დღე: დეკემბერი 29, 2023

დროებით ოკუპირებული ცხინვალის დე ფაქტო პრეზიდენტის, ალან გაგლოევის განცხადებით, ყურადღებით აკვირდებიან საქართველოში არსებულ ვითარებას. პ მისი თქმით, ხედავენ საქართველოში “როგორ აძლიერებენ ჯარს დასავლეთის დახმარებით”. “ქართველ პოლიტიკოსებს მინდა ვურჩიო, არ დაივიწყონ 2008 წლის გაკვეთილები. და ნუ დააბიჯებთ ერთსა და იმავე ფოცხზე”, – განაცხადა გაგლოევმა.

აშშ-ის ყოფილ პრეზიდენტს, დონალტ ტრამპს კოლორადოს შემდეგ, 2024 წლის პრაიმერიზში მონაწილეობა მეინის შტატმაც აუკრძალა. „როიტერის“ ინფორმაციით, მეინის სახელმწიფო მდივანმა, დემოკრატმა შენა ბელოუსმა დაასკვნა, რომ ტრამპმა მოახდინა აჯანყების პროვოცირება, როდესაც მან გაავრცელა ცრუ ინფორმაცია 2020 წლის არჩევნების გაყალბების შესახებ. ტრამპის მოწოდების შემდეგ მისი მხარდამჭერები კაპიტოლიუმში შეიჭრნენ და პროცესის ჩაშლა სცადეს, რომელზეც საპრეზიდენტო არჩევნების შედეგები უნდა დამოწმებულიყო. „აშშ-ს კონსტიტუცია ჩვენი მთავრობის საფუძვლებზე თავდასხმას არ მოითმენს“, – წერს ბელოუსი. ტრამპის ადვოკატების განცხადებით, სწრაფად გააპროტესტებენ „საშინელ“ გადაწყვეტილებას.  

არ არის გამორიცხული,სალომე ზურაბიშვილი საპარლამენტო არჩევნებში ჩაერთოს, პირიქით, ერთ-ერთი მთავარი გეგმა, რაც მუშავდება, ეს არის სალომე ზურაბიშვილის ჩართვა ამ სუბიექტებთან ერთად საპარლამენტო არჩევნებში, – ამის შესახებ „ქართული ოცნების“ თავმჯდომარემ და საპარლამენტო უმრავლესობის ლიდერმა, ირაკლი კობახიძემ „იმედის“ ეთერში განაცხადა. „ამისთვის, აგვისტო-სექტემბერში ის შეიძლება, გადადგეს თანამდებობიდან და პირდაპირ ჩაერთვება არჩევნებში. ბევრს არაფერს კარგავს, ისედაც გადის ვადა წლის ბოლომდე მის უფლებამოსილებას. აქაც ვერ თვლიან – რა მიიღეს გახარიას გადაყენებით? საბოლოო ჯამში ვერაფერი. პირიქით, რესურსიც დაკარგეს. რაც შეეხება სააკაშვილის შეწყალების ბერკეტს, გამომდინარე იქიდან, რომ ყველაფერი იკადრა, შეიძლება ესეც იკადროს“, – აღნიშნა კობახიძემ.