დღე: დეკემბერი 23, 2023

შსს-მ „ქურდული სამყაროს“ საქმიანობის მხარდაჭერის ბრალდებით 1964 წელს დაბადებული შ.კ. დააკავა. ამავე ბრალდებით, სასჯელაღსრულების დაწესებულებაში, ბრალი წარედგინა 1981 წელს დაბადებულ ი.შ.-ს. ხოლო, „ქურდული სამყაროს“ წევრობის ფაქტზე, ბრალი დაუსწრებლად წარედგინა ამჟამად საქართველოს ფარგლებს გარეთ მყოფ, ინტერპოლის წითელი ცირკულარით ძებნილ 1993 წელს დაბადებულ ე.მ.-ს. დანაშაულები 10 წლამდე ვადით თავისუფლების აღკვეთას ითვალისწინებს. ბრალდებულები „კანონიერი ქურდების“ და კრიმინალური ავტორიტეტის სახელით უკავშირდებოდნენ სხვადასხვა ბიზნესსაქმიანობაში ჩართულ პირებს და „ქურდული წილის“ სახით სთხოვდნენ თანხის გადახდას. ასევე, დაზარალებულებს, დაშინების მიზნით თვალთვალის შედეგად გადაღებულ ფოტოებს უგზავნიდნენ და დაუმორჩილებლობის შემთხვევაში სიცოცხლის მოსპობით ემუქრებოდნენ. გამოძიება საქართველოს სისხლის სამართლის კოდექსის 223-ე პრიმა…

მეტი...

სტატისტიკის ეროვნული სამსახურის პუბლიკაციის ბავშვები და მოზარდები საქართველოში მონაცემებით, საქართველოში 2022 წელს აბორტი 18 წლამდე ასაკის 83 არასრულწლოვანს გაუკეთდა. 2021 წელს აბორტების რიცხვი არასრულწლოვნებში 70 იყო. ამავე მონაცემებით, 2022 წელს 15-29 წლის ქალებში საქართველოში 6 671 აბორტი გაკეთდა, მაჩვენებლები წინა წელთან შედარებით 1010-ით შემცირდა. საქსტატის ცნობით, 2022 წელს საქართველოში დაიბადა 441 ბავშვი, რომელთა დედები 18 წლამდე ასაკის მოზარდები არიან. ეს მონაცემი შემცირებულია წინა წელთან შედარებით, როდესაც 18 წლამდე დედების გაჩენილი ბავშვების რიცხვი 490 იყო. ამავე მონაცემებით, 2022 წელს 25 წლამდე ასაკის მოსახლეობაში განქორწინების რიცხვი ქალებში 920-ია, ხოლო მამაკაცებში – 365.…

მეტი...

უფასო სასკოლო კვების მოთხოვნით თბილისში მსვლელობა გაიმართა. აქციის მონაწილეებმა, კლასიკური გიმნაზიიდან განათლების და მეცნიერების სამინისტროსთან გადაინაცვლეს, სადაც საკუთარი მოთხოვნები კიდევ ერთხელ გააჟღერეს. როგორც მსვლელობის მონაწილეები ამბობენ, უფასო სასკოლო კვება შიმშილისგან თავის დაღწევის ერთ-ერთი პირობაა.

მეტი...

შიდასახელმწიფოებრივი მნიშვნელობის ჩოხატაური-ბახმაროს საავტომობილო გზის 26-ე კმ-ზე კლდის მასის ჩამოშლის გამო, დროებით აკრძალულია ყველა სახის ავტოტრანსპორტის მოძრაობა. ინფორმაციას საავტომობილო გზების დეპარტამენტი ავრცელებს. მსუბუქი ავტომობილების მოძრაობა შესაძლებელია სოფ.ქვაბღაზე გამავალი ადგილობრივი მნიშვნელობის გზით, ხოლო დანარჩენი სახის ავტოტრანსპორტის გადაადგილება აკრძალულია.

მეტი...

კახეთში, ყვარელსა და მიმდებარე სოფლებში ძლიერმა ქარმა 10-მდე საცხოვრებელ სახლს სახურავი გადახადა. არსებული ინფორმაციით, ქარმა ახმეტისა და ლაგოდეხის ზოგიერთ სოფელში მრავალწლიანი ხეები მოგლიჯა და ცენტრალური მაგისტრალები ჩახერგა. სტიქიის ზონაში სამაშველო ჯგუფები მუშაობენ. ძლიერი ქარის შედეგად, დაზიანებულია ელექტროგადამცემი ხაზები, რის გამოც აბონენტების ნაწილს ელექტრო ენერგიის მიწოდება შეუწყდა.

მეტი...

სამგორის მეტროს მიმდებარე ტერიტორიაზე, ძლიერი ქარის შედეგად, ხე წაქიცა. შემთხვევა მოსკოვის გამზირზე, 9 ნომერში მოხდა. არსებული ინფორმაციით, დაშავებული არავინაა.

მეტი...

თბილისში, ხორავას ქუჩაზე, ერთ-ერთ ბარში ხანძარი გაჩნდა. ადგილზე ძლიერი დაკვამლიანებაა. როგორც თვითმხილველები ამბობენ, მეორე სართულიდან მაშველებმა ერთი ადამიანი გამოიყვანეს. ადგილზე სახანძრო სამსახური და საპატრულო პოლიციაა მობილიზებული. შემთხვევის დროს ბარი დაკეტილი იყო. სხვა დამატებითი დეტალები ჯერჯერობით უცნობია.

მეტი...

წყალტუბოში, ოთხი დღეა, 83 წლის ქავაჯო გაზდელიანს ეძებენ. ქალი 19 დეკემბერს, სოფელ ჩუნედან დაიკარგა. ახლობლების ინფორმაციით, ის შუადღის საათებში სახლიდან გავიდა და მას შემდეგ აღარ გამოჩენილა. სამძებრო სამუშაოებში ჩართულია პოლიცია და სამაშველო სამსახური. ,,სოფელ ჩუნეში დაიკარგა ქავაჯო გაზდელიანი… იქნებ ვინმემ ნახოთ მეგობრებო ან ვინმემ შეიფარა…ძალიან გთხოვთ თუ ვინმეს რაიმე სახის ინფორმაცია გაქვთ შეგვეხმიანეთ 598 15 05 07”, – წერს ოჯახის ახლობელი.

მეტი...

გორში, სტალინის გამზირზე მდებარე მაღაზია “დეილიში” ერთი პირი შეიჭრა და თანხას ითხოვდა. ინფორმაციას რეგიონული გამოცემა Qartli.ge ავრცელებს. შინაგან საქმეთა სამინისტროს თქმით, მომხდარზე გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას გულისხმობს.

მეტი...

ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ52 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია. ინფორმაციას საავტომობილო გზების დეპარტამენტი ავრცელებს. უწყების თქმით, საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

მეტი...

ახმეტის ჰოსპიტალში საკეისრო კვეთის შემდეგ, ახალგაზრდა ქალი გარდაიცვალა. კლინიკაში განმარტავენ, რომ გარდაცვალების მიზეზი თრომბოემბოლია გახდა. ექიმების ინფორმაციით, საკეისრო კვეთის შემდეგ პაციენტი თავს კარგად გრძნობდა, თუმცა დაავადება მოულოდნელად განვითარდა. ქალი რეანიმაციულ განყოფილებაში გადაიყვანეს, მაგრამ მდგომარეობის სიმძიმიდან გამომდინარე, მისი გადარჩენა ვერ მოხერხდა. თავს კარგად გრძნობს ჩვილი, რომელიც მედიკოსების თქმით, უკვე სახლშია გაწერილი. გარდაცვლილ ქალს სამი მცირეწლოვანი შვილი დარჩა.

მეტი...

თოვის და ლიპყინულის გამო, საერთაშორისო მნიშვნელობის (ს-3) მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. ინფორმაციას საავტომობილო გზების დეპარტამენტი ავრცელებს. ,,გარემოს ეროვნული სააგენტოს ცნობით, გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით”, – წერს დეპარტამენტი აღნიშნული რეჟიმით მოძრაობა განხორციელდება საპატრულო პოლიციის ზედამხედველობით.

მეტი...

ავსტრიაში დანაშაულებრივი დაჯგუფების წევრები დააკავეს. დაკავებულები არიან საქართველოს ორი და უკრაინის ერთი მოქალაქე. გავრცელებული ინფორმაციით, დაჯგუფის წევრებმა 2022 წლის დეკემბერში ფორარლბერგში, ტიროლსა და კარინტიაში 62 ბინა გაქურდეს და წაიღეს სხვადასხვა ნივთები. მათ შორის, ელექტროტექნიკა და ტანსაცმელი. ისინი საკეტებს აზიანდებდნენ და ბინებში ისე შედიოდნენ. პროკურატურის ცნობით, სამივე პირი ევროპის სხვადასხვა ქვეყანაში დააკავეს, ერთი ქართველი კი ამ დრომდე მიმალვაშია. ჩხრეკა ჩატარდა საქართველოშიც, ბრალდებულების სახლში და ამოღებულია ავსტრიაში მოპარული ნივთები. დაკავებულების სასამართლო პროცესები იანვრიდან დაიწყება.

მეტი...

საახალწლო ღონისძიების მოსამზადებელი სამუშაოებისა და ღონისძიების მიმდინარეობის პერიოდში, 23 დეკემბრის 07:00 საათიდან, 2024 წლის 4 იანვრის 23:00 საათამდე, რუსთაველის გამზირიდან პირველი რესპუბლიკის მოედანზე შემავალ გზებზე მოძრაობა ცალმხრივად შეიზღუდება. ინფორმაციას თბილისის მერია ავრცელებს. მათივე ცნობით, მტკვრის მარჯვენა სანაპიროდან მ. ჯავახიშვილის ქუჩაზე: ამომსვლელი სატრანსპორტო საშუალებებისთვის გადაადგილება შეიზღუდება მარჯვენა მოხვევით, რესპუბლიკის მოედნისკენ. შესაბამისად, ავტომობილებს გადაადგილება შეეძლებათ მხოლოდ კოსტავას ქუჩის მიმართულებით. 31 დეკემბრის 09:00 საათიდან ღონისძიების დასრულებამდე (2024 წლის 1-ელ იანვრამდე), ავტომობილების გადაადგილება შეიზღუდება ორმხრივად, რესპუბლიკის მოედანსა და რუსთაველის გამზირზე. კერძოდ, ავტომობილთა გადაადგილება ორმხრივად შეიზღუდება რუსთაველის გამზირისა და პირველი რესპუბლიკის მოედნის კვეთიდან პირველი რესპუბლიკის მოედნისა და მერაბ კოსტავას…

მეტი...

სურსათის ეროვნული სააგენტო მოსახლეობას მოუწოდებს, რომ არ შეიძინონ ხორცი ისეთ ადგილებში, სადაც არ არის დაცული მისი შენახვის პირობები. ,,ხორცი უნდა ინახებოდეს დახურულ მაცივარში, შესაბამისი ტემპერატურული რეჟიმის დაცვით (2-დან 6 გრადუსამდე); ეტიკეტი განთავსებული უნდა იყოს თვალსაჩინო ადგილას; ეტიკეტზე დატანილი უნდა იყოს დეტალური ინფორმაცია ხორცის წარმომავლობისა და სარეალიზაციო ვადების შესახებ. ვეტერინარული ზედამხედველობის გარეშე დაკლული და რეალიზებული ხორცისა და ცხოველური წარმოშობის სურსათის (რძე და რძის პროდუქტები, თევზი და თევზპროდუტები) გამოყენებით, ადამიანის დაავადების რისკი მაღალია. ადამიანს შეიძლება გადაედოს სიცოცხლისა და ჯანმრთელობისათვის საშიში დაავადებები,” – ნათქვამია განცხადებაში.

მეტი...