დღე: დეკემბერი 14, 2023

თქვენ ყველა მიხვდით, რომ ახლა არ არის ნახევრად ზომიერების ან ყოყმანის დრო. ევროპამ მიიღო ძლიერი გადაწყვეტილებები და ეფექტურად განახორციელა. მადლობელი ვარ ევროპის ასეთი სიძლიერისთვის, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, ძალიან მნიშვნელოვანია, რომ ევროპა დღეს არ დაბრუნდეს გაურკვევლობაში და არავის სურს, რომ ევროპა არასაიმედო იყოს. ,,წელს ჩვენ შეცდომა არ დაგვიშვია, არც ერთი შეცდომა. ევროპამ ღირსეულად გაიარა ეს წელი. არ იყო არც სიმხდალე, არც გაურკვევლობა. პუტინმა ერთი წლის განმავლობაში ვერ მოიგო. ვერ მოიგო არც უკრაინის წინააღმდეგ ბრძოლებში და არც ევროპელების გაყოფისა და დაკნინების მცდელობებში. წელს მან ყველაფერი…

ნატო-ს გენერალური მდივანი იენს სტოლტენბერგი აცხადებს, რომ თუ უკრაინა დამარცხდება, არსებობს რეალური საფრთხე იმისა, რომ პუტინი სხვა ქვეყნებსაც დაესხას თავს. მისი თქმით, ერთადერთი გზა, რომ დასავლეთმა საბოლოო, გრძელვადიან გადაწყვეტას მიაღწიოს ისაა, რომ  პუტინი დარწმუნდეს უკრაინაში გამარჯვების შეუძლებლობაში. ,,თუ პუტინი გაიმარჯვებს უკრაინაში, რეალური საფრთხეა, რომ აგრესია აქ არ დამთავრდეს. ჩვენი დახმარება ქველმოქმედება არაა. ეს ინვესტიციაა ჩვენივე უსაფრთხოებაში” – განაცხადა  იენს სტოლტენბერგმა.  

„ჩვენ მხარს ვუჭერთ ევროკომისიის შეთავაზებას გაფართოებაზე“,- ასე პასუხობს გერმანიის კანცლერი, ოლაფ შოლცი კითხვაზე,  დაუჭერს თუ არა მხარს საქართველოსთვის კანდიდატის სტატუსის მინიჭებას. როგორც კანცლერმა  ევროკავშირის სამიტის დაწყების წინ განუცხადა, უნდა მიაღწიონ პროგრესს გაწევრიანების პროცესებში. „დაწმუნებული ვარ, ეს არის აუცილებელი დებატები ევროპაში. ჩვენ უნდა მივაღწიოთ პროგრესს გაწევრიანების პროცესებში. გაფართოების მხარდაჭერის გადაწყვეტილება ევროკავშირს უკვე მიღებული აქვს და ახლა ამას განვიხილავთ ბალკანეთის ქვეყნებთან, მოლდოვასთან, უკრაინასა და საქართველოსთან და განსაკუთრებით უკრაინის შემთხვევაში. ჩვენ ვფიქობთ, აუცილებელი ნიშანია, რომ მხარს ვუჭერთ უკრაინელების ქმედებებს, რომლებიც მიმართულია ჩვენს მიერ მოთხოვნილი ყველა ზომის შესრულებისკენ“, – განაცხადა ოლაფ შოლცმა.

ჩვენ ძირითადად მხარს ვუჭერთ ევროკომისიის მიერ ევროპული საბჭოსთვის წარდგენილ წინადადებებს გაფართოების პაკეტთან დაკავშირებით, მათ შორის საქართველოზე, – ამის შესახებ ნიდერლანდების პრემიერ-მინისტრმა მარკ რუტემ განაცხადა. „აქტიურად ვიმუშავებ და ჩემი კოლეგებიც აქტიურად მუშაობენ, რომ კონსენსუსს მივაღწიოთ როგორც გაფართოებასთან დაკავშირებით გადასადგმელ ნაბიჯებზე, ასევე უკრაინისთვის 50 მილიარდის მიცემაზე, რადგან ორივე საკითხი გადამწყვეტი მნიშვნელობისაა. აქამდე ჩვენ ყოველთვის შევძელით, მიგვეღწია ერთსულოვანი გადაწყვეტილებებისთვის, მათ შორის იყო ვიქტორ ორბანიც. ვიმედოვნებ, ამას ახლაც შევძლებთ“, – განაცხადა მარკ რუტემ.  

უკრაინის პრეზიდენტის, ვოლოდიმირ ზელენსკის განცხაქდებით, უნგრეთის პრემიერ-მინისტრს, ვიქტორ ორბანს არგენტინაში შეხვედრისას სთხოვა, დაესახელებინა ერთი მიზეზი, რის გამოც უკრაინა არ იმსახურებს ევროკავშირის წევრობას. ,,ვთხოვე, დამისახელე ერთი მიზეზი მაინც, არა სამი, არა ხუთი, არა ათი, მხოლოდ ერთი მიზეზი და ველოდები პასუხს“, – განაცხადა ზელენსკიმ. მისი თქმით, ეს არ ყოფილა დაგეგმილი შეხვედრა. ,,ვერ ვიტყვი, რომ ეს იყო სპეციალურად ან მიზანმიმართულად დაგეგმილი შეხვედრა. ჩვენ გვქონდა დიალოგი. ეს მართალია. მე ვფიქრობ, რომ ჩვენ უნდა მოვაწყოთ კონსტრუქციული შეხვედრა, რადგან ჩვენ გვაქვს საერთო საზღვრები, ჩვენ მეზობლები ვართ და უნდა ვისაუბროთ. ერთ-ერთი ძალიან მნიშვნელოვანი თემა, რომელიც მე დავსვი,…

,,ჩემმა მეგობრებმა საქართველოდან ნამდვილად ბევრი გააკეთეს რეფორმების შესასრულებლად,”- ამის შესახებ ლიეტუვის პრეზიდენტმა, გიტანას ნაუსედამ ევროკავშირის სამიტის დაწყების წინ განაცხადა. მისი თქმით, ყოველთვის არის საკითხები, რომელთა განხილვაც მომავალში შესაძლებელია. „სხვა ქვეყნებიც ელოდებიან გადაწყვეტილებებს. ჩემმა მეგობრებმა საქართველოდან ნამდვილად ბევრი გააკეთეს რეფორმების შესასრულებლად. დიახ, ყოველთვის არის საკითხები, რომელთა განხილვაც მომავალში შესაძლებელია. თუმცა, ამჟამად ჩვენ გვაქვს პოლიტიკური სიტუაცია, როდესაც ჩვენ უნდა მივიღოთ გადაწყვეტილებები, გადაწყვეტილებები არა მხოლოდ უკრაინასა და მოლოდვასთან დაკავშირებით, არამედ საქართველოსა და ბოსნია-ჰერცეგოვინასთან დაკავშირებით. ჩემთვის კითხვები და პასუხები ძალიან მარტივია. ჩემმა ქვეყანამ ძალიან დიდი სარგებელი მიიღო ევროკავშირისს წევრობისგან – სწრაფი ეკონომიკური განვითარებით, ინოვაციებით, მწვანე ინვრსტიციებით, მშპ-ის…