დღე: ოქტომბერი 8, 2023

თეთრი სახლი, ამერიკის პრეზიდენტის, ჯო ბაიდენის ბრძანებით, ისრაელის მიმართ ,,დამატებით მხარდაჭერას” უცხადებს. განცხადებაში მხარდაჭერის შესახებ დამატებითი დეტალები არ არის მითითებული. ნათქვამია მხოლოდ ის, რომ ბაიდენი და ვიცე-პრეზიდენტი კამალა ჰარისი გაეცნენ სიტუაციას და ,,დარჩებიან მჭიდრო კონტაქტში მათ ისრაელელ პარტნიორებთან”. ცნობისთვის, ამერიკის პრეზიდენტი ჯო ბაიდენი პრემიერ-მინისტრ ბენიამინ ნეთანიაჰუს, გუშინ ჰამასის ისრაელზე თავდასხმის პირველ დღეს ესაუბრა და მხარდაჭერა გამოუცხადა.

მეტი...

თელავივის ცენტრში ტერორისტები თავს მშვიდობიან მოქალაქეებს დაესხნენ. მომხდარი ტერორისტულ აქტად შეფასდა. ოთხივე ტერორისტი ისრაელის სამართალდამცველების მიერ იქნა ლიკვიდირებული. ისინი დაჯგუფება „ჰამასის“ მიმდევრები იყვნენ.

მეტი...

ტერორისტებმა ებრაელი ბავშვები გაიტაცეს, გალიებში ჩასვეს და მკვლელობით იმუქრებიან. შემზარავია კადრები, რომელიც ისრაელიდან ვრცელდება. ცხედრები ქუჩებში ყრია. ცენტრალურ მაგისტრალზე დაცხრილული მანქანების კოლონებია, სადაც დახვრეტილი ადამიანები არიან. კლინიკებში რჩებიან დაჭრილები. დაშავებულთა რიცხვმა 2 ათასს გადააჭარბა. საომარი მოქმედებების ზონაში არიან ქართველებიც. საბედნიეროდ, საქართველოს მოქალაქეების დაშავების შესახებ ინფორმაცია საელჩოში არ შესულა. ქართველები არ არიან  არც მძევლებს შორის.

მეტი...

ქუთაისში, მანქანას გადაადგილების დროს ცეცხლი გაუჩნდა. ინფორმაცია სოციალურ ქსელში ვრცელდება. შემთხვევის შედეგად არავინ დაშავებულა. ,,ქუთაისში, ქიაჩელის ქუჩაზე ავტომობილს გადაადგილების დროს ცეცხლი წაეკიდა. ამ წუთებში ადგილზე მობილიზებულია სახანძრო-სამაშველო, სასწრაფოსა და პოლიციის ბრიგადები. ამ დროისათვის გავრცელებული ინფორმაციით, საბედნიეროდ მსხვერპლი არ არის”, – წერს მოქალაქე ლევან ჭელიძე. სხვა დამატებითი დეტალები ჯერჯერობით უცნობია.

მეტი...

გერმანიის კანცლერი, ოლაფ შოლცი ისრაელის პრემიერმინისტრ ბენიამინ ნეთანიაჰუს ტელეფონით ესაუბრა. შოლცის თქმით, ისრაელის უსაფრთხოება გერმანიის პოლიტიკის ქვაკუთხედია და ამის უზრუნველსაყოფად ,,გერმანია შესაბამისად იმოქმედებს”. შოლცი ასევე გეგმავს, ესაუბროს ეგვიპტის, აშშ-ის, საფრანგეთისა და დიდი ბრიტანეთის ლიდერებს. ,,აშკარაა, რომ ჩვენ მკაცრად ვგმობთ ჰამასის ქმედებებს, მაგრამ, უპირველეს ყოვლისა, ყველაფერს ვაკეთებთ, რომ ეს თავდასხმა გაუთვლელი შედეგებით მთელ რეგიონში არ გადაიზარდოს”, – ამბობს შოლცი.

მეტი...

ისრაელში საომარი მდგომარეობა ოფიციალურად გამოცხადდა. გადაწყვეტილება ქვეყნის უსაფრთხოების კაბინეტმა მიიღო. ცნობილი ხდება, რომ ორი დღის განმავლობაში ქვეყანაში სკოლები დახურული იქნება. იზღუდება საჯარო სივრცეში შეკრებაც. ღია სივრცეში შეკრება მხოლოდ ათ ადამიანს, შენობაში კი 50-ს შეეძლება. ამ დროის მონაცემებით, ისრაელზე თავდასხმის შედეგად დაღუპულთა რიცხვმა 600-ს გადააჭარბა.

მეტი...

ისრაელში საომარი მოქმედებების დაწყების შემდეგ, ქვეყანას საქართველოს მოქალაქეები მასობრივად ტოვებენ და სამშობლოში ბრუნდებიან. ბოლო 24 საათის განმავლობაში, თელ-ავივიდან თბილისის მიმართულებით რამდენიმე ავიარეისი განხორციელდა. კიდევ ერთი სამგზავრო თვითმფრინავი თბილისის საერთაშორისო აეროპორტში ცოტა ხნის წინ დაეშვა. ბორტზე საქართველოს 100-ზე მეტი მოქალაქე იმყოფებოდა. მათი თქმით, ამ დროისთვის თელ-ავივში კიდევ ასეულობით ქართველი რჩება და უმრავლესობა სამშობლოში დასაბრუნებლად მომდევნო ავიარეისს ელოდება.

მეტი...

ისრაელში მიმდინარე შეტაკებებს ქართველი ებრაელი, პოლიციის ოფიცერი, ისაკ ბუზუკაშვილი ემსხვერპლა. ინფორმაცია ოფიციალურად ცოტა ხნის წინ დადასტურდა. პარალელურად, ისრაელში ეთნიკურად ქართველ თამარ გოლდბერგს ეძებენ. როგორც ოჯახის ახლობლები ამბობენ, ის მუსიკალურ ფესტივალზე იმყოფებოდა და არ არის გამორიცხული, რომ თავი, სხვა ადამიანების მსგავსად, ტყეს შეაფარა. ამ დროის მონაცემებით, ისრაელზე თავდასხმის შედეგად დაღუპულთა რიცხვმა 600-ს გადააჭარბა.

მეტი...

,,ჰამასის” თავდასხმის შედეგად დაღუპულთა რაოდენობამ 500-ს გადააჭარბა. მათ შორისაა ტერორისტებთან ბრძოლაში დაცემული ათობით ჯარისკაცი და პოლიციელი. გარდა ამისა, ისრაელის ჯანდაცვის სამინისტრო ადასტურებს, რომ საავადმყოფოებში მყოფმა დაჭრილთა რაოდენობამ 2 048-ს მიაღწია, მათ შორის მძიმე მდგომარეობაშია 330 ადამიანი. ცნობისთვის, გუშინ, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ,,ჰამასმა” აიღო და მას ოპერაცია ,,ალ-აკსას შტორმი” უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ,,რკინის ხმლების” დაწყება გამოაცხადა.

მეტი...

ეგვიპტის ქალაქ ალექსანდრიაში ისრაელის  2 მოქალაქე და მათი ეგვიპტელი ტურისტული გიდი მოკლეს. ასევე, დაშავდა ერთი პირი. ინფორმაციას ისრაელის საგარეო საქმეთა სამინისტრო ავრცელებს. როგორც BBC წერს, პოლიციელმა ქალაქში ისრაელი ტურისტების ჯგუფს ცეცხლი გაუხსნა. გავრცელებული ინფორმაციით, ოფიცერი ამჟამად დაკავებულია.

მეტი...

,,ყველაფერს ვაკეთებთ იმისთვის, რომ გავაძლიეროთ ჩვენი მეგობრობა, ჩვენი პარტნიორობა”. ამის შესახებ აზერბაიჯანის პრეზიდენტმა ილჰამ ალიევმა განაცხადა. ცოტა ხნის წინ მან და საქართველოს პრემიერმა ირაკლი ღარიბაშვილმა ერთობლივი განცხადებები გააკეთეს. ,,ორივე ლიდერმა, ყველაფერი გავაკეთეთ და ვაკეთებთ იმისთვის, რომ გავაძლიეროთ ჩვენი მეგობრობა, ჩვენი პარტნიორობა ერებს შორის. როგორც ბატონმა პრემიერმა ბრძანა, ეს შეხვედრები ძალიან ხშირია და ტრადიციულია უკვე და ემსახურება ჩვენი ქვეყნების დაახლოებას, მეგობრობის გაძლიერებას. საუკუნეების განმავლობაში ჩვენი ერები ძალიან კეთილმეზობლურად არსებობენ. მადლობას გიხდით, ჩვენი ეროვნული ლიდერის, ბატონი ჰეიდარ ალიევის პატივისცემისთვის. მადლობას ვუხდი ქართველ ხალხს და საქართველოს მთავრობას. როგორც უკვე იქნა ნახსენები, წლების განმავლობაში…

მეტი...

საქართველოში სამუშაო ვიზიტით აზერბაიჯანის რესპუბლიკის პრეზიდენტი, ილჰამ ალიევი, ჩამოვიდა. ალიევი საქართველოში სამთავრობო დელეგაციასთან ერთად იმყოფება. ,,თბილისის საერთაშორისო აეროპორტში აზერბაიჯანის რესპუბლიკის პრეზიდენტს ვიცე-პრემიერი, ეკონომიკისა და მდგრადი განვითარების მინისტრი – ლევან დავითაშვილი,
აზერბაიჯანის რესპუბლიკაში საქართველოს საგანგებო და სრულუფლებიანი ელჩი – ზურაბ პატარიძე და საქართველოში აზერბაიჯანის რესპუბლიკის საგანგებო და სრულუფლებიანი ელჩი – ფაიგ გულიევი დახვდნენ. ვიზიტის ფარგლებში დაგეგმილია ირაკლი ღარიბაშვილისა და ილჰამ ალიევის პირისპირ შეხვედრა, რის შემდეგაც საქართველოს პრემიერ-მინისტრი და აზერბაიჯანის რესპუბლიკის პრეზიდენტი მედიისთვის ერთობლივ განცხადებებს გააკეთებენ”, – ნათქვამია საქართველოს მთავრობის განცხადებაში.

მეტი...

,,ჰეზბოლამ” ლიბანიდან ისრაელის მიმართულებით ცეცხლი გახსნა. მათ თავდასხმაზე პასუხისმგებლობა საჯაროდ აიღეს. სამიზნეს გოლანის მაღლობზე არსებული ისრაელის სამხედრო პოზიციები წარმოადგენდა. საპასუხო ცეცხლი გახსნა ისრაელის თავდაცვის ძალებმაც. როგორც ისინი ამბობენ, მათ ლიბანის ტერიტორიას არტილერიით დაარტყეს. ისრაელის თავდაცვამ ასევე განმარტა, რომ საარტილერიო დარტყმები მას შემდეგ დაიწყეს, რაც ლიბანის ტერიტორიიდან ისრაელი დაიბომბა. ისრაელის მთავრობა ჩრდილოეთის მოსახლეობას მოუწოდებს, რომ ბომბსაფარების მახლობლად დარჩნენ.

მეტი...

ისრაელზე ,,ჰამასის” თავდასხმის შედეგად დაღუპულთა რიცხვმა 300-მდე გაიზარდა. დაშავდა 1800-ზე მეტი ადამიანი. არსებული ინფორმაციით, ,,ჰამასის” მებრძოლებმა ათობით მშვიდობიანი მოქალაქე და ისრაელის თავდაცვის ძალების ჯარისკაცი დაატყვევეს და ღაზას სექტორში გადაიყვანეს. მათი რაოდენობა ამ ეტაპზე უცნობია. შეგახსენებთ, რომ ღაზას სექტორიდან ისრაელზე მოულოდნელი სარაკეტო და სახმელეთო თავდასხმა 7 ოქტომბრის გამთენიას დაიწყო. თავდასხმაზე პასუხისმგებლობა ტერორისტულმა დაჯგუფება ,,ჰამასმა” აიღო და მას ოპერაცია ,,ალ-აკსას შტორმი” უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ,,რკინის ხმლების” დაწყება გამოაცხადა.

მეტი...

ისრაელის თავდაცვის მინისტრ იოავ გალანტის გადაწყვეტილებით, ისრაელის მთელს ტერიტორიაზე საგანგებო მდგომარეობა გამოცხადდა. საგანგებო მდგომარეობა სამხედროებს საშუალებას აძლევს  შიდა ფრონტის სარდლობას შეუზღუდოს შეკრებები და დახუროს ტერიტორიები ცხელ წერტილთან ახლოს. ცნობისთვის, ამ დრომდე, ისრაელის თავდაცვის მინისტრ იოავ გალანტის ბრძანებით, საგანგებო მდგომარეობა ღაზას სექტორიდან 80 კილომეტრის მანძილზე მოქმედებდა.

მეტი...

​უკრაინის გენშტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 8 ოქტომბრამდე, არსებულ ინფორმაციას მოიცავს. უწყების ცნობით, მხოლოდ ბოლო 24 საათის განმავლობაში, თავდაცვის ძალებმა გაანადგურეს დაახლოებით 580 სამხედრო, 21 ჯავშანტექნიკა და 21 ტანკი. რუსეთის შეიარაღებული ძალების საერთო დანაკარგები კი ასეთია: ჯარისკაცი – დაახლოებით 282 280; ტანკი – 4 821; ჯავშანტექნიკა – 9 123; საარტილერიო სისტემა – 6 705; სარაკეტო სისტემა – 808; საზენიტო საბრძოლო სისტემა – 542; თვითმფრინავები – 316; ვერტმფრენი – 316; ოპერატიულ-ტაქტიკური უპილოტო საფრენი აპარატი – 5 190; საკრუიზო რაკეტები – 1 530; საავტომობილო ტექნიკა და საწვავის ავზები – 9 111; გემი/ნავი/კატარღა – 20; წყალქვეშა ნავი – 1; ​სპეციალური აღჭურვილობა – 959.

მეტი...

ისრაელზე თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა. ამ ეტაპზე ოთხივე მათგანი უსაფრთხო ადგილას იმყოფება. ინფორმაციას ამის შესახებ საგარეო საქმეთა სამინისტრო ავრცელებს. ,,საქართველოს საელჩოს ხელთ არსებული ინფორმაციით, შეიარაღებული თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა. ამ ეტაპზე ოთხივე მათგანი იმყოფება უსაფრთხო ადგილას. აღნიშნული ინფორმაცია გადამოწმდა როგორც ისრაელის მხარესთან, ასევე ხსენებული ოთხი პირიდან ერთ-ერთთან კომუნიკაციის შედეგად. რაც შეეხება ინტერნეტ სივრცეში გავრცელებულ ფოტომასალას, მიმდინარეობს ავთენტურობის დადგენა და ვიდრე არ გაირკვევა დეტალები, დაუზუსტებელი ინფორმაციის გავრცელებისგან გთხოვთ თავი შეიკავოთ”, – ნათქვამია განცხადებაში.

მეტი...

ისრაელში მყოფი საქართველოს მოქალაქეებისთვის ცხელი ხაზი მოქმედებს. ელჩი ლაშა ჟვანია ქვეყანაში მყოფ საქართველოს მოქალაქეებს მოუწოდებს დაიცვან უსაფრთხოების შესაბამისი ზომები. ,,შენობაში ყოფნისას – უნდა შეხვიდეთ სპეციალურ დაცულ სივრცეში/თავშესაფარში, დაკეტეთ კარ-ფანჯრები; შენობის გარეთ ყოფნისას – იმ შემთხვევაში თუ ახლოს არ მდებარეობს სპეციალური თავშესაფარი ან არ არის არც ერთი შენობა, დაწექით და თავზე დაიფარეთ ხელები; ავტომობილში – გააჩერეთ, გადმოდით ავტომობილიდან და შედით უახლოეს შენობაში ან თავშესაფარში. თუ თქვენს ახლოს შენობა ან თავშესაფარი არ მდებარეობს, გადმოდით მანქანიდან დაწექით და თავზე დაიფარეთ ხელები; დაუშვებელია შენობის შესასვლელში, სადარბაზოებში მოქალაქეების გაჩერება; სხვა ინსტრუქციის არ არსებობის შემთხვევაში განგაშის…

მეტი...

ნაჰალის ქვეითი ბრიგადის მეთაური, პოლკოვნიკი იონატან სტეინბერგი, 7 ოქტომბრის დილას, ჰამასის ტერორისტებთან შეტაკების დროს კერემ შალომის რაიონში, ღაზას სექტორის საზღვართან დაიღუპა. 42 წლის სტეინბერგი, სამხრეთ ქალაქ შომრიიდან, შეტაკების ადგილისკენ მიდიოდა, რა დროსაც ერთ-ერთმა ტერორისტმა მოკლა. ის არის ერთ-ერთი ყველაზე მაღალი რანგის ისრაელელი ოფიცერი, რომელიც ბრძოლაში მოკლეს.

მეტი...

აშშ-ის სახელმწიფო მდივანი პალესტინის პრეზიდენტ მაჰმუდ აბასს მოუწოდებს, დაგმოს თავდასხმა ისრაელზე. აშშ-ის სახელმწიფო დეპარტამენტის ცნობით, ბლინკენი მოუწოდებს ,,რეგიონის ხელმძღვანელობას დაგმოს” ჰამასის თავდასხმები ისრაელზე და ,,გააძლიეროს ნაბიჯები დასავლეთ სანაპიროზე სიმშვიდისა და სტაბილურობის აღსადგენად”. რამალაში, 7 ოქტომბერს გამართულ საგანგებო თათბირზე მაჰმუდ აბასმა მითითებები გასცა პალესტინელი ხალხის დაცვის უზრუნველსაყოფად, ,,საოკუპაციო ძალებისგან“.

მეტი...

ისრაელზე, ჰამასის ტერორისტული თავდასხმის შედეგად დაღუპულთა რიცხვი 250-მდე გაიზარდა. მოსალოდნელია მსხვერპლის რიცხვის კიდევ უფრო გაზრდა. სულ მცირე დაჭრილია 1450 ადამიანი. ბევრი მათგანის მდგომარეობა მძიმეა. ადგილობრივი მედიის ცნობით, ათობით მშვიდობიანი მოქალაქე, ისევე როგორც ისრაელის თავდაცვის ძალების ჯარისკაცები გაიტაცეს და ღაზაში გადაიყვანეს. ეს ინფორმაცია თავდაცვამაც დაადასტურა, თუმცა მძევლების რაოდენობა არ დაუკონკრეტებია.

მეტი...