დღე: დეკემბერი 30, 2023

ლონდონის მახლობლად, ებსფლეტის საერთაშორისო სადგურის გვირაბის დატბორვის გამო, ევროპის რამდენიმე ქალაქის მიმართულებით მატარებლების მიმოსვლა გაუქმდა. ათასობით მგზავრი ლონდონის სენტ-პანკრას საერთაშორისო სადგურზე იმყოფება. არსებული ინფორმაციით, გაუქმებულია პარიზის, ამსტერდამისა და ბრიუსელის რეისები, რაც დაახლოებით 16 000 მგზავრს შეეხო. საერთო ჯამში, ქვეყნის მასშტაბით, შესაძლო წყალდიდობის შესახებ ასზე მეტი გაფრთხილება გამოცხადდა. როდის აღდგება მიმოსვლა, ჯერჯერობით უცნობია.

მეტი...

თურქეთის პოლიციამ ე.წ. “ისლამური სახელმწიფოს” წევრობაში ეჭვმიტანილი 189 პირი დააკავა. სპეცოპერაცია ქვეყნის მასშტაბით 37 ქალაქსა და პროვინციაში ჩატარდა, მათ შორის სტამბოლსა და დედაქალაქ ანკარაში. ერთი დღით ადრე თურქეთმა განაცხადა, რომ ჩაშალა ისლამური სახელმწიფოს ეკლესიებსა და სინაგოგებზე თავდასხმის გეგმები. გუშინ თურქეთის ხელისუფლების წარმომადგენლებმა თქვეს, რომ დააკავეს “ისლამური სახელმწიფოს” წევრობაში ეჭვმიტანილი 32 პირი. ისინი სავარაუდოდ მონაწილეობდნენ ერაყის საელჩოზე თავდასხმის ორგანიზებაში.

მეტი...

30 დეკემბრის მდგომარეობით, რუსული აგრესიის შედეგად უკრაინაში 513 ბავშვი დაიღუპა, დაშავდა 1 1 167-ზე მეტი არასრულწლოვანი. უკრაინის გენერალური პროკურატურის ცნობით, ყველაზე მეტი ბავშვი დაშავდა: დონეცკის რეგიონში – 497, ხარკოვის ოლქში – 304, კიევის ოლქში – 141, ჩერნიგოვის ოლქში – 72, ლუგანსკის ოლქში – 67, ნიკოლაევის ოლქში – 97, ხერსონის ოლქში – 132, ზაპოროჟიეს ოლქში – 99, დნეპროპეტროვსკის ოლქი – 777, ლუგანსკის ოლქში – 67. აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

მეტი...

უკრაინაში, კიევში, 1-ლი იანვარი გლოვის დღედ გამოცხადდა. ინფორმაციას კიევის მერი, ვიტალი კლიჩკო ავრცელებს. ბოლო მონაცემებით, კიევში, შევჩენკოვის რაიონში საწყობის ნანგრევებიდან უკვე 16 გარდაცვლილი ადამიანის ცხედარია ნაპოვნი. ტერიტორიაზე სამძებრო სამუშაოები გრძელდება. შეგახსენებთ, რომ 29 დეკემბერს, რუსეთის უკრაინაზე თავდასხმის შედეგად, სულ მცირე, 30 ადამიანი დაიღუპა, 160 კი დაშავდა. ოკუპანტებმა დაბომბეს კიევი, ხარკოვი, ლვოვი, ზაპოროჟიე, დნიპრო და ოდესა. დაზიანდა საცხოვრებელი კორპუსები, სკოლები, სავაჭრო ცენტრები და საავადმყოფოები.

მეტი...

კიევში, 29 დეკემბერს რუსული სარაკეტო თავდასხმის შედეგად დაღუპულთა რიცხვი 13-მდე გაიზარდა. როგორც კიევის მერი, ვიტალი კლიჩკო ამბობს, იერიშის შედეგად მხოლოდ კიევში დაშავდა 32 ადამიანი.17 მათგანი ამ დრომდე სამედიცინო დაწესებულებებში რჩება. შეგახსენებთ, რომ 29 დეკემბერს, რუსეთის უკრაინაზე თავდასხმის შედეგად, სულ მცირე, 30 ადამიანი დაიღუპა, 160 კი დაშავდა. ოკუპანტებმა დაბომბეს კიევი, ხარკოვი, ლვოვი, ზაპოროჟიე, დნიპრო და ოდესა. დაზიანდა საცხოვრებელი კორპუსები, სკოლები, სავაჭრო ცენტრები და საავადმყოფოები.

მეტი...

უკრაინის მთელ ტერიტორიაზე საჰაერო განგაში გამოცხადდა. განგაში MiG-31K-ის აფრენას უკავშირდება. ინფორმაციას უკრაინის საჰაერო ძალები ავრცელებს. ამ დროისთვის სხვა დამატებითი დეტალები უცნობია. შეგახსენებთ, რომ 29 დეკემბერს, რუსეთმა უკრაინაზე მასშტაბური საჰაერო თავდასხმა განახორციელა. თავდასხმის შედეგად, სულ მცირე, 31 ადამიანი დაიღუპა, 120 კი დაშავდა.

მეტი...

,,ახალი წლის ღამეს საფრანგეთში უსაფრთხოების ზომები გამკაცრდება და ქვეყანაში 90 000 სამართალდამცავი იქნება მობილიზებული”. ამის შესახებ განცხადება შიდა დაზვერვის უფროსმა გააკეთა. საფრანგეთის შინაგან საქმეთა მინისტრი კი აცხადებს, რომ 6 000 ზე მეტი სამართალდამცავი დაიცავს ელისეის სადღესასწაულო ღონისძიებების ტერიტორიას, სადაც მილიონზე მეტი ადამიანი იქნება შეკრებილი. მისივე თქმით, ისრაელსა და პალესტინაში მიმდინარე პროცესების გამო, ძალიან მაღალი ტერორისტული საფრთხე არსებობს.

მეტი...

რუსეთის დღევანდელი მასიური სარაკეტო თავდასხმების შედეგად, უკრაინაში დაღუპულთა რიცხვი 31-მდე გაიზარდა, ხოლო დაშავებულია 120 ადამიანი. ინფორმაციას reuters ავრცელებს. ყველაზე მეტი დაღუპული კიევის შევჩენკოს რაიონშია, სადაც ნანგრევებში 9 ცხედარი იპოვეს, რვა ადამიანი კი გადაარჩინეს. ადგილზე სამძებრო-სამაშველო ოპერაცია გრძელდება. რვა ადამიანია დაღუპული ზაპოროჟიეში, ხოლო დაშავებულია 13. უკრაინის შეიარაღებული ძალების მთავარსარდლის, ვალერი ზალუჟნის ინფორმაციით, ოკუპანტებმა უკრაინის წინააღმდეგ წუხელ და დღეს დილით 158 საჰაერო თავდასხმის იარაღი გამოიყენეს – სხვადასხვა ტიპის რაკეტები და ასევე უპილოტო საფრენი აპარატები. მისივე თქმით, უკრაინელებმა რუსების მიერ გაშვებული 27 დრონი და 87 ფრთოსანი რაკეტა გაანადგურეს.

მეტი...

პოლონეთის საჰაერო სივრცე 29 დეკემბერს რუსულმა რაკეტამ დაარღვია. პოლონეთის შეიარაღებული ძალების გენშტაბის განცხადებით, რაკეტამ პოლონეთის ტერიტორიის სიღრმეში, 40 კილომეტრით შეაღწია და სამი წუთის შემდეგ უკრაინისკენ გადაუხვია. ამ ფაქტთან დაკავშირებით, პოლონეთის საგარეო საქმეთა სამინისტროში რუსეთის დროებით რწმუნებულს საპროტესტო ნოტა გადასცეს. პრესსამსახურის ცნობით, სამინისტროში ანდრეი ორდაშს მინისტრის მოადგილემ, ვლადისლავ ბარტოშევსკიმ იმ მოთხოვნათა სია გადასცა, რომელზეც დიპლომატიური უწყება განმარტებებს ითხოვს. პოლონეთი მოითხოვს ასეთი ქმედებების დაუყოვნებლივ შეწყვეტას.

მეტი...

უკრაინის გენშტაბის ცნობით, გასულ ღამეს რუსმა ოკუპანტებმა უკრაინას “შაჰიდის” ტიპის 10 დრონით შეუტიეს და საჰაერო იერიშები 14 დასახლებაზე მიიტანეს. უკრაინელებმა 5 დრონი ჩამოაგდეს. ,,ღამით რუსმა ოკუპანტებმა კიდევ ერთხელ შეუტიეს უკრაინას “შაჰიდის” ტიპის 10 უპილოტო საფრენი აპარატის გამოყენებით. უკრაინის საჰაერო თავდაცვამ 5 დრონი გაანადგურა”, – ნათქვამია გენშტაბის დილის ანგარიშში. უწყების თქმითვე, ბოლო 24 საათის განმავლობაში მტერთან 56 სამხედრო შეტაკება მოხდა. ოკუპანტებმა უკრაინის ჯარების პოზიციებსა და დასახლებულ პუნქტებზე 150 სარაკეტო და 74 საჰაერო, ასევე 84 იერიში მიიტანეს მრავალჯერადი სარაკეტო სისტემებიდან.

მეტი...

რუსმა ოკუპანტებმა გასულ დღეს დონეცკის ოლქი დაბომბეს, რის შედეგადაც 5 მშვიდობიანი მოქალაქე დაშავდა. უკრაინის გენერალური პროკურატურის ინფორმაციით, რუსები თავს დაესხნენ კრასნოჰორივკას, ავდიივკასა და ტორეცკს. წინასწარი მონაცემებით, ოკუპანტებმა დასახლებული პუნქტები სარაკეტო სისტემებითა და არტილერიით დაბომბეს. უწყების თქმით, მომხდარზე გამოძიება ომის კანონებისა და წესების დარღვევის მუხლით დაიწყო.

მეტი...

,,ჩემი საახალწლო სურვილი ახდა და საქართველო 2024 წელს EU-ს კანდიდატი ქვეყნის სტატუსით ხვდება”, – ამბობს საქართველოში ევროკავშირის ელჩი, პაველ ჰერჩინსკი, ევროკავშირის წარმომადგენლობის მიერ გავრცელებულ საახალწლო ვიდეომიმართვაში. ,,შობა-ახალი წელი ის დროა, როდესაც ბავშვობიდან მოყოლებული, სურვილს ვიფიქრებთ ხოლმე და მის ასრულებას ველოდებით. ჩემი საახალწლო სურვილი ახდა და საქართველო 2024 წელს ევროკავშირის კანდიდატი ქვეყნის სტატუსით ხვდება! ევროკავშირის ელჩად ყოფნის დროს, არ შემხვედრია საქართველოს არცერთი მოქალაქე, ვისაც იგივე სურვილი არ ექნებოდა, ამიტომ, მოდით, შობა-ახალი წელი საქართველოს ამ ისტორიული მიღწევით აღვნიშნოთ. ბედნიერ შობა-ახალ წელს გისურვებთ!”, – განაცხადა ჰერჩინსკი.

მეტი...