯო ბაიდენის მრჩეველმა ეროვნული უსაფრთხოების საკითხებში, ჯეიკ სალივანმა CNN-ს განუცხადა, რომ ისრაელის ოფიციალურმა პირებმა მას აცნობეს, რომ სამხრეთ ღაზაში წყლის მილები ჩართულია. შეგახსენებთ, რომ ისრაელმა ექვსი დღის წინ განაცხადა, რომ ღაზას აქვს ,,სრული ალყა” და მათ საკვებისა და წყლის მიწოდება შეუწყვიტა.

მეტი...

რუსეთის პრეზიდენტი ვლადიმერ პუტინი ,,პარტნიორობის გასაღრმავებლად” მომავალ კვირას ჩინეთის ლიდერს, სი ძინპინს, შეხვდება. Reuter-ის ცნობით, პუტინი პეკინში ,,სარტყელისა და გზის ფორუმს” დაესწრება, რომელიც 17-18 ოქტომბერს გაიმართება. ეს პუტინის პირველი ვიზიტი იქნება ყოფილი საბჭოთა კავშირის ქვეყნებს გარეთ მას შემდეგ, რაც მარტში ჰააგის სისხლის სამართლის საერთაშორისო სასამართლომ მისი დაკავების ორდერი გასცა.

მეტი...

ეუთოს თავმჯდომარე და ჩრდილოეთ მაკედონიის საგარეო საქმეთა მინისტრი, ბუიარ ოსმანი, ხვალ, 16 ოქტომბერს, კიევში ჩავლენ. ,,მე მივდივარ კიევში, როგორც ეუთოს ამჟამინდელი თავმჯდომარე. დღის წესრიგში არის შეხვედრები უკრაინელ ლიდერებთან და ხალხთან, მათი საჭიროებების, იმედებისა და შიშების მოსასმენად. უკრაინა და მისი ხალხი ეუთოს უმთავრესი საზრუნავია”, – ნათქვამია მის განცხადებაში.

მეტი...

ნეთანიაჰუმ საგანგებო ომის მთავრობის პირველი შეხვედრა წუთიერი დუმილით გახსნა. შემდეგ კი განაცხადა, რომ სხდომას ეროვნული ერთიანობის პარტიის ხუთი წევრი: ბენი განცი, გადი ეიზენკოტი, ჩილი ტროპერი, გედეონ საარი და იფატ შაშა-ბიტონი ესწრება. ,,ჰამასი ფიქრობდა, რომ ჩვენ გაგვტეხდა… ჩვენ გავანადგურებთ ჰამასს.  ჩვენ ვმუშაობთ როგორც გუნდი, ერთიანი ფრონტით. ჩვენი ერთობა მკაფიო გზავნილს გადასცემს ხალხს, მტერს და მსოფლიოს. მე შევხვდი დიდებულ მეომრებს, რომლებიც ახლა ფრონტის ხაზზე არიან. მათ იციან, რომ მათ უკან მთელი ერი დგას. მათ ესმით მათ წინაშე არსებული ამოცანის დიდი მნიშვნელობა. ისინი მზად არიან იმოქმედონ ნებისმიერ მომენტში, გაანადგურონ სისხლიანი ურჩხულები, რომლებიც ჩვენს…

მეტი...

საფრანგეთის საგარეო საქმეთა მინისტრი სოლიდარობის ნიშნად ისრაელში ჩავიდა. კატრინ კოლონა ქალაქ აშკელონში, ისრაელელ კოლეგასთან, ელი კოენთან ერთად იმყოფება. ადგილობრივი მედიის ცნობით, ისინი საფრანგეთის იმ მოქალაქეებს შეხვდნენ, რომლებმაც ოჯახის წევრები დაკარგეს. როგორც კოლონამ განაცხადა, ,,ჰამასის” ისრაელზე თავდასხმის შედეგად, საფრანგეთის 17 მოქალაქე დაიღუპა. ,,აქ მოსვლა, რა თქმა უნდა, ისრაელის ხალხის მიმართ საფრანგეთის სოლიდარობის ჩვენებაა. მათ საშინელი ტერორისტული თავდასხმა განიცადეს. ჩემი ვიზიტით გვინდა ვთქვათ, რომ საფრანგეთი იზიარებს ისრაელის ხალხის ტკივილს”, – თქვა საფრანგეთის საგარეო საქმეთა მინისტრმა.

მეტი...

ბოლო 24-საათიის განმავლობაში, დაახლოებით 300 ადამიანი დაიღუპა და 800 დაშავდა ღაზაში. დაღუპულთა უმეტესობა ქალები და ბავშვები იყვნენ. ინფორმაციას ამის შესახებ CNN ავრცელებს. ზედიზედ რვა დღის განმავლობაში მჭიდროდ დასახლებულ ღაზის სექტორში ისრაელი დარტყმებს ახორციელებდა, რის შედეგადაც, სამინისტროს ბოლო მონაცემებით, 2215 ადამიანი დაიღუპა და 8714 დაშავდა.

მეტი...

შეერთებული შტატების მთავრობა ისრაელიდან კვიპროსში თავის მოქალაქეებს საზღვაო გზით გადაიყვანს. ევაკუაცია მხოლოდ აშშ-ის მოქალაქეებსა და მათ უახლოეს ოჯახის წევრებს შეეხება. ისრაელში აშშ-ის საელჩოს ინფორმაციით, გემი ისრაელის ჩრდილოეთით მდებარე ქალაქ ჰაიფადან ორშაბათს გაემგზავრება.  

მეტი...

აშშ ხმელთაშუა ზღვაში კიდევ ერთ ავიამზიდს აგზავნის, რადგან ისრაელი ღაზას სექტორში ოპერაციების გაფართოებისთვის ემზადება. „აშშ-ს ხომალდები არ აპირებენ შეუერთდნენ ღაზაში ბრძოლებს ან მონაწილეობა მიიღონ ისრაელის ოპერაციებში, მაგრამ საზღვაო ძალების ორი ყველაზე ძლიერი ხომალდის ადგილზე ყოფნა გზავნილია ირანისა და მისი მოკავშირე სხვა ძალებისთვის რეგიონში, როგორიცაა „ჰეზბოლა“ ლიბანში“, – წერს CNN.

მეტი...

ისრაელმა ალეპოს საერთაშორისო აეროპორტი დაბომბა. ადგილობრივი მედიის ცნობით, თავდასხმის შედეგად, დაზიანდა ასაფრენი ბილიკი და შეწყდა აეროპორტის მუშაობა. გაზეთი ალ-ვატანი იტყობინება, რომ აეროპორტის მუშაობა რამდენიმე საათის აღდგენილი იყო. მანამდე აეროპორტში სარეაბილიტაციო სამუშაოები მიმდინარეობდა. ინფორმაცია ალეპოს აეროპორტზე თავდასხმის შესახებ მას შემდეგ გავრცელდა, რაც ცოტა ხნით ადრე სირიიდან ისრაელის მიმართულებით რაკეტები ისროლეს.

მეტი...

ღაზას სექტორში ,,გვირაბების დახვეწილი ქსელია”, სადაც ,,ჰამასს” 150-200 ადამიანი, სავარაუდოდ, მიწისქვეშა გვირაბებში ჰყავთ დამწყვდეული. ინფორმაციას ამის შესახებ ისრაელის მედია ავრცელებს. ,,სავარაუდოდ, მათ მძევლები სხვადასხვა ლოკაციაზე ჰყავთ გადანაწილებული. ნებისმიერი თანამედროვე სამხედროსთვის უაღრესად რთულია ასეთ მჭიდრო ურბანულ ზონაში ბრძოლა, მაგრამ ვიმეორებ, უნდა გვახსოვდეს, ჩვენ ვაპირებთ ვიბრძოლოთ სასტიკ მტერთან, რომელსაც უპრობლემოდ შეუძლია ყველაფრის გამოყენება – ცოცხალი ფარის სახით სამოქალაქო პირების და სამხედრო მიზნებისთვის, სამოქალაქო ინფრასტრუქტურის”,  – განაცხადა ისრაელის თავდაცვის ძალების პრესსპიკერმა, ჯონათან კონრიკუსმა.

მეტი...

ისრაელიდან თბილისის მიმართულებით დღეს კიდევ ერთი დამატებითი რეისი შესრულდება. საქართველოს ელჩი ისრაელში, ლაშა ჟვანია ამბობს, რომ ამ რეისზე 45-ზე მეტი მცირეწლოვანი ბავშვი თავის ოჯახთან ერთად გამოემგზავრება თბილისში. „დაშავებული, ან დაკარგული საქართველოს მოქალაქეების შესახებ ინფორმაცია არ შემოსულა დღემდე. ჩვენი მედიის მიერ ძალიან ხშირად ვრცელდება არასწორი ინფორმაცია, რის გამოც პანიკა ვრცელდება ხოლმე. ვცდილობთ, რომ ეს არასწორი ინფორმაციები უარვყოთ და დავუზუსტოთ ჩვენს მოქალაქეებს, რომლებიც ისრაელში არიან. დაემატა დამატებითი კომერციული რეისი georgian airways-ს მიერ და ამ რეისზე ძირითადად საქართველოს მოქალაქეები იქნებიან. ჩვენ მოვახერხეთ და ძირითადად ისეთ მოქალაქეებს დავეხმარეთ, რომლებსაც მცირეწლოვანი შვილები ჰყავთ. 45-ზე მეტი…

მეტი...

პოლონეთში საპარლამენტო არჩევნები მიმდინარეობს. მმართველი პარტია ,,კანონი და სამართლიანობა” (PiS) ხელისუფლებაში მესამე ვადით მოსვლისთვის იბრძვის. მმართველი პარტიის მთავარი კონკურენტი ოპოზიციური კოალიციაა, რომელსაც პოლონეთის ყოფილი პრემიერი და ევროპული საბჭოს ყოფილი პრეზიდენტი, დონალდ ტუსკი, მართავს. ხმის მიცემის უფლებით 18 წელზე უფროსი ასაკის 29 მილიონი პოლონელი სარგებლობს. მათ ქვედა პალატის, ანუ სეიმის 460 წევრი და სენატის 100 წევრი 4 წლის ვადით უნდა აირჩიონ. პოლონეთის მასშტაბით 31 000-ზე მეტი საარჩევნო უბანი დღეს, ადგილობრივი დროით 7:00 საათზე გაიხსნა და საღამოს 21:00 საათზე დაიხურება. საზღვარგარეთ კი 400-ზე მეტი საარჩევნო უბანი იმუშავებს.

მეტი...

გასულ ღამეს რუსმა ოკუპანტებმა ხარკოვის ოლქის ქალაქი იზიუმი დაბომბეს. კერძო სახლზე განხორციელებული დარტყმის შედეგად, დაიღუპა 2 და დაშავდა 1 ადამიანი. ოლქის სამხედრო ადმინისტრაციის ცნობით, თავდასხმის შედეგად დაინგრა კერძო სახლი და გაჩნდა ხანძარი. არსებული ინფორმაციით, ოკუპანტებმა საჰაერო ბომბი გამოიყენეს.

მეტი...

გასულ ღამეს ღაზის სექტორში 100-ზე მეტ სამხედრო ობიექტზე იერიში მიიტანეს. ისრაელის თავდაცვის ძალების (IDF) ცნობით, საჰაერო დარტყმების ქვეშ იყო ზაიტუნისა და ხან-იუნისის რაიონებიც. განადგურებულ სამიზნეებს შორისაა ,,ჰამასის” შტაბ-ბინები და სამხედრო შენაერთები, ათეულობით სარაკეტო გამშვები, ტანკსაწინააღმდეგო პუნქტები და სადამკვირვებლო პუნქტები. IDF-ის განცხადებით, ასევე განადგურდა ,,ისლამური ჯიჰადის” ორგანიზაციის სამხედრო შტაბიც.

მეტი...

,,ჰამასის” თავდასხმის შედეგად 29 ამერიკელი დაიღუპა. აშშ-ის მოქალაქეების გარდაცვალების გარემოებები და ვინაობა, უცნობია. ინფორმაციას აშშ-ის სახელმწიფო დეპარტამენტის წარმომადგენლი ავრცელებს. თუმცა, ცნობილია აშშ-ის 15 მოქალაქის ვინაობა, რომლებიც უგზო-უკვლოდ არიან დაკარგულები. ,,აშშ-ის მთავრობა 24 საათის განმავლობაში მუშაობს, რათა დადგინდეს მათი ადგილსამყოფელი და მუშაობს ისრაელის მთავრობასთან მძევლების კრიზისის ყველა ასპექტზე”, – ნათქვამია განცხადებაში.

მეტი...