დღე: დეკემბერი 16, 2023

დათო გორგილაძის გადაცემის საზოგადოებრივი მაუწყებლის ეთერში დაბრუნებას მოქალაქეები პეტიციით ითხოვენ. საქართველოს საზოგადოებრივი მაუწყებლის გენერალური დირექტორის, თინათინ ბერძენიშვილისადმი მიმართულ პეტიციაში წერია, რომ დავით გორგილაძის გადაცემა “გორგილაძის აუტანელი სიმსუბუქე” მოულოდნელად და არამოტივირებულად დაიხურა. „არხის ერთ-ერთი ყველაზე წარმატებული პროექტი თავისუფალი იყო პოლიტიკური გავლენებისგან და საზოგადოების განათლებას ისახავდა მიზნად. მისი არჩევნებამდე 1 წლით ადრე დახურვა გამოხატვის თავისუფლების შეზღუდვად და ცენზურად შეიძლება იქნას წაკითხული“, – ვკითხულობთ პეტიციაში. 15 დეკემბერს ცნობილი გახდა, რომ მომავალი წლიდან არხის ეთერში აღარ გავა “გორგილაძის აუტანელი სიმსუბუქე”.

მეტი...

„საახალწლო სოფელმა“ დღეს უკვე პირველ სტუმრებს უმასპინძლა. სოფელში მიმდინარე ღონისძიებებსა და განახლებულ საახალწლო დეკორაციებს დედაქალაქის მერი კახა კალაძე გაეცნო. „ჯადოსნური და ულამაზესია ჩვენი დედაქალაქი. ხედავთ, როგორ არის მორთული საახალწლოდ. უკვე ავანთეთ ქვეყნის მთავარი ნაძვის ხე და ჩავიფიქრეთ სურვილები. 7 იანვრის ჩათვლით ორბელიანის მოედანზე და დედაენის ბაღში გაიმართება სხვადასხვა სახის ღონისძიებები. გარდა ამისა, აქ არის განთავსებული ყინულის საციგურაო მოედანი, რომლითაც ბევრი ადამიანი სარგებლობს. ხუთასამდე მეწარმე და მათი პროდუქციაა წარმოდგენილი „საახალწლო სოფელში“. მობრძანდით, მეგობრებო. მერწმუნეთ, სასიამოვნო დღეები გელით“, – განაცხადა კახა კალაძემ. „საახალწლო სოფელში“ მთელი დღის განმავლობაში მიმდინარეობდა შოუები, პერფორმანსები და სხვა…

მეტი...

17 დეკემბერს (ძვ.სტ. 4დეკემბერს) მართლმადიდებელი ეკლესია წმინდა დიდმოწამე ბარბარეს ხსენებას აღნიშნავს. orthodoxy.ge აქვეყნებს ლოცვას, რომელიც მორწმუნე მრევლმა ამ დღეს უნდა წაიკითხოს. ტროპარი: ქალწულებითა განშვენებულო და წამებითა გაბრწყინვებულო, სასწაულთა მოქმედო, სენთა და ბუგრთა მკურნალო, დიდო ქალწულმოწამეო ბარბარე, მეოხ გვეყავ ჩუენ ცოდვილთა. სხვა ტროპარი: ბარბარესა წმიდასა პატივს-ვსცემდეთ, რამეთუ მტერისა საფრხენი შემუსრნა, და ვითარცა სირი განერა მახისაგან შეწევნითა და საჭურველითა პატიოსნისა ჯუარისათა. კონდაკი: სამებასა წმიდასა სარწმუნოებით თაყვანის-ეც და შეუდეგ შენ მსგავსად ბრძანებისა მისისა პატიოსანო მოწამეო, და კერპთა საზორველი დაამხვენ, და შორის მათსა იღვაწე წმიდაო ბარბარე, მძლავრთა სიცბილნი და შინებანი შეურაცხ-ჰყუენ, და ხმა მაღლად…

მეტი...

საბურთალოს რაიონში, ადამ მიცკევიჩის ქუჩაზე, 18 დეკემბრიდან საავტომობილო მოძრაობა სრულად აღდგება. ინფორმაციას თბილისის მერია ავრცელებს. ,,ამ ეტაპისათვის, 7800 კვ. მ გზის სავალ ნაწილზე სრულდება ასფალტის საფარის დაგება და გარე განათების ახალი ქსელის მოწყობა. გარდა ამისა, აქტიურ რეჟიმში მიმდინარეობს მთლიანად ტერიტორიის მოწესრიგების სამუშაოები, რომლის ფართობი ჯამში 19 800 კვადრატული მეტრია”, – წერია განცხადებაში. ქუჩაზე მოეწყო ტროტუარები, პანდუსები და სანიაღვრე ქსელი; მიწისქვეშა კაბელ-არხებში განთავსდა საჰაერო ელექტროსადენები და სრულად მოწესრიგდა ბუნებრივი აირის დაზიანებული მიწისქვეშა ქსელი. პროექტისათვის ბიუჯეტიდან 2 000 000 ლარი გამოიყო.

მეტი...

შინაგან საქმეთა სამინისტროს ავტორობით მომზადებული საკანონმდებლო ცვლილებათა პაკეტი, რომლითაც ცვლილება შედის საქართველოს ადმინისტრაციულ სამართალდარღვევათა კოდექსსა და „საგზაო მოძრაობის შესახებ“ საქართველოს კანონში, საქართველოს პარლამენტმა მესამე მოსმენით, 82 ხმით დაამტკიცა. ცვლილებების თანახმად, პირველი დეკემბრიდან პირველ მარტამდე პერიოდში, საქართველოს მთავრობის მიერ განსაზღვრულ ზონებში/გზის მონაკვეთებზე გადაადგილებისას სავალდებულო იქნება სატრანსპორტო საშუალების ზამთრის საბურავებით აღჭურვა. ამასთან, განსაკუთრებულ შემთხვევაში, მეტეოროლოგიური პირობების გათვალისწინებით, შესაძლოა დადგინდეს ზემოაღნიშნული პერიოდისგან განსხვავებული დროის მონაკვეთი ან დაწესდეს დამატებითი მოთხოვნა, სატრანსპორტო საშუალების ზამთრის საბურავებთან ერთად მოცურების საწინააღმდეგო ჯაჭვებით აღჭურვის შესახებ. სანქციად წესდება ჯარიმა 100 ლარის ოდენობით და მართვის მოწმობაზე მინიჭებული ქულები 5 ქულით შემცირება.…

მეტი...

რუსთავში, თავისუფლების მოედანზე, დღეს ქალაქის მთავარი ნაძვის ხეს აანთებენ. საახალწლო ილუმინაციებით განათდება საშობაო ქალაქი, ყველა ცენტრალური გამზირი, ქუჩა, ასევე სკვერები და პარკები. საზეიმო ღონისძიება, ქალაქის მთავარ მოედანზე 20:00 საათზე დაიწყება. დღესასწაულის მთავარი თემა კვლავ რუსთავის ისტორიის გაცოცხლებაა, მთავარ ნაძვის ხეს რუსთავში წელსაც უფლისწული აანთებს. „რუსთავში, დღეს მთავარ მოედანზე ავანთებთ ნაძვის ხეს. სამზადისი, რომელშიც მთელი მერიის გუნდი ვიყავით ჩართული, უკვე დასასრულს უახლოვდება. ყველას ვიწვევ ოჯახებთან ერთად, რადგან დღეს ძალიან ლამაზი და სასიამოვნო საღამო იქნება. სადღესასწაულო გარემო, მთავარ ნაძვის ხესთან, 7 იანვრის ჩათვლით იქნება. გაიმართება საშობაო ბაზრობა, საბავშვო-გასართობი ღონისძიებები და კონცერტები, იმისთვის,…

მეტი...

შპს „თბილისი ენერჯის“ არასაყოფაცხოვრებო მომხმარებლებისთვის, 2024 წლის 1 იანვრიდან ბუნებრივი გაზის ღირებულება იზრდება. ამის შესახებ განცხადებას კომპანია ავრცელებს. მომწოდებლების მიერ, შესასყიდი ბუნებრივი გაზის ფასის გაზრდის გამო, კომპანია იძულებულია არასაყოფაცხოვრებო ტარიფი დააკორექტიროს. გამომდინარე აქედან, 2024 წლის 1-ელი იანვრიდან შპს „თბილისი ენერჯის“ არასაყოფაცხოვრებო მომხმარებლებისთვის მისაწოდებელი ბუნებრივი გაზის ფასი ერთ კუბურ მეტრზე 1.24 (ერთი ლარი და 24 თეთრი)ლარის ნაცვლად განისაზღვრება 1.29 (ერთი ლარი და 29თეთრი) ლარით, დამატებული ღირებულების გადასახადის ჩათვლით. ,,აქვე გვინდა აღვნიშნოთ, რომ ბუნებრივი გაზის ფასი არ იცვლება საყოფაცხოვრებო მომხმარებლებისთვის და ტარიფი კვლავ 0.539708 ლარი იქნება ერთ კუბურ მეტრზე”, – ნათქვამია განცხადებაში.

მეტი...

მცხეთა-მთიანეთის რეგიონში, სოფელ ციგრიანის მახლობლად, ახალი საოკუპაციო ბანერი გაჩნდა. ინფორმაციას ანტისაოკუპაციო მოძრაობის დამფუძნებელი, დავით ქაცარავა ავრცელებს. ,,სოფელ თამარიანის მაცხოვრებლები გვიყვებიან, რომ ამ ბოლო დროს, მათი სოფლის თავზე მდებარე ოკუპირებულ ქედზე, ღამღამობით მძიმე ტექნიკის ძრავების ბღუილი ისმის და დაძინების საშუალებას არ აძლევს. სამწუხაროდ, ეს რეგიონიც შეტოვებულია რუსებთან ერთი-ერთზე, მოსახლეობის უსაფრთხოების ზომები, ნულოვანია”, – წერს ქაცარავა.

მეტი...

დროებით ოკუპირებულ აფხაზეთში მოკლული საქართველოს მოქალაქე, თემურ (ვიტალი) კარბაია დღეს გალის სოფელ წარჩეში დაკრძალეს. ინფორმაციას ,,მოძრაობა – აფხაზეთისთვის” ავრცელებს. მათი ინფორმაციით, ცხედარს გუშინ ექსპერტიზა ჩაუტარდა, რომელიც ამტკიცებს, რომ კაცი ცემის შედეგად მიყენებული დაზიანებებით დაიღუპა. ,,დღეს აფხაზეთში, გალში – სოფელ წარᲩეᲨი მიწას მიაბარეს ე.წ. მილიციელების – ზარაქუა, კვეკვესქირი და აბშილავას მიერ ცემით მოკლულ ვიტალი კარბაია. ჩვენი ინფორმაციით გუშინ საღამოს გალის რაიონის ხელმძღვანელის მიერ იყო მოთხოვნა, ჩატარებულიყო ექსპერტიზა, რომელიც ჩაუტარდა. ექსპერტიზამ დაამტკიცა ცემის შემდგომ მიყენებული დაზიანების შედეგად გარდაცვალება”, – წერს მოძრაობა.

მეტი...

,,კანდიდატის სტატუსის მიღებით გვეხსნება ახალი შესაძლებლობები ქვეყნის შიგნით პოლიტიკური სტაბილურობისა და საერთაშორისო ურთიერთობებში სტატუსის ამაღლებისა”, – ამის შესახებ საქართველოს პატრიარქის, ილია მეორის მიმართვაშია საუბარი, რომელსაც საქართველო საპატრიარქო ავრცელებს. ,,დღეს გამორჩეული დღეა, რადგან ევროკავშირის წევრობის კანდიდატის სტატუსის მიღებით გვეხსნება ახალი შესაძლებლობები ქვეყნის შიგნით პოლიტიკური სტაბილურობისა და საერთაშორისო ურთიერთობებში სტატუსის ამაღლებისა; ასევე, კულტურული, მეცნიერული, ტექნიკური და ეკონომიკური წინსვლისა. ვიმედოვნებთ, რომ ეს კავშირი ურთიერთგამამდიდრებელი იქნება და ჩვენი ქვეყნის ქრისტიანული ტრადიციების და სულიერი ფასეულობების განმტკიცებასაც შეუწყობს ხელს. კანდიდატის სტატუსის მიღებაში ჩვენი ამჟამინდელი ხელისუფლების დიდი ძალისხმევა, ჩვენი ხალხის მონდომება და მრავალი ადამიანის შრომაა ჩადებული; ამ…

მეტი...

ოზურგეთის მუნიციპალიტეტის სოფელ მერიაში ძაღლის მიერ დაკბენილი ერთ-ერთი მცირეწლოვანი, თბილისში გადაჰყავთ. დაშავებული მცირეწლოვანი რეანომობილით ჯერ ქუთაისში გადაიყვანეს, თუმცა მძიმე მდგომარეობის გამო, მას ოპერაცია დღეს თბილისში, იაშვილის კლინიკაში ჩაუტარდება. არსებული ინფორმაციით, დაკბენილები არიან 5 წლის და 2,7 წლის ძმები. განსაკუთრებით მძიმეა უმცროსის მდგომარეობა. მას დაზიანებები თავის არეში აქვს მიყენებული.

მეტი...

17 დეკემბრის დილიდან 18 დეკემბრის დილამდე დასავლეთ საქართველოში მოსალოდნელია წვიმა, ზოგან ძლიერი, მთიან ზონებში ძლიერი თოვა და ქარბუქი, ზღვაზე 4-5 ბალიანი შტორმი. ინფორმაციას გარემოს ეროვნული სააგენტო ავრცელებს. ქვეყნის ტერიტორიის უმეტეს ნაწილზე მოსალოდნელია დასავლეთის მიმართულების ძლიერი ქარი, დედაქალაქის გარეუბნებში დღის მეორე ნახევრიდან შესაძლებელია ქარის გაძლიერება 28 – 30 მ/წმ-დე. მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ქვეყნის მთიან ზონებში ზვავების ფორმირება გამოიწვიოს. მთიან რეგიონებში მოსალოდნელი დიდთოვლობის, ზვავსაშიშროების და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.

მეტი...

პოლონეთში დააკავეს 26 წლის ქართველი, რომელმაც ნასვამ მდგომარეობაში საგზაო წესები დაარღვია და ბორდიურს შეეჯახა. შეჯახების შემდეგ მან გაქცევა მოახერხა, თუმცა მალევე დაიჭირეს. ადგილობრივი მედიის ცნობით, თავდაპირველად მან ალკოტესტზე უარი თქვა, თუმცა საავადმყოფოში გადაყვანის შემდეგ დადგინდა, რომ ახალგაზრდა ავტომობილს ნასვამ მდგომაროება მართავდა. მას 3 წლამდე თავისუფლების აღკვეთა და მართვის უფლების ჩამორთმევა ემუქრება.

მეტი...

ოზურგეთის მუნიციპალიტეტის სოფელ მერიაში ძაღლმა ორი მცირეწლოვანი დაკბინა. ინფორმაციას “გურია ტვ” ავრცელებს. არსებული ინფორმაციით, დაკბენილები არიან 5 წლის და 2,7 წლის ძმები. განსაკუთრებით მძიმეა უმცროსის მდგომარეობა. მას დაზიანებები თავის არეში აქვს მიყენებული. ის რეანომობილით ქუთაისში გადაიყვანეს.

მეტი...