დღე: აგვისტო 4, 2023

შოვში დაკარგულ ოჯახს ეძებენ. გავრცელებული ინფორმაციით,  ზაზა მესხი მეუღლესთან და სამ შვილთან ერთად რაჭაში ჰოლანდიიდან იყო ჩასული. ოჯახი  ერთ-ერთ კოტეჯში იყო დაბინავებული. როგორც ირკვევა ოჯახთან დაკავშირება ამ ეტაპზე ვერ ხერხდება. შეგახსენებთ, რაჭაში, შოვში ჩამოწოლილ მეწყერის შედეგად გარდაცვლილთა რიცხვი 6-მდე გაიზარდა. ადგილზე სამძებრო-სამუშაოები გრძელდება.

მამაკაცს, რომელიც სტიქიის ზონაში მეუღლესა და 3 მცირეწლოვანს ეძებს, კვლავ არ აქვს ინფორმაცია მისი ოჯახის წევრების ადგილსამყოფლის შესახებ. მისი განცხადებით, მას ოფიციალურად ამ დრომდე არავინ შეხმიანებია. „ვიღაცა ჯგუფმა იცნოო, არ ვიცი. არავინ [შემხმიანებია ოფიციალურად]. ნეტავი გადარჩნენ“, – აცხადებს მოქალაქე ”ფორმულასთან”. ახალგაზრდა მამაკაცი სტიქიის ზონაში დაკარგულ მეუღლესა და 3 შვილს ეძებს

შოვ­ში მე­წყერს გა­დარ­ჩე­ნი­ლი ერთ-ერთი მო­ქა­ლა­ქე მა­რი­ამ ბე­რი­ა­ნი­ძე  სო­ცი­ა­ლურ ქსელ­ში პოსტ აქ­ვეყ­ნებს. მისი თქმით, 2 სა­ა­თი გა­ა­ტა­რეს ნა­ხევ­რად ჩაფ­ლუ­ლებ­მა მე­წყერ­ში. ,,კარ­გად ვართ მე­გობ­რე­ბო, გა­დავ­რჩით სას­წა­უ­ლებ­რი­ვად. ჯო­ჯო­ხე­თუ­რი 4 სა­ა­თი გა­მო­ვი­ა­რეთ, რომ­ლის აღ­სა­წე­რად სი­ტყვე­ბი არ მე­ყო­ფა. 2 სა­ა­თი გა­ვა­ტა­რეთ ნა­ხევ­რად ჩაფ­ლუ­ლებ­მა მე­წყერ­ში. ჩვენს თვალ­წინ სამი ადა­მი­ა­ნი წა­ი­ღო ღვარ­ცოფ­მა და იმე­დი მაქვს, ცო­ცხლებს იპოვ­ნი­ან. ბევ­რი მწერთ და ბევ­რიც მი­რე­კავთ ნო­მერ­ზე, მაგ­რამ ვერ გპა­სუ­ხობთ, რად­გან ჩემი ტე­ლე­ფო­ნი ისე­ვე, რო­გორც ჩვე­ნი სხვა და­ნარ­ჩე­ნი ყვე­ლა ნივ­თი, წა­ი­ღო მე­წყერ­მა,”- წერს მოქალაქე.  

რაჭაში, შოვში ჩამოწოლილ მეწყერის შედეგად გარდაცვლილთა რიცხვი გაიზარდა. გავრცელებული ინფორმაციით, სტიქიის ზონაში კიდევ 4 ადამიანის ცხედარი იპოვეს. გარდაცვლილებების ვინაობა ამ ეტაპზე უცნობია. საერთო ჯამში სტიქიას 6 ადამიანის სიცოცხლე ემსხვერპლა. ადგილზე სამძებრო-სამუშაოები გრძელდება.  

რაჭა-ლეჩხუმ-ქვემო სვანეთის გუბერნატორის, პაპუნა მარგველაძის განცხადებით, სტიქიის ზონიდან უსაფრთხო ტერიტორიაზე მაშველებმა ორი დღის განმავლობაში 210 ადამიანი გამოიყვანეს. მისი თქმით, სამძებრო-სამაშველო სამუშაოები მთელი ღამის განმავლობაში გრძელდებოდა. ,,მთელი ღამის განმავლობაში სამძებრო და სამაშველო სამუშაოები გრძელდებოდა. ასევე არ შეწყვეტილა შტაბის მუშაობა, ყველა აქ, ადგილზე ვიყავით და ვიღებდით ინფორმაციებს და რეაგირება ჩვენი მხრიდან შესაბამისად ხდებოდა. დღეს, უკვე ამ პერიოდისთვის ვერტმფრენმა 9 რეისი შეასრულა, 140 ადამიანი გადმოიყვანა. გუშინდელი და დღევანდელი დღის ჩათვლით სულ გადმოყვანილია 210 ადამიანი, როლებიც სხვადასხვა ადგილას არიან განთავსებულნი. ნაწილმა ონის მუნიციპალიტეტის ტერიტორია უკვე დატოვა და წასულები არიან სახლებში. პერიოდულად, რამდენიც გადმოვა ადგილზე…

გეოლოგ მერაბ გაფრინადაშვილის განცხადებით, შოვში სტიქიის განმეორების საფრთხე აღარ არსებობს. მისი თქმით, დასავლეთ საქართველოში მსგავს სტიქიას ადგილი არასოდეს არ ჰქონია. ,,მიმდინარე წლის 3 აგვისტოს, დღის მეორე ნახევარში ადგილი ჰქონდა გეოლოგიური და ჰიდრომეტეოროლოგიური მოვლენების სინერგიზმს, თანხვედრას. ერთი და იგივე დროს, ერთი და იგივე ლოკაციაზე, კერძოდ, მიმდინარეობს ინტენსიური მყინვარის დნობა. ორი მყინვარია ამ მდინარეების სათავეებში. ამას თან დაერთვა უხვი ატმოსფერული ნალექი, რომელმაც დინამიკაში მოიყვანა როგორც ხეობაში არსებული მყარი ნატანი, ასევე ადგილი ჰქონდა ლაპირების გარეცხვას, მეწყრული პროცესების ჩასახვა-გააქტიურებას და ყველაფერი ეს გადაიზარდა ღვარცოფში. შედეგად მივიღეთ ის, რაც თქვენთვის ცნობილია. დასავლეთ საქართველოში მსგავს სტიქიას…

ონის მუნიციპალიტეტში, სტიქიის ზონაში, მეორე დღეა, უწყვეტ რეჟიმში მიმდინარეობს ძებნა-შველის ღონისძიება. შინაგან საქმეთა სამინისტროს ინფორმაციით, სტიქიის ზონიდან აქტიურად ხორციელდება მოქალაქეების გამოყვანა და ამ დროისთვის უსაფრთხო ადგილას გადაყვანილია კიდევ 140 ადამიანი. ,,4 კაცი იპოვეს დაკარგული ვინც იყო ამ რამოდენიმე წუთის წინ. დრონით გადაღებული ფოტოებო ” – წერს მოქალაქე გრიგოლ თვალჭრელიძე.

შოვში, სტიქიის ზონაში და-ძმას და მათ მეგობარს ეძებენ. ამის შესახებ ინფორმაციას ახლობლები სოციალურ ქსელში ავრცელებენ. ,,სტიქიის ზონაში იმყოფებიან და -ძმა, სოფი და გიორგი ყარალაშვილები,თან ახლდათ მეგობარი. ამდენი ხნის მანძილზე კავშირზე არ გამოსულან. თუ ვინმეს გეცნობათ ან რაიმე ინფორმაციას ფლობთ გთხოვთ შემეხმიანეთ” წერს ახლობელი. ცნობისთვის, შოვში, სტიქიის ზონაში სამაშველო ღონისძიებები გრძელდება.

შოვში, სამაშველო ღონისძიებები გრძელდება. სტიქიის ზონაში კვლავ მძიმე ვითარებაა. გავრცელებული ინფორმაციით, 50-ზე მეტ ადამიანთან დაკავშირება ვერ ხერხდება. ,,კონტაქტი არ არის, [ვეძებ] შვილს და სამ შვილიშვილს. არაფერი კონტაქტი…ცოცხლები არინა, მკვდრები, არ ვიცით არაფერი. ორი კვირით წავიდნენ. ველით ვერტმფრენს, ორი ჩამოფრინდა არაფერია ჯერ”, – განუცხადა ერთ-ერთმა მოქალაქემ ”მთავარ არხს”.

შოვში, სტიქიის ზონაში სამაშველო ღონისძიებები გრძელდება. ადგილიდან ვიდეოს ავრცელებს ”მთის ამბები” ვიდეოს ავრცელებს, სადაც ერთ-ერთი მოქალაქე დახმარებას ითხოვს. ,,ცოცხალს აღარავინ ეძებს, მკვდარი გვაპოვნინა ვინმე, ვინც იქაა ჩვენიანია. საერთოდ საფლავის გარეშე ნუ დარჩებიან,”- აცხადებს მამაკაცი ვიდეოში. ამ ეტაპზე სტიქიის ზონიდან 80-მდე ადამიანის ევაკუაცია განხორციელდა.

კურორტ შოვში მომხდარი სტიქიური უბედურების გამო, „ცხელი ხაზი“ ამოქმედდა. დაკარგულებთან დაკავშირებით ადამიანებს შეუძლიათ დარეკონ ნომერზე: 598 913 089 და მიაწოდონ ინფორმაცია.  ამ ეტაპისთვის, ახლობლები დაახლოებით 40 ადამიანს ვერ უკავშირდებიან. სტიქიის ზონაში სამაშველო სამუშაოები დილით განახლდა. შეგახსენებთ, რომ შოვში ჩამოწოლილმა მეწყერმა და ტალახის უზარმაზარმა მასას შოვი გაანადგურა.  

შოვში, სტიქიის ზონაში სამაშველო სამუშაოები გამთენიისას განახლდა. სამაშველო ოპერაციაში ორი ვერტმფრენი მონაწილეობს. სტიქიის ზონიდან 150-ზე მეტი ადამიანი უსაფრთხო ადგილას გადაიყვანეს. შოვიდან ონის ცენტრის მიმართულებით უკვე ოთხი საევაკუაციო რეისი შესრულდა. გიან ღამით სტიქიის ზონაში დამატებითი სამაშველო ჯგუფი ჩავიდნენ, მიმდინარეობდა სპეცტექნიკისა და მძიმე ტექნიკის მობილიზება. რაც შეეხება დაკარგულებს, რომლებსაც ახლობლები ეძებენ, რამდენიმესთან კავშირი დამყარდა და უსაფრთხოდ არიან. ამ დროისათვის, კავშირი ვერ მყარდება დაახლოებით 40 ადამიანთან.

შოვში, სტიქიის ზონაში მაშველები მუშაობას აგრძელებენ. ამ დროისთვის არსებული ინფორმაციით, მეწყრული ზონიდან კიდებ 80-მდე ადამიანის გამოყვანა მოხერხდა.  არიან დაკარგულებიც, რომლებსაც ოჯახის წევრები ამ დრომდე ვერ უკავშირდებიან. ტალახის მასაი კი 2 ცხედარია ნაპოვნი. შეგახსენებთ, რომ  მეწყერი შოვში გუშინ ჩამოწვა, რომელმაც საკურორტო ზონა შოვი მთლიანად გაანადგურა.  

რაჭაში, სტიქიის ზონაში ვითარება უმძიმესია. შოვში, მაშველებმა ტყეში რამდენიმე ადამიანი იპოვეს.  ინფორმაციას შინაგან საქმეთა სამინისტროში ადასტურებენ. ისინი სტიქიაში მოყვნენ, თუმცა, თავს გაქცევით უშველეს. ურთილესი ვითარების გამო, ტყიდან გადარჩენილების გამოყვანა წუხელ ვერ მოხერხდა, მათთან ერთად მაშველები რჩებიან, რომლებიც გადარჩენილებს გამთენიისას გამოიყვანენ.