დღე: იანვარი 17, 2023

კანადის პრემიერ-მინისტრის ჯასტინ ტრუდოს განცხადებით, კანადის მთავრობა ჯერ არ განიხილავს უკრაინისთვის Leopard 2-ის ტანკების გაგზავნის საკითხს. „ჩვენ განვიხილავთ უკრაინის ყველა მოთხოვნას, თუმცა ჯერ არ ვართ მზად ამისთვის Leopard 2-ის ტანკებთან დაკავშირებით. თუმცა, ჩვენ ვართ აქ იმისთვის, რომ უკრაინას მივაწოდოთ ყველაფერი, რაც სჭირდება, რათა მათ შეძლონ რუსეთის დამარცხება“, – განაცხადა ტრუდომ. მანამდე, კანადურ მედიაში გავრცელდა ინფორმაცია, რომ უკრაინა გეგმავს, მიმართოს კანადას Leopard-2-ის ტანკების მიწოდების თხოვნით, თუ გერმანია ტანკების რეექსპორტს დაუჭერს მხარს.    

ავსტრალიის ღია პირველობის ჩოგბურთის ტურნირზე რუსეთისა და ბელარუსის დროშები აიკრძალა. თუმცა ორგანიზატორებმა გადაწყვეტილება მას შემდეგ მიიღეს, რაც გულშემატკივრებმა რუსეთის დროშა უკრაინელი კატერინა ბაინდლისა და რუს კამილა რახიმოვას შორის მატჩის დროს გამოაჩინეს. უკრაინელი გულშემატკივრების თქმით, მატჩის დროს რუსი გულშემატკივრები კატერინა ბაინდლს დასცინოდნენ, რის შემდეგაც მათ ადგილზე პოლიცია და დაცვა გამოიძახეს. “ხალხს შეუძლია ეს შეურაცხყოფად მიიჩნიოს, მაგრამ ჩვენ უბრალოდ თქვენი ჩვეულებრივი მხარდამჭერები ვიყავით. არ ყოფილა დაცინვა ან უპატივცემულობა”, – განუცხადა რუსმა გულშემატკივარმა ადგილობრივ მედიას. მანამდე ავსტრალიასა და ახალ ზელანდიაში უკრაინის ელჩმა მატჩის ორგანიზატორებს ზომების მიღებისკენ მოუწოდა.

გაეროს ადამიანის უფლებათა უმაღლესი კომისრის ოფისის (OHCHR) ინფორმაციით, უკრაინაში ომის დაწყების შემდეგ 7 000-ზე მეტი მშვიდობიანი მოქალაქე დაიღუპა. მონაცემები 15 იანვრამდე პერიოდს მოიცავს. “დაფიქსირებული სამოქალაქო მსხვერპლის უმეტესობა გამოწვეული იყო ასაფეთქებელი იარაღის გამოყენებით ფართო არეალის ეფექტით, მათ შორის მძიმე არტილერიიდან დაბომბვა, მრავალჯერადი სარაკეტო სისტემები, რაკეტები და საჰაერო დარტყმები”, – ნათქვამია  განცხადებაში. მათივე ცნობით, დაღუპულთა რეალური რიცხვი “საგრძნობლად მეტია”, რადგან  ვერ ხერხდება იმ ტერიტორიებზე არსებული მდგომარეობის მოკვლევა, სადაც ინტენსიური ბრძოლა მიმდინარეობს.

უკრაინის პრეზიდენტის ოფისის მრჩეველი ალექსეი არესტოვიჩი დნიპროს მოსახლეობას ბოდიშს უხდის და უკრაინის თავდაცვის სისტემის მიერ რუსული რაკეტის ჩამოგდების შესახებ თავის განცხადებას სერიოზულ შეცდომას უწოდებს. „მე რეალურად მინდა, ბოდიში მოვიხადო, ბოდიში მოვუხადო დაღუპულთა და დაშავებულთა ნათესავებს და ახლობლებს. დნიპროს მცხოვრებლებს, რომლებიც პირადად განიცდიან ამ ტრაგედიას და რომლებმაც ერთი აფეთქება გაიგონეს და იციან, რომ რაკეტა ერთი იყო. ასევე, ყველა უკრაინელს და არაუკრაინელს, ვისაც ჩემი სიტყვები ასევე შეეხო“, – განაცხადა არესტოვიჩმა. არესტოვიჩის თქმით, სოციალურ ქსელებში მისი განცხადების განხილვის ასეთი ტალღა შესაძლოა, გამოწვეული ყოფილიყო საზოგადოებაში დაძაბულობით, ან ორგანიზებული ყოფილიყო ბოტების ქსელის მიერ. „ეს არის…

უკრაინაში ომის დაწყების შემდეგ ვოლოდიმირ ზელენსკი თავდასხმის 12 მცდელობას გადაურჩა. გამოცემა „ინდეფენდენტის“ ცნობით, ამის შესახებ საკუთარ წიგნში, უკრაინელ მაღალჩინოსნებზე დაყრდნობით, დოკუმენტალისტი მწერალი კრის უიპლი წერს. ავტორის ინფორმაციით, რუსულ ინტერვენციამდე, უკრაინაში ვიზიტისას აშშ-ის ცენტრალური სადაზვერვო სააგენტოს დირექტორი უილიამ ბერნსი პრეზიდენტ ზელენსკის აფრთხილებდა, რომ რუსეთი მის მოკვლას გეგმავდა. უიპლის ინფორმაციით, ბაიდენმა ბერნს დაავალა, მიეწოდებინა ზელენსკისთვის რუსეთის შეთქმულებების ზუსტი დეტალები. უიპლის ცნობით, ამ ინფორმაციამ ზელენსკი „გამოაფხიზლა“. მისივე ინფორმაციით, მკვლელობის მცდელობებიდან ორის აღკვეთა შესაძლებელი აღმოჩნდა სწორედ ბერნსის მიერ უკრაინული მხარისთვის გაზიარებული სადაზვერვო ინფორმაციის დახმარებით.

უკრაინის საკანონმდებლო ორგანოში პრეზიდენტის ოფისის მრჩევლის, ალექსეი არესტოვიჩის გადაყენების მოთხოვნით ხელმოწერებს აგროვებენ. ამის შესახებ „ფეისბუქში“ უკრაინის რადას დეპუტატი ოლექსი გონჩარენკო წერს. „დროა არესტოვიჩი გადადგეს. ჩვენ სხვა სახალხო დეპუტატებთან ერთად ვაგროვებთ ხელმოწერებს პრეზიდენტის ოფისის სკანდალური მრჩევლის გათავისუფლების მოთხოვნით. რა უნდა გააკეთოს ხელისუფლებამ? 1. არესტოვიჩი უნდა წავიდეს. 2. გაკეთდეს ოფიციალური განცხადება, რომ სამხედრო თემატიკასთან დაკავშირებით არესტოვიჩის ფანტაზიებს უკრაინის პრეზიდენტის ოფისის პოზიციასთან არ აქვთ კავშირი. 3. აგრეთვე გაიგზავნა დეპუტატების მიმართვა უკრაინის უსაფრთხოების სამსახურის ხელმძღვანელისადმი, რადგან არესტოვიჩის ფაბრიკაციებს დნიპროში ჩვენი საჰაერო თავდაცვის სისტემიდან სახლის დანგრევის შესახებ არის ის, რაც აკმაყოფილებს სახელმწიფო ღალატის კრიტერიუმს. ომის…