დღე: დეკემბერი 29, 2023

ხაშურში, ბორჯომის ქუჩაზე ქვეითს მანქანა დაეჯახა. 27 წლის ახალგაზრდა სასწრაფო სამედიცინო დახმარების მისვლამდე დაიღუპა. ,,კაცი ახლქალაქიდან მოდიოდა, რა დროსაც კვების ობიექტთან შეჩერდა. როცა მანქანიდან გადმოვიდა და მას სხვა ავტომობილი დაეჯახა”, – ამბობენ თვითმხილველები. შსს-მ ფაქტზე გამოძიება სსკ-ის 276-ე მუხლის მე-6 ნაწილით დაიწყო.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე პიროტექნიკის გამოყენებასთან დაკავშირებულ საკითხზე რეკომენდაციებს ავრცელებს. „არაფერი იქნება იმაზე უკეთესი, თუ საერთოდ არ გამოვიყენებთ პიროტექნიკას ჩვენი სიხარულის გამოსახატად და შევეცადოთ ამისთვის სხვა საშუალებები მოვნახოთ. თუ მაინც გადაწყვეტთ ამ სახით სიხარულის გამოხატვას და სხვებისთვის გაზიარებას, მაშინ გთხოვთ: 1. პიროტექნიკის შეძენისას მიაქციეთ ყურადღება მასალის ხანდაზმულობას. არ არის გამართლებული ძველი მასალების გამოყენება. ის მომეტებულ საფრთხეს შეიცავს; 2. აუცილებლად მაქსიმალურად ყურადღებით გაეცანით გამოყენების წესებს და პირობებს; 3. მაქსიმალურად მოაცილეთ პიროტექნიკის გამოყენებას მოზარდები. არ დაუშვათ, რომ მათ დამოუკიდებლად გამოიყენონ პიროტექნიკა; 4. თრობის მდგომარეობაში გამორიცხეთ…

საგანგებო სიტუაციების მართვის სამსახურის ცნობით, ვარკეთილისა და ვაზისუბნის მიმდებარე ტერიტორიაზე პლასტმასის საწყობში გაჩენილი ხანძარი ლიკვიდირებულია. ადგილზე რჩებიან სახანძრო ჯგუფები, რომლებიც ცალკეულ კერებს ამუშავებენ. ხანძარს მსხვერპლი არ მოჰყოლია. ცეცხლი ერთი საათის წინ გაჩნდა.

ვარკეთილისა და ვაზისუბნის მიმდებარე ტერიტორიაზე ძლიერი ხანძარია. გავრცელებული ინფორმაციით, ცეცხლი პლასტმასის საწყობს უკიდია. ამ დროისთვის ადგილზე სახანძრო სამაშველო გუნდი მუშაობს. დაშავებულების შესახებ ინფორმაცია არ ვრცელდება.  

თბილისში, ვარკეთილის მეორე მიკრო რაიონში ხანძარია. გავრცელებული ინფორმაციით, ცეცხლი სავარაუდოდ სასაწყობე შენობას უკიდია. ადგილზე ძლიერი დაკვამლიანებაა. დამატებითი დეტალები ამ ეტაპზე უცნობია.

უბედური შემთხვევა ახმეტაში –  რამდენიმე მეტრის სიმაღლეზე ასულ კაცს ფეხქვეშ ბეტონის საყრდენი ჩაენგრა და სიმაღლიდან ძირს ჩავარდა. შემთხვევა სამაშველო სამსახურის ეზოში მოხდა. 35 წლამდე ასაკის მამაკაცი, ეზოში დამონტაჟებული სატელეფონო ანძების გასასწორებლად რამდენიმე მეტრის სიმაღლეზე იყო ასული. გავრცელებული ინფორმაციით გარდაცვლილი კომპანია “მაგთიკომის” თანამშრომელი იყო.

აღმოსავლეთ-დასავლეთის საერთაშორისო მაგისტრალური გზის, სამტრედია-გრიგოლეთის მონაკვეთზე მშენებარე ხიდის ბურჯისა და მალების ჩავარდნის მიზეზების დასადგენად, ექსპერტიზა დასრულდა. ამის შესახებ ინფორმაციას საავტომობილო გზების დეპარტამენტი ავრცელებს. უწყების ცნობით, ხიდის კონსტრუქციული ნაწილის კომპლექსური საექსპორტო კვლევა, საავტომობილო გზების დეპარტამენტის დაკვეთით, ლევან სამხარაულის სახელობის სასამართლო ექსპერტიზის ეროვნულმა ბიურომ ჩაატარა. „ექსპერტიზით დადგინდა, რომ ხიდის მე-8 ბურჯის ჩავარდნის მიზეზი იყო პროექტთან შეუსაბამოდ და უხარისხოდ მოწყობილი როსტვერკი (ხიმინჯოვანი საძირკვლის ზედა ნაწილის კონსტრუქცია). წყალდიდობამ წარეცხა როსტვერკის ქვეშ გრუნტი, რომლის ფილამ ვეღარ გაუძლო დგარების დაწოლას. დგარებმა ჩახვრიტა როსტვერკი, რის გამოც ბურჯის ორი მალი ჩაიშალა მდინარის კალაპოტში ექსპერტიზა ჩაუტარდა ხიდის სხვა კონსტრუქციულ…