დღე: დეკემბერი 2, 2022

,,ვაგრძელებთ მიხეილ სააკაშვილის ჯანმრთელობაზე ძალიან მჭიდრო მონიტორინგს,”– ამის შესახებ აშშ-ის ელჩმა, კელი დეგნანმა განაცხადა. ელჩის თქმით, მნიშვნელოვანია, გადაიდგას სათანადო ნაბიჯები, რაც აუცილებელია სააკაშვილის ჯანმრთელობისა და უფლებების დაცვისთვის. „ჩვენ ვაგრძელებთ მიხეილ სააკაშვილის ჯანმრთელობაზე ძალიან მჭიდრო მონიტორინგს. ვეცნობით ახალ დოკუმენტაციას და ჯანმრთელობის მდგომარეობაზე დასკვნას, რომელიც ახლა გახდა საჯარო. უმეტესი მათგანი ჯერ ქართულ ენაზეა და გაცნობის პროცესში ვართ. ჩვენ არაერთხელ მოვუწოდეთ მთავრობას, ხელისუფლებას, რომ სააკაშვილმა უნდა მიიღოს ჯანმრთელობის შესაბამისი მკურნალობა და უფლებები უნდა იყოს დაცული. სწორედ ამ დოკუმენტაციის შემდეგ, მნიშვნელოვანია, გადაიდგას სათანადო ნაბიჯები, რაც აუცილებელია მისი ჯანმრთელობისა და უფლებების დაცვისთვის“, – განაცხადა კელი…

,,გასაკვირი და გაუგებარია საქართველოში ჩეხეთის რესპუბლიკის საგანგებო და სრულუფლებიანი ელჩის მხრიდან გადაუმოწმებელი, ყალბი ინფორმაციის მტკიცებით ფორმაში გავრცელება და ყოველგვარი მტკიცებულებისა და დასაბუთების გარეშე საქართველოს, როგორც საიმედო პარტნიორი ქვეყნის მიმართ, ეჭვის შეტანა,”-  ამის შესახებ საქართველოს ფინანსთა სამინისტროს შემოსავლების სამსახური განცხადებაშია აღნიშნული. უწყების განმარტებით, მედიაში გავრცელებული განცხადება, საერთაშორისო სანქციების გვერდის ავლის მიზნით, ჩეხეთის რესპუბლიკიდან იმპორტირებული საქონლის რუსეთის ფედერაციაში გატანის შესახებ, არ შეესაბამება სიმართლეს და წარმოადგენს ყალბ ინფორმაციას. „საქართველოს ფინანსთა სამინისტროს შემოსავლების სამსახური, მაღალი სახელმწიფო და საჯარო ინტერესებიდან გამომდინარე, კატეგორიულად და სრული პასუხისმგებლობით აცხადებს, რომ მედიაში გავრცელებული განცხადება საერთაშორისო სანქციების გვერდის ავლის მიზნით,…

საქართველოში ევროკავშირის ელჩის პაველ ჰერჩინსკის განცხადებით, ევროკავშირი ყურადღებით აკვირდება საქართველოს ყოფილი პრეზიდენტის მიხეილ სააკაშვილის ჯანმრთელობის მდგომარეობას. მისი თქმით, ძალიან მნიშვნელოვანია, რომ დაცული იყო მიხეილ სააკაშვილის უფლებები. „როგორც ევროკავშირი, ჩვენ ყურადღებით ვაკვირდებით ყოფილი პრეზიდენტის, სააკაშვილის ჯანმრთელობის მდგომარეობას. ჩვენ გვაქვს კონტაქტი მის ოჯახთან, ასევე მის უფლებების საკითხს ვაყენებთ საქართველოს ხელისუფლებასთან. ძალიან მნიშვნელოვანია, რომ სააკაშვილის უფლებები იყოს დაცული. რა თქმა უნდა, საქართველოს სასამართლოს საქმეა მის მომავალთან დაკავშირებით გადაწყვეტილების მიღება“, – განაცხადა ელჩმა.

,,ასე ცუდად ამდენი ხანია არ მინახია, რაც ვნახე კოშმარი იყო სრული, ძალიან ცუდადაა,”- ამის შესახებ მიხეილ სააკაშვილის ადვოკატმა, შალვა ხაჭაპურიძემ განაცხადა. ადვოკატმა  კლინიკა „ვივამედში“ სააკაშვილი ცოტა ხნის წინ მოინახულა. ,,პირველი რაც მინდა ვთქვა, მე ეს ადამიანი ასე ცუდად ამდენი ხანია არ მინახია, რაც ვნახე კოშმარი იყო სრული, ძალიან ცუდადაა, ვერ დადის, საწოლიდან. მე ბოლოს ვნახე ბოლოს რომ პროცესი იყო მაგის მეორე დღეს, ახლა ილია მიეხმარა საერთოდ რომ ოდნავ მაინც წამომჯდარიყო, ძალიან ცუდი სიტუაციაა”, – აღნიშნა შალვა ხაჭაპურიძემ.

,,გერმანიაში არც ერთ შეხვედრაზე არ უკითხავთ „ნაცმოძრაობის“ ბელადის შესახებ, ევროპაში ეს თემა არ არის აქტუალური,”- ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა განაცხადა. მისი თქმით, პიარკამპანია ვერ გახდება მიხეილ სააკაშვილის სასჯელის გადახედვის საფუძველი. „მიხეილ სააკაშვილი პასუხისგებაში საქართველოს კანონმდებლობით და საქართველოს სახელით გამოტანილი განაჩენით არის მიცემული. სასჯელს იხდის შესაბამისი მტკიცებულებებით გაჯერებული გადაწყვეტილებიდან გამომდინარე და მხოლოდ და მხოლოდ ერთი პოლიტიკური პარტიის ინტერესია, რომ ეს თემა აქტუალური გახადონ. დააკვირდით, როგორც კი დაიწყო შიდა პოლიტიკური ძალთა გადანაწილება, რასაც საზოგადოება „ნაციონალური მოძრაობის“ დაშლად აფასებს, ცდილობენ, ამ პოლიტიკური პარტიის ირგვლივ როგორღაც აქტუალობა შეინარჩუნონ. მერწმუნეთ და…

პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, მიხეილ სააკაშვილის გათავისუფლების შუამდგომლობას დაკმაყოფილების პერსპექტივა არ აქვს. სარჯველაძის თქმით, რეალურად მათ არ აქვთ ისეთი დიაგნოზი, რომელიც კანონმდებლობით ადამიანის გათავისუფლების საფუძველს ქმნის ,,დარწმუნებული ვარ, ვინც არ უნდა დანიშნულიყო ამ საქმის განმხილველ მოსამართლედ, აუცილებლად წინასწარ ანონსს გამოაცხადებდნენ, რადგან თვითონ იციან, რომ ამ საქმეს დაკმაყოფილების პერსპექტივა არ აქვს. დიაგნოზი არ თქმულა. აი, რომ ჰქონდეს დადასტურებული კანონმდებლობით განსაზღვრული ერთ-ერთი დიაგნოზი მაინც, რომელიც იწვევს ადამიანის გათავისუფლებისთვის საფუძვლის შექმნას, ამას დაფარავდნენ, არ გაამჟღავნებდნენ, როგორ ფიქრობთ? მე მგონია, რომ ამას არ გააკეთებდნენ. იციან, რომ ასეთი არ აქვთ,…

,,ერთმანეთის მიმართ ცინიკურად საუბრობენ თუ ნიშნის მოგებით, ნამუსის შენახვით თუ ნამუსის შეუნახავად, საზოგადოებისთვის ყველაფერი ნათელია. აშკარად ჩანს, რომ „ნაცმოძრაობა“ არის გაღატაკებული,” – ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა. ვოლსკი ნიკა მელიას განცხადებას ეხმაურება, რომლის თქმითაც,  „ადამიანებს, ნაცვლად იმისა, რომ წვლილი შეეტანათ კონსოლიდაციასა და პარტიის გაერთიანებაში, სხვა ინტერესები ამოძრავებდათ და ნამუსი ძალიან ბევრს შევუნახე” „არ არის პოზიტიური, რომ საქართველოში არსებობს ყველაზე მრავალრიცხოვანი პოლიტიკური პარტია, რომელიც ორიენტირებულია, როგორ დააზიანოს თავისი ქვეყანა. დაზიანებაში ერთმანეთს ეჯიბრებიან. ვერ შეარჩიეს ადამიანი, რომელსაც გარკვეული ინტელექტუალური რესურსი აქვს ნებისმიერ საკითხზე მსჯელობისას, რომელიც ქვეყნის ინტერესებს შეესაბამება, იქნება…

„მიხეილ სააკაშვილის საქმის მოსამართლე და პროკურორიც ბიძინა ივანიშვილია; შესაძლოა, ვლადიმერ პუტინიც,”- ამის შესახებ „დროას“ ლიდერმა ელენე ხოშტარიამ განაცხადა. ხოშტარია გავრცელებულ ინფორმაციას ეხმიანება იმის შესახებ, რომ  სააკაშვილის სასჯელის გადავადების საქმეს მოსამართლე გიორგი არევაძე განიხილავს. „მიხეილ სააკაშვილის საქმის მოსამართლე და პროკურორიც ბიძინა ივანიშვილია; შესაძლოა, ვლადიმერ პუტინიც. ჩვენ გვახსოვს, მისი დაპირება, მათ შორის მიხეილ სააკაშვილის წინააღმდეგ. გვახსოვს, ზოგადად, მისი დამოკიდებულება რეგიონში მსგავსი პოლიტიკური ფიგურების მიმართ. არანაირი არევაძე არ არსებობს, არსებობს “ქართული ოცნების” პოლიტიკური ნება, ასევე ბიძინა ივანიშვილის. ამოცანაა, რომ ხალხმა საუბარი დაიწყოს. ყველამ უნდა ვიგრძნოთ პასუხისმგებლობა, რომ ივანიშვილი რუსი ოლიგარქია, არ გვაქვს სასამართლო. ჩვენ რას ვაკეთებთ, რომ არ მივცეთ ამის უფლება?!…

,,დუმის დეპუტატის ჩასვლა ოკუპირებულ აფხაზეთში არის მეათეხარისხოვანი იმასთან შედარებით, რაც იმ პერიოდში სააკაშვილმა, პუტინმა და მედვედევმა ჩაიდინეს საქართველოსთან მიმართებით,” – ამის შესახებ პარლამენტის ვიცე- სპიკერმა გია ვოლსკიმ განაცხადა. მისივე თქმით, ოპოზიციამ რუსეთს ხელში ჩაუგო არამარტო საქართველოს ტერიტორიები, არამედ სტრატეგიული ობიექტები. „ოპოზიცია ხავსს ეჭიდება. მან ხელში ჩაუგდო რუსეთს, ოკუპანტს არამარტო ტერიტორიები, არამედ სტრატეგიული ობიექტები, გაყიდა საქართველოს ინტერესები და მიყიდა ის რუსეთის ოლიგარქიას, ეს არის რეალობა და ახლა დუმის დეპუტატი ჩავიდა, მაგრამ მეტს გეტყვით, პუტინია ნამყოფი, რუსეთის საგარეო საქმეთა მინისტრია ნამყოფი და უამრავი დანაშაული აქვთ ჩადენილი ამ ტერიტორიაზე. დუმის დეპუტატის ჩასვლა არის…

,,მიხეილ სააკაშვილი არ აპირებს რაიმე სახის მონაწილეობა გააგრძელოს ქართულ პოლიტიკაში და იმედი აქვს სამართლიანი გადაწყვეტილების”, – ამის შესახებ განცხადებას ყოფილი პრეზიდენტის დედა, გიული ალასანია სოციალურ ქსელში ავრცელებს. ალასანია ყველას მოუწოდებს თავის შეკავებისკენ და მიხეილ სააკაშვილის გაუარესებულ ჯანმრთელობაზე პოლიტიკური ქულების დაწერისგან. „გვინდა ნათლად და გასაგებად გამოვხატოთ ჩვენი სათქმელი, პრეზიდენტი მიხეილ სააკაშვილი არ ადანაშაულებს საქართველოს ხელისუფლებას მოწამვლაში. თუ სასიკვდილო მოწამვლა მართლაც შედგა, აქ არის იმ უცხო სახელმწიფოს კვალი და სტილი, რომელიც მიშას მტრად მიიჩნევს. ამერიკაში ეს ტესტები გაკეთდა საუკეთესო ლაბორატორიაში და გაანალიზდა საუკეთესო ტოქსიკოლოგების მიერ. რა თქმა უნდა, ისინი ძალიან უფრთხილდებიან და სათუთად ეკიდებიან…

მიხეილ სააკაშვილის ადვოკატის, შალვა ხაჭაპურიძის განცხადებით, თუ ყოფილი პრეზიდენტის გათავისუფლება და სასჯელის გადავადება  არ მოხდება, ეს მისთვის სასიკვდილო განაჩენი იქნება.  ადვოკატის თქმით, საქმის მოსამართლე გიორგი არევაძე იქნება. „არევაძეს ერთ-ერთი განაჩენი აქვს გამოტანილი შეწყალების საქმესთან დაკავშირებით. მისი გამოტანილია მიხეილ სააკაშვილის მიმართ გამამტყუნებელი განაჩენი და როგორც ჩანს, ამ პრინციპით დაეწერა. ამას გავარკვევთ, რა მეთოდით იქნა დაწერილი გიორგი არევაძეზე. გიორგი არევაძე გამოცდილი მოსამართლეა, მასთან ჩვენ არაერთ საქმეზე გვიმუშავია. იმ შემთხვევაში, თუ სააკაშვილის სასჯელის გადავადება, გათავისუფლება არ მოხდება, მისი სიცოცხლე აშკარად საფრთხეშია. ჩათვალეთ, ეს მისთვის სასიკვდილო განაჩენი იქნება. სასამართლო მსვლელობაზე რაიმე პროგნოზის გაკეთება სერიოზული…