დღე: დეკემბერი 25, 2022

რესპუბლიკის მოედანზე უკრაინელების სოლიდარობის ნაძვის ხე აინთო. საშობაო ღონისძიების ინიციატორი პარტია “დროა” და სამოქალაქო საზოგადოება იყო. „მათთან ერთად ჩვენც გამოვხატოთ საქართველოს მოქალაქეების ნამდვილი საახალწლო განწყობა – ის რომ უკრაინის ომი ჩვენი ომიცაა, რომ ჩვენი გმირები მუდამ გვახსოვს და ჩვენი ყველაზე დიდი საახალწლო სურვილია უკრაინის უპირობო და სწრაფი გამარჯვება, რაც საკუთარ გამარჯვებადაც მიგვაჩნია ქართველებს, – წერდნენ სოლიდარობის ნაძვის ხის ანთების ინიციატორები. 

„ჩვენ დღეს ვმადლობთ უფალს, რომ მისი შეწევნით, თქვენ უკვე ორმოცდახუთი წელია მუხლჩაუხრელად და ღირსეულად აღასრულებთ ამ დიდ მისიას“, – ამის შესახებ წერილშია ნათქვამი, რომელიც საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ, (მუჯირმა) ქადაგების დროს წაიკითხა და წმინდა სინოდის მღვდელმთავართა სახელით პატრიარქს აღსაყდრების თარიღი მიულოცა. წერილის თანახმად, მრავალი წლის განმავლობაში პატრიარქის მართლაც, „მოწამებრივი მსახურება ქრისტეს ეკლესიისა და ქართველი ერის წინაშე, ჩვენთვის, თქვენი სულიერი შვილებისთვის, თავგანწირვისა და სიყვარულის ნათელი მაგალითია“. „ადამიანური სითბო და თანაგრძნობა, გულმოწყალება და სიყვარული, სიმშვიდე და თავმდაბლობა, რომელსაც თქვენ მოყვასთან ურთიერთობაში მუდამ ავლენთ, ის უხილავი ძალაა, რომელმაც მრავალი…

საახალწლო სუფრა მოქალაქეებს წელს უფრო ძვირი დაუჯდებათ, ვიდრე შარსან. მხოლოდ ნიგვზის და თაფლის შესაძენად მინიმუმ 55 ლარია საჭირო. რეკორდულად გაზრდილია სხვა პროდუქტების ფასებიც: გაძირდა ტკბილეული, ხილი და სასმელიც. ბაზარში გასული მოსახლეობა ამბობს, წარსულში ასეთი აფსები არ ახსოვთ და რომ 100 ლარად უკვე ინდაურის შეძენაც შეუძლებელია. „170 ლარი ინდაურიო… კაი, მე არ შევჭამ ინდაურს, მაგრამ ვიღაცა ხომ იყიდის. ვიღაცა, ვისაც ფული აქვს, ალბათ ის… ხორცი მომატებულია, 17 ღირდა და 10 ლარი ღირს, – ამბობს მოქალაქე. ეკომონისტები კი დადებით პროგნოზს ვერ აკეთებენ და ხელისუფლების პასუხისმგებლობაზე საუბრობენ.

საქართველოს პრეზიდენტი სალომე ზურაბიშვილი ილია II-ს აღსაყდრებიდან 45-ე წლისთავს ულოცავს. „თქვენო უწმინდესობავ, გილოცავთ და თქვენთან ერთად ვულოცავ სრულიად საქართველოს თქვენი აღსაყდრების 45 წლის იუბილეს. საქართველოს ეკლესიისა და ქართველი ერის ისტორიაში ამ წლებს შეგვიძლია, ჩვენი საზოგადოების ხელახალი მოქცევის ეპოქა ვუწოდოთ. დღეს რთული წარმოსადგენია, მაგრამ სამყაროში, რომელსაც საქართველო 45 წლის წინათ ეკუთვნოდა, ქრისტიანული მსოფლმხედველობა იდევნებოდა, ადამიანი, როგორც ფასეულობა, უარყოფილი იყო. სწორედ ასეთ მდგომარეობაში მყოფი ერის სულიერი წინამძღოლობის მძიმე ტვირთი გერგოთ და მიუხედავად ყველა წინააღმდეგობისა, თქვენი სამწყსო ქრისტეს ჭეშმარიტ გზაზე ატარეთ, ტოლერანტობის მრავალსაუკუნოვანი კულტურა, რომლის შენარჩუნებასა და განმტკიცებაში თქვენი წვლილი უდიდესია, დღეს, ევროპულ…

მეუფე ნიკოლოზის მსგავსად, ხობისა და ფოთის მიტროპოლიტი მეუფე გრიგოლიც ფიქრობს, რომ მიხეილ სააკაშვილს საჭიროების შემთხვევაში სათანადო სამედიცინო დახმარება უცხოეთში უნდა აღმოუჩინონ. სასულიერო პირის თქმით, მესამე პრეზიდენტის ნახვა სურდა, თუმცა შესაბამისი უწყებიდან პასუხის არ მოუვიდა. „ძალიან მძიმე შთაბეჭდილება დატოვა. ვფიქრობ, რომ ყველა ადამიანს უნდა მიეცეს საშუალება და რა თქმა უნდა, მას ამ მდგომარეობდან გამომდინარე, რომ მიიღოს სრულყოფილი მკურნალობა, რისი საშუალებაც არის აქ, თუ არ არის, სხვაგან ე.ი. მე ვაპირებდი მის ნახვას, განაცხადი მქონდა გაკეთებული, მაგრამ პასუხი არ მოსულა, – თქვა მიტროპოლიტმა.

თავდაცვის ყოფილი მინისტრი ირაკლი ოქრუაშვილი შობის დღესასწაულთან დაკავშირებით სოცქსელში წერს: „კარგი, ჩვენ ბნელები ვართ და ეს ჩვენი რუსეთუმე სამღვდელოება ყირილეს საამებლად არ ცვლის შობის თარიღს (როდესაც იქნება ხომ გადმოვიტანთ შობას 25 დეკემბერს), მაგრამ აი სომხებს რა სჭირთ 6 იანვარს რომ აღნიშნავენ და რომც შეცვალონ, 24 დეკემბერს გადმოიტანენ? შობას გილოცავთ, ყველა მოაზროვნე ქართველს განსაკუთრებით“,- წერს ოქრუაშვილი. ცნობისთვის, 25 დეკემბერს ევანგელისტურ-ბაპტისტურ ეკლესია ქრისტესშობას აღნიშნავს.

„მე წარმოვადგენ იმ თაობას, რომლის ასაკიც ემთხვევა უწმინდესი და უნეტარესი ილია მეორის პატრიარქობის პერიოდს. ჩემს ცხოვრებაში, ისევე როგორც ჩემი თაობის წარმომადგენლების ცხოვრებაში, არ ყოფილა წამი, წუთი და დღე, როდესაც ჩვენი პატრიარქი არ იყო ჩვენი ცხოვრების ნაწილი“,- ამის შესახებ პარლამენტის თავმჯდომარე, შალვა პაპუაშვილი წერს. „დღეს სრულიად საქართველოს კათოლიკოს-პატრიარქის ილია მეორის აღსაყდრებიდან 45 წლისთავს აღვნიშნავთ. ამავე დროს, წარმოვადგენ იმ თაობას, რომელმაც გამოიარა ეკონომიკური კეთილდღეობაც და სიდუხჭირეც, საზოგადოების ერთიანობაც და გახლეჩაც, მშვიდობაც და ომიც. და არ ყოფილა წამი, წუთი და დღე, როდესაც პატრიარქი არ იყო ჩვენი თანაზიარი ჭირსა თუ ლხინში. არ ყოფილა ეროვნული…

პოლიციამ თბილისში, ჯავის ქუჩაზე მომხდარ მკვლელობაში ბრალდებული დააკავა. ინფორმაციას ამის შესახებ შინაგან საქმეთა სამინისტრო ავრცელებს. „გამოძიებით დადგინდა, რომ სხვადასხვა დანაშაულისთვის ნასამართლევმა ბრალდებულმა წარსულში მომხდარი პირადი კონფლიქტის გამო, მიმდინარე წლის 23 დეკემბერს, თბილისში, ჯავის ქუჩაზე, ცეცხლსასროლი იარაღიდან გასროლით დაჭრა 1976 წელს დაბადებული ბ.ო. და მიიმალა. დაჭრილი მამაკაცი შემთხვევის ადგილზე გარდაიცვალა. პოლიციამ, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი მომხდარიდან მეორე დღეს დააკავა. გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს“,- ნათქვამია ინფორმაციაში. დანაშაული 10-დან 15 წლამდე ვადით თავისუფლების აღკვეთას ითვალისწინებს.