თვე: ნოემბერი 2022

თბილისის მერი, კახა კალაძე  „ტვ პირველისა“ და ამავე ტელეკომპანიის ჟურნალისტ ნონა მამულაშვილის წინააღმდეგ მის სარჩელთან დაკავშირებით სასამართლოს გადაწყვეტილებას ეხმიანება. კალაძის განცხადებით, მსგავსი საჩივრით სასამართლო პროცესის მოგება საერთოდ არ მიაჩნია ვინმეს გამარჯვებად. „ტვ პირველის“ საქმესთან დაკავშირებით, პირველ რიგში, ვიტყვი იმას, რომ მსგავსი საჩივრით სასამართლო პროცესის მოგება საერთოდ არ მიმაჩნია ვინმეს გამარჯვებად. რეალურად, გაცილებით მძიმე ფაქტი დგას ამ ყველაფრის უკან. მხედველობაში მაქვს ფეიკნიუსები, ცილისწამების შემცველი განცხადებები, რომელიც დღეს, სამწუხაროდ, ე.წ. კრიტიკული მედიის მასაზრდოებელია. ვინმე იტყვის, რა მოხდა, არ მოგწონს და არ გადართო ამ არხზე, მაგრამ არაა ეს სწორი მიდგომა. თუ გვინდა, შევდგეთ პასუხისმგებლიან საზოგადოებად,…

,,ნამდვილი საარჩევნო სლოგანი თუ უნდა კალაძეს, „რუსი დეზერტირებით სავსე ქალაქი“ დააწეროს,”-  ამის შესახებ „მოქალაქეების“ ერთ-ერთმა ლიდერმა, ალეკო ელისაშვილმა განაცხადა. მისი თქმით, საერთოდ, რა საჭიროა სლოგანი ნაძვის ხეზე სლოგანი გაუგებარია. „საახალწლო ნაძვის ხეზე რატომ უნდა ეწეროს საერთოდ რამე სლოგანი, რა შუაშია, საარჩევნო ბანერო ხო არაა, რა შუაშია?! გაანათე, ჩამოკიდე სათამაშოები და მორჩა. მეორე, როცა ასეთ რამეს აწერ, კალაძე კიევში გახდა კარგი ფეხბურთელი, წლები ცხოვრობდა იქ, ნატამალი სოლიდარობა ხომ უნდა ჰქონდეს, სულ რომ არ ეცხოვრა იქ, რომ ამ დროს კიევი არის დაბომბილი, შუქი არ აქვთ, გათბობა და ამ დროს შენ რაღაც ნიშნისმოგებით…

ოკუპირებული ცხინვალის  ე.წ. “პრეზიდენტი” ალან გაგლოევი უკრაინის დროებით ოკუპირებულ ქალაქ მელიტოპოლში ჩავიდა. რუსული მედიის ინფორმაციით, გაგლოევმა რუსეთის მე-4 სამხედრო ბაზის სამხედროებს და “რესპუბლიკიდან” წასულ მოხალისეებს, ტექნიკური აღჭურვილობა, ჰუმანიტარულ ტვირთი, საკვები, გენერატორები და მედიკამენტები ჩაუტანა. გაგლოევმა სამხედროებს მადლობა გადაუხადა “გამბედაობისა და გმირობისთვის”.

აშშ-ის სახელმწიფო მდივნის, ენტონი ბლინკენის განცხადებით, შავი ზღვის რეგიონი ნატოს თავდაცვისა და ნატოს სტრატეგიისთვის კრიტიკული კომპონენტია. მისი თქმით, შავი ზღვიდან – ბალტიის ზღვამდე ნატოს მონაწილეობას კიდევ გაზრდიან. ,,ჩვენ გვყავს  მოკავშირეები, რომლებიც ზღვისპირა სახელმწიფოები არიან, უკრაინა და საქართველო.  რუსეთმა შავი ზღვის ეს ნაწილები ომის ზონად აქცია. ჩვენ ვნახეთ რუსების მიერ სამხედრო გემებიდან უკრაინის ქალაქების მიმართულებით გასროლილი რაკეტები. რუსულმა ძალებმა, დაბლოკეს უკრაინის პორტები, რამაც გამოიწვია სასურსათო უსაფრთხოების ყველაზე დიდი კრიზისი. საბედნიეროდ, გაეროს და თურქეთის მნიშვნელოვანი ძალისხმევით, შევძელით შავი ზღვის დერეფნის შექმნა. რუმინეთი მნიშვნელოვან როლს თამაშობს უკრაინიდან მარცვლეულისა და სხვა საკვები პროდუქტების ექსპორტში,…

ფრაქცია „ქართული ოცნების“ თავმჯდომარე, მამუკა მდინარაძე  პრეზიდენტის მხრიდან მიხეილ სააკაშვილის შეწყალებასთან დაკავშირებით არაფერს გამორიცხავს. მისი თქმით, სალომე ზურაბიშვილი ”ნაციონალური მოძრაობის” ნარატივში ”ჩაჯდა”. ,,არ ვიცი, სალომე ზურაბიშვილი რას გააკეთებს ნამდვილად არ ვიცი. ისეთ განცხადებებს აკეთებს მისგან არაფერს გამოვრიცხავ. ვაგონებით ჩამოჰყავთ რუსები საქართველოშიო რომ იძახა – იმდენად ჩაჯდა ნაცმოძრაობის ნარატივში, ხომ დაგეგმეს იმათმა, მიუხედავად იმისა, რომ იციან, ეთნიკურად ქართველია ძალიან დიდი უმრავლესობა რუსეთის მოქალაქეებისა, ვინც დარჩა საქართველოში ამ პერიოდში, ეს იციან და მაინც რუსები შემოდიანო. კი ბატონო, რუსიც ბევრია, უკრაინელიც, რუსულ ენოვანი ადამიანები ჩანან უფრო მეტნი ქუჩაში, მაგრამ ისიც ძალიან კარგად იციან,…

,,ჩვენამდე მოვიდა ინფორმაცია, რომ რადიკალური ოპოზიციის რიგი წარმომადგენლები არასაპარლამენტო ოპოზიციიდან, მათ შორის, ყოფილი ხელისუფლების ერთ-ერთი მაღალჩინოსანი, უმძიმეს პროვოკაციას გეგმავენ ცხინვალის და აფხაზეთის მიმართულებით,”- ამის შესახებ  დეპუტატმა მიხეილ ყაველაშვილმა განაცხადა. დეპუტატის თქმით, მათ მიზნად აქვთ, რომ პროვოკაციის შედეგად, საქართველოში დესტაბილიზაცია გამოიწვიონ. “მინდა გავაფრთხილო ეს მავნებლები, წინააღმდეგ შემთხვევაში თუ ისინი ამ მავნებლურ ქმედებაზე არ იტყვიან უარს, გაჟღერდება მათი სახელები და გვარები. მათი მიზანია ამის შედეგად მოხდეს დესტაბილიზაცია საქართველოში, აირიოს სიტუაცია და ის გეგმა, რაც აქამდე არსებობდა, ამ სახით მიაღწიონ შედეგს. ვაფრთხილებ, დასახელდება მათი გვარები და იქნება რეაგირება,”- განახადა ყაველაშვილმა.

,,მიხეილ სააკაშვილის საზღვარგარეთ გადაყვანა არის გათავისუფლების ერთ-ერთი ფორმა. არ შეიძლება, ეს საკითხები პოლიტიკური დისკუსიის საგანი იყოს,” – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა. მისივე თქმით, ასეთ პოლიტიკურ გადაწყვეტილებას ვერავინ მიიღებს. „ნებისმიერ თემაზე, რომელიც პატიმარს უკავშირდება, გადაწყვეტილებას სახელმწიფო უწყებები იღებენ და არ შეიძლება, ეს გადაწყვეტილება პოლიტიკური იყოს. როცა რადიკალური ოპოზიცია და ლობისტები გვთავაზობენ, საკითხი პოლიტიკური გავხადოთ, სამართლისა და კანონის მიმართ მათ დამოიკიდებულებაზე მიუთითებს. არ შეიძლება, ეს საკითხი პოლიტიკური დისკუსიის საგანი იყოს. იმიტომ არის პოლიტიკური დისკუსიის საგანი, რომ ამ ყველაფრის უკან მათი პოლიტიკური მიზანი დგას, ქვეყანაში ვითარების არევა უნდათ.…

,,ივანიშვილი არ პასუხობს ამ კომენტარებს, მაგრამ ეს არ ნიშნავს, რომ ჩვენ დავტოვებთ უკომენტაროდ ყველა იმ უსამართლო განცხადებას, თუ პოლიტიკურ თავდასხმას, რაც გვესმის რადიკალური ბანაკის და მათი მოკავშირეების მხრიდან,” – ამის შესახებ პარლამენტის ვიცე- სპიკერმა არჩილ თალაკვაძემ განაცხადა. უმრავლესობის წევრი ბრიუსელში გამართულ კონფერენციას გამოეხმაურა, რომელიც უკრაინაში ომს, რუს ოლიგარქებს ეხებოდა და საუბარი ბიძინა ივანიშვილსაც შეეხო. ,,ამ კონფერენციას კარგი იქნებოდა დასწრებოდა ოპოზიცია, რადგან დეოლიგარქიზაციას სწორედ ეს ხალხი ეწინააღმდეგება საქართველოში, ამიტომ ალბათ, რაღაც კომუნიკაციის პრობლემა აქვთ აქაურ რადიკალურ ბანაკს და მათ მოკავშირეებს საზღვარგარეთ. კარგი იქნებოდა, ერმანეთს დაელაპარაკონ, რადგან მათი მეგობრები დეოლიგარქიზაციისკენ მოუწოდებენ იქიდან…

,,სამწუხაროდ, აღმოჩნდა, რომ ამ ქვეყანაში არსებობენ ადამიანები, რომლებსაც სიტყვა მშვიდობაც კი აღიზიანებთ და შემდეგ სწყინთ, ომის პარტიის წარმომადგენლებს რომ ვეძახით,” – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა. მისი თქმით, ხალხს, რომელთაც აღიზიანებთ წარწერა მშვიდობა, მგონი, სერიოზული შეფასებაც კი არ სჭირდება. „სიკეთეს რომ დააწერ ნებისმიერ რაღაცას, ამის წინააღმდეგ გაილაშქრებენ. თუ უნდათ მაგალითად, ეკლესიის წინააღმდეგ გალაშქრება, ამ ხალხს ჯვარი გააღიზიანებთ. ამ ლოგიკით შეიძლება, დააყენონ საკითხი, ავკრძალოთ ნაწარმოები, „ომი და მშვიდობა“, იტყვიან, თან ოკუპანტი ქვეყნის წარმომადგენელი იყო ტოლსტოი და თან მშვიდობაა ნახსენებიო. „მზიური“ ძალიან კარგი ანსამბლი იყო, ამ ბავშვებზე მაშინ…

,,გთავაზობთ ერთწლიანი მორატორიუმი გამოვაცხადოთ მშვიდობის სადღეგრძელოზე საქართველოში,”- ასე პასუხობს „ქართული ოცნების“ თავმჯდომარე, ირაკლი კობახიძე თბილისის 2023 წლის საახალწლო სლოგანთან -„მშვიდობის ქალაქთან“ დაკავშირებით დასმულ შეკითხვას. მისი თქმით, ”მშვიდობას იმდენად მტრობენ ეს ადამიანები, რომ სლოგანმა გააღიზიანათ”. ,,გთავაზობთ ერთწლიანი მორატორიუმი გამოვაცხადოთ მშვიდობის სადღეგრძელოზე საქართველოში. როგორ შეიძლება მშვიდობის სადღეგრძელოს დალევა, როდესაც უკრაინაში არის ომი. ამ დონეზე კომიკურები არიან ეს ადამიანები, რომ მშვიდობა როცა გამოგაქვს სლოგანად, ესეც კი აღიზიანებთ. როგორც ჯვარი აღიზიანებდათ, ანუ ეკლესიას იმდენად მტრობენ, რომ ჯვარი აღიზიანებთ და აქაც, მშვიდობას იმდენად მტრობენ ეს ადამიანები, რომ სლოგანმა გააღიზიანათ,”- განაცხადა კობახიძემ.

,,შეწყალება პრეზიდენტის პრეროგატივაა, არჩევანი არეულობის სასარგებლოდ თუ გაკეთდება, ეს უნდა შეაფასოს საზოგადოებამ, იმედი მაქვს, პრეზიდენტი ამას არ გააკეთებს,” – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, იმ ადამიანებს, რომლებიც სააკაშვილის გათავისუფლებაზე საუბრობენ,  ქვეყანაში არეულობის შექმნის ინტერესი ამოძრავებთ. „პირველ რიგში, შეწყალება არ არის ჩვენი პრეროგატივა, ეს არის პრეზიდენტის პრეროგატივა. ერთადერთი, რაც ამოძრავებთ ამ ადამიანებს, რომლებიც ქვეყნის შიგნით თუ გარეთ საუბრობენ სააკაშვილის გათავისუფლებაზე, არის ქვეყანაში არეულობის შექმნის ინტერესი. იცით, რომ სწორედ ამ მიზნით ჩამოიყვანეს სააკაშვილი საქართველოში, მუნიციპალური არჩევნების წინ და ზუსტად იგივე მიზნით სურთ მისი გათავისუფლება. ეს ინტერესი…