დღე: აპრილი 28, 2024

საქართველოს პარლამენტთან სპეციალური დანიშნულების რაზმი განლაგდა და წყლის ჭავლის მანქანაც გამოიყვანეს. სპეცრაზმი ცდილობს პარლამენტის მიმდებარე ტერიტორია აქციის მონაწილეებისგან გაათავისუფლოს. აქციის მონაწილეებსა და სამართალდამცავებს შორის დაპირისპირებაც მოხდა. აქციის ლიდერები ითხოვდნენ რკინის ჯებირები მოეხსმათ და რამდენიმე ახალგაზრდა სცენაზე აეშვათ. ვითარება იმდენად დაიძაბა, ე.წ. წიწაკის სპრეიც გაუშვეს. პარალელურად, შინაგან საქმეთა სამინისტრომ გამაფრთხილებელი განცხადებაც გაავრცელა. აქციის მონაწილეები ე.წ. რუსულ კანონს აპროტესტებენ.

მეტი...

პარლამენტთან ვითარება დაიძაბა. აქციის ლიდერები სამართალდამცველებიგან ითხოვენ 10 ახალგაზრდა აუშვან სცემაზე, სადაც საქართველოსა და ევროკავშირის დროშებს გამოფენენ და განცხადებებს გააკეთებენ. სამართალდამცველებთამ ოპოიციონრ გიორგი ვაშაძეს დაპირისპირება მოუვიდა. იყო მცირე ინციდენტიც, როცა რკინის ჯებირების ერთ მხარეს სამართალდამცველები იდგნენ, მეორე მხარეს კი აქციის მონაწილეები და პოლიტიკური ლიდერები. განსაკუთრებით კი გიორგი ვაშაძე აქტიურობდა. „მე არ ვარ ბიჭო, მე ვარ ბატონო პოლიციელო“ – ასე მიმართა პოლიციელმა ვაშაძეს, რომელიც მას „ბიჭო-თი“ მიმართავდა. პარლამენტთან სპეცრაზმიც გამოჩნდა, ისინი პარლამენტის შენობას ამაგრებენ.

მეტი...

შინაგან საქმეთა სამინისტრო პარლამენტთან მიმდინარე აქციასთან დაკავშირებით გამაფრთხილებელ განცხადებას ავრცელებს.­ “შინაგან საქმეთა სამინისტროს თანამშრომლები რუსთაველის გამზირზე მიმდინარე აქციასთან დაკავშირებით, მობილიზებულნი არიან და იცავენ მოქალაქეების უსაფრთხოებას. მოვუწოდებთ აქციის ორგანიზატორებსა და მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს და დაიცვან საზოგადოებრივი წესრიგი. ასევე, მოვუწოდებთ აქციის თითოეულ მონაწილეს არ დააზიანონ რუსთაველის გამზირზე, საკანონმდებლო ორგანოს წინ მოწყობილი სცენის ინვენტარი და ტექნიკა. კანონდარღვევის ნებისმიერი ფაქტი პოლიციის მხრიდან დაუყოვნებლივ იქნება აღკვეთილი”, – ნათქვამია შსს-ს განცხადებაში.  

მეტი...

აქციის მონაწილეები პარლამენტის შენობასთან იმყოფებიან და ცდილობენ იმ სცენაზე ავიდნენ, რომელიც „მმართველი გუნდის“ ორგანიზებით ხვალინდელი აქციისთვის დამონტაჟდა. პარლამენტთან მობილიზებულები არიან სამართალდამცველები, რომლებიც აქციის მონაწილეების შემოღობილი ტერიტორიის შიგნით შესვლას და ტრიბუნაზე ასვლის შესაძლებლობას არ აძლევენ. აქციის მონაწილეების განცხადებით, მათ სურთ, სწორედ ამ სცენიდან გააკეთონ მოწოდება. აქციის ორგანიზატორებმა პარლამენტის შენობაზე ლაზერით წარწერაც გააკეთეს – „კი ევროპას”. აქციის მონაწილეები მსვლელობისას სკანდირებდნენ: “საქართველოს გაუმარჯოს!” “არა რუსულ კანონს!” შეგახსენებთ, რომ ხვალ. მმართველი გუნდის ორგანიზებით პარლამენტთან აქციაა ორგანიზებული, სადაც სიტყვით ბიძინა ივანიშვილიც გამოვა.

მეტი...

საპროტესტო აქციას, რომელიც ამ წუთებში მსვლელობით გრძელდება, „ქართული ოცნების“ ყოფილი მინისტრი – პაპუნა ჯანელიძეც შეუერთდა. ჯანელიძე აქციაზე ოჯახთან ერთად გამოჩნდა. ამ წუთებში აქციის მონაწილეები რესპუბლიკის მოედნიდან პარლამენტისკენ მიემართებიან და სურთ პარლამენტს წრე დაარტყან. „კი ევროპას – არა რუსულ კანონს“ – ასეთია აქციის სლოგანი. პარლამენტთან მობილიზებულია პოლიცია.

მეტი...

რესპუბლიკის მოედანზე მიმდინარე საპროტესტო აქციას „ბაიკერებიც“ შეიერთდნენ. ისინი ჯგუფურად გამოჩდნენ რუსთაველის გამზირზე და დროშებით აღჭურვილებმა თავიამთი მხარდაჭერა ამ ფორმით გამოხატეს. „არა რუსულ კანონს“ – ამ სლოგანით რესპუბლიკის მოედანზე საპროტესტო აქცია გრძელდება, რომელიც, მსვლელობით სკანონმდებლო ორგანისთან გაგრძელდება. “ჩვენ ვირჩევთ ევროპას” – ამბობენ “ბაიკერები”.

მეტი...

საქართველოს პარლამენტის ოპოზიციონერი წევრი ალეკო ელისაშვილი მმართველო გუნდის მიერ დაგეგმილ აქციას ეხმიანება და ამბობს, რომ ეს ბოლო ჟამია. „სამარცხვინო ამბავია, როდესაც ხელისუფლება კონტრ-აქციას აწყობს. ოპოზიცია რომ აქციებს მართავს, ეს ნორმალური პროცესია. დამოუკიდებლობის 30 წლისთავს დააკვირდით, ეს იმის დასტურია, რომ ხელისუფლების ბოლო ჟამია. ასე ხდებოდა, როდესაც შევარდნაძემ გამოიყვანა ხალხი, სააკაშვილმაც“ – აცხადებს პარტია „მოქალაქეების“ თავმჯდომარე. მისივე შეფასებით,  საჯარო მოხელეების „ნახირივით ერეკებიან“. „როდესაც ხელისუფლებები ძალაუფლებას კარგავენ, გამორეკავენ ნახირივით საჯარო მოხელეებს, აშინებენ, ზეწოლას ახდენენ. ეს არის აბსურდი. ნორმალურ ვითარებაში როგორ შეიძლება ხელისუფლებამ აქცია გაუმართოს მოქალაქეებს. თან როგორ? აქ, ამ აქციაზე, ვინ არის ფულით,…

მეტი...

„საქართველო არასდროს იქნება რუსეთში“… „ყველამ ერთან შევეწინააღმდეგოთ ამ კანონს“…   „ევროპისკენ“… ამ და სხვა სლოგანებით რესპუბლიკის მოედანზე აქცია განახლდა. აქციის მონაწილეები კანონს „უცხოური გავლენის გამჭვირვალობის შესახებ“ აპროტესტებენ და პარლამენტიდან მის გაწვევას ითხოვენ. აქციის მონაწილეები რესპუბლიკის მოედნიდან მსვლელობას პარლამენტისკენ გეგმავენ.

მეტი...

„ჩვენ ვუზრუნველყოფთ რეგიონებიდან, მათ შორის ფინანსურ მხარეს, რომ ორგანიზება და მგზავრობა ვუზრუნველვყოთ მთლიანად, მაგრამ ერთი ადამიანიც კი არ იქნება, ვისაც არ უნდოდა და „უთხრეს არა, შენ უნდა წამოხვიდე“ – აცხადებს მამუკა მდინარაძე. მისი თქმით, ვისაც აქციაზე წასვლა არ უნდა, არ უნდა წავიდეს, არც მისი დარწმუნებაა საჭირო. „გარანტირებულად გეუბნებით,  თათბირზე ვამბობდი, რომ არცერთი ადამიანი არც კი დაარწმუნოთ, რომ წამოვიდნენ, თუ ადამიანებს წამოსვლა არ უნდათ. თუ საჯარო მოხელე იქნება, თუ სხვა ნებისმიერი ადამიანი ფიქრობს, რომ იქ არ უნდა იყოს და დასწრება არ უნდა, არცერთ ადამიანს არა თუ პრობლემა შეექმნება, კითხვასაც კი არ…

მეტი...

„მსოფლიოში პირველი პრეცედენტი იქნება კანონის ინიცირებისა და მხარდაჭერისათვის, რომ დაასანქცირებენ ადამიანს “, – განაცხადა უმრაველესობის ლიდერმა მამუკა მდინარაძემ. მდინარაძე ამბობს, რომ სიამოვნებით დაელოდება თუ რა სანქციას დააკისრებენ. ცნობისთვის, ამერიკის შეერთებული შტატების სენატის ორპარტიულმა ჯგუფმა საქართველოს პრემიერ-მინისტრს 26 აპრილს წერილი გაუგზავნა, რომელიც ღრმა შეშფოთებას გამოხატავს და პრემიერს აფრთხილებს, რომ თუ ხელახლა ინიცირებული “უცხოური აგენტების კანონპროექტი” კანონი გახდება, ისინი იძულებულნი იქნებიან მოუწოდონ აშშ-ის პოლიტიკის შეცვლა საქართველოს მიმართ. დღეს “ქართული ოცნების” ოფისში 29 აპრილის შეკრებასთან დაკავშირებით უმრავლესობის სხდომა გაიმართა.

მეტი...

“რეალურად, რას ემსახურება ევროპარლამენტის რეზოლუცია? ფაქტობრივად, რუსეთს გადაგვცეს და კიდევ ერთხელ გაგვყიდეს”, – ამის შესახებ ბოდბელმა მიტროპოლიტმა, მეუფე იაკობმა ქადაგებისას განაცხადა. მისივე თქმით, „ქვეყანაში უკვე მესამე რევოლუციის მცდელობაა, მაგრამ მაგას ვერავინ მოესწრება”, რადგან მეუფის განცხადებით, ქართველმა ხალხმა ჭკუა ისწავლა. „მინდა ევროპარლამენტზეც ვთქვა – ქვეყანაში უკვე მესამე რევოლუციის მცდელობაა, მაგრამ მაგას ვერავინ მოესწრება. ჩვენ, ქართველებმა უკვე ჭკუა ვისწავლეთ და ასეთ რამეს არავის არ გავაკეთებინეთ. გამოდიან და იძახიან – „არა რუსულ კანონს“, ვის უნდა „რუსული კანონი“? არც ფრანგული კანონი მინდა და არც სხვადასხვა ქვეყნის კანონები მინდა. მე მინდა,რომ ჩვენს ქვეყანაში ისე ვიცხოვროთ,…

მეტი...

დღეს, 15:00 საათზე “ქართული ოცნების” ცენტრალურ ოფისში უმრავლესობის გაფართოებული სხდომა ჩაინიშნა. “ქართული ოცნების” ინფორმაციით, ცენტრალურ ოფისში უმრავლესობის გაფართოებული სხდომა საყოველთაო სახალხო შეკრების საორგანიზაციო საკითხებთან დაკავშირებით ჩატარდება. შგახსენებთ,  რომ მმართველი გუნდის ორგანიზებით ხვალ თბილისში აქცია იმართება, რომელსაც რეგიონებიდანაც შემოუერთდებიან.  

მეტი...

მმართველი გუნდის მიერ, რუსთაველის გამზირზე 29 აპრილს დაგეგმილი აქციის გამო  პირველი რესპუბლიკის მოედნიდან თავისუფლების მოედნამდე არსებულ საგზაო მონაკვეთში ტრანსპორტის გადაადგილება შეიზღუდება. შეზღუდვა დღეს, 11:00 საათიდან მხოლოდ საავტობუსო ზოლზე გავრცელდება, ხოლო 20:00 საათიდან 29 აპრილის ჩათვლით, რუსთაველის გამზირზე ტრანსპორტის მოძრაობა სრულად აიკრძალება. სატრანსპორტო საშუალებებისთვის გადაადგილება შესაძლებელი იქნება ლეონიძის, ინგოროყვას, ალექსანდრე ჭავჭავაძის, გრიბოედოვის, ბარათაშვილისა და თაბუკაშვილის ქუჩების მეშვეობით; მელიქიშვილის გამზირიდან მთაწმინდის დანარჩენი ქუჩების მიმართულებით მოძრაობა დასაშვები იქნება ჯანაშიას, თარხნიშვილის, ტატიშვილის, ჭოველიძის, ზანდუკელის ქუჩების გავლით და შემდეგ ბარნოვის, გოგებაშვილისა და კაკაბაძეების ქუჩების გამოყენებით. მელიქიშვილის გამზირსა და მეტროსადგურ „რუსთაველის“ ტერიტორიაზე მოხვედრა შესაძლებელი იქნება გრიბოედოვის,…

მეტი...