დღე: იანვარი 17, 2023

ევროკომისიის პრეზიდენტის განცხადებით,  ევროპამ კიდევ ერთხელ აჩვენა თავისი კოლექტიური სურვილის ძალა და რუსეთის სისასტიკე  დაუსჯელი არ დარჩება. „ერთი წლის წინ, ევროპას მასობრივი დამოკიდებული ჰქონდა რუსული ენერგიის წყაროებზე,  ევროპამ დაძლია ეს საშიში დამოკიდებულება და ჩაანაცვლა რუსული მილსადენის გაზის 80%. კოლექტიური მცდელობით, ჩვენ დავწიეთ გაზის ფასი იმაზე სწრაფად, ვიდრე მოსალოდნელი იყო და ახლა ის იმაზე დაბალია, ვიდრე უკრაინაში ომის დაწყებამდე იყო. ევროპამ კიდევ ერთხელ აჩვენა თავისი კოლექტიური სურვილის ძალა. ამის მიუხედავად, რთულ პერიოდში იმყოფებიან ჩვენი ოჯახები და ბიზნესი ჯერ პანდემიის და შემდეგ უკვე უკრაინაში ომის შემდეგ, ჩვენ მოგვიწევს, აქაც ვაჩვენოთ კრიზისის გადაწყვეტის…

ევროკომისიის პრეზიდენტმა, ურსულა ფონ დერ ლაიენმა დავოსის მსოფლიო ეკონომიკური ფორუმზე უკრაინის საკითხზე ისაუბრა და აღნიშნა, რომ ის ევროკავშირში შესვლის რეალური კანდიდატია. „ბევრი ეჭვობს, იქნება თუ არა ევროპული მხარდაჭერა ასეთი ურყევი, მაგრამ დღეს  უკრაინა არის ევროკავშირში შესვლის კანდიდატი ქვეყანა. ევროპული ქვეყნები სულ უფრო მეტ კრიტიკულ იარაღს აწვდიან უკრაინას. ჩვენ მივიღეთ დაახლოებით ოთხი მილიონი უკრაინელი ჩვენს ქალაქებში, ჩვენს სახლებსა და სკოლებში. ჩვენ დავაწესეთ უძლიერესი სანქციები, რაც რუსეთის ეკონომიკას ათწლეულის განმავლობაში რეგრესის წინაშე აყენებს, მის ინდუსტრიას კი  ნებისმიერი თანამედროვე და კრიტიკული ტექნოლოგიების გარეშე“, – აღნიშნა  ევროკომისიის პრეზიდენტმა ფორუმზე.

უკრაინული მხარის ინფორმაციით, რუსული მხარე უკრაინელ ტყვეებთან „წითელი ჯვრის“ წარმომადგენლებს არ უშვებს, რაც იმას ნიშნავს, რომ მათი მდგომარეობის შესახებ რეალური ინფორმაცია არ არსებობს. უკრაინის უმაღლესი რადას ადამიანის უფლებათა კომისარი დმიტრი ლუბინეცის ინფორმაციით, უკრაინელი ტყვეები მძიმე პირობებში იმყოფებიან. „წითელი ჯვრის საერთაშორისო კომიტეტს არ აქვს წვდომა ომისა და სამოქალაქო ტყვეებთან. რუსეთის ფედერაციის ომბუდსმენთან ტატიანა მოსკალკოვასთან განხილვის ერთ-ერთი თემა წითელი ჯვრის საერთაშორისო კომიტეტის თემატიკა იყო, კერძოდ კი, მათი წარმომადგენლების დაუშვებლობა ომისა და სამოქალაქო ტყვეებთან, რომლებიც რუსულ მხარეს ჰყავს აყვანილი”, – აცხადებს ლუბინეცი.  

ევროკავშირმა უკრაინას პირველი ტრანში უკვე გადასცა. საუბარია 3 მილიარდ ევროზე, რომელიც 18 მილიარდი ევროს მაკროფინანსური პროგრამიდან პირველი ტრანშია. ინფორმაციას უკრაინის პრეზიდენტი ავრცელებს. „მადლობელი ვარ ევროკავშირის და პრეზიდენტი ურსულა ფონ დერ ლაიენის ძლიერი მხარდაჭერისთვის. უკრაინის ფინანსური სტაბილურობის შენარჩუნება სასიცოცხლოდ მნიშვნელოვანია აგრესორზე გამარჯვებისთვის“, – აცხადებს ვოლოდიმირ ზელენსკი. ინფორმაცია 3 მილიარდ ევროსთან დაკავშირებით ევროკავშირმაც გაავრცელა. „კომისიამ დღეს გადაიხადა პირველი 3 მილიარდი ევროს ოდენობის ტრანში უკრაინისთვის 18-მილიარდიანი მაკროფინანსური დახმარების პაკეტიდან “, – აღნიშნულია განცხადებაში.

ვლადიმერ პუტინმა  შეიარაღებული ძალების რაოდენობის მილიონნახევრამდე გაზრდის გადაწყვეტილება მიიღო. რუსეთის თავდაცვლის სამინისტროს ცნობით, 2023 წლიდან 2026 წლამდე რუსულ არმიას ფართომასშტაბიანი ცვლილებები, კერძოდ, პერსონალის რაოდენობის ზრდა, ელოდება. „რუსეთის ფედერაციის პრეზიდენტმა გადაწყვიტა შეიარაღებული ძალების რაოდენობის გაზრდა მილიონნახევარ სამხედრო მოსამსახურემდე. გარანტირებულია სახელმწიფოს სამხედრო უსაფრთხოების უზრუნველყოფა, რუსეთის ფედერაციის ახალი სუბიექტებისა და კრიტიკულად მნიშვნელოვანი ობიექტების დაცვა. მხოლოდ შეიარაღებული ძალების ძირითადი სტრუქტურული კომპონენტების გაძლიერებით“, – ნათქვამია თავდაცვის მინისტრს სერგეი შოიგუს განცხადებაში.  

ბელარუსში საქართველოს მოქალაქე, გიორგი ზირაქაშვილი დააკავეს. ადგილობრივი მედიის ინფორმაციით, დაკავებულს უკრაინაში საბრძოლველად წასვლა სურდა. მედიის ცნობით, 36 წლის კაცი პოლონეთში ცხოვრობდა და ტაქსის მძღოლად მუშაობდა. მოგვიანებით, საქართველოში დაბრუნების შემდეგ მას ევროკავშირში შესვლა აეკრძალა წესების დარღვევის გამო. მედიის განცხადებით, ზირაქაშვილმა საქართველოში ყოფნისას გადაწყვიტა ქართულ ლეგიონში გაწევრიანება და უკრაინის მხარეს ბრძოლა. მათი მტკიცებით, საელჩომ ურჩია უკრაინაში ბელარუსის, პოლონეთის ან მოლდოვის გავლით წასულიყო. ტელევიზია ასევე ირწმუნება, რომ მან მიმართა მინსკში უკრაინის საელჩოს, რათა “უკრაინაში გადასულიყო”.  

დნიპროში, რუსეთის საჰაერო იერიშს უკრაინაში მებრძოლი ზაქარია ნონიაშვილის ოჯახის სამი წევრი ემსხვერპლა. არსებული ინფორმაციით, ორი ქალი და ერთი მოზარდი იმ საცხოვრებელ კორპუსში იმყოფებოდნენ, რომელიც რუსეთის საოკუპაციო ძალებმა სამი დღის წინ დაბომბეს. ერთ-ერთი დაღუპული 19 წლის ლიანა ნონიაშვილია და მისი ცხედარი ამოცნობილია. ხოლო მისი დედის და ბებიის ცხედრების ამოცნობისთვის, დნმ-ს შედეგებს ელოდებიან. წყარო: ”მთავარი არხი”    

რუ­სეთ­ში აცხა­დე­ბენ, რომ სა­ქარ­თვე­ლოს­თან სა­ზღვარ­ზე და­ა­კა­ვეს პირი, რო­მე­ლიც უკ­რა­ი­ნის­თვის ჯა­შუ­შობ­და. რუ­სუ­ლი მე­დიის ინფორმაციით, და­კა­ვე­ბუ­ლი 28  წლის მამაკაცია, თუმცა უც­ნო­ბია თუ რო­მე­ლი ქვეყ­ნის მო­ქა­ლა­ქეა. მათივე ცნო­ბით, და­კა­ვე­ბის დროს მა­მა­კა­ცის მო­ბი­ლურ­ში აღ­მოჩ­ნა ომ­თან და­კავ­ში­რე­ბუ­ლი ინ­ფორ­მა­ცი­ე­ბი, კო­რეს­პონ­დენ­ცი­ე­ბი და მისი მო­ბი­ლუ­რის შეს­წავ­ლის შე­დე­გად გა­ირ­კვა, რომ ის უკ­რა­ი­ნულ მხა­რეს აწ­ვდი­და ინ­ფორ­მა­ცი­ას რუ­სე­თის შე­ი­ა­რა­ღე­ბუ­ლი ძა­ლე­ბის სამ­ხედ­რო ტექ­ნი­კის ად­გილმდე­ბა­რე­ო­ბის შე­სა­ხებ.

უკრაინის პრეზიდენტის ადმინისტრაციის უფროსის მრჩეველმა, ოლექსი არესტოვიჩმა გადადგომის შესახებ განცხადება დაწერა. “მე დავწერე სამსახურიდან წასვლის შესახებ განცხადება. მინდა გაჩვენოთ ცივილიზებული ქცევის მაგალითი: – ფუნდამენტური შეცდომა, ეს იმას ნიშნავს, რომ გადადგე”, – წერს არესტოვიჩი.