დღე: დეკემბერი 13, 2023

გადაწყვეტილებების მიღების დროა, მოგიწოდებთ ყველას, მოდით სამიტზე კომპრომისის სულისკვეთებით, კოლექტიური პასუხისმგებლობის გრძნობით, წინ დააყენეთ ევროკავშირის ინტერესები და ღირებულებები, – ამის შესახებ ევროპული საბჭოს პრეზიდენტის, შარლ მიშელის წერილშია ნათქვამი, რომელსაც ის  ევროკავშირის ქვეყნების ლიდერებს, სამიტზე მისაწვევად უგზავნის. მისი თქმით, ევროკავშირი უნდა შეთანხმდეს უკრაინასთან წევრობის შესახებ მოლაპარაკებების დაწყებაზე და მიიღოს მნიშვნელოვანი გადაწყვეტილებები წევრობის სხვა პრეტენდენტებისთვის. ​„2022 წლის 21 თებერვალი ევროპის ისტორიაში გარდამტეხი მომენტი იყო. ჩვენს კონტინენტზე ომის დაწყების შემდეგ ჩვენ მივიღეთ რამდენიმე უპრეცედენტო გადაწყვეტილება უკრაინის მხარდასაჭერად და, პარალელურად, ევროპის სუვერენიტეტის გასაძლიერებლად. 19 თვის შემდეგ ჩვენ კვლავ ვდგავართ თამამი გადაწყვეტილებების მიღების საჭიროების წინაშე.…

“რადიო თავისუფლების” პრაღის ბიუროსთვის მიცემულ ინტერვიუში პრეზიდენტმა სალომე ზურაბიშვილმა განაცხადა, რომ აპირებს საპრეზიდენტო ვადა დაასრულოს და ქვეყანაში პოლიტიკური კონსენსუსი დააბრუნოს. ჟურნალისტის კითხვაზე, თუ საქართველოს ევროპული მომავალი კითხვის ნიშნის ქვეშ დადგებოდა, მიიღებდა თუ არა რაიმე ფორმით საარჩევნო რბოლაში მონაწილეობას, პრეზიდენტი პასუხობს: ,,თუ საქართველოს ევროპული მომავალი კითხვის ნიშნის ქვეშ დადგება, მე განვიხილავ ყველაფერს”, – აცხადებს სალომეზურაბიშვილი.

„ნაცმოძრაობის“ პრეზიდენტთან არცერთ ღონისძიებაზე მისვლას არ ვაპირებთ, მასთან „ნაცმოძრაობის“ კოლექტიური წარმომადგენლები მივლენ, იქ მათი ადგილია და არა – ჩვენი, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, სალომე ზურაბიშვილი არის არა საქართველოს, არამედ „ნაცმოძრაობის“ პრეზიდენტი. „სალომე ზურაბიშვილი „ნაცმოძრაობის“ პრეზიდენტი გახდა. თქვენ იცით, რომ მას აღარ ენდობა საპარლამენტო უმრავლესობა. პარლამენტში 80-მა დეპუტატმა მის იმპიჩმენტს მხარი დაუჭირა, თუმცა მან თანამდებობა „ნაცმოძრაობის“ ხმებით შეინარჩუნა. სინამდვილეში, ის უკვე არის არა საქართველოს, არამედ „ნაცმოძრაობის“ პრეზიდენტი. რა თქმა უნდა, „ნაცმოძრაობის“ პრეზიდენტთან არცერთ ღონისძიებაზე მისვლას არ ვაპირებთ, მასთან „ნაცმოძრაობის“ კოლექტიური წარმომადგენლები მივლენ. იქ მათი…

ჩვენი ერი და ჩემი მთავრობა ელოდება, რომ ევროკავშირის წევრი სახელმწიფოები სტრატეგიულ, მომავალზე ორიენტირებულ გადაწყვეტილებას მიიღებენ, რაც მტკიცედ დააკავშირებს საქართველოს ევროპული დემოკრატიების ოჯახთან, – ამის შესახებ ნათქვამია საქართველოს პრემიერ-მინისტრის, ირაკლი ღარიბაშვილის მიერ ევროკომისიის პრეზიდენტის, ურსულა ფონ დერ ლაიენისთვის გაგზავნილ წერილში. როგორც წერილშია ნათქვამი, კანდიდატის სტატუსის მინიჭება დამატებით იმპულსს მისცემს საქართველოში ხანგრძლივი მშვიდობის დამყარებას. „ქალბატონო პრეზიდენტო, პირადად თქვენ და ევროკომისიას მინდა, მოგახსენოთ უშუალოდ ჩემი და ჩემი მთავრობის უღრმესი მადლობა საქართველოსთვის კანდიდატის სტატუსის მინიჭების შესახებ ბოლოდროინდელი რეკომენდაციისთვის. ეს უდავოდ იყო ევროკავშირსა და საქართველოს შორის ძალიან ძლიერი პარტნიორობის და საქართველოს მოსახლეობის აბსოლუტური მხარდაჭერის შედეგი.…

,,ჩემი მთავრობა სრულად არის მობილიზებული და მტკიცედ აქვს განზრახული გააგრძელოს და კიდევ უფრო დააჩქაროს აუცილებელი რეფორმების განხორციელება ევროკავშირში გაწევრიანების გზაზე,”- ამის შესახებ საქართველოს პრემიერ-მინისტრის, ირაკლი ღარიბაშვილის მიერ, ევროპული საბჭოს პრეზიდენტ შარლ მიშელსთვის გაგზავნილ წერილშია ნათქვამი. როგორც წერილშია აღნიშნული, კანდიდატის სტატუსის მინიჭება დამატებით იმპულსს მისცემს საქართველოში ხანგრძლივი მშვიდობის დამყარებას. ,,მინდა გამოვიყენო ეს შესაძლებლობა და გულწრფელი მადლიერება გამოვხატო საქართველოს ევროპული მისწრაფებებისადმი თქვენი პირადი მხარდაჭერისთვის. 2022 წლის ივნისში საქართველოს ევროპული პერსპექტივის აღიარებამ სრულიად ახალი ფურცელი გადაშალა ევროკავშირთან ჩვენს ურთიერთობაში. ევროკავშირის ლიდერების ზემოხსენებულმა ისტორიულმა გადაწყვეტილებამ მძლავრი გზავნილის სახე მიიღო, რამაც დაადასტურა, რომ საქართველო ევროკავშირის…