დღე: დეკემბერი 24, 2023

26 დეკემბრის დღის მეორე ნახევრამდე საქართველოში რთული მეტეოროლოგიური პირობები შენარჩუნდება. გარემოს ეროვნული სააგენტო წერს, რომ ცალკეულ რეგიონებში მოსალოდნელია ძლიერი თოვა, ძლიერი ქარი, ნისლი, ქარბუქი, საავტომობილო გზებზე ლიპყინული, ელექტროგადამცემ ხაზებზე შემოყინულობა; მაღალმთიან რეგიონებში ზვავსაშიშროება, ზღვაზე ძლიერი, 6 ბალამდე შტორმი. მათივე ცნობით, საავტომობილო გზების ცალკეულ მონაკვეთებზე დიდთოვლობის, ლიპყინულის, ხილვადობის გაუარესების, ქარბუქისა და ზვავსაშიშროების გამო შესაძლებელია შეიზღუდოს ტრანსპორტის მოძრაობა. მოსალოდნელმა ძლიერმა ნალექებმა შესაძლებელია გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

მეტი...

გვინდა, გამოვეხმაუროთ ე.წ. კრიტიკული მედიის მიერ გავრცელებულ ინფორმაციას, თითქოს, ნინოშვილის ქუჩა N21-ში, ძლიერი ქარის გამო დაზიანებული სახურავის შედეგად ღია ცის ქვეშ დარჩენილი მცხოვრებლების ბედი ამ დრომდე არ მოუკითხავს ჩუღურეთის რაიონის გამგეობას. სრული პასუხისმგებლობით ვაცხადებთ, რომ ეს არის დეზინფორმაცია და ტყუილი, რაც ემსახურება თბილისის მუნიციპალიტეტის დისკრედიტაციას. გუშინ საღამოს, ძლიერმა ქარმა, ნინოშვილის N21-ში საცხოვრებელ სახლს გადახადა სახურავი – დაახლოებით, 70-80 კვ.მ ფართობზე. შეტყობინების მიღებისთანავე, ჩუღურეთის რაიონის გამგებელი, მოადგილეები და გამგეობის თანამშრომლები მივიდნენ ადგილზე, შეხვდნენ და ესაუბრნენ მოსახლეობას, დაიგეგმა გადაუდებელი სამუშაოები. ცუდი ამინდისა და დაბალი ხილვადობის გამო, გუშინ ღამით ვერ მოხერხდა სახურავის მოხსნა.…

მეტი...

პოლონეთში 7 000 დოლარის ქურდობისა და ქრთამის შეთავაზების ბრალდებით საქართველოს მოქალაქე დააკავეს. 43 წლის ქართველმა ოჩოთას მერიასთან, თანხა ავტოსაგზაო შემთხვევის შედეგად დაზიანებული მანქანიდან ამოიღო. ,,ავტოსაგზაო შემთხვევის შემდეგ, “მერსედესის” მძღოლმა ყურადღება მოადუნა, მანქანა არ ჩაკეტა და ამით მაშინვე ისარგებლა 43 წლის გამვლელმა. მამაკაცმა უკანა კარი გააღო, დაიხარა და რამდენიმე წამის შემდეგ ჯიბეში რაღაც ჩაიდო, ამის შემდეგ სწრაფადვე შეეცადა ადგილიდან მიმალვას”, – ნათქვამია პოლონეთის პოლიციის მიერ გავრცელებულ ინფორმაციაში. სამართალდამცველებმა ფაქტი შენიშნეს და კაცი მალევე დააკავეს, რის შემდეგაც მან უკვე პოლიციელების მოქრთამვა სცადა და პოლიციელს ნაქურდალი თანხა შესთავაზა, რითაც ახალი დანაშაული ჩაიდინა. საქართველოს…

მეტი...

ქარბუქისა და თოვის გამო, საერთაშორისო მნიშვნელობის ახალციხე-ნინოწმინდის საავტომობილო გზის კმ90-კმ112 მონაკვეთზე აკრძალულია ყველა სახის ავტოტრანსპორტის მოძრაობა. საავტომობილო გზების დეპარტამენტის ცნობით, გზის დანარჩენ მონაკვეთში ავტოტრანსპორტის მოძრაობა თავისუფალია. გზების დეპარტამენტი ასევე აცხადებს, რომ ჩატარებული გაწმენდითი სამუშაოების შედეგად, საერთაშორისო მნიშვნელობის ხაშური-ახალციხე-ვალეს საავტომობილო გზაზე ავტოტრანსპორტის მოძრაობა აღდგენილია.

მეტი...

რუსთავში რამდენიმე ბინა გაქურდეს. ბინები ქალაქის სხვადასხვა მისამართებზე 3 ადამიანისგან შემდგარმა ჯგუფმა გაქურდა. ინფორმაციას “ინფო რუსთავი” ავრცელებს. ბრალდებულები დაკეტილ ბინებში სხვადასხვა საშუალებებით აღწევდნენ და უმოკლეს ვადაში გაჰქონდათ საყოფაცხოვრებო ტექნიკა, ძვირფასეულობა და თანხა. მომხდარზე გამოძიება მიმდინარეობს. ჩატარებული ოპერატიული სამუშაოების შედეგად, სამართალდამცავებმა ბრალდებულები დააკავეს.

მეტი...

წალენჯიხის მუნიციპალიტეტის სოფელ ობუჯსა და მიქავაში ძლიერმა ქარმა საცხოვრებელი სახლები და ელექტროსადენები დააზიანა, წაქცეულია ხეები. ინფორმაციასა და ფოტომასალას წალენჯიხის მერის მოადგილე, თამარ ბელქანია, სოციალურ ქსელში ავრცელებს. მისივე თქმით, ადგილზე მობილიზებულია სამაშველო სამსახური.

მეტი...

ბათუმში ერთმანეთს მსუბუქი ავტომობილი და ავტობუსი შეეჯახნენ. შემთხვევა გორგილაძისა და სელიმ ხიმშიაშვილის ქუჩების გზაჯვარედინზე მოხდა. ინფორმაციას TV25 ავრცელებს. შეჯახების მიზეზი, სავარაუდოდ, მსუბუქი მანქანის მიერ საგზაო წესების დარღვევა გახდა. არსებული ინფორმაციით, ის მოძრაობის ნებადართული მიმართულების საპირისპიროდ გადაადგილდებოდა. შემთხვევის შედეგად არავინ დაშავებულა. ადგილზე მობილიზებულია პოლიცია.

მეტი...

ძლიერმა ქარმა თბილისში, ნინოშვილის 21 ნომერში, საცხოვრებელ სახლს სახურავი გადახადა. არსებული ინფორმაციით, შემთხვევის დროს სახლში ოჯახის რამდენიმე წევრი იმყოფებოდა, თუმცა სახურავის ჩამონგრევისას მათ ეზოში გასვლა მოასწრეს და არავინ დაშავებულა.

მეტი...

26 დეკემბრამდე საქართველოში მეტეოროლოგიური პირობების გართულებაა მოსალოდნელი. კერძოდ: წვიმა – ზოგან ძლიერი, ასევე, ძლიერი ქარი, მთაში და მაღალმთაში ძლიერი თოვა, ნისლი, ქარბუქი და ზვავსაშიშროება, ზღვაზე შესაძლებელია ძლიერი, 6 ბალამდე შტორმი. ინფორმაციას გარემოს ეროვნული სააგენტო ავრცელებს. საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის, და ზვავსაშიშროების გამო შესაძლებელია შეიზღუდოს ტრანსპორტის მოძრაობა. მოსალოდნელმა ძლიერმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესები ჩასასახვა-გააქტიურება გამოიწვიოს.

მეტი...

ბათუმში ძლიერმა ქარმა საცხოვრებელ კორპუსებს სახურავები გადახადა, მოგლიჯა მრავალწლოვანი ხეები და მუნიციპალური ავტობუსის გაჩერებები. დაზიანდა რამდენიმე მსუბუქი ავტომანქანა, ელექტროგადამცემი და გარეგანათების ბოძები, ინფრასტრუქტურა. ბათუმის მერიის თქმით, ქალაქში სალიკვიდაციო ღონისძიებები მიმდინარეობს და მერიის სამსახურები საგანგებო რეჟიმში მუშაობენ.

მეტი...

ბათუმში, შოთა რუსთაველის სახელობის სახელმწიფო უნივერსიტეტს ქარმა სახურავი ახადა. არსებული ინფორმაციით, დაზიანდა ავტობუსის გაჩერებაც. ცნობისთვის, ბათუმში ძლიერმა ქარმა პრობლემები შექმნა და სახურავები ახადა საცხოვრებელ კორპუსებსაც, მოგლიჯა მრავალწლოვანი ხეები. სტიქიის შედეგად დაზიანდა რამდენიმე მსუბუქი ავტომანქანა, ელექტროგადამცემი, გარეგანათების ბოძები და ინფრასტრუქტურა.

მეტი...

ძლიერი ქარის შედეგად შექმნილი პრობლემების გამო, ბათუმი-თბილისის მიმართულებით მატარებლის მოძრაობა შეფერხდა. როგორც საქართველოს რკინიგზა ამბობს, დასავლეთში არსებული ძლიერი ქარის გამო, მახინჯაურში ხე წაიქცა და საკონტაქტო ქსელი დააზიანა. მიმდინარეობს ლიანდაგის გაწმენდითი სამუშაოები და დაახლოებით 12 საათისთვის მოძრაობა სრულად განახლდება. “ძვირფასო მგზავრებო! დასავლეთში არსებული ძლიერი ქარის გამო, მახინჯაურში ხე წაიქცა და დააზიანა საკონტაქტო ქსელი. საქართველოს რკინიგზის თანამშრომლები მთელი ღამე მუშაობდნენ. ლიანდაგის გაწმენდითი სამუშაოების დასრულება რამდენიმე საათში იგეგმება. მომხდარის გამო შეყოვნება აქვს რამდენიმე რეისს, თუმცა მოძრაობა სრულად დაახლოებით 12 საათისთვის განახლდება. აქვე აღსანიშნავია, რომ სურვილის შემთხვევაში მგზავრებს ბილეთების დაბრუნება შეუძლიათ, საქართველოს რკინიგზა მათ…

მეტი...