დღე: ოქტომბერი 7, 2023

ქართველმა ემიგრანტმა, მაია მელქაძემ ისრაელში არსებულ ვითარებაზე ისაუბრა. „მოულოდნელად, 05:30 საათზე ჩაირთო საგანგებო სიგნალი. ჩავედით დაცულ ოთახებში, სადაც ასეთ დროს ყველა მოთავსდება. ტერორისტები შემოსული არიან ჩრდილოეთის მხრიდან, სოფლებში არიან მიმოფანტული. ძალიან ბევრი მსხვერპლია. არის ტყვედ აყვანის ძალიან ბევრი შემთხვევა. არიან დაჭრილები. მობილიზებულია საავადმყოფოს მედ-პერსონალი“, – განაცხადა მაია მელქაძემ. ისრაელში, ტერორისტული დაჯგუფება „ჰამასის“ თავდასხმის შედეგად 40 ადამიანი დაიღუპა, 740 კი დაიჭრა. ამის შესახებ BBC ისრაელის საგანგებო სამსახურებზე დაყრდნობით წერს.

მეტი...

ისრაელის ენერგეტიკის მინისტრის ბრძნებით, ისრაელის ელექტრონული კორპორაცია ღაზას ელექტრომომარაგებას უწყვეტს. ,,ისე აღარ იქნება, როგორც აქამდე იყო”, – ნათქვამია განცხადებაში. ღაზის ენერგომომარაგება ძირითადად ისრაელიდან შესულ საწვავსა და ელექტროენერგიაზეა დამოკიდებული.

მეტი...

ისრაელში, ტერორისტული დაჯგუფება „ჰამასის“ თავდასხმის შედეგად დაღუპულთა რაოდენობა 70-მდე გაიზარდა. ინფორმაციას BBC ავრცელებს. „დაღუპულთა რიცხვი 70-მდე გაიზარდა, ასობით ადამიანი მძიმედ, საშუალო სიმძიმით და მსუბუქადაა დაჭრილი“, – აცხადებენ საგანგებო სიტუაციების სამსახურებში. შეგახსენებთ, რომ სარაკეტო დარტყმა ისრაელზე ადგილობრივი დროით 6:30 საათზე განხორციელდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს და ღაზას სექტორში „ჰამასის“ ობიექტებზე იერიში დაიწყეს.

მეტი...

,,საშინელი ამბებია ისრაელიდან, ვუსამძიმრებ ყველას”. ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. „საშინელი ამბებია ისრაელიდან. ვუსამძიმრებ ყველას, ვისი ოჯახის წევრები და ახლობლები დაიღუპნენ ამ ტერაქტის დროს. გვჯერა, რომ წესრიგი აღდგება და ტერორისტები განადგურდებიან. ვინც გამოიყენა ტერორი, არის დამნაშავე მსოფლიოს წინაშე, ვინც აფინანსებს ტერორს, ჩადის დანაშაულს მსოფლიოს წინაშე. სამყარო უნდა იყოს ერთიანი და სოლიდარული. ისრაელის თავდაცვის უფლება ეჭვგარეშეა. ამ ტერორისტული თავდასხმის ყველა გარემოება უნდა იქნეს გამოიძიებული, რათა მსოფლიომ იცოდეს და პასუხისმგებლობა მოეთხოვოს ყველას, ვინც მის ორგანიზებაში დაეხმარა და წააქეზა. უკრაინის ყველა მოქალაქემ, რომელიც იმყოფება საფრთხის ზონაში, ყურადღებით უნდა დაიცვას უსაფრთხოების ძალების…

მეტი...

აშშ-ის სახელმწიფო მდივანი ენტონი ბლინკენი ისრაელის მთავრობას და ხალხს სამძიმარს უცხადებს. ,,სოლიდარობას ვუცხადებთ ისრაელის მთავრობას, ხალხს და ვუსამძიმრებთ ამ თავდასხმების შედეგად დაღუპულთა გამო”, – წერს ბლინკენი.

მეტი...

ისრაელში მიმდინარე მოვლენებს საქართველოს საგარეო საქმეთა სამინისტრო სოციალურ ქსელ X-ზე ეხმაურება. ,,ჩვენ ვგმობთ საშინ ტერორისტულ თავდასხმას ისრაელის სახელმწიფოზე, რომელსაც მსხვერპლი მოჰყვა და გამოვხატავთ სოლიდარობას ისრაელის მთავრობისა და ხალხის მიმართ. ვუთანაგრძნობთ ამ საზარელი თავდასხმის მსხვერპლთა ოჯახებსა და ახლობლებს. ყველა დაშავებულს ვუსურვებთ სწრაფ გამოჯანმრთელებას”, – აღნიშნულია სამინისტროს გვერდზე გამოქვეყნებულ მიმართვაში.

მეტი...

,,აშშ მტკიცედ დადგება ისრაელის გვერდით”. აშშ-ს ეროვნული უშიშროების საბჭოს სპიკერი ედრიენ უოტსონი ისრაელში მიმდინარე მოვლენებს ეხმაურება. ,,აშშ ცალსახად გმობს ჰამასის ტერორისტების არაპროვოცირებულ თავდასხმებს ისრაელის მშვიდობიანი მოსახლეობის წინააღმდეგ. ტერორიზმს გამართლება არ აქვს. ჩვენ მტკიცედ ვდგავართ ისრაელის მთავრობისა და ხალხის გვერდით და ვუსამძიმრებთ ამ თავდასხმების შედეგად დაღუპულებს“, – თქვა უოტსონმა. მისივე თქმით, ეროვნული უსაფრთხოების მრჩეველი ჯეკ სალივანი ისრაელის ეროვნული უსაფრთხოების მრჩეველს ცაჩი ჰანეგბის ესაუბრა და მხარდაჭერა აღუთქვა.

მეტი...

ევროკომისიის პრეზიდენტი, ურსულა ფონ დერ ლაიენი, ისრაელზე განხორციელებულ თავდასხმას X-ზე (ყოფილი Twitter) ეხმაურება. ,,ცალსახად ვგმობ “ჰამასის” მიერ ისრაელის ტერიტორიაზე განხორციელებულ თავდასხმას. ეს არის ტერორიზმი მისი ყველაზე საშინელი ფორმით. ისრაელს აქვს უფლება, დაიცვას თავი ასეთი საშინელი თავდასხმებისგან”, – წერს ლაიენი.

მეტი...

დიდი ბრიტანეთის პრემიერმინისტრი რიში სუნაკი ისრაელზე განხორციელებულ თავდასხმას X-ზე (ყოფილი Twitter) ეხმაურება. ,,დილიდან შოკირებული ვარ “ჰამასის” ტერორისტების მიერ ისრაელის მოქალაქეების წინააღმდეგ განხორციელებული თავდასხმებით. ისრაელს აქვს აბსოლუტური უფლება, რომ დაიცვას საკუთარი თავი. ჩვენ კონტაქტზე ვართ ისრაელის ხელისუფლებასთან. ისრაელში მყოფ ბრიტანეთის მოქალაქეებს მოვუწოდებთ, დაიცვან სამოგზაურო რჩევები”, – განაცხადა სუნაკმა.

მეტი...

,,რუსეთის გეგმა, ოკუპირებულ აფხაზეთში საზღვაო ბაზა ააშენოს, საქართველოს სუვერენიტეტის მძიმე დარღვევაა”. ამის შესახებ Twitter-ზე ჰელსინკის კომისიის თავმჯდომარე, სენატორი ბენ კარდინი წერს და ოჩამჩირეში რუსული ბაზის განთავსებაზე გავრცელებულ ინფორმაციას ეხმაურება. ,,რუსეთის გეგმა, ოკუპირებულ აფხაზეთში საზღვაო ბაზა ააშენოს, საქართველოს სუვერენიტეტის მძიმე დარღვევაა. ჩვენ ყოველთვის უარვყოფთ რუსეთის მიერ აფხაზეთისა და სამხრეთ ოსეთის ოკუპაციას და ერთგულნი ვართ მხარი დავუჭიროთ საქართველოს ევროატლანტიკურ გზაზე წინსვლისთვის აუცილებელ რეფორმებში”, – განაცხადა კარდინმა.

მეტი...

,,ისრაელის სახელმწიფო ამ ომს მოიგებს”. ამის შესახებ ისრაელის თავდაცვის მინისტრმა, იოავ გალანტიმ, პალესტინური დაჯგუფების, ,,ჰამასის” მიერ თავდასხმისა და ისრაელის ტერიტორიაზე სამხედროების შესვლის შემდეგ განაცხადა. ,,დღეს დილით ჰამასმა უდიდესი შეცდომა დაუშვა და ისრაელის სახელმწიფოს წინააღმდეგ ომი დაიწყო. ისრაელის თავდაცვის ძალები მტრის წინააღმდეგ ყოველ ტერიტორიაზე იბრძვიან. ისრაელის ყველა მოქალაქეს მოვუწოდებ, უსაფრთხოების ინსტრუქციებს მიჰყვნენ. ისრაელის სახელმწიფო ამ ომს მოიგებს”, – განაცხადა გალანტმა. ცნობისთვის, დღეს ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა პალესტინურმა დაჯგუფება “ჰამასმა” აიღო. მისმა მეთაურმა თავდასხმას ოპერაცია “ალ-აკსას შტორმი” უწოდა და პალესტინელებს შეერთებისკენ მოუწოდა.

მეტი...

ისრაელში რაკეტებით თავდასხმის შედეგად დაიღუპა სულ მცირე ექვსი და დაშავდა 100-ზე მეტი ადამიანი. ინფორმაციას The Times of israel ავრცელებს. ისრაელში საომარი მზადყოფნა და საგანგებო მდგომარეობაა გამოცხადებული. სხვადასხვა ქალაქებში აფეთქებების ხმა ამ წუთებშიც ისმის. ღაზის სექტორში მოქმედმა ტერორისტულმა დაჯგუფებებმა ისრაელის სამხრეთით მოულოდნელი სარაკეტო და სახმელეთო იერიშები მიიტანეს. მოულოდნელი თავდასხმა ადგილობრივი დროით 7 საათზე დაიწყო, როცა ისრაელის მიმართულებით “ჰამასმა” ასობით რაკეტა ისროლა. საჰაერო განგაში ამ დრომდე ჩართულია თელ-ავივსა და ღაზის სექტორიდან 70 კილომეტრით დაშორებულ სხვა ქალაქებშიც. აშქელონში, გედროთსა და თელ-ავივში რაკეტები საცხოვრებელ სახლებს მოხვდა. მომხდარის გამო, ისრაელის პრემიერ-მინისტრმა, ბენიამინ ნეთანიაჰუმ უსაფრთხოების საბჭო…

მეტი...

ოდესის ოლქში რუსეთის სარაკეტო თავდასხმის შედეგად ოთხი ადამიანი დაშავდა. ოლქის ხელმძღვანელის, ოლეგ კიპერის თქმით, მათ შესაბამისი სამედიცინო დახმარება გაეწიათ. რუსების სამიზნეს სამოქალაქო და საპორტო ინფრასტრუქტურა წარმოადგენდა. დაზიანდა რამდენიმე საცხოვრებელი კორპუსი.

მეტი...

6 სექტემბერს რუსეთის მიერ უკრაინის ქალაქ ხარკოვზე განხორციელებული თავდასხმის შედეგად 88 შენობა დაზიანდა, მათგან 61 მაღალსართულიანი საცხოვრებელი კორპუსი. ასევე, დაზიანდა 46 მანქანა. ცნობისთვის, გუშინ ოკუპანტებმა ხარკოვის ცენტრს დაარტყეს. რუსეთის თავდასხმებს 2 ადამიანი (10 წლის ბიჭი და მისი ბებია) ემსხვერპლა, 30 კი დაშავდა.

მეტი...