დღე: დეკემბერი 22, 2023

„ქართული ოცნება“ პარტიის ყრილობას 30 დეკემბერს გამართავს. ამის შესახებ პარტიაში გამართულ ბრიფინგზე პარტიის თავმჯდომარე ირაკლი კობახიძემ განაცხადა. „გაიმართა პარტიის პოლიტიკური საბჭოს სხდომა, სადაც განხილული იქნა მიმდინარე პოლიტიკური საკითხები. პოლიტსაბჭოს გადაწყვეტილებით, 30 დეკემბერს გაიმართება პარტიის ყრილობა 350-მდე დელეგატის მონაწილეობით. ყრილობაზე სამუშაო რეჟიმში იქნება განხილული საერთო პოლიტიკური და 2024 წლის საპარლამენტო არჩევნებისთვის მომზადებასთან დაკავშირებული საკითხები. გარდა ამისა, პარტიის ყრილობაზე განახლდება პარტიის პოლიტიკური საბჭოს შემადგენლობა, პარტიის წესდებაში განხორციელდება მცირე ცვლილება და პარტიის ყრილობის მიერ პოლიტიკურ საბჭოში აირჩევა 15 წევრი, ნაცვლად მანამდე განსაზღვრული 20 წევრისა. პოლიტსაბჭოს გადაწყვეტილებით, ყრილობას დასამტკიცებლად წარედგინება პოლიტიკური საბჭოს შემდეგი შემადგენლობა…

სუპერ პაკ-ი არის ოპოზიციის და კოლექტიური „ნაციონალური მოძრაობის“ დამარცხების გეგმა და ასეც იქნება, –  ამის შესახებ პარლამენტის ვიცე-სპიკერმა, არჩილ თალაკვაძემ განაცხადა. მისივე თქმით, სააკაშვილს ჩამოართვეს პარტია, გავლენები და ამ გავლენების გადანაწილება მიმდინარეობს პარტიულ ჯგუფებს შიგნით. „მიხეილ სააკაშვილი იცავს იმას, რაც უკვე აღარ არსებობს. მას ჩამოართვეს პარტია, გავლენები და ამ გავლენების გადანაწილება მიმდინარეობს პარტიულ ჯგუფებს შიგნით და გარედან მათი ჩრდილოვანი დამფინანსებლებით. მან დააანონსა გაერთიანების მანიფესტი და მეტად დაშალა კოლექტიური „ნაციონალური მოძრაობა“, ახლა დააანონსა სუპერ-პაკი. ჩვენ გვისვამენ კითხვას, რა არის სუპერ პაკ-ი. სინამდვილეში, სუპერ პაკ-ი არის ოპოზიციის და კოლექტიური „ნაციონალური მოძრაობის“ დამარცხების…

,,ბუნებრივია, რომ სააკაშვილი ციხიდან აქტიურობს, რომ არ აქტიურობდეს ეგ უფრო გასაკვირი იქნებოდა და შეიძლება, ეს საკანი უფრო კომფორტული იყოს, ვიდრე სხვები, მაგრამ მე კარგ საკანს არ დავამადლიდი სააკაშვილს,”- ამის შესახებ „გირჩის“ წევრმა, იაგო ხვიჩიამ განაცხადა. მისი თქმით, ”მიხეილ სააკაშვილთან გამიჯვნაც, მასთან ე.წ. ჩხუბიც და მისი ციხეში გადაყვანის მოთხოვნაც ისეთივე პოლიტიკური ნაბიჯია, როგორც ცოტა ხნის წინ კოალიციების შექმნა „ნაციონალურ მოძრაობასა“ და გახარიას პარტიას შორის”. „არასდროს ვითხოვ, ადამიანი, ვინც ისედაც ციხეში ზის უფრო ცუდ ციხეში გადაიყვანონ. ეს ჩემი ზოგადი პოზიციაა, გინდ სააკაშვილს ეხებოდეს, გინდ სხვას. ამის გარდა, გასაკვირია ერთი მხრივ, გქონდეს კოალიცია…

“რუსეთის მიერ ბიჭვინთის ინფრასტრუქტურის მიტაცების მცდელობა, ოკუპირებული აფხაზეთის ანექსიისკენ გადადგმული მორიგი ნაბიჯია, რომელიც ქართული ოცნების დანაშაულებრივი დუმილის ფონზე მიმდინარეობს,” – ამ შესახებ პარტია “საქართველოსთვის” დამფუძნებელი გიორგი გახარია აცხადებს. მისი თქმით, ქართველებმა და აფხაზებმა ერთად უნდა დავიცვათ ჩვენი მიწა-წყალი და იდენტობა. ,,რუსეთის მიერ ბიჭვინთის ინფრასტრუქტურის მიტაცების მცდელობა, ოკუპირებული აფხაზეთის ანექსიისკენ გადადგმული მორიგი ნაბიჯია, რომელიც ქართული ოცნების დანაშაულებრივი დუმილის ფონზე მიმდინარეობს. ეს ეწინააღმდეგება საერთაშორისო სამართალს, ისევე როგორც ქართველი და აფხაზი ხალხის ინტერესებს. ქართველებმა და აფხაზებმა ერთად უნდა დავიცვათ ჩვენი მიწა-წყალი და იდენტობა,” – წერს გახარია.

საქართველოს პარლამენტის თავმჯდომარე შალვა პაპუაშვილი პრაღაში მომხდარ თავდასხმას ეხმაურება.  შალვა პაპუაშვილი სამძიმარს უცხადებს ჩეხეთის მოსახლეობას და დაღუპულთა ოჯახებს. „პრაღაში მომხდარმა სროლამ ღრმად შეგვძრა. გულწრფელ სამძიმარს ვუცხადებ ჩეხეთის რესპუბლიკის მოსახლეობას და ოჯახებს. დაშავებულებს სწრაფ გამოჯანმრთელებას ვუსურვებ. ამ რთულ პერიოდში ჩვენ ვდგავართ ჩეხეთის გვერდით“, – წერს შალვა პაპუაშვილი.