დღე: დეკემბერი 5, 2023

რუსების მიერ გორის მუნიციპალიტეტის სოფელ აძვის მიმდებარედ ოკუპირებულ ტერიტორიაზე უკანონოდ დაკავებული ხვიჩა კორინთელი თავისუფალია. ,,რუსეთის საოკუპაციო ძალების მიერ გორის მუნიციპალიტეტის სოფელ აძვის მიმდებარედ ოკუპირებულ ტერიტორიაზე უკანონოდ დაკავებული ხვიჩა კორინთელი თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება. ხვიჩა კორინთელის უკანონო პატიმრობიდან დაუყოვნებელი გათავისუფლების მიზნით აქტიურად გამოიყენებოდა როგორც „ცხელი ხაზის“ მექანიზმი, ასევე, ცენტრალური ხელისუფლების ხელთ არსებული ყველა სხვა ინსტრუმენტი. ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად. საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა საოკუპაციო ძალას ეკისრება”,…

მეტი...

2023 წლის ნოემბერში, 150 000 ლარის უაქციზო თამბაქოს შენახვა-გადაზიდვა-რეალიზაციისთვის, ნოემბერში 12 პირი დააკავეს. ,,საგამოძიებო სამსახურმა ნოემბრის თვეში დიდი ოდენობით უაქციზო თამბაქოს ნაწარმის შენახვა-გადაზიდვა-რეალიზაციის 25 ფაქტი გამოავლინა. საქართველოს ფინანსთა სამინისტროს საგამოძიებო სამსახურის თანამშრომლებმა, მიმდინარე წლის ნოემბრის თვეში, საქართველოს მასშტაბით გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, გამოავლინეს მარკირებას დაქვემდებარებული დიდი ოდენობით აქციზური საქონლის, აქციზური მარკის გარეშე შენახვა-გადაზიდვა-რეალიზაციის 25 ფაქტი, რაზეც ბრალდებულის სახით, პასუხისგებაში მიეცა 24 პირი, მათგან დაკავებულია 12 პირი. საგამოძიებო მოქმედებების შედეგად, დანაშაულში მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების, ჯამში 25 748 კოლოფი უაქციზო სიგარეტი, რომლის საერთო საბაზრო ღირებულება…

მეტი...

თელავის მუნიციპალიტეტში, სოფელ ნაფარეულის ტყეში ხანძარს მეორე დღეა ებრძვიან. საგანგებო სიტუაციების მართვის სამსახურის ინფორმაციით, ცეცხლი ამ დროისთვის ლოკალიზებულია და ტერიტორიაზე სალიკვიდაციო სამუშაოები მიმდინარეობს. ცნობისთვის, ტყეში ხანძარი გუშინ, 4 დეკემბერს, ფოთოვან ხეებს გაუჩნდა. ხანძრის გამომწვევი მიზეზი უცნობია.

მეტი...

სალომე ზურაბიშვილმა შოვის ტრაგედიისას დაღუპული დავით ბერიაშვილი და გიორგი და სოფი ყარალაშვილები ღირსების მედლით დააჯილდოვა. ,,პრეზიდენტმა დღეს საქართველოში მოხალისეობის განვითარებასა და პოპულარიზაციაში შეტანილი განსაკუთრებული პირადი წვლილისათვის, ამ მიზნით გამოვლენილი მტკიცე და აქტიური სამოქალაქო პოზიციისათვის ღირსების მედლით დააჯილდოვა „ცოდნის კაფეს“ თანაშემქმნელები და მოხალისეები დავით ბერიაშვილი და და-ძმა გიორგი და სოფი ყარალაშვილები, რომლებიც შოვის ტრაგედიას ემსხვერპლნენ”, – წერს ადმინისტრაცია. ცნობისთვის, სალომე ზურაბიშვილი “ჩვენი ხმა ევროპას” კამპანიის ფარგლებში და მოხალისეობის საერთაშორისო დღესთან დაკავშირებით დღეს ორბელიანების სასახლეში მოხალისეებს შეხვდა და სწორედ ამ შეხვედრაზე გადასცა ღირსების მედლები დაღუპული ახალგაზრდების დედებს.

მეტი...

აჭარაში, შუახევის მუნიციპალიტეტში, სოფელ ბრილში, ხანძრის შედეგად საცხოვრებელი სახლი და ათამდე ძროხა დაიწვა. “აჭარა თაიმსის” ინფორმაციით, ცეცხლი თავდაპირველად სახლში გაჩნდა და კერა მოგვიანებით ბოსელზე გავრცელდა. შემთხვევის შედეგად არავინ დაშავებულა. ხანძრის გამომწვევი მიზეზი ამ ეტაპზე უცნობია.

მეტი...

საქართველოს პროკურატურამ განზრახ მკვლელობის მცდელობისა და პოლიციელის დაჭრის ფაქტზე, ერთ პირს ბრალდება წარუდგინა. ,,შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 3 დეკემბერს, თბილისში, აღმაშენებლის გამზირის მიმდებარე ტერიტორიაზე, ურთიერთშელაპარაკების საფუძველზე წარმოშობილი კონფლიქტისას, ბრალდებულმა თანნაქონი დანის გამოყენებით, მოკვლის განზრახვით, გულმკერდისა და მხრების არეში, დაზარალებულს მრავლობითი ჭრილობები მიაყენა. აღნიშნული ფაქტის შემსწრე საპატრულო პოლიციის თანამშრომლებმა, დანაშაულის აღკვეთის მიზნით, ბრალდებულს შეჩერებისკენ  მოუწოდეს და სიტუაციის განმუხტვა სცადეს, რა დროსაც, ბრალდებული თავს დაესხა პოლიციის თანამშრომელს და დანა ფეხის არეში დაარტყა. სამართალდამცველებმა ბრალდებული შემთხვევის ადგილზე დააკავეს. მას ბრალდება სისხლის სამართლის კოდექსის 19-108-ე მუხლითა (განზრახ მკვლელობის მცდელობა)…

მეტი...

საქართველოდან უცხოეთში, გასტროლზე წასული ანსამბლის 9 წევრი მიუნხენის აეროპორტში ჩარჩა, –  ინფორმაციას რეგიონული გამოცემა “აჭარა თაიმსი” ავრცელებს. გამოცემას სტუდია “ვარსკვლავების” ხელმძღვანელმა, თეა წიკლაურმა განუცხადა, რომ ფრენა გაუქმდა და ისინი ამ წუთებში აეროპორტში იმყოფებიან, საიდანაც ნეაპოლში გამგზავრებას აპირებდნენ. ,,ჯავშნები ისე შეიცვალა, ფაქტობრივად ჩვენი გასტროლი უშედეგო იქნება. მსოფლიო ჩემპიონატში მონაწილეობას ვერ შევძლებთ. 6 საათი ვიდექით სერვისცენტრის რიგში, სადაც ყველანაირ ცვლილებაზე უარი გვითხრეს, მოგვიანებით კი მიუნხენი-რომის ბილეთები მოგვცეს. ფრენა ხვალ შუადღით შესრულდება, მანამდე კი აეროპორტში გვიწევს ღამისთევა. ეს ფრენაც შესაძლოა გაუქმდეს, რადგან 100 პროცენტიანი გარანტია ვერ მოგვცეს,” – ამბობს წიკლაური.

მეტი...