დღე: დეკემბერი 21, 2023

უკრაინის შეიარაღებული ძალების ინფორმაციით, უკრაინელი სამხედროები ბელარუსის საზღვარზე თავდაცვით ბარიერებს აშენებენ. საინჟინრო ტექნიკის გამოყენებით თხრიან თხრილებს. თითოეული პოზიციის წინ დგას ტანკსაწინააღმდეგო ბარიერები, მავთულხლართები, ტანკსაწინააღმდეგო თხრილები. სამუშაოებში ჩართული არიან ადგილობრივი მოსახლეობა და მოხალისეები ტერიტორიული თემებიდან. ,,ჩვენ გვესმის, რომ ჩვენი ჩრდილოეთ საზღვარი მაქსიმალურად უნდა გაძლიერდეს. ახლა ამ მხარეში ვითარება სტაბილურია და კონტროლის ქვეშაა. ეს გვაძლევს დროს და შესაძლებლობას მივიღოთ დამატებითი  საფორტიფიკაციო ზომები”,- აცხადებს უკრაინის შეიარაღებული ძალების გაერთიანებული ძალების მეთაური გენერალ-ლეიტენანტი სერხიი ნაევი.

უკრაინის ეროვნული უსაფრთხოებისა და თავდაცვის საბჭოს მდივანის, ალექსეი დანილოვის განცხადებით, უკრაინას სავარაუდოდ მალე დასჭირდება ქვეყნის დასაცავად მოქალაქეთა გარკვეული რაოდენობის მობილიზება. მისი თქმით, უკრაინის უმაღლესი მთავარსარდლის შტაბის ბოლო ოთხ სხდომაზე განიხილებოდა გარკვეული რაოდენობის ადამიანის მობილიზიების საკითხი. „ჩვენი ქვეყნის პრეზიდენტი საუბრობს სამართლიანობაზე, რათა ჩვენ არ გვქონდეს ისეთი მოვლენები, როდესაც ერთნი იცავენ ქვეყანას, ხოლო სხვები პლანეტის სხვა წერტილებში იმყოფებიან, ისვენებენ კურორტებზე, მათ შორის ხელისუფლების წარმომადგენლები. მოცემულ შემთხვევაში პრეზიდენტი 100 პროცენტით ითხოვს სამართლიანობას“, – განაცხადა დანილოვმა.  

უკრაინის რადამ მეორე მოსმენით მიიღო  სამედიცინო კანაფის ლეგალიზაციის შესახებ კანონპროექტი. საკანონმდებლო ინიციატივას მხარი დაუჭირა 238-მა დეპუტატმა. დეპუტატ იაროსლავ ჟელეზნიაკის თქმით, კანონპროექტი არეგულირებს კანაფის გამოყენებას მხოლოდ სამედიცინო, სამრეწველო და სამეცნიერო საქმიანობაში, ხოლო მისი გავრცელება რეკრეაციული მოხმარებისთვის კვლავ დანაშაულად რჩება. „სამკურნალო კანაფის შემცველი პრეპარატების მიღება შესაძლებელია მხოლოდ ელექტრონული რეცეპტით. ექიმი ამ რეცეპტს პაციენტის მდგომარეობის შესაბამისად გამოუწერს, როგორც ეს ახლა მორფინის შემთხვევაშია“, – წერს დეპუტატი.

პოლონეთის პრეზიდენტის, ანჯეი დუდას განცხადებით, დონალდ ტუსკის მიერ განხორციელებული სახელმწიფო მედიის რეფორმა ანარქიაა. მისი თქმით, დონალდ ტუსკის მთვარობამ კონსტიტუცია დაარღვია, რადგან მოულოდნელი ქმედებებით საპარლამენტო პროცედურები გამოტოვეს. „ეს უკანონოა, ანარქიაა“, – აცხადებს  ანჯეი დუდა. პოლონეთის კულტურის სამინისტრომ ქვეყნის საზოგადოებრივი ტელევიზია, რადიო და საინფორმაციო სააგენტოს ხელმძღვანელობა დაითხოვა.  

უკრაინა საზღვარგარეთ მცხოვრები მოქალაქეების ჯარში გაწვევას გეგმავს. თავდაცვის მინისტრის, რუსტემ უმეროვის განცხადებით, სხვადასხვა ქვეყნებში მცხოვრები 25-დან 60 წლამდე ასაკის უკრაინელებს, უკრაინის შეიარაღებული ძალების გაწვევის ცენტრებში გამოცხადება მოუწევთ. ისინის, ვინც გაწვევას თავს აარიდებენ, სანქციები დაწესდება.

უკრაინის უსაფრთხოებისა და თავდაცვის საბჭოს მდივანი ოლექსი დანილოვი აცხადებს, რომ უკრაინისა და NATO-ს მიერ იარაღის ერთობლივი წარმოება უკვე მიმდინარეობს. მისი თქმით, დღეს უკრაინა შეესაბამება იმ სტანდარტებს რაც NATO-ში არსებობს. ,,იარაღის ერთობლივი წარმოება NATO-ს ქვეყნებთან ერთად უკვე მიმდინარეობს. სხვა საკითხია, რომ ეს წარმოება მაქსიმალურად უნდა გავზარდოთ, თუმცა ეს ტექნიკური პროცესია, რომელსაც შესაბამისი ინსტიტუტები და ადამიანები ამუშავებენ”, – განაცხადა დანილოვმა.  

პროტესტი მოჰყვა პოლონეთის კულტურის სამინისტროს გადაწყვეტილებას საზოგადოებრივი ტელევიზიის, რადიოსა და საინფორმაციო სააგენტოს Pap-ის ხელმძღვანელობის დათხოვნის შესახებ. საზოგადოებრივი მაუწყებლის შენობაში ყოფილი პრემიერ-მინისტრი მატეუშ მორავიეცკიც მივიდა მხარდასაჭერად. „პოლონეთში კანონის უზენაესობის ნებისმიერი პრინციპის ძალზე უხეში დარღვევა მოხდა. ყველა უნდა იყოს ინფორმირეული ამის შესახებ. ერთი მინისტრი, ერთი გადაწყვეტილებით, ფაქტობრივად, ანადგურებს სამართლებრივ წესრიგს და უგულებელყოფს ორივეს, კანონსა და კონსტიტუციას“, – განაცხადა მორავიეცკიმ.

სხვადასხვა პოლიტიკური პარტიის წარმომადგენლები საარჩევნო ადმინისტრაციის წინააღმდეგ მორიგი შეტევისთვის ამჯერად ვენეციის კომისიის დასკვნას იყენებენ, რომელიც საარჩევნო კანონმდებლობაში შესატან ცვლილებებს უკავშირდება, – ამის შესახებ ცესკო-ს განცხადებაშია აღნიშნული. როგორც განცხადებაშია აღნიშნული, საარჩევნო ადმინისტრაციის წინააღმდეგ მორიგი დისკრედიტაციული კამპანია დაიწყო. „საუბარი ისევ დაიწყო საარჩევნო ადმინისტრაციის ლეგიტიმაციაზე, მაშინ, როდესაც მსგავსი შინაარსის ჩანაწერი დასკვნაში არ არის. ამასთან ერთად, ისინი არ საუბრობენ ვენეციის კომისიის დასკვნაში აღნიშნულ მნიშვნელოვან საკითხზე, როგორიც არის  პარტიების მიერ საარჩევნო ადმინისტრაციაში დანიშნული წევრების გათავისუფლების მკაფიო კრიტერიუმების საჭიროება, რამაც უნდა უზრუნველყოს მათი რეალური დამოუკიდებლობა და მიუკერძოებლობა. სინამდვილეში, ყველა ჩართული მხარისთვის კარგად არის ცნობილი, რომ ცესკო-ს ყველა…

საფრანგეთი ყოველთვის მიესალმება და გააგრძელებს უცხოელების, განსაკუთრებით თავშესაფრის მაძიებლებისა და სტუდენტების მიღებას – ამის შესახებ საფრანგეთის პრეზიდენტმა, ემანუელ მაკრონმა  განაცხადა. მისი თქმით, ახალი საიმიგრაციო კანონი კომპრომისის შედეგი იყო. „გასაგებია, რომ ეს კანონი გარკვეულ ადამიანებს აღელვებს და მე ეს მესმის. თქვენ შეიძლება, ისაუბროთ ღირებულებებზე, მაგრამ ჩვენ აქ ვსაუბრობთ რეალობაზე. კანონი მთავრობის მიერ იყო დაწერილი, მაგრამ ეს არის კომპრომისის შედეგი. ეს არის ის, რაც ხალხს სურდა, როდესაც აგვირჩიეს და მოგვცეს უმრავლესობა. რა არჩევანი გვქონდა. უნდა გვეთქვა, რომ შევწყვეტთ და არალეგალურ მიგრაციასთან ბრძოლა ცუდი იდეაა? – არა. ჩვენ შევქმენით კომიტეტი, რომელიც კომპრომისზე მიდის.…

აშშ-ის პრეზიდენტის, ჯო ბაიდენის განცხადებით, აშშ ცდილობს, ისრაელ-ჰამასს შორის ჰუმანიტარული პაუზისა და მძევლების გათავისუფლების შესახებ შეთანხმებას მიაღწიოს. თუმცა, მისიცე თქმით, ამ ეტაპზე, მოლოდინები არ არსებობს. “ჩვენ ყველაფერს ვაკეთებთ, რომ შედგეს შეთანხმება. ამ ეტაპზე, არავითარი მოლოდინები არ არსებობს, მაგრამ ყველაფერს ვაკეთებთ”, – განაცხადა ბაიდენმა.

გაერთიანებული ერების ორგანიზაციის განცხადებით, ისრაელმა ღაზის სექტორის სამხრეთ ნაწილში მდებარე ყველაზე დიდი ქალაქის, ხან იუნისის დიდი ნაწილის ევაკუაციის ბრძანება გასცა. გაეროს ჰუმანიტარულ საქმეთა კოორდინაციის ოფისის თქმით,  ისრაელმა რუკები გამოაქვეყნა, სადაც  ახალი ტერიტორიებია ნაჩვენები.  ტერიტორია მოიცავს ხან იუნისის ქალაქის დაახლოებით 20 პროცენტს, რომლებიც მონიშნულია ევაკუაციისთვის. მათივე ცნობით, საბრძოლო მოქმედებების დაწყებამდე, აღნიშნულ ტერიტორიაზე 110 000-ზე მეტი ადამიანი ცხოვრობდა.